تجمُع مستجدآت ومستمرآت cba اليديـد .. ~

[~ miss NERD ~]

راجعي العمادة أهم أخبر

شلون أمثال الحويليه علم نفس ؟؟


شعبها بالسستم بإسمه هدى جعفر ~

تسكرت شعبتها؟

 

[dimples99]

بنات جم مادة اختياريه مسموح لي اخذها (غير الاربع اللي اختياري اجباري) ؟؟ وشنو اهم ؟؟

وشرايكم بحقوق انسان ..سهله؟؟

 

[مآني على خبرك]

^ ^

سهلة حيل

 

[الحورية الصغيرة]

مس نيرد تسكرت ~

بس سحبت منها يقولون إمتحاناتها دقيقه ~

 

[aпaq8«♥]

الحين انا مسجله 12 وحده وابي اسجل باي فورس
اشلون اسحب هل ماده الزياده !!! ؟؟
يفتوح السستم بليل

 

[الحورية الصغيرة]

الحين السستم مفتوح ~

 

[shmo5_]

بنات منو خذت محاسبه تكاليف اداريه للي بعد مقدمه محاسبه تكاليف


وشنو اسهل ماده من بين هالمواد : ضريبه وزكات
الوحدات الحكوميه
محاسبه نفط ومعادن

 

[JaN JaN]

اللي يسألون عن فايز عبدالسلام


خوووش وااحد ومحترررم وكوزاته سههللله بس شرحه شوي سريع لازم تركزون معاه وشديد ومايحب السوالف ولا التأخير ,, اذا التزمتوا معاه فـ أموركم طيبة ان شاءالله

 

[JaN JaN]

عندي سؤال بمواد المحاسبة ,, الحين انا باخذ اصول مراجعه بس ماخذيت موضوعات بالمحاسبه , قالولي احسن تاخذين موضوعات قبل اصول مراجعه , صج هالكلام ولا عادي ما يأثر اذا خذيت اصول قبل؟؟

 

[~ miss NERD ~]

بنات حلو دوام العصر اذا كانت ماده وحده؟

 

[الحورية الصغيرة]

حسب الماده تسوى ولا لأ ~

على فكرة ساعاات و ليس دائما دكاترة العصر يتغيرون أول يوم داوم


رفيجة رفيجتي سجلت مره ماده وقت متأخر على أساس أنه دكتور top

يوم داومت إلا الدكتور متغير

 

[Miss McDonald]

بنات شرايكم

احصاء 1 عند محمد المحيميد
تحليل عمليات محمد كمال حسن
اقتصاد كلي عند احمد منير نجار


؟؟

منو اللي مو زين ؟!َ

 

[الحورية الصغيرة]

محمد المحيميد

ونظم المعلومات >> محمد عبدالهادي المحميد

المختصر المفيد- معظم الطلبة يقولون[SIZE=+2]5/3.8[/SIZE]
ان مستوى الاختبارات متوسط الصعوبة
وشرح المدرس شرح متوسط
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 4

​

التقييمملاحظات الطلبة- النجوم:

- المستوى: صعب
- الشرح: شرح متوسط
- حصلت على: C
لا ننصح به
المـادة: احصاء 1 التاريخ: 2011-02-06الطالب: Bo-Azoz رقم التقييم: 22772

بغض النظر عن اخلاق الدكتور و مدى احترامه للطلبة و لكن احنا نبي الزبدة ،،، الماده سهله و صعبها علينا الله يهديه مع العلم انه بروفسور لكن ما عنده طريقه سهله للشرح !
​

- النجوم:

- المستوى: سهل جدا
- الشرح: شرح جيد جدا
- حصلت على: A
ننصح به
المـادة: STAT 2 التاريخ: 2011-01-28الطالب: مـريـم رقم التقييم: 22597

الدكتور والله ما قصر يعطيه العافية
درجاته مقسمه 20 على الميدتيرم الاول
و 20 على الميدتيرم الثاني
و20 على الكوزات
والامتحانات اسهل منهم مافي لدرجة اني كنت اطلع من الامتحان مصدومه من سهولتهم

والغياب ياخذه على المزاج بس عادي ما ياخذ عليهم اي درجات بالنهايه
عادي عنده دشي متأخره حتى لو اخر ربع ساعة من المحاضرة بس طفارته اذا طلعتي بدون ما تستأذنين على قولته احنا مو بقهوه احنا بمكان علم وبهالشئ انا معاه يعني على الاقل احترمي وجوده

وبالنهايه يرفع قريد
حبيت الاحصاء منه
​

- النجوم:

- المستوى: سهل
- الشرح: شرح ممتاز
- حصلت على: A
ننصح به
المـادة: احصاء 2 التاريخ: 2007-06-26الطالب: alghaliya رقم التقييم: 10575

الدكتور وايد زين، شرحه مرتب و حلو و يفهم... هو محترم مع الطالب المحترم و يهزئ اللي يسولف و يضحك بالمحاضرة.
امتحاناته سهله و بسهوله تييب درجات كاملة
​

- النجوم:

