تجهيزاتكم للاستقبال ........

[..ليالي..]

السلام عليكم حبيباتي

الله يهون على كل وحده حامل

وربي يرزق كل وحده تبي الحمل ان شاء الله عاجلا غير اجلا يا رب العالمين


اكيد فكرتوا شنو تحطون باستقبالكم

سواء اللي بتسويه بالمستشفى
واللي بالبيت

شنو مواعينكم

من وين تاخذونهم

شلون طريقة التقديم

وصواني الكاكاو وحلو القهوة والموالح من وين شريتوهم

يعني طريقتكم بالتقديم مو منوعيات الحلو والشغلات

يعني انا مثلا بسوي استقبالي بالبيت ان شاء الله

وبجيب خدمه للتقديم

احنا طريقة اهلنا اول شي الحلو والقهوه

بعدها الموالح مع الشاي

واخر شي العصير

وخذيت مواعيني كلها من دومو بالضجيج

بس اللي ناقصني مواعين حلو القهوه والموالح

ما ادري من وين

رحت كذا مكان ما لقيت


علشان جذي حطيت هالموضوع

لي ولكم جميعا

يعني انتوا شلون طريقى تقديمكم

وشنو مواعينكم ومن وين

وشنو تحطون بعد انا ما قلته

والله يوفق الجميع

 

[وردة حياته]

انا بعد مثلج بسوي استقبالي بالبيت بس للحين ناطره افكار ومحتاره شنو اسوي وشحط بالاستقبال .. ولادتي الاوليه كان استقبالي بالمستشفى وهالمره انشالله بالبيت

 

[..ليالي..]

وردة حياته

الله يهون عليج وعلينا اجمعين

 

[q8 knosha]

رد : تجهيزاتكم للاستقبال ........

انا اوك لقيت من وين اشتري الحلو والموالح وهل سوالف بس مشكلتي نفسج مواعين التقدييييم من وين؟؟؟ وانشالله البنات يفيدوناا

 

[..ليالي..]

طيب كنوشه انتي من وين قررتي تاخذين الحلو


يلا يا بنات

وينكم

 

[الحنــونــة]

عندج كحل الي بالاوووقاف ماكووو غيره للمووواعين عندها ستاندات وصووواني حلووو وفطاااير
شفت عرضهم بالجريدة مسوووين تنزيلات
مادري عاد للحين الخصم؟؟

 

[الحنــونــة]

كحل === محل >>>> قلبها عالمكياج

 

[طيرشلوا]

انا بالثامن وللحين ماسويت شئ
لما ادخل التاسع يصير خير
بس اولد بالسلامة واجيبة سالم متعافي
وكل شئ يهون​

 

[..ليالي..]

الحنونه مشكوره يا قلبي على المعلومه اي بامرهم ان شاء الله

طير شلوى امين الله يهون عليج بالسلامه ان شاء الله

 

[miss-winter]

رد : تجهيزاتكم للاستقبال ........

الي اعرفه كل الاستقبالات الي رحت لهم العصير بعدين الجاي والجا ي الاخضر والماي واذا في فطاير تقديم مادري ولو يوم يطلعون العالم يمشون يتقهوون ويحلوون ويمشون اذا في توزيعات ياخذونها

 

[_Pure_]

انا خذيت مواعيني من محل الشلاحي بالاوقاف و محل هوم سلكشن بالرايه
و الحلو من واو و من امبرس
و الموالح من مستشفى رويال حياة
و العصاير من المنعش
و الورد من فلانوبسيس في برج جاسم
الكاكاو من البينا
التوزيعات من ذا نت تري و محل مطحنة الديوانيه بحولي عند بياع الورد
و السكر المغلف و حركات الزعفران و ماي اللقاح من محل داخل بياع الورد مادري شسمه

 

[كل الفخر]

الله يهون علي وعليكم

 

[عوااار قلب]

رد : تجهيزاتكم للاستقبال ........

شوفوا هالرابط في تجهيزات
http://www.q8yat.net/showthread.php?t=330463&page=17

 

[candy.vib]

انا عن نفسي سويت كل شغلي بإيدي والكل سولف عن استقبالي بالمستشى وراح انزل الصور قريب

 

[نور الشهري]

up

up

 

[جـ&ـوجـ&ـو]

الله يهون عليكم يااارب
ويقومكم بالسلامه

 

[ELFAD3Ah]

رد : تجهيزاتكم للاستقبال ........

احنا نفس طريقة مس ونتر وانا خذيت ستاند وايد راقي من ادومو ومواعين الحلو من باتشي وسويت طلبية من كيك اند بيك وهم الي حطولي مواعين من عندهم والحلو طلبته من اوبرا

 

[q8 knosha]

رد : رد: تجهيزاتكم للاستقبال ........

طيب كنوشه انتي من وين قررتي تاخذين الحلو


يلا يا بنات

وينكم

الحلو في بالنت وحده عجبني شغلها وبمر جم محل واو وامبرس

 

[..ليالي..]

هلا حبايبي

مشكورين اللي ردوا ما قصرتوا

واللي رفعوا الموضوع بعد الله يجزاكم خير


اي معاج مس وينتر في ناس جذي طريقتهم بالتقديم

علشان جذي أنا قلت لكم عن طريقتنا

يعني أنا بصراحه عندي أهم شيء القهوه والحلو لازم أول شيء طبعا بعد المائ

بس الأهم أهو من وين المواعين نأخذهم

بيور أنا مريت الشلاحي عندهم شغلات حلوه بس شايفتهم تقريبا كل التشكيله عند أهلنا

علشان جذي ما خذيت

وبامر هوم سلكشن أشوفه أن شاء الله

ومواعين من باتشي شلون يعني فيهم كاكاو. وكيك اند بيك نفس الطريقه يعني معبيه المواعين تكون

وأنا أقولكم

خذيت طقم الاستكانات والقلاصات والفناجيل الصندوق اللي يجئ كامل من دومو

ونفس الشي صواني التقديم الصغار

والصواني الكبار خلصتهم الحمدلله

عاد باقيلي مواعين كبار للحلو والموالح

بأشوف أي تو زد تمدحه رفيجتي أن شاء الله بأمره بإجر إذا الله كتب

 

[reem83]

بنات انا بحرينية بس بسالكم وين محل الشلاحي ووين مجمع الاوقاف لان ابي ازهب حق ولادتي من الكويت وعنده اطقم تقديم العصير والشاي والقهوة