تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[ام الحوراء زينب]

ام الحورا ههههههه ضحكتيني خلاص بيعي منهم بالمنتدي ياحبج للخساير هذا ولد لو بنت اوووه علوم تصير يمكن شقتج كلها طافحه من الملابس ذكرتيني بنفسي والماما وراي حرام حرام بس انا صراحه اكدهم اذا غلي واذا غير ذلك فهم صدقه لووول لغه عربيه *

هههههههههههه اقول حق ريلي الله يحبك انه ولد لو بنت ما اشتريلها ملابس لا كله ذهب هههه
الحين ولد وكل يوم مسويتلهم مناحه بشتريله ذهب مو راضيين قلت بخليهم وبنحاش بروحي اشتري
ههههههههههه
اي اهو جذي البس البيبي واللي مو ملبوس يتصدر صدقه

 

[ام الحوراء زينب]

قوه بنات

خبر عاجل

مذركير وبي اتش اس و بيكوكس مسوين تمزيلات قويييه

البوتات علا 350 فلس و الكبابيس مع الدلاغات هم 350 فلس

ومذركير تنزيلات حلوووووه انا توني راده شريت اشكثر من جمعيتهم

في جمعية الدعيه فقققططط

مراسلتكم ؛ بوبو
تجمع مواليد يناير

بربيره :eh_s(14)::eh_s(14)::eh_s(14)::eh_s(14)::eh_s(14):

لاتشيشيني لو سمحتي
واستغفرالله اشمعنه بهالجمعيه اللي ما اروحلها يعني بخلي ريلي يفتر بدالي باجر الصبح اذا يبي يروح بيت ابوه

 

[ام الحوراء زينب]

وي زوبا لايوصلها خبر ...

باجر رايحه رايحه .. بنات اللي اشترت خل تقعد بالبيت لا اتعب روحها
ههههههههههههههههههههههههههه

ههههههههههههههههه فلفول انا ما احب الدعيه كلش نهائيا
بطرش ريلي لانه كل يوم الصبح يروح بيت ابوه عند اخوانه بخليه يطق فرررره يحللها لي واذا قالي مالقيت بخليه يحلف عالمصحف لووول عشان لايجذب ادري واثقه يبي يقول مافي

 

[ام الحوراء زينب]

بااااك يلا بسم الله

ترا انا احب اقرق يعني اكتب التفاصيل و السعر عشان اشيش المفلسات نفسي عالسوق لووول فتحملوني

اول شي هالتوبات ريلي ماخذهم من سنتربوينت قبل فتره و الدلاغات انا خذيتهم من اتش اند ام بدينار

هالفنيلتين الاثنين بدينار و نص من مذركير بالسيل صح نص جم بس خامتهم ثقيله و شكلهم يونس قلت البسه جاكيت فوقهم

الجنز بدينارين من اتش اند ام حلو حده مريح حبيته طبعا سعره بالسيل و الثاني اليوم شريته من مذركير الدعيه كان بسته صار بدينار

هذا يشوووق لونه و شكله و كلا مثل شغلات بارزه جذبني و طلع سعره ب350 فلس ببي اتش اس الدعيه البسه معاه جاكيت و مع البنطرون الي لونه بيج حلو طلع و بوت بيج عندي طلعه للجاكيتات اتوقع اتش اند ام انسب مكان و تشكيلتهم يديده و كبيره حق جاكيتات الصبيان

اي وصج البوتين الي بالصوره هذيل كل واحد 350 فلس من بي اتش اس

جاكيت من سنتربوينت ريلي خذاه طبعا من ورا يونس على بو و ربعه

بالعااافيه يارب
الله يهداج بربيره راح تطرديني من بيت ابوي لووووووووووووول
ابوي اللي مايعلق قام يتحلطم من كثر ما اروح اشتري ملابس
احححح 350 عجيبه سعر كاكاو فيرورو روشيه ههههههههههههههههههههههه
لالالالالالالالالالالالالا انا لازم اطير خلاص بضطر اني اروح حق هالمنطقه السوده شسوي بعد حديتيني

 

[بربيره]

لووووووول تصدقين انا الدعيه ما احبها لان لما اروح لاااازم اقابل احد اعرفه امي كانت مدرسه بالدعيه و انا طالبه هناك ومعارفنا هم هناك و اكره ايام المدرسه لووول بس غريبه انتي ليش ما تحبينها اخاف عشان بيت ابو ريلج لوووول

 

[ام الحوراء زينب]

ههههههههههههههه صحححح عشان استغفرالله عشت اخس 10 شهور من عمري فيها الله لايعيدها ان شاءالله

 

[بربيره]

لا عيل معذوره من حقج تكرهين المنطقه بكبرها لوووول يلا انشاالله مجبلو النتفه ينسيج الهم

خل اقولكم اخر تقرير توني راده من السوق ادري طلعاتي كثرت بشطططب مليت ياي محرم ما احب اشتري شي يديد و الشهر الياي لازم ابلش

تجهيزي المهم

قاب ..
بضاعتهم للمواليد قديمه مو يايبين شي حلو

بس للبنات الي بو سنه ياباو تريننقات و نفانيف انا بصراحه ما شريت قلت هالطلعه بفتك من ملابس النونو

ماكس ..

