تجمّع البنات اللي يبون يكملون عقب الدبلوم( البكالريوس)...!!!

[angel**ملوكه]

السلام عليكم
ابي افتتح الموضوع مرة ثانيه .... ابي اكمل بكالريوس بالكويت
ان كان بجامعه الكويت او الجامعات الخاصه !
منو تقدر تفيدني عن البعثات الداخليه ( وين اروح علشان اقدم او اسأل عن البعثات الداخليه؟؟​

بليز من تعرف متى فتح التسجيل بالجامعة الكويت للحاصلين على الدبلوم؟؟!

 

[** باربي **]

انا وييييييييياااااااااااااكم اشوة في ناس معاي

 

[se3loowa]

قريت الموضوع كله وما خذيت معلومه اكيده


بنـــــــــــات ..

أبي المتخرجين من دورات خاصه تخصص ( تحصيل ايرادات ) الي تابعين التطبيقي ..

وين يقدرون يكملون دراستهم وياخذون البكلريوس ؟؟

اذا بالكويت كتبولي الاماكن الي يقدرون يكملون فيه ؟

والمعدل مو ذاك الزود .. انا ابيه حق احد من اهلي .. بس مادري جم معدله بصراحه ؟؟

واذا بره الكويت كتبولي الاماكن المعترف فيها (( اكييييييييييييد )) ؟

مو يمكن ومادري ومو اكيد


بس الاكيد 100% ...



بليز ساعدوني بأسرع وقت تقدرون فيه

 

[لواهيب كويتيه]

قوه بنات ابى احد يفيدنى جزاه خير انا عندى دبلوم اداره وسكرتاريه معهد التجارى وابى اكمل بكاريوس

عندى خبره 16 سنه تقريبا ابى حللللللللللل ابى اكمل بكاريوس وابى اعرف الجامعه المفتوحه وبكم ؟؟؟


وشى المهم انه ولا جامعه تبى تقبلنى وسبب الشهادتى قديمه سااااااااااعدونى ولا اقدر اكمل بره ما عندى الا اهنيه فديتكم ؟؟​

:0bee2e8d89:

 

[نجمة الجوزاء]

والله حبوبة الجامعة العربية وايد اسعارها معقولة يعني تقريبا 311 دينار تاخذين فيهم اربع مواد في الكورس..

وماعندي فكرة على الشهادة قديمة ولا يديدة ماعرف والله

 

[اموووووون]

السلام عليكم
انا عندي شهادة دبلوم حاسب الي و اشتغل صار 6 سنين و توني خذيت الدرجه الرابعه و صرت بمستوى الجامعيه و الحين حصلت على موافقه اني اكمل بكالوريوس .. سؤالي اذا كملت بالتربية الاساسيه تخصص تكنولوجيا التعليم ارجع بعد التخرج نفس مكان شغلي بالوزاره او اصير معلمه اجباري .. مع العلم ان انا حاليا اعتبر جامعيه ..

احترت اكمل و لا خلاص ...انا بس ابي يكون عندي شهاده ..اهلي نصحوني تبين تكملين صيري معلمه و لا لاتدرسين و تضيعين 3 سنوات اذا عادلوا شهادتي...


اتمنى تردون علي سؤالي لان احترت...

 

[كبيره وخطيره]

up up

 

[KrNA-KrNA]

السلام عليكم
انا عندي شهادة دبلوم حاسب الي و اشتغل صار 6 سنين و توني خذيت الدرجه الرابعه و صرت بمستوى الجامعيه و الحين حصلت على موافقه اني اكمل بكالوريوس .. سؤالي اذا كملت بالتربية الاساسيه تخصص تكنولوجيا التعليم ارجع بعد التخرج نفس مكان شغلي بالوزاره او اصير معلمه اجباري .. مع العلم ان انا حاليا اعتبر جامعيه ..

احترت اكمل و لا خلاص ...انا بس ابي يكون عندي شهاده ..اهلي نصحوني تبين تكملين صيري معلمه و لا لاتدرسين و تضيعين 3 سنوات اذا عادلوا شهادتي...


اتمنى تردون علي سؤالي لان احترت...

حياكم الله بنات في الموضووووووع...
حبوووبة اموون...انتي الحين على ما تقولين صرتي بالدرجة الرابعة واهي الدرجة اللي اول ما يتعينون عليها حاملين شهادة البكالوريوس..بس مو معناته انج صرتي جامعة...كله يفرق الحين بالترقية بالاختيار وبالوظائف الاشرافية..يعني مو كله واحد..ومعناته ان حاملين البكالوريوس سابقينج ب5سنوات :eh_s(1):..يعني اذا كنتي حاطة عينيج على منصب رئيس قسم او مراقب..سنوات الخدمة لازم تكون عندج دبل عن حامل البكالوريوس...والحل الثاني..ان كنتي تبين عطله المدرسات..ومعاشهم>>واهو بيني وبينج حلو ..بس كراف..وجو المدارس عني انا شخصيا ما استحمله إلا اذا كنت ادرس مادة مو اساسية..ولا الناظرة والوكيلة انا ما صدقت على الله افتك منهم :ada:...

