تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[.. BNT ..]

البارح 100% شفته قدام عيني في 0&9
يهبببببببببببببل شفت وردي وازرق بس لاني ماتاكدت من النوع فما اخذت قلت مو طاير تو خير علي

حلو البنات

شنو هالمحل واي صووووووب

 

[.. BNT ..]

انا شفت مميات زجاج د.بروان بسوق بالري صوب لولو هايبر المحل يكون لازق بمطعم هارديز(بوابه الهدايه ) بس انا ماني ماخذه غير بيجون اريح بالاستعمال و الغسيل .. و خدمنا مشالله يامضيعين يا مكسرين! وتعفس مغاطي و روس المميات كل ماركه غير!

اهو بس جم شهر وتالينا بايجووون خخخخ

 

[بربيره]

توني راده من مذركير و نكست < ما قدرت ما تروح

كنت بجمعية مشرف و بقدة قادر لقيت نفسي بهالمحلين لووول

الي لاحظته التالي : مذركير تنزيلاتهم حلوه بس مو قويه نطروا عليهم

نكست سيلهم كلش ما يسوا و مسوينه عالبضاعه الصيفيه ما خذيت منهم شي حق البيبي

طلعت من مذركير بهذا كنت ادوره دواره هالهاينك و يوم لقيته بالافنيوز قبل فتره سايزه كان كبيير فنسيته

طرت من الوناسه انا احب الهاي النك احس يحلي البدله

*

كحلي و فيلي < خخخخ لون يديد توني الفته

كاناو ٦ونص صاراو ٥

 

[Dalal.al3tibi]

بناااااااااااااااااات وين الاقي هذااااااااااااااااااا

تلاقينه بكل مكان سنتر بونت الشعبيات بقسم المواليد رد تاغ

 

[Dalal.al3tibi]

اشتقت حق التجهيز بس المفروض خالصين خلاص

بس لمن زهبت الاغراض حسيت مو ماخذه وايد مع ان حزتها امشي واخمط .. بس المشكله ماجهزت ملابس من 3-6 اشهر .. انتوا جهزتوا؟؟

باخذ جم بجامه برمودا وجم قصير حق اخر ايام لان اساسا انا صيف ولا شتا ما احب البجايم الطويله انقمت بروح اخذلي بس مادري راح احصل ولا لا لان الحين الكولكشن كله شتوي

لا والله ماخذيت تو الناس على 3 لي 6 بس خذيت جم قطعة لانه انا اشتري افرول كامل مع مهادة وطاقيتة ودسوسة ودلاغاتة مالوت سنتر بونت واذا كان مع الطقم نفنوف خذيته من 3 لي 6 عشان يلبسة الياهل عقب مع نفس الاكسسوارات بس شيل الافرول بس لانه انا حامل في بنت عرفتي ومو كل القط عندي معاها نفانيف بس يمكن طلع معاي 6 حبات وخليتهم في بيتي لانه ماراح تلبسهم اله عقب النفاس بفترة طوييلة خو النفاس كله 40 يوم وهذول ينلبسون عقب 90 يوم

 

[بطة رشيقة]

بنات نطروا علي مذركير وربعه تري بعدين تنزيلاتهم تصير اكثر انا يوم بالخامس شريت حوض سباحه ب25 وبالتنزيلات صار ب12 انبطت جبدي عشان جذي الحين بنطرهم ناقصني التالي
ابي السناده اللي احطها واحط البيبي فوقها حق الرضاعه
مهاد لزق
ابي جنطه عمليه حق البيبي
طبعا ابي سرير بس باجل السرير شوي لاني بستخدم سرير النفاس الصغير تالي اشتري الكبير
ودي بغلايه مميات بس بنطر جود ارضع طبيعي
وابي بعد روحه حق عيد النصاااار ابي منهم مهادات وجم شغله
وسوالف كريمات من الفلبينيات عشان نوخر السواااد بالرقبه
والله يسهل علينا يارب
اي صح بنات انا طلبت مميات د.براون بس يووني بلاستيك حسافه وان شالله استفيد منهم *

 

[Dalal.al3tibi]

ما شالله مس بطوطه اغراضج حلووه


زين بنات انا عندي سؤال انا بولد بحكومي خو الحكومي يومين حدهم شكثر اخذ اغراض معاي لي وللبيبي

وجم غيار لي وللبيبي؟؟

وهالاغراض احطهم بجنطه وحده واخلي هالجنطه عند منو ؟؟


صج عندي خوات كبار ومجربين بس ميخالف اخذ نصيحتكم خواتي

الياهل ماخذتله اربع اطقم كاملين من كل شي
اما انا ماخذه لبسة لمستشفى جدام الناس وحدة لاني عرف نفسي ماراح اتحرك م كاني
وماخذه سراويل استعمال مرة وحدة شكثر وطقم داخلي قطن
انا مااسبح بالمستشفى
والسلبر
وفرشة ومعجون
وجيسة وبطانية البيبي
والجنطة بخليها بسيارة ريلي لانه اهو الي بيوديني
بس بعد ماحطيتها بسيارته بالبيت
لاني بحط بعد خوا جوا و علبة فيها قطن عليه جميع انواع العطور الي حواليني حق اشمه ومايلتهب جرحي من عطور الناس

طبعا غير الدباج والمفارش وطقم الضيافة والتوزيعات هذول خواتي يجبونم معاهم

 

[Dalal.al3tibi]

رتوج 4 او 3 بدلات للبيبي كامله من التبان والكبوس والشرشف واللفه وشلراريب اليد ..

