تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[ملح الدنيا فيني]

السلام عليكم اليوم رحت فاشن مل الفروانيه وشريت لى وللبيبي هالاغراض

البيبي اخذت له

​

هالاطقم لفه مع الخيط مع الافرهول مع دسوس اليد وقبعه كامل ب 2.400
ولفه مع خيط بس ب 800
ولفه مع خيط وافرهول ب دينار و800


وخذيتله حبيب قلبي شغله ما تصدقون خامتها راقيه وتهبل جيس البيبي للنوم تخيلى بجم بس ب 750 فلس وخامتها قطن ملبسه ديباج تهبل بصراحه انصحكم فيها وفيه كل الالوان

وخديت لى هالارواب روعه بارده على قولة المصرى تلاجه ( اى ثلاجه ) ويه كلش مالنا خلق ثقلنا والنوم ما ميش , انصحكم فيهم شكلهم مرتب وايد باللبس وقصتهم للحوامل تحلى الجسم انا اول ما شفتهم عبالى ايطالى لانى شاريه من الجميع الواحد ب 18 عاد خميت لى مجموعه اتبرد فيهم بالبيت
كلش مالى خلق عالريل والترصص والتكشخ ومنها بالليل جنه لابستله قميس لوووووووووول

ب 1.800
والرخيص كثر منه

وشريت لى ملابس داخليه ملابسي ما تدش فينى بطنى وبذات صدري صاير كبير ويعورنى حسافه على ستياناتى كله ماركات ما يدشون فينى

قلت ما يبيله يا ملوحه اخذى لج رخيص وكويس ومريح شريت لى خمطه الواحد ب 750 قطن ايهبل ومريح والكب كامل يرفع الصدر ويخفف علينا الثقل وسيره عريض عشان يسند الصدر عدل سيده تسبحت ولبست احس ردت روحى لوووووووووووووووووول

وشريت لى شلاح تهبل قطن انصحكم فيهم مع الحر والطلعات ايهبلون ماركه فاميلى الوحده ب 2.400
قطن كاهى الصوره

خذيت بجم وخذيت حفر وقصار

​

وخذيت شورتات قطن انصحكم فيهم صرت لكم الجيس بس لووووووووول عشان تعرفون الشكل خذيت ليما الركبه وخذيت نص الفخذ حلوين وقطن ويمنعون احتكاك الفخوذ والسواد انا هذيلى المعتمدات عندى ولالا للحفر ببس حق الدوره سابقا استخدمهم والباجى كله على هالنوعيه الواحد بدينار


اتمنى عجبكم تقريري

اما التجربه الفاشله لى الله لا يعيدها شريت مخده الحامل من مذر كير ب 29
اخ يا بنات مت عوار من رقبتى وحدها قاسيه وغثيثه والله تحسفت على فلوسها
بس قلت يالله اخليها للبيبي لقعد الفه فيها

نصيحه لا تخذون مالت مذركير صلبه وتعور مو ناعمه جنه نايمه على صخره

​

 

[ملح الدنيا فيني]

مشترياتى امس :rerrerek:



ما شاء الله لا قوة الا بالله


جيس البيبي من انار كان ب 17 صار ب 14

زوم عالشغل لولو ناعم

​

لفه كانت ب 10 صارت ب 8.400
تهبل بطبيعه

​

ملافعى ملوت قمصانى النفاس واحد ابيض واحد بنفسجى اذا طلعتهم بصورهم لكم

من ردتاق تبانات 3 مع بعض مع قبعه بدينار ونص + دسوس يدين 4 مع بعض ب 700 فلس

من كرز كريم لحلمة الثدى بعد كل رضعه عشان يا يتشقق + كريم بعد الولاده للجسم شد وترطيب + كماده حاره للجسم بحطها للثدى عشان تدر الحليب
بحطهم مع جنطة المستشفى

هلصحون صورتهم كم من كرز

​

تقدرون تحطون فيهم الاستكانه مع معجنات او مكسرات وسكر وفيه اشكال وايد سعرهم دينارين وفيه سلفر ينن وذهبي ولقيت استكانات تهبل ومنوع والله يبيله واسعاره حليوه الطقم ب 12 الى 10 دك
​

