تجهيزاتكم للاستقبال ........

[الغضى]

ليالي
يعطيج العافية على الموضوع لانا كلنا محتاجينه
بغيت اسألج دومو وين صاير مكانه؟؟

 

[اريج الجوري]

رد : تجهيزاتكم للاستقبال ........

الله يهون على كل حامل ويرزق كل محرومه يارب ,,,


بالنسبه لي بسوي استقبالي بالمستشفى ,,,


شريت مواعين الحلو من مجمع بيروت بحولي ,,,


والحلو من امبرس صحنين كل سحن فيه نوعين حلو وشركة الوطنيه للتجهيزات الغذائيه هم صينيتين وكل صينيه فيها نوعين حلو


و الكب كيك من محل بمجمع الوطنيه اللي بالسالميه هم صحنين ,,,


وماراح اقدم شاي ,,,


اول شي بقدم عصير طازج ولما يطلعون الناس بحط طاوله عليها كل صواني الحلو واهم يختارون اللي يبون مع القهوه طبعا ,,,



ويبت الخدمه من النوبي للمناسبات وخذيت منهم العصير الطازج والقهوه وفلبينه للخدمه لأن المستشفى يقدم خدمه فلبينيه وحده مجانا ,,,


وقلاصات العصير وفناجين القهوه وطاولة تقديم الحلو وصواني هم خذيتها من النوبي ,,,



وان شاء الله بولد بمستشفى هادي ,,,



وبالنسبه لكاكاو التقديم احسه صار موضه قديمه ,,, الستاند والتوزيعات ما ادري كنت اسويهم من بنتي البجر من 10 سنين ,,,


يعني خلاص موضه وانتهت ولاني ما احب احط شي الكل طايح فيه احب اتميز ,,, هذه وجهة نظري ,,,


وهذا رقم النوبي حق اللي تبيه لأنه جربناهم بالعروس وخدمتهم ممتازه ,,,



94409037


94948103



وياليت تدعولي بالولاده السهله ,,,


وشكرا ...

 

[ELFAD3Ah]

رد : تجهيزاتكم للاستقبال ........

ياتشي مافيهم حلو انا حطيت الحلو وكيك اند بيك سويت طلبية حلو اهم من عندهم يابولي المواعين

 

[..ليالي..]

هلا الغضى

دومو مكانه ورئ ميداس

وحياج الله


أريج

أمين الله يسهل ولادتج يا رب
وبجرب اتصل على اللي قلتي عنه

أم حمني

مشكوره على الرد

 

[.:lady bug :.]

رد : تجهيزاتكم للاستقبال ........

الله يتمم عليج ويسهل عليج

 

[..ليالي..]

مشكوره على الدعوه الحلوه

الله يجزاج خير

 

[..ليالي..]

للرفع


بنات فيدونا الله يجزاكم خير


ويهون عليكم


ويرزق ربي كل وحده تتمنى الحمل باقرب وقت ممكن


يلا همتكم

خلونا نتعاون

 

[big heart]

الصراحة هاذي الكفرات تهبلللل وحدة بالمنتدى تبيعهم
www.q8yat.net/showthread.php?t=595699‎

وشوفوا هالكاكاو شكله عجيب

http://www.facebook.com/album.php?aid=15989&id=100001627035794&l=d77ad22787

http://www.facebook.com/album.php?aid=11538&id=100001627035794&l=1a5f8d1022

 

[الغضى]

أي ميداس؟؟؟؟؟؟؟؟ اللي بالشويخ ولا الضجيج؟؟؟؟؟؟؟؟؟ ولا مادري شكلي قمت أألف من عندي,,,,,, والله دايخة من النساة,,,,,الله يعينا ويسهل علينا,,,, ادري اختي ليالي اذيتج,,,,, بس ناسية مكانة.

 

[ام فويزان]

عمري بغيت اسئلج انه ناويه اروح دومو امدحولي اياه جم طلع الطقم و جم قطعه فيه و ما حصلتي عنده مواعين حق الحلو ؟
خل اقولج صفاة الغانم عنده مواعين راقيه و بعد اذا تبين ذهبي او فظي سنتر بوينت عندهم و عندج محلات الحلو الصفه الي صوب دار الشفا هناك اتحصلين عندهم مواعين

 

[miss-fofo]

رفع

 

[Om_il3ubed]

والله الشلاحي احسه غالي على ماميش

انا والله يبت اطقمي من مصر والصحون مطشره من هنا وهناك .. شوي من صفاة الغانم وشوي من اي تو زد وهكذا

يبت معجنات الصغار من مندرين

مثل الي بهالصوره :

