تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[كااامل الزين]

هلا ام الحوراء انا تخصص امازون ايباي ما اعرف فية قدامج يالغالية طريقين :
:eh_s(7):الاول انصح فية تروحين يا محفوظة السلامة الي شركات الشحن انا عن نفسي اتعامل مع ارامكس صج غويلي بس اغراضي توصل كاملة وما صادفت مشاكل وما يتاخرون بالتوصيل مكانة بالعارضية الصناعية وتفتحين صندوق بيطلبون منج بطاقة المدنية وتقريبا 11 دينار ويفتحونلج صندوق بامريكا وصندوق ببريطانيا + لازم يكون عندج بطاقة للنت انا عندي قبل تمويل نت وغيرتها لبطاقة الخير لييييييييييش مو بطاقة البنك العادية لان الانواع اللي دكرتهم عليهم حماية اكثر .
الطريق الثاني اي شي يعجبج سوي برنت من الموقع واخدي الورقة طيران على سيتي سنتر الشويخ او مجمع البستان عندهم شركة تطلب وتسوي الاجراءات كلها وتدفعين عمولة + فلوس الشحن يعني اغلى من الطريقة الاولي

التسوق عاد من امازون انا عاد تعلمتة بالخبرة صارلي 3 سنين واول شي بتصير مواقف حلوة :eh_s(10): وبتنصدمين شوي يفضل انج تقطقين شوي بالانجلش وكل شي بتشترينة اهم شي يا حلوة شوفي المقاسات والوززززززززن والوزن والوزززززززززن ولا بتروحين ورا الشمس :eh_s(2):لان شركة الشحن ما يحسبون بالكيلو يحسبون بالبوند اللي هم نص كيلو كل نص كيلو 2و750 وبعدين اقل 2ونص والحسابة تحسب يا حلوة ويفضل اختيار تقلييل عدد الشحنات ودمجها مع بعض بالتغليف عشان يطلع الشحن اقل علييج :ggdw:
نصيحة اخيرة لا تشترييين من النت الا الشي الغريب اللي مو موجود واللي صج تحسييين فية فرق سعر واي شي تشوفينة بالموقع زيدي علية 3 دينار سعر الشحن طبعا علي حسب الوزن
وافتري بسوق الكويت وقارني الاسعار هل الشغلة توفي معاج ولا لا :bbbiu:

هلا اختي شوفي ردي يمكن يساعدج :eh_s(17):

 

[كااامل الزين]

توحة انصحج لا تكثرين من مقاس 0-3 حسيتة صغير اخدي من 0-6 او 3-6 انا اللي طلبتهم من 0-3 بس 4 قطع والباقي المقاسات الثانية

 

[كااامل الزين]

توحة امازون فية قسم كامل للبيبي بتجهيزاتة من السرير للحفاظة كامل وفية قسم ملابس بيبي بس شوفي كلمة department او اقسام اضغطي عليها بالفرعيات تلاقييين اهم شي انج تعرفين انجليزي شوي ومشي حاللك حالك يمشي

 

[توحه1]

مشكوره حبوبه على المساعده ماقصرتي

 

[noo7a]

تسلمين حبيبتي كامل الزين

 

[كلاسيكال]

بسم الله الرحمن الرحيم ، مآشاء الله تبارك الرحمن


مشترياتي من مجمع عيد النصاااااار اللي بالديــرة

يلآ ابدي بالكمبل ، شريت واحد بيج وواحد وردي







وهذا كيس البيبي يسموونه ايس كريم موديل يديد ترى التصوير مو واضح طالع وايد لامع واهو موحيل وفيه فيونكات شرايط




وهاذي لفة للبيبي مع كبوس صووف




وهذا طقم للاستقبال وايد حلووو وراقي حيل وناعم مو خبة اخذته 10 دنانير كامل لفة وافرول مع مهاد مع جيس الممية ومع صدرية











وهاذي سلة البيبي خذيتها ب5 دنانير وحلوة ومو كبيرة حيل لا زينه للبيبي بس مجيسة مابطلتها






وهذا طقم جنطة البيبي مع الجيس حلوة حيل وعليها فرووو ناعم يعني حق الكشخة وان شاء الله واضح




والجنطة من قريب




وهذا فراش للبيبي






وهني الكبابس مطرزين



وهني من قريب




وهذول اطقم افرول مع مهاد وخيط





وهني بطلت واحد تشوفونه عدل


الافرول




المهاد والخيط





وسلامتكم ،،، ابي رايكم :$

عسى الله يتمم علينآ ويهوون علينا ويسهل ولادتنآ يااااارب ​

 

[aya faid]

ماشاءالله كلاسيكال عليج بألف عافية


الاغراض تهبل ان شاءالله تتهني انتي والبيبي


بس لو تكتبين لنا الاسعار

 

[كلاسيكال]