- المستوى: متوسط الصعوبة
- الشرح: شرح متوسط
- حصلت على: A
لا ننصح به
المـادة: احصاء 2 التاريخ: 2005-12-21الطالب: فوفو رقم التقييم: 1692

هالدكتور وايد نحييييييس ومتشدد بالغياب وما يحترم الطالب يعني مايتقبل اسئله وايد من الطالب و مايحب احد يتأخر اللي يتأخر يعتبر غياب وبجذي بسرعه توصل للحرمان.. و عادي اخليك تلحقه بالممرات عشان اتسلمه لكوز وايد اسوي هالحركه.. انا درجاتي للحين A بس للحين ما خلص الكورس ونوعه نحيس ما يسوي كيرف ولا يرفع يعني ما يندرى عنه
​

 

[Miss McDonald]

ابي محاسبة عند علي المطيري

:"( !

 

[الحورية الصغيرة]

محمد كمال حسن


[SIZE=+2]5/2.9[/SIZE]
ان مستوى الاختبارات صعب
وشرح المدرس شرح ضعيف
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 12

​

التقييمملاحظات الطلبة- النجوم:

- المستوى: متوسط الصعوبة
- الشرح: شرح متوسط
- حصلت على: C
ننصح به
المـادة: math110 التاريخ: 2011-09-17الطالب: آلليلك رقم التقييم: 24466

الدكتوور زين بس لازم تكون منتبه عدل ويآه

قبل كل ميد تيرم يجيب ميدتيرمات قديمه ويحل وياك المسائل

ويراجع وياك، ماعنده مشكله يعيد الشرح مليون مره


بالنهاية يرفعك قريد .. وعلى حسب مستوى الطلبه


عموماً الماده عاديه لازم تدرس أول بأول وتاخذ الـ A بسهوله
​

- النجوم:

- المستوى: صعب
- الشرح: شرح متوسط
- حصلت على: F
لا ننصح به
المـادة: math 110 التاريخ: 2010-09-20الطالب: SnaFii رقم التقييم: 21965

الدكتور شرحه عادي وبارد وممل .. ما انصح فيه الا اذا كنتوا مضطرين ..
​

- النجوم:

- المستوى: سهل
- الشرح: شرح متوسط
- حصلت على: A
ننصح به
المـادة: Statistics 1013120 التاريخ: 2008-08-12الطالب: Kuwaitiy رقم التقييم: 14967

SaLam 3aLaikom, awaL shay a7eb agoLa iney '7athait 3nd Dr.Mo7ammed madat Statistics 1, o ohow maydares Statistics bs iLey 9aar inah shu3batna kanaw imsajLeenha 3nd Dr.ALZuLzuLah bs madry shnow 9ar o te'3ayar iLdr o ya bedaLah Dr.Mo7ammed beL9aify o awaL shay kennah met'7awfeen minnah bs waLLah ba3dain maga9ar ma3anah, kaan kiL esbo3 ya36ina quiz 3aLa keL chapter, o kan sahaL o straight forward 7ag iLey emraje3, o shu3batna kannat shwaya (11 students) o kan 7aiL mu7taram ma3anah o mayga9er mahma nes2aLa aw inrou7La iLmaktab fakan esa3dna wegouLna shedow 7aiLkom abeekom ta'7thoun a7san grade o maga9ar a'7er iLcourse 3a6ana curve 7ada 3ajeeb! By the way makan feeh midterm, ymkn 3ashan course 9aify, bs iL9ara7a Law nazaL Statisics mara thanya fa anna an9a7 feeh, o as2eLta kiLish mafiha tricks weLa Laf o dawaran kiLha seeda o tenfehem o emwafag inshaLLah.
​

- النجوم:

- المستوى: صعب
- الشرح: شرح متوسط
- حصلت على: D
لا ننصح به
المـادة: math110 التاريخ: 2008-06-10الطالب: cba-4-ever رقم التقييم: 14047

تقسيم الدرجات عنده كلش مو شي
الكوزات عليهم 20 % والمدتيرمات كانت موحده والماده بكبرها قثه ,,

انا بالنسبه لي ماراح اخذ عنده مره ثانيه
​

- النجوم:
- المستوى: صعب
- الشرح: شرح متوسط
- حصلت على: C
ننصح به
المـادة: 110 التاريخ: 2008-06-08الطالب: kokeeta رقم التقييم: 13970 http://www.kuniv.net/abuse.php?cid=13970&u=35763

الدكتور زيين بس كله يحل مسائل محلوله من الكتاب مايعطينا شي مو محلول يعني مايعطي شي يديد والمحاضره ممله مافيها تشغيل مخ كلش ...