وانتي هم اتوقع تحتاجين لبسين او 3

واتوقع الحكومي يعطون اهمه هدوم للبيبي .. عادد مدري

بطبوووطه انا ابي من مميات د براون بس لقيتهم بلاستك وهونت

مدري شبلاي ع البلاستك

بنات شرايكم .. اخذ مميات بلاستك حق النونو ؟؟

لاتستعملين بلاستك الزجاج احسن شي وتعقيمه اسهل
البلاستك تعقيمه يبط الجبد وفوق هذه في مادة تحلل وتصير مضرة مثل بطول الماي يقولج استعملينها مرة وحدة وقطيها
غير انه مهما تنظفينه تحين وصخ مايبرق برق مثل الزجاج

 

[Dalal.al3tibi]

قوه بنات شلونكم , ابي اعرف متي الوحده تبدي تشتري حق البيبي الناس يعقدوني يقولون اذا بلشتي مبجر تفقرين عمرج معني اعرف بنتين جهزو من ثاني شهر و ما صار فيهم شي و وحده جهزت بالخامس لين اول السابع و بنص السابع توفي البيبي الله يبعد عنا و عنكم و انا اول حمله لي فمتشوقه و اموت عالياهال والحمل ياني متخار فمشتطه و الله يثبته لي و الله يثبت حملنا و يقر عيونه بشوفه اولادنا سالمين يا رب العالمين و يرزق كل محرومه يا رب​

حريمنا الكبار كلهم مايخلونه نجهز اله من السابع وطالع
بالاول سويت جذي وتعبت ثقل ومالي خلق وميزانية تدمرت وقمت اخذ على الفاضي والمليان واي شي
الحين بالثاني من دريت حامل وانا كل مارروح السوق والقي شي حلو خذيته لاحسيت بميزانية ولا شي اصلا ريلي ماحس لابصرف ولا لوية سوق ولا شي وشهورج الاخيرة ملج خلق لشي حدج من ثقل لي عوار

 

[.. BNT ..]

انا شفت مميات زجاج د.بروان بسوق بالري صوب لولو هايبر المحل يكون لازق بمطعم هارديز(بوابه الهدايه ) بس انا ماني ماخذه غير بيجون اريح بالاستعمال و الغسيل .. و خدمنا مشالله يامضيعين يا مكسرين! وتعفس مغاطي و روس المميات كل ماركه غير!

وين هالبوابه رحت وماجفتها .. وهم مااكو هارديز هالصوب

عفيه تذكري عدل :eh_s(7):

 

[ام الحوراء زينب]

انا خذيت دكتور براون زجاج من بوتس البيرق
واللي تسال عن مهاد اللصق في بمذركير

 

[ام الحوراء زينب]

بوابة الهدايا يم طفل المستقبل

 

[متيمه بهواه]

حلو البنات

شنو هالمحل واي صووووووب

السموحه حبوبه
اختصرت لج المحل بحاله
لنه احنا سنتر بوينت كل ماركه بجهه :eh_s(2):

المحل
هو موجود عندكم سنتر بوينت
بس انا شفته بفرع من فروعه اسمه زيرو تو ناين

فهمتي علي حبوبه

قسم المواليد بسنتر بوينت

موفقه :eh_s(22):

 

[.. BNT ..]

حلو البنات سنتر بوينت اللي بالري قصدج ؟؟

 

[بشموخي احبه]

تهنين فيهم

 

[متيمه بهواه]

حلو البنات سنتر بوينت اللي بالري قصدج ؟؟

السموحه حبوبه
ماعندي خلفيه عن الي عندكم :eh_s(22):

قلت لج عن الي عندنا

 

[.. BNT ..]

عمري والله عبالي بالكويت لوووول

لانه حتي بسنتر بلاستييييك

مشكوره حبيبتي ماقصرتي

 

[فتاة-العنف]

قوه بنات
انا جهازي مخربط وامشي والقط مثل ما قالو بس اغلب مشتراي هدوم الياهل من الامارات لاني رحت مرتين وكلساع اشتري هني ما افتريت وايد الا من عيد النصار شوي وسنتر بوينت شوي ومذكركير ولا قطعه شريت لييييييش مادري حسيت نفسي مو طبيعيه كل الناس تشتري منه وانا ولا قطعه :sعموما اذا صورت شغلي اشاركم فيه ان شاء الله
بس سؤال يا بنات عشان اخلص شغلي ابي من وين شريتو سرير النفاس ؟!؟!

 

[توحه1]

سنتر بوينت الكاروكه بروي عيد النصار بابا اند ماما بريماما مركز السرير بيبي لف المحاميد ووووووو
وايد اماكن تبيع سرير بيبي على حسب ميزانيتك من 18 لي 200دينار هذا طبعا ينطبق على سرير الاربعين سلة موسى اما الكبير الخشب ابتداء من 50 لي 800دينار

 

[لميس نفسي]

بنات يلا طلعوو المستور من زمان ماشفنا منكم شي


اخر مشترياتي من بوابة الهدايا ؛

افرهول مخمل مع كبوسه لونه بيج وسعره حلو وصناعته سوريا ؛

وبطانيه و مشط و منظف للمميات ؛

ويارب تبلغني بشوفتها باحسن خلق واتم عافيه يارب ...