ام منيره
لوول اي عيل سوري مافهمتج :blueSmCLR:
فجر الكويت
شوفي هذي التقييمات حق دكتور سلافه جابر حديد
التقييم ملاحظات الطلبة
- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: اقتصاد كلي التاريخ: 2010-11-10
الطالب: Ladybird رقم التقييم: 22138
الدكتورة وايد محترمة ..
و شرحها عادي .. بس وايد تنوم و ما تشد الانتباه بالمحاضرة كلش
امتحاناتها سهلة حق اللي يدرس عدل .. و النوت يساعد وايد
- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: مبادئ اقتصاد التاريخ: 2010-09-07
الطالب: zobanoba رقم التقييم: 21872
الدكتوره شرحها يملل بس ترى حرام ترى وايد طيبه وزينه وقبل الإمتحان تعطينا نوت وتحله معانا بس امبي والله نفس الاسأله بالضبط يت ومرات تغير فيهم يصيرون العكس في صح وخطأ بس والله حرام درسو عدل وشوفو شلون درجتكم بتكون حلوه ترى الماده حدها سهله حق الي يدرس ولا انسى اهي عطتنا سؤالين بونص بالإمتحان وايد استفد منهم
يعطيج العافيه دكتوره
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: micro 110 اقتصاد جزئي التاريخ: 2009-06-28
الطالب: sno2a رقم التقييم: 18052
دكتورة عسل تهبل ما تعصب لو شنو .. شرحها حلو و مفصل بس صوتها خفيف .. امتحاناتها مو سهلة حيل .. اللي مو فاهم يروحلها القسم و ما عندها مانع تشرح اي شي لو لي باجر ..
بــــــــــــــــــــــــــــس عيـــــــــــــــبها الوحيد ((( ما تعـــطي كيرف كللللللش ))
انا عايدة المادة عندها وماكان عندي مشاكل بالامتحانات و طلعت فيها A-
وبس
- النجوم:
- المستوى: صعب
- الشرح: شرح ضعيف
- حصلت على: C
لا ننصح به
المـادة: مااكرو التاريخ: 2009-06-26
الطالب: rmmanah رقم التقييم: 17946
الكل قال لي عنها انها زينه بس وحده قالت لي وماصدقتها
بالاخير صدقتها لاني جربت سلافه !!
الدكتوره حدها محترمه وتعاملها راقي
بس من ناحيه الشرح ماتفهم
صوتها ينوم
وامتحاناتها صعبه
بس تعطي 3 مدتيرمات وتحذف اقل واحد
والفاينل كله اختياري
وماتعطي كيييييرف
- النجوم:
- المستوى: متوسط الصعوبة
- الشرح: شرح متوسط
- حصلت على: C
ننصح به
المـادة: اقتصاد التاريخ: 2009-02-07
الطالب: i رقم التقييم: 16521
الدكتورة محترمة لأبعد الحدود وتعاملها رااقي تحسسك بإنسانيتك
بس مشكلتها صوتها ينوم كله على وتيرة وحده بس تشرح بضمير بس للأسف ما كنت أقدر أركز بالشرح لأني كنت أغفو بالنص بدون مبالغة خاصة ان خذيتها صيفي ومحاضراتي ورا بعض واهي آخر محاضرة
ما تمل من الاعادة وما تقصر معاك كانت أول مادة آخذها من مواد الكلية فما كنت فاهمة وبالمحاضرة آخذلي غفوة فما أفهم ..
بالامتحان عادي تترجم السؤال وحتى بالشرح عربي وانجليزي بس امتحاناتها ما كانت سهلة وتقسيمة الدرجات مو زينة ,,
أنصح اللي ياخذ عندها يحاول على قد ما يقدر يكون مصحصح ومنتبه معاها
بس صج حبيت الدكتورة لأنها راقية في التعامل .. الله يعطيها العافية
- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: macro التاريخ: 2008-12-23
الطالب: ali رقم التقييم: 15763
دكتورة ممتازة جدا جدا جدا .... بس تنوم... وتقول دايما أخذنا بالمحاضرة السابقة ............... بس الصراحة ماكو أحسن منها بالشرح والتعامل... والإسلوب.... وكل هذا ما يوفي جزء من حقها... كبيرة يا دكتورة....
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: اقتصاد كلي التاريخ: 2008-10-04
الطالب: Bu7MayeN رقم التقييم: 15597
تبون نصيحتي ؟
الي يبي يطيح معدله حياه الله عندها ..
والله العظيم لألألألألألألألألألألألأ
اهيا بكل شي زينه الا بالشرح والدرجات والامتحانات والغياب مو زينه كلــــــــــــــــــــــــــش !!
- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: ماكرو ومايكرو التاريخ: 2008-07-25
الطالب: bint alhuda رقم التقييم: 14673
دكتوره محترمه وتينن شرحها حلو
واذا مافهمت شي اسال وتعيد مليون مره عادي
نوتها حلو ومفهوم .. اسالة الامتحان سهله بس لازم تييب سؤال سؤالين فيهم تريك ..
تعطي كيرف حلو ..
انصح فيها اكيد
- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: جزئي التاريخ: 2008-06-17
الطالب: cba-4-ever رقم التقييم: 14310
من احسن الدكاتره الي مرو علي لي الحين
انسانه محترمه محترمه محترمه محترمه
راقيه بالتعامل وبشوشه وشرحها ونوتها مايقصروون بشي
الماده قثيثه شوي بس اهيا مخففتها علينا
امتحاناتها فيها نوع من الصعوبه بس مو صعبه تعجيزيه
وان شالله ماني ماخذه كلي الا عندها
- النجوم:
- المستوى: صعب جدا
- الشرح: شرح متوسط
- حصلت على: F
لا ننصح به
المـادة: eqti9ad jz2ii التاريخ: 2008-06-12
الطالب: no way رقم التقييم: 14152
no comment .. mn n7yat el ta3anol el doctora 7adha 6ayba oo m7taramaa .. bs alla la ywarrekom bil.examzz !! 7adddddddha 9a3baa .. waaaayid .. ana en9damt .. oo ma tsa3id wala trfa3 killish .. .. !! 7asafa enni 5athait 3ndahaa
- النجوم:
- المستوى: سهل
- الشرح: شرح ممتاز
- حصلت على: C
ننصح به
المـادة: micro التاريخ: 2008-06-10
الطالب: D-cba رقم التقييم: 14078
waaaaai eldr ETYANEN a7es'ha om, elclass wayid hdo2 yalla tesma3 7es'ha !!
wayid 7aganeya oo shar7ha 3ajeeeeb bs kel wa7ed o 7agah, NO CURVE ;/
- النجوم:
- المستوى: صعب
- الشرح: شرح جيد جدا
- حصلت على: C
لا ننصح به
المـادة: micro التاريخ: 2008-06-10
الطالب: TaToM رقم التقييم: 14053
الدكتورة زينه بس حدها تنووووووووووووووووم ومحاضرتها تمر دهر وامتحاناتها مو سهله وايد فيها تريكات وامتحان الفاينل كله تييب من كميه الفاينل مادري انا ما حبيتها ما تعطي كيرف بس اذا ماكو غيرها اخذو عندها
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اقتصااد جزئي التاريخ: 2008-06-05
الطالب: amb89 رقم التقييم: 13844
الدكتوره اول شي طيبه و محترمه وااايد
بس للاسف في ناس يستغلون طيبتها بالكلاس خصوصا
المزعجين يتكلمون فيشوشون على الكلاس
**شرحها حلو وايد بس تنوم ((خصوصا اذا ساعه وربع
)
و ماتعطي كيرف... بس تقسم درجه الفاينل على نصين
وتحذف اسوء وحده وتبدلها بثاني اعلى درجه ((يعني جنه
كيرف بس بمجهودك انت ))
وانصح فيها وااايد
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: اقتصاد جزئي التاريخ: 2008-01-20
الطالب: CBA رقم التقييم: 12650
دكتورة هادية ومحترمه شرحها وايد زين امتحاناتهه سهله
والنوت مالها حيل واضح ومختصر احسن من الكتاب بوايد
انصح فيها ..
