تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[jegrom]

شغل الكلف والخام يبيله واحد له خلق ويعرف هالسوالف

مثلي انا ابي كل شي جاهز ومالي خلق وايد فراره مع ان بعض المرات يكون التفصال احلى

 

[jegrom]

دستنيشن اي صوب بالافنيوز صاير؟

 

[jegrom]

كااااااااك توني راده من قاااب مو اقولكم كللللماااا اروح مكان يسوون بعده سييييل مقروده انا خخخخخ

هههه خيرها بغيرها عاد رحت الي بالافنيوز ماكو شي حلو حق الصبيان بس افرولين الي جم طويل الباجي جم قصير ما ينفع

 

[بربيره]

انا خذيت للنونو جاكيت و حق ابوه نفسه لووول الناس تطقم بين عيالها وانا اطقم بين ريلي و النونو والله اذا مسوين عليهم سيل بروح اردهم و اخذهم من فرع ثاني خخخخ من صجي ترا اسويها

 

[بخـــارى]

بخارى العندليب وين صاير ....؟؟؟

هلا فلافل عاد انا الصبح متريقه فيج

بالنقره الشمالي تحت
انتبهي في محلين حق اليهال واحد فيه كفرات وملابس ومصريين ينشبونلج نشبه
والثاني العندليب في بس ملابس لليهال يبيع في واحد سوري وايد البضاعه حلوه

انا اخذت حق بنتي بلاوي ماشاءالله يعني حتى لو تطلع جيكره الناس بتلهى ابملابسها:krkrkr:

مع اني فديتها امس شفتها بسونار ماشاءالله حلوه ااااخ ياقلبي ودي ابوسها:eh_s(2):

 

[~LiBrA~]

كااااااااك توني راده من قاااب مو اقولكم كللللماااا اروح مكان يسوون بعده سييييل مقروده انا خخخخخ

ههههه

والي يعافيج ابي جم شغله من دبنهامز

روحي اخذيلج فره اهناك

 

[jegrom]

انا خذيت للنونو جاكيت و حق ابوه نفسه لووول الناس تطقم بين عيالها وانا اطقم بين ريلي و النونو والله اذا مسوين عليهم سيل بروح اردهم و اخذهم من فرع ثاني خخخخ من صجي ترا اسويها

لووووول اي خوش فكره

اذا لقيتي شي قوليلي خل اطقم نفسج بس مابي حق ابوه حق ولدي العود

 

[~LiBrA~]

لاسينزا موشي تنزيلاته بس 25٪
وألي تسال عن جيئة وطقم كامل للاستقبال تروح كرت بلنش امس مارتهم بلبس سرير بيبي بس غالي السرير الكبير 50 والصغير 45
قلت بمر الامتياز ادور لولوكتي مافي خالص في سبونج بوب وقلت شرايك تجيبلي السنافر سنفورة للبنات وينفرد للصبيان قالي خوش فكرة بشوف اراسل شركتهم الي بسوريه ويعطيني خبر
وقالي البس سرير تدرون بجم 15 دينار والخام من عنده انا ماعجبني الخام واصلا ابي لون معين مو موجود عنده قالي جيبيلي الخام والكلف الي تبينه والسرير واسويلج وبعد اسويلج دراعة بس موديل العادي شغل علي الصدر والجم وعلمني شكثر ابي خام حق السرير وجذي وانساباه لما اخلص اوريكم
طبعا دام الخام من عندي سعر التلبيس يصير ارخص من 15 شكلي بجيب مخمل من برة ومن داخل بخليه قطن

دلول حتى انا امس قالي الي بالامتياز يسوي طقم كامل دراعه مع الجيس وهالسوالف

راويته قطعه من كفري (( جيس الكلينكس خخخ ))

قلتله ابي هالللون او قريب منه قال ماعندي انتي ييبي خام

بس هونت عنه الصراحه مالي خلق حوسه

مع انه عند اجياس حلوة كشخه بس لونهم ابي واوف وايت انا ابي بيج غامج او شي فيه شغل ذهبي

على لون هالكفر العله:rgewrg:


