تجمّع البنات اللي يبون يكملون عقب الدبلوم( البكالريوس)...!!!

[KrNA-KrNA]

وااااااااااااايد حلو...عفية عليكم والله...

في بنات ماشالله وايد شطار وشادين حيلهم...وانشالله انا ونهاية حبنا معاهم....


**نهاية حبنا انتي تشتغلين....>>عشان ندرس ونشتغل..>>لاني انا اشتغل

 

[نهاية حبنا]

وااااااااااااايد حلو...عفية عليكم والله...

في بنات ماشالله وايد شطار وشادين حيلهم...وانشالله انا ونهاية حبنا معاهم....


**نهاية حبنا انتي تشتغلين....>>عشان ندرس ونشتغل..>>لاني انا اشتغل

لا ادرس :0bee2e8d89:

انا بالتجاري وتخصصي قانون ...

لما دشيت سايت جامعه دلمون شفت مواد الحقوق ولا نصهم انا ماخذتهم بالتجاري .. بس للاسف راح ابدى من الصفر :eh_s(1):

عقب ما اتخرج على طووووووووول بشتغل وعقبها بروح اقدم بالجامعه ...

بس حددددددي متحمسه وشهاده الحقوق ماخذتها ماخذتها ... _03BA:


الله يوفقنا اجمعين

 

[-Bello-]

موفقين انشاء الله

 

[shmoo5 2ntha]

انزين بنات انا متخرجه دفعة 2005 من كلية الدراسات التكنولوجيه تخصص معدات طبيه


معدلي 2,88



أقدر اسجل بالبعثات الداخليه والا لا



عفيه اللي تعرف تفيدني لأن قلبي محترق ع الدراسه وحابه أكمل



انا حطيت موضوع عن دخولي حق جامعة الكويت إذا يصير وإلا لأ بس محد فادني



عفيه ساعدوني والله حدي متحطمه ودي أكمل

 

[مس احساس]

kco
ابي شرح لهل تخصصات .. عن شنو ديراساتهم .. بلغه العربيه ؟ شنو بيكون تعينهم < وين

الأدارة التربوية
علم الأجتماع
الصحافه والأتصال الجماهيري

 

[أم مقداد 24]

Koc
انا ابي ادرس في دلمون توني مسجل وخلصت اوراقي من بحرين وعطيت اوراقي للتعليم العالي في الكويت علشان يصدقونهم
بس قالو احنا اندق عليكم
وماعندي خبر راح يوافقون او لا وما دقو ليلحين يمكن راح يطولون
وبعدين انتي شنو رايج سهالات الدراسة هناك اولا
في اي مشاكل انا قاعده احاتي وانا نفسج اشتغل في (عقود koc ) يعني دوام والتزام واشلون عن طريقة الامتحانات والإيجازات بعد
اسفة ازعجتج بس لان راسي يفتره على هالموضوع وخايفة يرفضوني لان الكل يقول ان الدبلوم ما يقبلونهم
ويحوشني احباط لاني قصب اقتنعت اكمل دراستي
شكرا

 

[حبيبة متعب]

السلام عليكم ...
انا اقدر اجاوبكم ان شاء الله لاني ادرس بعد بجامعة دلمون وتخصص قانون <<<< وناسه صار عندي رفيجات من منتدنا معاي
مس احساس دراستهم كلها بالعربي تقريبا واتوقع يتعينون بوزارة التربية او وزارة الاعلام واذا عندج واسطه تقدرين بالتطبيقي
ام مقداد بصراحه الدراسه دراسه يعني لازم تدرسين اي في امتحانات منتصف وامتحانات فاينل والسالفه مافيها غشمره .. وان شاء الله يقبلونج ونفرح فيج طالبه مستجده يارب ومافيه ازعاج ولاشي وكلنا خوات

 

[مس احساس]

اوك حبيبة متعب

لازم الخبر الاكيد يعني ما ابي اسوي اوراقي وبعدين يطلعلي شي مني ولا مناك
شلون طريقة دراستهم .. كل نهاية اسبوع او اسبوعين .. اختباراتهم ..؟ جذي يعني

تخصص اداره تربويه .. شنو المواد اللي يندرس فيها ..؟


استحملي بسأل واجد بس عشان اكون على علم اوسع .. ميرسي

 

[حبيبة متعب]

ولو يا مس احساس انتي اخت عزيزة وغاليه وتامرين امر

شوفي انا صارلي كورس وهذا ثاني كورس
والدراسه فيها نروح اسبوع وترك ، يعني نروح خميس وجمعه وسبت بعدين الاسبوع اللي وراه ما نروح بعدين اللي وراه نروح
اختباراتهم كل شي جد بجد يعني دراسه وكتب وتلاخيص تدرسينها والاختبارات في mid term وفي final

واذا عن تخصص اداره تربويه اسمحيلي والله ماني عارفه شنو المواد بس ابشري طال عمرج اذا رحت الاسبوع الجاي بسألج كل شي انتي تبينه وبشوف بعد اذا تخرجوا وين يتعينون
وبعد امري !!