عموما حبوبة انا الحين اكمل في الجامعة العربية المفتوحة...والحمدلله الحين خلصت كورٍس..بس انا ماطافني من تخرجت من التجاري الا كورس واحد..

والله كريم ويوفقكم كلكم...

 

[][شموخ][]

قوه بنات
..
مبارك عليكم الشهر
..
حبيباتي منو فيكم تخرجت من العلوم الصحيه (( اغذيه وتغذيه)) وكملت بكلاريوس بجامعه الكويت او اي جامعه ثانيه داخل الكويت؟؟؟
..
ياريت تقول لي جم ماده عادلوا لها وهل ضاع من عمرها سنه ولا ما ضاع شي؟؟
..
ومشكورييين مقدماً

 

[بصْمةُ ضِيَاءْ]

وتكلفة الجامعة العربية الاربع اسنين كلهم تقريبا 4 الاف,,واول كورس الكورس الواحد مو اكثر من 400 دينار,,
ومقارنة بالجامعات الخاصة اللي بالكويت تعتبر هالجاعة الارخص تكلفة


وللعلم ترا البنات اللي متخرجين من التجاري ويايبين معدل زين وكويتية يعطونها بعثة تكمل بجامعة الخليج,, يعني على حساب الحكومة,,
بس اذا سقطت بمادة اهيا تدفع,,انا اعرف كذا وحدة تخصصها محاسبة قاعدين حاليا يكملون بجامعة الخليج مو اربع اسنين طبعا,,



وهاذي بعض المعلومات عن الجامعات الخاصة\

قرات بجريدة الوطن الكويتية بتاريخ 27-8-2008 اسعار الجامعات الخاصة بالكويت,, ,والتخصصات,,
فتفضلوا,,


- جامعة الخليج(gust) التكلفة النهائية للتخرج 20 الف دينار كويتي.التكلفة النهائية للتخرج تعنى الاربع سنوات,,التخصصات المتوفرة حاليا:
بالنسبة لكلية الاداب والعلوم الادراية يندرج تحتها تخخص اللغة العربية والتربية وتخصص اللغة الانجليزية ترجمة ولغويات وتخخص اداب انجليزي وتخصص اعلام وتخصص الصحافة وتخصص الاذاعة والتلفزيون وتخصص العلاقات العامة والاعلان وتخصص الاتصال المرئي وتخصص علوم الحاسب والالي,

كلية العلوم الادراية تضم تخصص المحاسبة وتخصص ادارة نظم المعلومات وتخصص ادارة الاعمال وتخصص التمويل وتخصص ادارة اعمال دولية وتخصص ادراة العمليات والشؤون اللوجستية وتخصص ادارة السلوك التنظيمي وتخصص التسويق وتتبع جامعة الخليج للعلوم والتكنولوجيا.




- الجامعة الامريكية(auk)التكلفة النهائية 21 الف دينار كويتي.التخصصات المتوفرة حاليا:
كلية الهندسة وكلية ادارة الاعمال وكلية الاداب والعلوم, وتمنح كلية الهندسة درجة الماجستير في هندسة الكمبيوتر والهندسة الالكترونية وهندسة النظم والهندسة البيئية والهندسة المدنية والهندسة الميكانيكية والهندسة المعمارية.
اما كلية ادراة ادراة الاعمال فتمنح درجة البكالاريوس في الاقتصاد وتخصص المواد البشرية وتخصص نظم المعلومات والمالية والتسويق والمحاسبة والادراة...
وكلية الاداب والعلوم فتطرح بكالوريوس الاعلام الالكتروني و بكالوريوس التصميم الجرافيكي و بكالوريوس الدراسات البيئية وبكالاريوس اللغة الانجليزية وبكالاريوس العلوم الاجتماعية وبكالاريوس الدراسات الدولية وبكالاريوس وسائل اعلامية والفن المعماري الداخلي وعلوم الكمبيوتر.




- جامعة الشرق الاوسط الامريكية(aum)التكلفة النهائية للتخرج 25 الف دينار كويتي.التخصصات المتوفرة حاليا:
بكالاريوس ادراة اعمال يتفرع المحاسبة والتمويل والتسويق وبكالاريوس ادراة نظم معلومات-شؤون الحاسوب وبكالاريوس المواد البشرية(خبرة في الموظفين) بلاضافة لتدريس اللغة الانجليزية للمرحلة الثانوية.
كلية ACM تقدم دبلوم ادراة اعمال دبلوم العقار (علم جديد وذو سوق عالي حيث يحصل على توظيف فوري) دبلوم التمويل دبلوم المحاسبة دبلوم المبيعات دبلوم تقنية المعلومات.




- الجامعة البريطانية المفتوحة اهيا نفسها الجامعة العربية المفتوحة(aou)التكلفة النهائية للتخرج 4 الاف دينار كويتي.التخصصات المتوفرة حاليا:
بكالاريوس تخصص ادراة اعمال نظم ادراية وبكالاريوس ادراة اعمال اقتصاد وبكالاريوس اداب انجليزي وبكالاريوس تقنية المعلومات والحاسب.