وحلو القهوه من واو

و اول يومين بس يبت ميني ديلايتس

وما كان عليه طلب صراحه مادري ليش مع انه لذيذ

وبما اني ولدت بالصيف والجو كان خيسه.. فيبت فواكهه من ايدبل ارينجمنس مثل الي بالصوره تقريبا

طبعا عندهم وايد اشكال ويوصلون اكيد

وخالتي وصتلي على كوكيز هذا الي على اشكال ماكو .. حلو ومكتوب عليه اسم بنتي على كل قطعه والله ووزعته على اليهال

يشبهه هذا الي بالصوره

وعصير كنت ادق يوميا على عالم المانجوو ايبلي برسم الخدمه لي باب الغرفه فرش وبارد وحلو اي شي اطلبه

ووو امممم بعد شنو؟ اي صح مكسرات وجذي من المطحنه الدوليه

وجاي ويقصم حق بنات عمتي يموتون عليه لوول

واذا ذكرت بعد اقولكم

 

[..ليالي..]

أي ميداس؟؟؟؟؟؟؟؟ اللي بالشويخ ولا الضجيج؟؟؟؟؟؟؟؟؟ ولا مادري شكلي قمت أألف من عندي,,,,,, والله دايخة من النساة,,,,,الله يعينا ويسهل علينا,,,, ادري اختي ليالي اذيتج,,,,, بس ناسية مكانة.

حبيبتي اسالي براحتج


ميداس اللي بالضجيج


هناك دومو محل ارضي وكبير تلاقينه واضح ان شاء الله

 

[..ليالي..]

عمري بغيت اسئلج انه ناويه اروح دومو امدحولي اياه جم طلع الطقم و جم قطعه فيه و ما حصلتي عنده مواعين حق الحلو ؟
خل اقولج صفاة الغانم عنده مواعين راقيه و بعد اذا تبين ذهبي او فظي سنتر بوينت عندهم و عندج محلات الحلو الصفه الي صوب دار الشفا هناك اتحصلين عندهم مواعين

هلا ام فويزان

الطقم واجد ما ادري جم قطعه

12 استكانه مع صحونهم وقفاشهم شفاف
12 فنجال
12 قلاص ماي
12 قلاص عصير
دولكة ماي
مبخر
سكريه

ماعونين للمكسرات

وبس على حسب ما اذكر

خذيته ب 340 جديد توه نازل


وصفاة الغانم مريته

وعجبتني عندهم صينيه بس بروحها ب 60 دينار

صراحه غاليه ماتسوى وانا احتاج ثنتين ثلاث

سنتر بوينت رحت بس فوق

تصدقين ما ادري ليش مانزلت السرداب

جان زين امرهم

 

[..ليالي..]

ام العبد

مشكوره على الرد


والله يخلي لج ما عطاج

 

[sunshinq8]

رد : تجهيزاتكم للاستقبال ........

قوة بنات أنا حامل بالثامن بعد ومازهبت شي وحدي متوهقه أنا انشالله ثالث ولادة لي وأبي شي فخم وبسيط موغالي لان بصراحه موبجر عشان اقط وايد مثل ولادتي الاوله بس ابي شي معقول ابي ستاند واخذ كاكاو بالكيلو مزين وخالص ماعندي وقت حق الفراره وين القه ستاند راقي وموغالي وناعم و كاكاو طعم وشكل حلو بليز ساعدوني أنطركم

 

[miss-fofo]

انا لي الحين ما جهزت

 

[big heart]

رد: رد : تجهيزاتكم للاستقبال ........

قوة بنات أنا حامل بالثامن بعد ومازهبت شي وحدي متوهقه أنا انشالله ثالث ولادة لي وأبي شي فخم وبسيط موغالي لان بصراحه موبجر عشان اقط وايد مثل ولادتي الاوله بس ابي شي معقول ابي ستاند واخذ كاكاو بالكيلو مزين وخالص ماعندي وقت حق الفراره وين القه ستاند راقي وموغالي وناعم و كاكاو طعم وشكل حلو بليز ساعدوني أنطركم

روحي جربي حلوهم الصراحة يهبلل ويذوب بالحلج وعندهم اشكال حلوة

http://www.facebook.com/album.php?aid=15989&id=100001627035794&l=d77ad22787​

 

[sunshinq8]

رد : تجهيزاتكم للاستقبال ........

وين مكانهم شسم المحل ؟ وتقريبا جم اسعارهم بليز ما اقدر اروح ويطلع غالي
عنده كاكاو مغلف وعليه زينه يعني اللي يعرف يقولي وجان زين في صور والله جريب ولادتي ومتوهقه بليز ساعدوني بنات الله يعافيكم *

 

[lzeeza-3]

بناااااااات عطوني اسامي محلات حق ستاندات وصواني حق الحلو والمعجنات
ووين اماكنهم لاني سعودية