تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[كــوب كــرك]

يسعدلي مساكم ..

 

[بطة رشيقة]

الله يسهل عليج لميس

 

[ريـــ205ـــم]

7noOna
لميس نفسي

مشكورين والله يعطيكم العافيه ويتمم عليكم يارب
بس وين مكانه عيد النصار بسوق الكويت انشاالله بروحله


لميس نفسي
والله صاجه المفروض من الخامس يجهزون انا رحت اجهز للبيبي امس ما قدرت بسرعه تعبت ودخت بقيت اطيح المفروض الكل يجهز قبل ما يثقل وانا الدكتوره محذرتني من اي مجهود كل ما تسويلي سونار تقولي معاج تقلصات لازم ترتاحين وتعطيني ابره مثبت ​

 

[المسكـ]

ويي انا هم تقلصات وصراحه بطني ذابحني من العوار احسه عوار طلق وتنزل علي افرازات عالجتها كذا مره بس ماتروووووووووح تعبت منها والله
الحمدلله افتكيت من تجهيز البيبي باقيلي طقم المستشقى وباقيلي الككاو
وباقيلي مواعين الحلو ما يبتهم ليلحين

 

[7noOna]

^
^

وااي خرعتووني

شلون صاير عوار الطلق؟؟

انا هالفتره اتعب بس مادري من شنو يمكن من المجهود بالطباخ وتنظيف الشقه ما اطلع وايد الا اذا ظروري

- خاااايفه حيل من الرده بالطياره

لما ييت كنت بالخامس
و بالرده اكون داشه السابع

تكفووون طمنوووني والله ماانام بالليل من تفكيري بردة الطياره اخاف الضغط يأثر بالسابع

و آخر مره رايحه لدكتوري قبل شهرين تقريبا !


- انصحوووووني والله مادري شالسالفه من كلامكم

 

[المسكـ]

التقلصات حبيبتي مثل عوار الدوره بالضبط بس حدتها اتزيد اذا في ولاده وتتقارب وتصير اطول يعني كل ربع ساعه او نص ساعه
انا تييني تقلصات بس بعدين اتخف طبعا هالشي بعد الجماع اكثر شي وبعد ما اتضايق واعصب وبعد الشغل المتعب
واريح نفسي وانسدح وتروح
انايصير هالشي لان فيني قرحه بالرحم وفيني التهاباات
وطبعا هالشي ينذر بولاده مبكره فعشان جذي خلصت اغلب تجهيز البيبي وتجهيزي
وانا كان معاي نزيف بعد والمشيمه كانت نازله عندي وكنت مريحه 3اشهر بالبيت ابدا ما اطلع
وبالنسبه للسفر بالطياره ماعليج شر بس ديري بالج لاتمشين وايد وطلبي وويل جير اذا حسيتي انج تعبانه لان ادري مطار لندن ماشالله يبيله مشي اليهد
من البدايه طلبي وويل جير وخلي ريلج يدزج لين توصلين باب الطياره
صج ان السفر بالسابع خطر نوعا ما بس ان شالله ما يصير الا العافيه
لاتحاتين ولا تفكرين واللي الله كاتبه راح يصير
والله يقومنا واياج بالسلامه ان شالله

 

[بنت ذآك الأمير!]

الله يسهل علينا جميع..
انا بقالي تنتايف واخلص برتاح قبل السابع..

 

[~LiBrA~]

قوه يا حلوين

انا خذيت هالبنطرونات الداخليه حق تحت الافارول وخامته قطن في بريول وفيه بدون
وبعد خذيت هلهوبات هم يدفون تحت الافارولات اخاف الجو بارد

وخذيت هالمميه اجربها قايليلي عنها زينه لان حلمتها قريبه من حلمة الام وتفيد هذي حق الي تبي ترضع
بس للاسف ان كله بلاستيك مافي قزاز

 

[بربيره]

قووه بنات انا حاليا كلش ما قمت اتشوق حق اغراض البيبي

لان شريت كل شي و زياده احس ماراح يمديه يلبس كل ملابسه يارب يوصل بالسلامه بس

والله لادلعه اخر دلع اهو وبنيتي

المهم خل اقولكم شكو شماكو

مذركير بضاعتهم كلش مو شي مو يايبين شي يديد كل شي عتيج و مليق

بس يايبين كبابيس كيوت قلت اذا اذا اذا لي خلق المره اليايه و كنت بالجمعيه احتمال امر اخذله

انا انصحكم تنطرون لان في سيل راح يكتسح السوق ~

مراسلتكم بوبو

 

[لميس نفسي]