 

[ملح الدنيا فيني]

كفري ما شاء الله لا قوة الا بالله

بسيط وذرب معاه

لبس سله + مفرش + نعال + كلينكس + الكفر طبعا + شراشف + كواشي

هذا كفري ابيض قطن بدانتيل سعره 32 من ترافليو حبيب الشعب

​

فججيت الكوشيه تشوفون الدانتيل

​

هالكفر عجبنى شريته ب 16 نفر واحد

يمكن اخليه للمستشفى بما انى مراح اسوى استقبال بالمستشفى

يعنى شى ناعم وسنبل
​

 

[ملح الدنيا فيني]

التقرير

هلو كروشات

التقرير الثانى

هذيلى اغراضى اللى شريتهم من سنتر بوينت يوم اللوعه التنزيلات

اللى قلت لكم ولا صورتهم

شفاط الصدر ولبادات الصدر

الشفاط كهربائي ب 26 - لبادات ب 3
​

شريتله حبيبي

دشداشه قطن سبق جربتها مع عيال خواتى يهبل ومريح بدينار و900

وحفاظه قطن تهبل تنفع لما تبي تريحينه من البامبرز ولما فجاه يخلص عندك البامبرز ولا تعلمج الخدامه نصيحه اشتروا بو 5 حفاظات وخلوها لليالى السود
لووووووووووووووول

حبيبى شريتله هالتبانات مع قبعتها حق لما يلنا ابوه يزورنا حركه يعنى
من اش ام ب 4دك
تقريبا

وهذيلى القماعه كلهم مع بعض شيز لوووووووووول

​

​

​

 

[(أم نونو)]

الموضوع حلو وان شالله بس ابدي اجهز بحط الصور

 

[ام عفاف الكويت]

الله يتمم عليكم انا تجهيزي يبدأ بالشتا لانه ولاده الشتا

 

[نارنجه]

ماشاء الله اختي ملح الدنيا ... تقريرج يهبل ...
الله يتمم عليج و تتهنين والبيبي بالاغراااض ... يا عسا هالملابس ملبوس العافيه لج و له

واستفدت منج صراحه انا اشوف الكمادادت هذي بسيتي سنتر بس ماا فكرت اجربها من قبل
ان شاء الله اخذ لي منها ... و لج دعوة حلوة
عاد حوسة الرضاعه و الصدر هم ثقيل استغفر الله جنها ولادة ثانيه :eh_s(2):


انا ولادتي بين 11 و 12 .. يعني للحين ماجهزت شي انطر الشتوي و الجم الطويل

 

[فاقده ابوهاااا]

وناسه عليكم بالعافيه وربي يتمم علينا ان شاء الله .. عاد اذا طحتوا على اماكن فيها تنزيلات كل وحده تكتب وين علشان نتسابق وانروح

 

[مَ عادنا خلان]

حلووووين بالعافية

الله يعافيج حبيبتي وبانتظار تجهيزج

 

[ليمون ونعناع]

تنزيلات سنتربوينت
مذركير
بروي
انشالله ماتكون خلصت

 

[ملح الدنيا فيني]

السلام عليكم

شلونكم كروشات

اليوم كانت مراجعتى بالمستوصف وناسه

احلى شى انه عنايه بلاش افتكينا من الدكتورات

الاستغلاليات :rgewrg:

بنات انا زعلانه عليكم ليش ما تورونا شنو شريتوا ؟؟؟:rgewrg::rgewrg: هاه ليش ؟؟

اليوم رحت فاشن مل

شريت لحبيبي يارب ييبه سالم غانم ويقومنى بالسلامه ويفكنى من العمليه القيصريه واولد طبيعى

