تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[3rosa]

ليموون هذا البرنامج. الي قلتي. عنه.

 

[3rosa]

بنات امس رحت فاشن ميل. الي بسالساميه. وعجبني. افرول. ٢.٩٠٠
خذيته من ٠-٣ على سوبر مان

و رحت ماكس. وخذيت بعد افرول. من ٦-٩. ب ٤.١٠٠

 

[ليمون ونعناع]

ليموون هذا البرنامج. الي قلتي. عنه.

اي هذا البرامج عجيب
واذا احتجتي مساعده فيه قولي لي حاضرين

 

[بطة رشيقة]

شلونكم بنات انا من زمان متابعه موضوعكم يشوق مشالله ربي يسهل عليكم وعلي انا حامل بالسابع توني داشته وعندي ولد عمره خمسه ونص الله يحفظه فناسيه كل شي بالتجهيز لان من زمان شريت جم شغله افرولات وجذي بس بقالي تناتيش حق البيبي والسرير والكبت وشغل الاستقبال توتي باديه فيه وحقي خلصت تقريبا شريت بجامات وملابس داخليه بس بعد يبيلي اكمل نواقص عندي عسي الله يسهل علينا بس في شغله صارت كدرتني وايد من يومين سويت فحص السكر وطلع معاي سكر حمل وحولوني الصباح بس مارحت مادري وايد خايفه مالي خلق يسدحوني الناس عيد بحاول اضبط اكلي واشوف شيصير وموعدي عند دكتوري بالسلام باجر ان شالله بشوفه شيقول بس وايد مضيق خلقي الموضوعشوروا علي شسوي بنات

 

[ام الحوراء زينب]

بطه ماتشوفين شر يارب
ابتعدي على الحلو والكاكاو ونظمي اكلج ان شاءالله تنزل نسبه السكر
حاولي تخلصين كل شغلج مو تصيرين مثلي من الثالث اجهز والحين راح يولدوني مبجر وانا ماخلصت ومتوهقه ممنوعه من الحركه

الله يسهل علينا يارب وتقر عيونه بشوفة بيبياتنا

 

[!الجادل الصعب!]

يوونس اوفرول سوبرمان
عروسه عليج بالف عافيه

انا ماخذه قطن من مذركير وفي ولادي وبناتي يهبلون

 

[jegrom]

حياج الله بطه رشيقه اتذكر كنت اشوفج بتجمع تأخر الانجاب الله يسهل عليج ان شاءلله ويرزقج الذريه الصالحه

حاولي تنظمين اكلج بس لازم تراجعين وتجيكين لاتهملين روحج السكر موزين للحامل بس ان شاءلله سهالات ومافيج الا العافيه

 

[ام عفاف الكويت]

انصحكم فيها روعه
انا شريتها من سيتي ستارز الفروانيه
عند مطعم مغل محل اللى صوب مغاتير سنتر

 

[بعيوني الهلاكـ]

بنااات ماشوفكمـ تكلمتوا عن التيوب


اللي نقعد عليهـ بعد الولادة عشان مانتألمـ <=-- يستخدمونهـ عقب عملية البواسير بعد


وين أحصلهـ بأي صيدلية وبجمـ..؟


هذي صورتهـ

 

[ام عفاف الكويت]

- بسألكم ;;; شالفرق بين الولاده الطبيعي و القيصري ؟؟



انا مو فاهمه ليش ماتبون قيصري !!


<< سوووووري حدي عليميه آول مره





~ و عليكـم بالعافيـه بما شريتــووو :*

عسي الله يهون عليج
خلي ببالج الطبييعي طبيعي لا تدخل ولا شي
يعني المراه مجرد تعب بوقته ومنسي
اما القيصريه شي اسمه عمليه انا قيصريتين وداشه الثالثه الحمدلله لظروفي
لكن القيصريه تعانين منها فترات طويله
وكثرت العمليه تفقدين الاحساس بمنطقه العمليه لانه قاعدين يمزقون اربطه
والرحم يصير خفيف جدا مايتحمل لانه متبطل

 

[q8ya حتى النخاع]

انصحكم فيها روعه
انا شريتها من سيتي ستارز الفروانيه
عند مطعم مغل محل اللى صوب مغاتير سنتر

ام فوفه عليج بالعافيه بس رحت مرتين ستي ستارز ماحصلت ولما اسالهم كله يقولون ماعندهم غير تشكيله العاديه حتى دورت بروحي ماكو

 