​

- النجوم:

- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: supply chain التاريخ: 2007-06-12الطالب: Smile رقم التقييم: 10314

mashaa alla 3aleeeh, thaky o 7agany
9ij el mo7a'9ara edaw'7 o enam ya3ny lazm eta7aml 3nda 3alma et'7al9 el mo7a'9ra
el exam smkarara ya3ny ely a9dqaa ma'7theen 3nda 7awlow ta'7thoon mnhom el quizat mnhom
=)
​

- النجوم:
- المستوى: متوسط الصعوبة
- الشرح: شرح متوسط
- حصلت على: C
ننصح به
المـادة: بحوث عمليات 205 التاريخ: 2005-12-13الطالب: Accounting رقم التقييم: 1553 http://www.kuniv.net/abuse.php?cid=1553&u=35763

ممـــــــــــــــــــــــــــــــــــــــــــــــل
أنام بمحاضرته
لكن يفهم بس مرات أضيع لأنه طريقته بالشرح وايد تملل و تدوخ
كويزاته وايد حلوه و نفس الميدتيرم
بس الميدتيرم و الفاينال طواااااااااااااااااال لازم تكونون متدربين
و هذي غلطتي ما تدربت عليها و إنعفست بالفاينال ما مداني أحل كل المسائل
و حضروا عند المعيدة شادن وايد طيبة و تفهم و محترمة
و بالتوفيق
​

- النجوم:
- المستوى: متوسط الصعوبة
- الشرح: شرح ضعيف
- حصلت على: B
ننصح به
المـادة: ادارة انتاج التاريخ: 2005-10-24الطالب: FYaFy رقم التقييم: 1077 http://www.kuniv.net/abuse.php?cid=1077&u=35763

صج شرحه ممل وينوووووووووووووووووم بس وايد محترم مع الطلبه

بس أحسن مافيه كوزاته معيوده

يعني كويزات قديمه + المعيده شادن ( مو غيرها ) = قريد سنع

نصيييييييييحه اخذوووو عنده اذا عندكم كويزات

الفاينال سهل وراح يرفعكم

موفقين
​

- النجوم:
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: بحوث عمليات التاريخ: 2005-09-16الطالب: نونو رقم التقييم: 874

شرح رديئ جدا وممل .. والمشكلة ايضا ان الكتاب ممل أكثر وغير واضح .. يعني سايب على بعضة ومطول زيادة عن اللزوم .. الدكتور من ناحية الدرجات يعطي لكن مو وايد .. وطبعا الفايلنال ظيم مسائل طويييلة جدا ديرو بالكم منها تدربو لها لانها تاخذ وقت بالحل .. والله يوفقكم ان شاء الله
على فكرة المقرر سهل وممتع جدا فحرام تاخذون اقل من A
​

- النجوم:
- المستوى: صعب
- الشرح: شرح غير مفهوم
- حصلت على: D
ننصح به
المـادة: بحوث عمليات التاريخ: 2005-07-15الطالب: FUTURE MANAGERS رقم التقييم: 388 http://www.kuniv.net/abuse.php?cid=388&u=35763

من كثر ما اهو يملل
أذكر إني داومت بس بالكويزات ..

ميزته إنه ما يهتم بالغياب ..
يعني بس جذي يسجل ..

بس نصيحة ..
سجلوا عنده ، ولا تداومون ، وداموا عند المعيدة ( شادن ) أو (دلال العودة ) ، وتاخذون A
​

- النجوم:
- المستوى: سهل
- الشرح: شرح متوسط
- حصلت على: A
ننصح به
المـادة: بحوث عمليات التاريخ: 2005-07-13الطالب: Bir7y رقم التقييم: 367 http://www.kuniv.net/abuse.php?cid=367&u=35763

لا حرام مو لي هذي الدرجة .. صج ينوم بس طيب ومحترم والأهم ان الامتحان تنعاااد نفسها بالضبط !! المادة وايد سهلة أساسا"
وبالنسبة للشرح الله يعافي المعيدة مو مقصرة .. =)
​

- النجوم:

- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: بحوث وعمليات التاريخ: 2005-07-07الطالب: متعقده رقم التقييم: 312

ماااااكو شرررررح .. صفررررر
تنااااام غصبن عنك بالكلاااااااس
اسلوب تعامل زين .. بس شرح ماكو واعتقد اغلب اللي يعطون هالماده شرحهم ماكو زود يعني لازم تعتمد على نفسك فيها
المهم ما انصحكم فيه لاني صج كرهت عمري بسبه هالماده
​

 

[الحورية الصغيرة]

أحمد النجار زين بس يقولون شوي ينوم بس كتعامل وايد راقي انا كنت مسجلتها بس سحبتها عشان راح تسير تضارب بالفاينل مع ماث 110 و مبادئ إدارة ~

 

[Miss McDonald]

أحمد النجار زين بس يقولون شوي ينوم بس كتعامل وايد راقي انا كنت مسجلتها بس سحبتها عشان راح تسير تضارب بالفاينل مع ماث 110 و مبادئ إدارة ~

اوك مشكوررة:*

 

[Miss McDonald]

مشكورة الحورية عنيتج حبيبتي :*

 

[Miss McDonald]

بنات بليز اللي بتسحب مادة تبلغنا يمكن احد يبيها خبركم ماكو شعب

 

[aпaq8«♥]

ابي ماث 110 !!
وماني محصله .. و اتوقع نفس السنه الي طافت اروح باي فورس وماكو فايده ..