 

[dяέἆᶆ qûếếἦ]

بنات انا الحين من امه بدش عرض :eh_s(6):

الحين ابلات الديكور والكهربااء مادري هالمواد موجودين ولا بس على ايامي <<<<مو هذا السؤال:tomato2:

السؤال هذيل شنو تخصصهم ؟؟ لاتقولون تصميم داخلي تربيه اساسيه لانهم مسكرينه من سنه الف وحطبه وفوق هذا سمعت بس انه للشباب معقووول

يعني اكتفووا ؟؟؟ ابيه بعرف عنه واذا في جامعات خاصه تعطي هالتخصصين ابيهم خصوصا الديكوور

وفقكم الله لما يحبه ويرضاه

اي اخر شي شنو سلبيات وايجابيات هالتخصص <<لاتقولون صاروا مواد اساسيه:tomato2:

وشكرااا حبيباتي

 

[ام قطقوطه]

مرحبا بنات ياليت تفيدوني والله محتاسه وموعارفه اكمل ولا اتوظف انا متخرجه دبلوم من الدورات الخاصه ادارة اعمال تسويق
مادري ودي اكمل بكالريوس بس موعارفه شنو اكمل بالضبط وبصراحه زوجي مايبيني اتوظف الا مدرسه
فودي اكمل واسير مدرسة حاسوب او تربيه حياتيه او ديكور بس موعارفه شلون؟؟
ياليت وحده تشور علي
والله يوفقكم ويستر عليكم

 

[ام قطقوطه]

مرحبا بنات ياليت تفيدوني والله محتاسه وموعارفه اكمل ولا اتوظف انا متخرجه دبلوم من الدورات الخاصه ادارة اعمال تسويق
مادري ودي اكمل بكالريوس بس موعارفه شنو اكمل بالضبط وبصراحه زوجي مايبيني اتوظف الا مدرسه
فودي اكمل واسير مدرسة حاسوب او تربيه حياتيه او ديكور بس موعارفه شلون؟؟
ياليت وحده تشور علي
والله يوفقكم ويستر عليكم
ياليت ادزون لي عالخاص

 

[• قلبه نصيبي •]

بنات انا للحين ادرس بس ودي اكمل بكالريوس !

بس لازم اييب نسبه سنعه وانا بمعهدي !!!

 

[ce284]

بنات انا اختي معاها دبلوم تجاري تخصص ادارة و تبي تكمل، تعرفون جامعة تعادل المواد و تكون الدراسة باالعربي سواء بالكويت او خارج الكويت وجم تكلفة الدراسة؟
ويعطيكم العافية

 

[KrNA-KrNA]

والله خارج الكويت في بالبحرين جامعات حلوة دلمون والعلوم وتكنولوجيا,,,حلوين..


وبالتوفيق بنات...

 

[][شموخ][]

قوه بنات
..
مبارك عليكم الشهر
..
حبيباتي منو فيكم تخرجت من العلوم الصحيه (( اغذيه وتغذيه)) وكملت بكلاريوس بجامعه الكويت او اي جامعه ثانيه داخل الكويت؟؟؟
..
ياريت تقول لي جم ماده عادلوا لها وهل ضاع من عمرها سنه ولا ما ضاع شي؟؟
..
ومشكورييين مقدماً

8
8
8
محد رد علي

 

[KrNA-KrNA]

اي والله بنات..ردوا عليها..

حبيبتي انا قريت مشاركتج..بس والله ماعرف احد كلش تخرج من هناك..ان شاءالله في وحدة ترد عليج وتفيدج...وبالتوفيق يارب

 

[إحســاسـ أُنثـى]

بنات انا في الجامعه الامريكيه وعندي شهاده دبلووم اداره المشكله انهم الكوورس اللي طاف امعادلين لي 45 وحده لانه موادي كلهم سي وفوق ماعندي دي...وهالكووورس اتفاجىء انهم ساحبين مواد من اللي معادلينهم ما ادري ليش انقبلت بالبعثه الداخليه هالكوورس علشان جذي سحبوا مني 15 وحده يعني كورررس كامل من الدراسه
تخيلوا اقعد كورس كااااااااااامل واهمه كانوا امعادلين لي من قبل بس زهقت وانا اراكض على السالفه
في احد معادلين له 45 وحده وفوق ولا لاء بليييييييز ساعدووووووووني انا متزوجه وعندي بنت ...يعني ماده وحده زياااااااده تفرق معااي فما بالكم كووورس كاااااامل والله صعبه علي ..انا ماعندي خداااااامه وانا اللي شايله مسولبة البيت كله من تنظيف وطباخ ونفااخ وتربيه وتوصيل وكل حاجه <<<< قلت قصت حياتي كلها علشان ابيكم اتساعدوووني تكفه لا تردووني

 

[Chevy]

ام كوثر انا مادري عن شهادتج بس انا تخرجت من الاستراليه دبلوم و عادلولي 60 وحده بس قالو من السنه هاذي بيعادلون حق المستجدين 45 بس ما عرفت ليش؟!!
بس مو معقوله بنص دراستج يسحبون منج وحدات :/

كلمتيهم شقالو؟