يعافيج حبيبتي ايا فايد الاسعار ياحبيبتي طقم المهاد مع الافرول والخيط على دينارين ، و الكنبل تقريبا ب4 دنانير ، او اربعه ونص

والكبابس المطرزين على نص

ووو طقم الشنطة مع جيس البيبي الفروو ب10 دنانير كانت ب15 طبعآ لازم تكاسرين والهنود ينزلوووون

وفراش البيبي باربع دنانير

ولفة البيبي مع الكبوس الصوووف باربع ونص

وجيس الايس كريم على 4 دنانير ، بس طبعا هالاسعااار بعد المكااسر ، يعني اذا قالج الشغلة ب6 او 7 نزلي منها دينارين او دينارين ونص

واذا ب15 وفوووق نزليه لي 10 او 11 جذي

​

 

[aya faid]

مشكورة حبيبتي ماتقصرين

اهو عيد النصار عبارة عن محلات؟؟ انا عبالي انه سوق شعبي


وايد يمدحونه وشجعتيني اروحله بس ما ادله

 

[كلاسيكال]

حبيبتي العفووو ولوو ماسويت شي ، عيد النصااار سرداب لمستلزمات البيبي ، يعني كل شي تقريبا موجود ، كله محلات هنوود بس صغير يعني موكبير ، بس حلووو

واللي يبيعون هنووود ـ وعندهم شغلات يطلع منهم ،، ومكانه كلش سهل شفتي سوق الديرة العمارة وسرداب الشايع صوووبة ومعروووف لو تروحين هناك قولي لاي واحد يدليج اياه وموووفقة حبيبتي ​

 

[aya faid]

مشكوووورة حبيبتي


عاشو تجمع اكتوبر


الله يوفقج وبميزان حسناتج

 

[كااامل الزين]

كلاسيكال حلوة الاغراض عليج بالعافية

 

[كلاسيكال]

مشكوووورة حبيبتي


عاشو تجمع اكتوبر


الله يوفقج وبميزان حسناتج

العفوووو حبيبتي ، عاشت اياااامج

ومشكورة عالجعوة الحلووووة :eh_s(9): ولج بالمثل حبيبتي

كامل الزين ، العفووو ياقلبي

 

[tmtmt]

كلاسيكال

ماشاءالله خوش اغراض
تتهنون فيهم

 

[tmtmt]

اليوم قاعده بروحي ضايق خلقي
متجابلين انا ونور
جان اقولها قومي واروح جمعية مشرف فوق اتمشى

ولا نكست تنزيلات ماكنت ادري
دشيت ولا عندهم شتوي ( ولادتي بالشتا ان شاءالله )
عندهم اشياء وايد بس ليش بجري بنوته احس مو عارفه اشتري ولادي

شريت ع خاطري بس
وكملت حق نور





عجبوني الوانهم



جان ادخل مذركير
وهم ماعندي سالفه خذيت هذول



وهالكمبل احبه من نور ماخذه منه اثنين وايد حلو ويدفي



وبس

 

[كلاسيكال]

كلاسيكال

ماشاءالله خوش اغراض
تتهنون فيهم

حبيبتي ، الله يهنيج بالايمآآن


عليج بالعافية اغراضج وايـد حلووووة ، عاد تسوى تنزيلاتهم؟ وفي بناتي حلوين ؟ :eh_s(10):

 

[tmtmt]

الله يعافيج حبيبتي

والله اهوا تنزيلات بس طلعت ب 36 شي جذي توقعت ارخص بيطلع
مع هدوم نور طبعا

خل اقولج اسعارهم
كله نص السعر الي ب 10 صاير 5
ولي ب 9 صاير 4
جذي يعني

وبناتي مواليد والله ماشفت
بس اكييد في اشياء حلوه
ماشاءالله هدوم البنات دايما تشوق

 

[دانة الاحرار]

وناسة اغراض البيبيات
انا بتعلم منكم واشتري اخر شي
ببدي تجهيزات عدل بعد العيد ان شاءالله
ومني للعيد بكوون خذيت خيرة بالاغراض والاعداد والاماكن والاسعار

 

[فاقده ابوهاااا]

tmtmt

عليج بالعافيه على تجهيز البيبي

 

[ام الحوراء زينب]

كلاسيكال ماشاءالله تتهنين انتي والبيبي يارب
بس بضيق خلقج
لووووووووووووووووووول
عندي مثل الكبابيس المطرزه
بس للاسف يختربون بالغسيل يتوسعون جربتهم على بنت اخوي


تمتم انا بعد رحت نكست ههههههه عجبوني جينزات بيبي بس ريلي يقول يلوعون الجبد معنه بخاطره بس مايبيني اشتري وايد لانه صج الجناط راح تنشق
بس انا رحت سوق شرق شفت وطلعت ههههههههه