بس نصيحه دلول لا تاخذين سرير من الامتياز ترا شفتهم خشبهم مو شي وحرام تقطين فلوس على شي ما يعمر معاج


اذا تبين اخذي من انار مسوي تنزيلات

اخذي بدون التلبيس تلبيسهم عادي


انا خذيت سرير النفاس من عندهم سعره 19 ونص اول كان شي و30

والتلبيس ب7 بس حييييل عادي انتي فصلي عليه

وفي اشكال تهبل من الاسره شوفيهم وايد حلوين حتى تلبسيهم غير

ومعروف انار السرير مالهم الخشب ماله قوي ويتحمل

 

[Violetta]

انار موشيييي عندي واحد انكسر ماظل الا سنه سنتربوينت اقوي منه

 

[~LiBrA~]

انا ماخذه الكبير حق البيت من سنتر بوينت اكيد مالهم احسن شي

بس انا اقصد سرير النفاس بس حق 40 يوم وبعدين فججيه وحطيه بكرتونه وحق الحمله اليايه انشالله طلعيه مرة ثانيه

كل خواتي يسوون جذي وماشالله للحين الي عندهم صامدين

 

[بربيره]

انا لي عوده لقاب باجر بزفهم لووول

ليبرا اصلا دبنهامز سييييل كااااااك انا قررت اتاجر الي تبيني اروح محل معين تدفع عربون عشان بعده يسوون سيل خخخخخ

 

[Dalal.al3tibi]

ليبرا انا ماراح اشتري منه سرير بس يلبسلي سرير ولدي القديم حق البيبي

 

[Dalal.al3tibi]

عيل لوتشوفيني قاعده اجمع شغل التوزيع بسويه بيدي غير سكر التقديم
احب اسوي شغلي بنفسي ويكون غير عاد تدرين طقم استقبالي لونه مودارج كلش والبعض منتقدني والبعض يقول بالعكس غير عن الاستقبالات عاد قاعده والبق عليه مهاد البيبي وخلصنا منه قطعة السجاد خلصنا الديباج والمفارش حاطة عيني عليهم لقيت والبتوزيعات تحت التنفيذ علي المزاج طقم الضيافة خلصنا منه بعد
تبون تعرفون اللون اللون احمر واسود

 

[بربيره]

لون جرئ الله يعينج عالتعليقات لووول بس احس انج بتبدعين انشالله يطلع شغلج روعه

 

[ام الحوراء زينب]

بربيره رجاءا قعدي بالبيت اذا امي او ريلي طردوني من البيت ياويلج لوووووووول

بطرش اخوي يشترلي هديه ولادتي من غاب ههههههههههههههههههههه انا استلم الهدايا قبل وبعد الولاده

كل مره اقول كافي وانتو اتشيشوني
شكلي بتهاوش بالمنتدى عشان يرجعون يوقفوني وما اطل بالموضوع معاشي خلص

 

[ام الحوراء زينب]

ابي اروح الجوهره اخمخم صدريات حق مجبلو
والله قلبي نغزني كنت بروح بعدين قلت مالي خلق اطق درب عالفاضي بتمصلح ويا ريلي يوديني

 

[بربيره]

بنات ضبطوني اذا احد بيروح قاب قولولي الجاكيتات ملوت اليهال الصغار عليهم سيل والكبار بعد عشان اوفر مشوار باجر

 

[بربيره]

ام الحوراء لووووول احاول خلاص خخخخ بسرعه تتشيشين

صج شنو بتسمين البيبي

 

[~LiBrA~]

دلال

اي زين عبالي بتاخذين السرير

ماشالله عليج انتي صج مزاااج بس حلو اتكونين مميزة

بربيرة

صج دبنهامز سيل!! واي لا بالله طار المعاش وتونا باول الشهر:/

 

[بربيره]

من زمان سيل لووول وترا سيلهم عجييييييييب احلى سيل للان دبنهامز رحتلهم مرتين و بروح بعد مره لان رحت حق النونو بعدين حق بنتي. و الحين بروح عند ملابس الكبار