[ام عفاف الكويت]

لا روحي اللى بالفرانيه بالسرداب
المجمع اللى مقابل مكتبه الفروانيه
ناحيه الكريمات والمكياج
تلقينهم بويهج قولي لها وين كلونيا
اما مال الشويخ كلونيتهم مو شي لما شميت هذا ذبت امبيه رووووووووووعه

 

[ملاك الغيد]

ماشالله شغلكم حلو الله يهنيكم ويتمم عليكم وتشوفون بيبياتكم بصحه وسلامه

بس بنات انا تعقدت مالقيت جنطه ولا مدس حلو ويدش راسي بس سنتر يوينت ومافيه شي مميز معاعمللين وانا احب العملي

شفت باواوكايدي بس جنه غالي على العملي

 

[q8ya حتى النخاع]

ماقصرتي ام عفوفه مشكورة عل معلومه ونشالله امرهم​

 

[فاقده ابوهاااا]

عليج بالعافيه ام عفاف بس اشلون روايحهم كلها حلوه انا جربت البنفسجي ما عجبني

 

[ام عفاف الكويت]

لا عجيب فوفو
في اكثر من هذيل بس ريحتهم ماعجبتني

 

[بطة رشيقة]

هلا فيكم حبيباتي مشكورين وماقصرتوا علي رفع معنوياتي الصراحه اليوم حدي غلقت وبس ابجي استغفر الله مادري شياني اعوذ بالله من بليس قالولي بالمستوصف لازم تروحين الصباح واحتمال يسدحونج عاد قلت بروح موعدي بالسلام باجر واشوف شيقولي الطبيب وبحاول انظم اكلي عدل مع اني احس هالشي صعب بس ربي يسهلها ان شالله وربي يحفظنا ويبعد الشر عن بيبياااتنا انا الحمله هذي صارت عقب ٥ سنين وعلاج ولويه عشان جذي قلبي معورني ربي يسهل ان شالله
وعلي الاغراض ان شالله الشهر الياي بروح عيد النصار اخذ النواقص مثل سداري ومهادات وتبانات وفوط و هالشغلات
وهم بقالي استكانات وقلاصات عصير ويعني بقي جم شغله بس في شي بسئلكم عنه انا ودي ارضع طبيعي هالمره بس شنو اهميه الشفاطه يسوي اخذها والا لا؟
والله يسهل علينا كلنا يارب ويقر عيوناااااااا بشوفه عيالنا
ناويه اولد بالسلام ان شالله مع اني مومجربته من قبل ولادتي الاولي كانت بدار الشفاااااا بس شرايكم بالسلام مادري ليش كل من يقول انه غالي وايد انتوا شرايكم فيه؟
ومشكورين عشان قبلتوني معاكم
انا اكتب لكم من الايفون ماعرف انزل صور من هني اذا تعلمت ان شالله انزل لكم الصور

 

[المسكـ]

انا مثلج احس بالبدايه احسن لأن اكون خفيفه و ما استوعبت اني حامل


و كل ما مر شهر راح اتكيسل اكثر من الشهر اللي قبله :eh_s(10):


- انا الحين داشه السادس احس حركتي جني عيوزه ماعرف اقوم واقعد :bbbiu:

انا لان دكتورتي خوفتني من اني احتمال اولد ولاده مبكره عشان جذي خلصت البيبي بس انا عادي متى ما خلصت لان عندي بجايم ترس الكبت مو الا شي يديد

وبالنسبه للحركه وااااااااااااااااااي الله لا يوريج ظهري شاب علي نااااااااار والله شوي وابجي من الالم وريلي بيسافر باجر فمن صج راح ابجي:eh_s(16): لول

حاولي ترتاحين ولا تفترين بالسوق وايد كل يووم خلصي شي عشان لا تتعبين

 

[المسكـ]

انصحكم فيها روعه
انا شريتها من سيتي ستارز الفروانيه
عند مطعم مغل محل اللى صوب مغاتير سنتر

ام فوفو ترا البودر ينباع بمركز سلطان ب 150 فلس والله حراميه هالستي ستار:bbbiu:

 

[المسكـ]

عليج بالعافيه ام عفاف بس اشلون روايحهم كلها حلوه انا جربت البنفسجي ما عجبني

فاااااقده والله قلبي معاج امس ما شبكتي قلت يمكن ولدت :eh_s(10):
اثاريج بعدج صاااااااااااااااامده

يالله الله يسهل عليج يارب:eh_s(9):