 

[KrNA-KrNA]

*نهاية حبنا.....أهاااا لا انا توني شهر 6 اللي فات تخرجت..وبسم الله مامداني توظفت*

***

لولوة العنزي...شوفي قلبي يمكن يصير بعثات تروحين حق التطبيقي وتسألينهم على حسب..بس اتوقع لازم فوق ال3....وراح يبعثونج برة..يعني مو بالكويت.....هذا اللي أعرفة.....!!!

***

هلا والله ام مقداد...شوفي حبوبة انا مو قصدي اخرعج...بس مو دلمون الحين مو معترف فيها...لان في لستة جامعات في البحرين ماعترفوا فيهم...

يعدين في جامعه العلوم التطبيقية...كل الدبلوم يدرسون فيها...>>وايد حلوة ويمدحونها...انا كان ودي في دلمون وللحين ماسألت...

***

حبيبة متعب..والله خووووش ماشالله..انتي من متى تدرسين...يعني جم صارلج..وشلون على الروحة والردة تعبت ولا عادي....؟؟

وانا ابي اعرف بكالريوس ادارة في عندكم اادارة أعمال....ولالا؟؟

***

thanX 2 all

 

[فرح العجرف]

مرحباا بنات.....

والله ودي اكمل دراستي شوقتوني...؟؟


عندي دبلوم حاسب ألي من المعهد التجاري التطبيقي........

ودي اكمل علوم كمبيوتر وأصير مبرمجه كمبيوتر...بدل مساعد مبرمج كمبيوتر؟؟

والصراحه نسيت كل شي درسته ودي ارجع بالذاكره لوري...............؟؟ عل وعسي اتذكر شي هههه

تسلمون علي هالتجمع ومتابعه ويااكم@@

 

[مس احساس]

اوك حبيبة متعب ناطرتج ..

 

[queen angel]

موفقين يا بناات...

 

[مس احساس]

حبيبة متعب
انا عاجبتني الجامعه .. بس اخواني يقولون صعبه اني اروح وارد
وتعرفين الباجي
يعني انطق بالبيت انطر الجامعه الجديده ان شاء الله

على الله تكون تخصصاتهم حلوه << بالعربي

 

[نهاية حبنا]

اللي تعرف شي عن كليه القانون بليز خل تفيدنا ..


اب

 

[لآ بيرلآ]

وااااااي بنات حتى انا ابي اكمل >> ترا مستجدة بالعلوم الصحية p;

بس انا ابي برا و ابي بعثة .. اخوي رايح بريطانيا هالشهر و بيقعد 5 سنين .. يعني الحق عليه ..
فـ بعرف اذا تعرفون .. اذا اكمل بعثة شلون ؟! يصيير اروح بريطانيا على التطبيقي ؟!
و انا شادة حيلي ان شاء الله و بييب معدل باذن الله .. فـ اشرايكم عندكم اي معلومة ؟!!

و UP من قلب !!

 

[KrNA-KrNA]

ماشالله بارك الله فيكم بنات بصراحة ما قصرتوا........

وبانتظار أخبار عن الجامعه القانونية

 

[sweet lady]

بنات لااااااااااااااتخلوني انا ودي اسجل بجامعة في البحرين بس حدي متوهقة ماادري وين ارووح ابي تخصص تربية جامعة دلمون فيها ولا لأ وين حبيبة متعب يمكن تفيدنا وابي تفاصيل عالخاااااص اشلوووون التسجيل لاني رحت التعليم العالي وقالوا مسكرين الجامعات في البحرين

 

[مس احساس]

هههههههههههههههههههههههههههههههه

جنا عجايز نبلبل على نفسنا .. نتحلم وااايد
نطروا عاد متى التنفيذ


< خوش تشبيه

 

[حبيبة متعب]

صبحكم الله بالخير
اسفه على التاخير .. بس انا ما ادش النت الا الصبح ومو دايم .. عفيه اللي تبي اي شي تراسلني على الخاص

انا يوم الخميس هذا رايحه البحرين ، اللي تبيني اسألها عن اي شي تقولي