خذيتله حبيب قلبي

جيس بيبي سمبل لونه ازرق بيبي ب 2.500

شريت مهادين قطن يهبلون قطنهم واااااااااو ب 1.500 الوحده

ولفه خفيفه تريكو لما يكون نايم ب 2دك

وفوط 6 ب 500 فلس

وفوطه كبيره قطن سوري ب 2دك

وشنطة بلاستيك حق كريماته ولوشن ومقراضه ومشط هالقش ب 2.400

وشنطه للطلعه تهبل فيها تقسيمات داخل ومعاها سماط تبديل الحفاظ فكره تينن ب 3.300

وشريت لى هههههههههههههه هدوم الميانين على قوله امى تكره الدراعه القصيره

بس انا احبها بالبييت لما اكون بروحى اتبرد

بدينار ونص

والجويتى لا بالطبيعه احلى دراعه مينى بليسات خفيفه ب 4دك تينن عاللبس

​

​

التقرير الثانى محرومين منه لما اشوف تقارير مشترواتكم :rgewrg:

 

[عبث طفله]

ماشاءالله

حمستوووني حيل على التجهيييييييييييييزمع انه تو الناس

تنزيلات سنتر بوينت خلصت

 

[الهبه88]

ماشاء الله الله يتمم علينا وعليكم ولادتي بعز البرد الله يتمم​

 

[super star]

ملح الدنيا دراعتج الزرقا عندي منها بس برتقالي ههههه

شكلي بسميها دراعة الحمل انا شاريتها مخصوص عشان اتبرد فيها تهببل وخفيفه

وعسا ربي يتمم على كل وحده حامل وتعبت وتخسرت وجهزت

 

[وطن الخير]

الله يتمم عليك ملح الدنيا شغلج وااااايد حلو

 

[ملح الدنيا فيني]

ماشاء الله اختي ملح الدنيا ... تقريرج يهبل ...
الله يتمم عليج و تتهنين والبيبي بالاغراااض ... يا عسا هالملابس ملبوس العافيه لج و له

واستفدت منج صراحه انا اشوف الكمادادت هذي بسيتي سنتر بس ماا فكرت اجربها من قبل
ان شاء الله اخذ لي منها ... و لج دعوة حلوة
عاد حوسة الرضاعه و الصدر هم ثقيل استغفر الله جنها ولادة ثانيه :eh_s(2):


انا ولادتي بين 11 و 12 .. يعني للحين ماجهزت شي انطر الشتوي و الجم الطويل

ملح الدنيا دراعتج الزرقا عندي منها بس برتقالي ههههه

شكلي بسميها دراعة الحمل انا شاريتها مخصوص عشان اتبرد فيها تهببل وخفيفه

وعسا ربي يتمم على كل وحده حامل وتعبت وتخسرت وجهزت

الله يتمم عليك ملح الدنيا شغلج وااااايد حلو

بعد عمري عيونكم الحلوه

الله يرزقنى ويرزقكم ويرزق كل محروووووووووووووووووووووووم يارب

 

[MuChaCha]

سؤااااااااااااااااااااااااااااااااااااااااااال وجيييييييييييييييييييييييه d:


ولادتي راح تكون بين 30-8 الى 2-9


اجهز شتوي والا صيفيي؟؟

ادري بيكون حر

بس مادريي تدودهت

 

[ليمون ونعناع]

سؤااااااااااااااااااااااااااااااااااااااااااال وجيييييييييييييييييييييييه d:


ولادتي راح تكون بين 30-8 الى 2-9


اجهز شتوي والا صيفيي؟؟

ادري بيكون حر

بس مادريي تدودهت

صيفيي

 

[MuChaCha]

ياحلوج يا ليمون ونعنااااااااع حبييييييبه كله اتردين على استفساراتييي ماتقصرييين قلبوووجه :*

 

[ْ{صبّوحه}ْ]

الله يتمم عليج ملح الدنيا واااااي ما شاء الله تبارك الرحمن
الله يحفظج لبيبيج و تولدين بصحة و سلامة ولادة طبيعية ان شاء الله
و تفرحينا بالنونوو
نحن الشتوياات بيناير بعدين بنوافيكم بالتطورات خبرج بجريات لازم انشوف اللي بتجمعنا شنو يشترون بالشتوي لوووووووول
ملبوس العافية يا رب الصراحة وايد استفدت من الصور و بخاصة ملابسج
تسلم اناملج الغلا