حنوو لاتخافين إن شاء الله


بنت عمي كانت تسافر وعادي


بس احترصي من الشغل المتعب وعلى طول ريحي


وماقصرت المسك كفت ووفت


انا هالتقلص سبب لي الطلق وقال احتمال ولاده مبكره ومنعني من الحركه


عطلني ابره ومسكن بس

اما قال امتنعي عن الحركه والمشي وصعود الدرج. والجماع والشيل الثقيل لي بعد الولاده بإذن الله


طبعا العوار مغص باسف البطن والبطن يابس حيل وعوار اخر الظهرررر




لابيرا الله يسهل عليج ماشاء الله ماباقي شي

بربيره وانتي صاجه مذركير موشي


يالله برتاح لين يجي هالتنزيلات وبعدها بطرش اختي تشتريلي



انتبهو على نفسكم ياحميييييل

 

[~LiBrA~]

بنات ديربالكم على نفسكم

واحنا مو باقيلنا شي انشالله


يلا شيلو قشكم وودوه بيت اهاليكم حق النفاس

انا الحمدالله خلصت كل شي وحطيته بجناط وباجي اوديه بيت اهلي

والله يسهل علينا ياااارب

 

[Dalal.al3tibi]

انا وديت كل شي بيت اهلي حتى عبالهم بولد هل اليومين هل الكلام من شهر حتى العناية بالنفاس من خلطات وغيره وديته وادوية نفاسي ومواعيني وديباجي وتوزيعاتي كل شي ماخليت شي تقريبا باقي شغلات بسيطة جدا تخصني بوديهم عقب لاني محتاجتهم واستعملهم حاليا

 

[المسكـ]

بنات ديربالكم على نفسكم

واحنا مو باقيلنا شي انشالله


يلا شيلو قشكم وودوه بيت اهاليكم حق النفاس

انا الحمدالله خلصت كل شي وحطيته بجناط وباجي اوديه بيت اهلي

والله يسهل علينا ياااارب

لووووووووووووووول ضحكتيني جنج تدرين
انا اليوم يبت كفري وخليته عند امي تحت << ساكنه ببيت ابوي
ورحت غرفتي شلت قش امي ومواعينها من كبتي قشعتهم وحطيت ملابس البيبي واي شي قاعده اشتري من ملابس احطه تحت
والتوزيعات والمواعين حطيتهم بكبت عندي بغرفتي
الاستكاين من عندها والمطارت من عندي >>>> مقسمين الحلال لوووووووووول
وباجيلي بس جم بجامه حق النفاس عشان اخذ فيهم راحتي احسن من النفانيف
النفانيف بس لما اييلي ضيوف والبجايم لما ماكو احد
باجيلي بعد دلاقات واندرويرين ومميات حق البيبي صغار واكون شطبت لووول :eh_s(22):

 

[مواصله]

ليبرا انا جهزت شناطي وسكرتهم وحطيتهم عند باب غرفتي من كم يوم جني بسافر

باقي بس اوديهم بيت اهلي واصففهم ،،ان شاءالله هالاسبوع

باقي على موعد ولادتي ان شاء الله 3اسابيع مايندرى اولد قبل بعد

 

[بطة رشيقة]

الله يسهل علينا يارب

 

[المسكـ]

امين يارب
ويرزق كل وحده تبي الحمال

 

[~LiBrA~]

ههههه

حتى انا حاطه جناطي وقشي عند الباب جني بسافر وناسه

وانا بعد باجيلي 3 اسابيع علا اخر موعد لي وما يندرا للحين اكمل شهر واعوشر ولا لا!

المسك

البجايم الشتويه الحين بالسوق يهبلووون روحي لقطي جم وحده

 

[المسكـ]

ههههه

حتى انا حاطه جناطي وقشي عند الباب جني بسافر وناسه

وانا بعد باجيلي 3 اسابيع علا اخر موعد لي وما يندرا للحين اكمل شهر واعوشر ولا لا!

المسك

البجايم الشتويه الحين بالسوق يهبلووون روحي لقطي جم وحده

اي اي اي برووووووح بس خل ينزل المعاش الدعله لووول :d

 

[jegrom]

انا بعد وياكم زهبت جناطي يم الباب بس مازهبت جنطة ولدي يقولي وين بتروحين وانا وين جنطتي بغى يبجي

بس جنطة المستشفى مجهزتها بس ليم الحين مفتوحه لان ماشطبت التشطيب النهائي باقي اغراض الجمعيه وبعض التناتيف

صارت الصجيه خايفه

 

[دارسين]

الله يسهل عليكم ان شالله يااااااارب