امهات البنات ترا يايبين بضاعه حيل حلوووووه كلا نفانيييييف شتويه راقي شكلها بس حق الصبيان ملابس بيييييت وصيفيه بعد اشكثر قعدت اتحلطم

ليش هالتفرقققه خل اوريكم شنو صورت شفت كبوس عنونو حق البنات البيبيات واااي احتريت ما عندهم شي للصبيان

ماكس اسعارهم حيل رخيصه هذا بدينار

و بعدها رحت دبنهامز ،،

مو يايبين شي حلو

الصدمه بسنتربوينت

مو خلص الصيف يايبين بضاعه شتويه تينن و اسعارهم حلووووه

حاطين كورنر في كلا افرولات مخمل و اسعارهم حاطين اعلان انها بدينارين و نص فقط

انا خذيت و رديتهم لان جونا ما يسااااعد عالمخمل بس شريت منهم تبان طباقي لان عندي دشداشه للبيبي

و ناقصني تحتها تبان و بعد شنووو اي نسيت

مذركير

لما شفت بضاعتهم صراحه حلوه بس ياربي نصابين هالمذركير في شغلات تسوا وفي شغلات ما تسوا سعرها

كنت ابي هاي نك منهم ما حصلت ٠-٣ المهم و لقيت فنيله عاديه حيل بس سعرها ١٣ ما ادري خو مو ماركه الي ينباعون بهالسعر

المهم اخر شي يتني البجوه طلعت من الافنيوز ولا شي عجبني ولا لقيت شي جن اشتريلي حلاو من بروي تفضلوا...

اشرايكم فيني وانا اراضي نفسي خخخخ

 

[بربيره]

بنات هذي الدشداشه شريتها لعنتر ولدي شيخ الشباب قياسها اتوقع اربع شهور اكثر من ثلاثه ومعاها غتره

 

[ام الحوراء زينب]

عليه بالعافيه حبيبي
بربيره من وين الدشداشه ههههههههههههههههههه

 

[ام الحوراء زينب]

بربيررررررررررررررررررررررررررررره كللووووووووووش ريلي وافق وتنازل هههههه انه يروح جمعيتهم بس بلزق فيه بروح وياه
طبعا كل هذا لاني رحمته وبخليه ينام وتنازلت عن يمعة رفيجاتي

 

[بربيره]

خخخخخ من النقره محل العندليب وعندهم غتر حق البيبيات تحتها صاير مثل قبعه عشان تثبت واي ظايق خلقي

خذيت منهم جيس بيبي البشت و ريلي ما عجبه يقول عقادي و تالي قتله اوكي نطلع و نختار و لا يختار واحد كلا دانتيل و لولو

اخاف شكله بناتي مو حلوه غتره و شيخ الشباب اخر شي شكله استغفر الله جنس ودي ارد ابدل الجيس الحين بنزله ابي رايكم

شكله ينفع ولادي ولا لا

 

[بربيره]

هههههههههههههه ام حوراء مشتغله حنه عالريال فقير خخخخ اي روحي ترا تخلص بضاعتهم

 

[ام الحوراء زينب]

هههههههههه عليه بالعافيه يهبلللل ماشاءالله
عيل لا اوريج جيس مجبلو اللي يايبته رفيجة امي من العندليب لونه بيج او ذهبي ما اعرف اللون بالضبط وعليه لولو وحتى الجنطه ريلي يخزني مصدوم يقول ان شاءالله بتحطين مجبوله الحلوة فيه ههههههههههههههههههههههههههههههههه يتطنز مو كفو هديه بلاش

 

[بربيره]

يلا ابي رايكم

 

[بربيره]

كااااك اخاف نفسه جد اشرايكم عشان اذا بناتي ما يركب على صبيان ابدله

 

[المـــــها]

مواصله والمها الله يعافيكم حبايبي

المها ملابس الطلعه مو شرط تاخذيله من صفر لي ثلاثه وايد ناس بس يلبسون افرولات بهالعمر عشان البيبي لا يتظايق

بس انا احب و اعشق شي اسمه تصوير عشان جذي شريتله بدل و بصراحه صعبه تقاومين لووول هذيل تلبسينه عقب الاربعين متا ما صاراو قياسه

وانتبهي اخذيله ملابس شوي تدفي عشان ياي البرد

بعد عمري
تسلمين ع الرد
انا نفسج احب التصوير و من الحين ميته عالملابس و البلايز و الجنزات
أقول حق امي بشتريله لابجين :krkrkr:

 

[المـــــها]

يلا ابي رايكم

ما شاء الله
روووووعه ذرب و كشخة اختيار موووفق :ggdw:

 

[بربيره]

تسلمين  بس شكله مو بناتي ؟

 

[المـــــها]

لا
يصلح للاثنين
هاذي من وجهة نظري

بربيرة بعد شنوووووووووووو يعني الصبيان مالهم رب هههههههههههههههههههههههههه

 

[غلاي امي وزوجي]

بربيره بالعكس مناسب للاثنين

البنات والصبيان

والصبيان داايم مظلوووومين