تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[Dalal.al3tibi]

بنات هذه شغلي بالسكر بس باقي المكسرات والكوكيز كل واحد دور وازين استاند

وسويت اول علبه توزيع بس باقي أحط كاكاوة وشمعه للاسف مالقيت علبه سودة او حمرة او شفافة فخذيت الذهبي لانه مطاطيري فيهم ذهبي واسود واحمر

 

[Dalal.al3tibi]

امس جولتي بحولي ببكمل شغل التوزيعات قلت بروح سيكرت علي مااعتقد هذه اسمه نفس زهور الشرقيه وارخص وارتب مكانة المجمع الي يم دار الشفا الي في مطعم فرحان ودار الزين
نويت دار الزين مالقيت اللون الي ابيه واغلبية شغلهم نفر ونص بس كان في واحد نفرين حلو شغله بس مابيه كان سعره 250 طلع شغلها مو تفصال كله جاهز
وكان بالمجمع محل كاكاو عنده لبناني وسويسري وبلجيكي أغلا واحد البلجيكي اعتقد لانه احلي شي الكيلو 16 للبلجيكي شكلي باخذه ولقيت عندهم هلالفكرة لاستاند التوزيعات يياجرون ويبيعون هذه اجاره 45

وعقب رحت مكان تدرون وين اخر لحظة وصورت لكم الجياس
احلي شي روبرتوا كفالي
الابيض باطراف تايقر 80 وخردة التايقر 79 وخردة بس للاسف مامعاهم جناط

ولقيت ماركة كرستالة قطر لولو الايطاليه

وهذه الجيس ضيعت اسم الماركة ب 100 وشي 120 شي جذي

والحين نيي لكولكشن ديور معا الجيس جنطة فيها ديباج بس مو جنطة اغراض جنطت ديباج والجنطة والديباج بروح والجيس بروح

[/QUOTE]





[/QUOTE]

 

[ام عفاف الكويت]

حلوين لكن مادري احس الاجياس عاديه مالت البيبي
ماشاء الله ستاند الكاكاو ولونج غريب حيييييييييييييييييييييل
شنو اللى طرأ عليج اسود واحمر

 

[Dalal.al3tibi]

حبيت اسوي لون غريب شوي مابي شي دارج كلش وحتى وانا اجهز الشغل مابي احد يعرف شنو فيني من حمولتي واذا اسالوني اقولهم ماسويت سونار ولما راح يشوفون شغلي راح يعرفون من نفسهم يمشي للبنات والصبيان يعني جني ماادري
وترى انا مو نحيسة ومااعلم حمولتي شنو فيني اول واحد معلمتهم وكل شي بس اكتشفت انهم مايعلمون ويخشخشون علي فقلت بعاملهم بالمثل وله اهلي ورفيجاتي والي معاي بالدوام يدرون فيني بنت واي احد يسالني اعلمه بس الي اعرف نظام تخشخش مااعلم
امشي مع مقولة عامل الناس كما ان يحبو ان يعاملوك

وبداية اللون كان مهاد عاجبني لونة اسود باحمر وعلى اساسه سويت شغلي حتى طقم الضيافة عندي اسود باحمر وذهبي
باقيلي الحين الماي بشتري هل اليومين كرتون واشتغل فيه

 

[فراشة الوادي]

عليج بالعافيه دلولو رووووعه شغلج ماشاء الله الله يتمم عليج وعلينا يارب اللون عجيب ماشاء الله وتشوفينه عروس يارب

 

[فلافل وبطاط]

عليكم بالعافيه المشتريات يا بنات يتهنون البيبيات

ام عفاف انا ولادتي بالحكومه فآخذ شغلي من صيدليات برا
واجهزه عندي

 

[مظلومه ياناس]

ماشاءالله عيني عليكم بااااارده

 

[ام عفاف الكويت]

انا الى الان مادري
اليوم متهاوشه مابي اولد بالحكومه خايفه من هالتجربه
ماعمري سمعت احد يمدح

 

[Janna-q8]

دلال
اينن شغل ديور انا اخر مرة رحت ما شفت هالكولكشين شريت من الكولكشين اللي قبله

ام عفاف
ليش عاديين... ذوق الماركات دايما يكون راقي بذرابته احلى من سوالف تلصق و ترتر و خبه و مادري شنو^^
و اذا عن ولادتج بالحكومه شوفي اذا لا سمح الله عندج مشاكل بالحمل او شي روحي لهم لانهم طبيا شطار باذن الله لكن المستشفى وييييع حدده وصخ و ريحته ارف.. و الحمامات( عزكم الله) القطو ما يشتهي يدش فيها حتى لو غرف خصوصي صج اهون من العمومي بس هم من متى بانينهم وما جددوهم يعني حيييل قديمين ..بس انا سمعت ان فتحوا جناح يديد خصوصي عاد اذا عن جذي ما ادري...

 

[ام عفاف الكويت]

جناان اقولج عادي الحين الجيس بالنسبه لي
مو مهتمه ماشريت الا واحد ومافيني شده اشتري

اي عندي مشاكل هالحمل
ضغط مرتفع وعمليه قيصريه
وثلاسيميا دم ونقص فيتامين زاد شوي
والمشيمه كانت نازله
واااي نفسيا كلش
اللى فتحوا فيه يديد بس مستشفي صباح قسم للكويتيات ودي اروح لكن بطاقتي تابعه للفروانيه
لا تخليني انفجر وابجي
لو اني اولد طبيعي جان قعدت بالبيت والله وولدت

 

[STILL G L A M ~]

بنات عفيا انا بجر وماعرف شي كلش

ابي شنو اغراض البيبي الي نجهزها من الى

واغراض النفاس من الى

ولمن الناس اييون بالنفاس شنو اسوي تجهيزات الكشخه ومادري شنو(( من الى)) لووول ادري مسختها بس والله ماعرف الفاضيه ترد علي براحتها
مابي تنسى شي ..,

حاولت ادور بقوقل مالقيت شي يفيدني

وعسى الله يثبت حملكم و يهون طلقكم ويسهل ولادتكم يااارب .,

 

[ام عفاف الكويت]

 

[فلافل وبطاط]

الفروانيه بعد افتحوا جناح حلوو لونه وردي هههههههههه
كلها يوم تحملي .. صحتج اهم والله ...

ريلي يقولي ولدي عندهم واطلعج احجز غرفه باي مستشفى
خاص حق العنايه والاهتمام والاستقبال !!!! ماكو شغل !!!!

انا قلت لج ولدت وكانت عندي توصيه من وايد ناس حتى ولدتني
وخيطتني دكتوره سلوى الرفاعي ... يايه من عيادتها حق مريضاتها
ودخلوها اتولدني ...

والسهاله من الله ،، وريلي جنه قالي رويال حياة عادي يستقبل حالات
نفسي ثلاسيميا ويوفر دم .. خل اتأكد واقولج ...

 

[ام عفاف الكويت]

فلافل خل نكون واقعين بيستقبلني وينقل لي دم والضغط والياهل والتعب والمشيمه اللى نازله والعصب اللى برجلي
لااااااااااااااااا وصي علي فلافل امانه

 

[فلافل وبطاط]

ابي اساعدج اشوف لج خاص يستقبل شسوي عورتي قلبي
انتي والبيبي ...
لا بفلوسنا مرتاحين ولا بدولتنا مرتاحين ...

تخيلوا امي ترشي الهنديات برا وكل شوي داشه علي وحده
اللي اتشريني ماي واللي اتغطيني واللي تعطيني تفاصيل
ريلي ومنو ياا ومنو راح وشنو ابي اكل هههههههههههههه

تدرين لي ولادتج ان شاء الله وولادتي ربي يحلها ويسهل علينا
وترجع جارتنا بالسلامه واخليها اتوصي علينا اتكلم واسطتها
بس بعدين دزيلي اسمج قبل لاتروحين الولاده ... وان شاء الله
ماقصر اخليهم يكلمون لج احد هناك ...

 

[ام عفاف الكويت]

يامال العافيه
انا عادي ابيعها واولد خاص
لكن الزوج رافض تماممممماا
الدكتوره قالت عادي تدفع الالف وشي واخرها يشيلونها بالاسعاف ومايردون لك شي ويدفعونك الاسعاف بعد
يقول ليش لعب هو الصحه والعافيه اهم من المظاهر وبالبيت سوي احلي استقبال
والحين اراجع عند سلوي الرفاعي قالت لي انا اولدج بالحكومه

 

[بربيره]

دلول يعطيج العافيه عالصور استمتعت وانا اطالع بصراحه خوش جوله

 

[فلافل وبطاط]

والله توكلي على الله كلام ريلج نفس كلام امي
ودكتوره سلوى روعه شويه يعني بنفسها قالت
انا ماره مريضاتي والله سخرني ادش لج ...

وانا ماكنت اعرفها اصلاً هي عرفتني على نفسها
وبعدها سألت وعرفت ان هي ... وايد حبيت اسلوبها
بالتوليد ترفع المعنويات ..

والله يسهل عليج لا تحاتين ...

 

[متيمه بهواه]

بصراحه
بنات تهببببببببل تجهيزاتكم
الله يفرح قلبكم بيهم وتولدون بلسلامه يارب

 

[ام الحوراء زينب]

حلفي والله بس و تقول كافي صح لوووول لا يبا يبيلج بعد اربعه عشان يصيرون درزن حق مجبلو و ربعه

ههههههههه بربيره انا اقولج ليش وايد مكوده ملابس واغراض
لانه الله يسلمج متزوجه من ثلاث سنوات وحملت بعد زواجي ب6 شهور ومات الجنين ابطني طبعا وقتها كنت بتايلاند كودت من اهناك ورديت
وظليت سنتين ماحملت
واول ماردينا الكويت ولا اختي تبي تجهز حق ولادتها وانا وريلي كنا انوديها عيدالنصار اشوف الاغراض والملابس كنت ابجي ريلي مايحب يحط بخاطري فمسكين كان يجهزلي من الاول يعني لو اصور الاغراض تحذفوني من المنتدى هههههه لانه اكثرهم من قبل سنتين
وكل ما اروح سوق واشوف ملابس بيبي يعجبوني كنت اخذ سواء بناتي ولا ولادي عادي ماتفرق وياي
ولمن حملت صرت اجهز مرا ثانيه
عشان جذي نص اغراضي للحين مو لاقيتهم لووووول هذا اللي شفتهم بس واللي ماشفتهم مادري وين طارو