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: اقتصاد جزئي التاريخ: 2007-11-08
الطالب: doda رقم التقييم: 12060
خووش دكتوره طيبه و تعاملها راقي مع الطلبة و نوتها وايد سهل و بسيط ماله داعي نقرا الكتاب تعتمد على الكويزات و النوت و تضمن الامتياز
صج انها تعطي كويزات كل نهاية جابتر بس احسن علشان ندرس اول باول و ما تتراكم علينا الماده
امتحاناتها وايد سهله و تقريبا نفس الي يالكويز
يعطيج الف عافية دكتورة ما قصرتي
- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: مبادئ اقتصاد جزئي التاريخ: 2007-09-13
الطالب: 7meed رقم التقييم: 11694
دكتورة ممتازة وحبوبه غالبا لا تلتزم بالغياب شرحها ممتاز ولكن ممل إذا المادة كانت الاثنين والاربعاء لانها طويلة عندها نوتات حلوة ومفيدة امتحانها سهل وغالبا من النوتات ولازم نلتزم بالمعيدة اسبوعيا وحقانيه بالدرجات
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: اقتصاد جزئي التاريخ: 2007-09-06
الطالب: Farnooka رقم التقييم: 11570
الدكتوره تهبل و شرحها وااايد حلو و واضح ........ امتحاناته سهله وااايد ...الماده عندها خفيفه وحدها تونس
شجعتني طريقتها اني اتابع الماده
لاتاخذون الماده الا عندها لان الباجي رفيجاتي جربو عندهم و كانت قريداتهم وااايد سيئه
- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: اقتصاد جزئي التاريخ: 2007-09-03
الطالب: CHANEL رقم التقييم: 11504
والله على راسي خوش دكتوره من احسن الدكاتره اللي بالكلية تشرح من قلب بس لازم تنتبهون عدل وماتفكرون بالنووم لان شرحها شوي ينووم وامتحاناتها سهله وتعاملها حلو بس العيب الوحييد اللي فيها ان تاخذيين درجتج لا زياده ولا نقصان وماكو نقاش. الماده حلوه اهم شي انه تنتبهوون بالشرح وانشالله ماراح تضيعون كلش معاها
- النجوم:
- المستوى: صعب
- الشرح: شرح ممتاز
- حصلت على: B
ننصح به
المـادة: اقتصاد جزئي التاريخ: 2007-07-05
الطالب: dandoona24 رقم التقييم: 10708
دكتوورة وردددة .. عسل , تدش قللب اللي ما عنده قلب حتى !
أكثر شي لفتني فيها ... تعاملها وايد راقي , معنه كان معاي بنات لازم كل كلاس ديوانية , بس تهقون شلون تسكتهم ؟
ابتسامة مع كلمتين خفاف ..... بس لا تستغلونها , جنها اخر الايام بدى يبين على ويها :$ ( ما تنلام ! )
مميزاتها :
هاادية , ما تنرفزك , ودها ما تاخذ الحضور بس غصبن عليها , تشرح بضمير , و مستعدة تفهمك ميتين مرة بالكلاس الواحد , حتى لي سألت سؤال سطحي من كثر ما اهيه محترمة ما تحس بهالشي , و عليها نوت اسميه ( المنقذ ) !
كل جابتر بهالنووت صفحاته بين 3 و 15 (جابترات المقرر 9 , وبالكتاب الصفحات تكون اكثر )
لما تحس انك مضغوط وما عندك وقت .. ادرسه
تاخذ +c عالراحة , ولو تدرس النوت بضمير b +,
اما مع الكتاب انشالله Aبسهاله .. بالفاينل وايد حطلتنا اسئلة مقالية من اللي حطتهم بالمدتيرمز .. يعني تظمنلك جم درجة حلوة من قبل الفاينل
عيوبها :
اهوو شي وااحد بس
بنص المحاظرة تلقى نفسك تدور شي لين تنام عليه , وحظك اذا قاعد يم دريشة تطل عالسكوير
!
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: micro 110 التاريخ: 2007-06-30
الطالب: nnuuuun رقم التقييم: 10635
بصراحة حدها زينة وطيبة وتبي الطلبة يدرسون من الكتاب بعدين من النوت اللي اهيا ملخصة فيه المنهج بس اذا ما مداكم تدرسون ليلة الامتحان من الكتاب تقدرون تعتمدون على النوت مالها و اسئلة امتحاناتها بمستوى التيتوريال يعني اللي يدرس عندها اول باول اييب A بسهولة
- النجوم:
- المستوى: صعب
- الشرح: شرح متوسط
- حصلت على: C
ننصح به
المـادة: Micro التاريخ: 2007-06-15
الطالب: Smile رقم التقييم: 10421
ما أقول مو زينه بس اتنزم !!!!!!!! 3 متيرمات و واجبات تعطي و فاينل, مو خوش توزيعه و كان بس واحد يايب A
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: مبادئ اقتصاد التاريخ: 2007-05-03
الطالب: chemist رقم التقييم: 9604
خوش دكتورة ، الله يوفقها
- النجوم:
- المستوى: متوسط الصعوبة
- الشرح: شرح جيد جدا
- حصلت على: C
ننصح به
المـادة: اقتصاد كلي التاريخ: 2007-05-01
الطالب: هدووء رقم التقييم: 9568
حبووووبة وطيبووووبة حيل
- النجوم:
- المستوى: سهل
- الشرح: شرح جيد جدا
- حصلت على: B
ننصح به
المـادة: اقتصاد جزئي التاريخ: 2007-04-26
الطالب: bouba رقم التقييم: 9492
حدها تينن
كنت ماخذة عندها صيفي ..
شرحها بالبور بوينت و اهيا كانت توزع علينا النوت مطبوع و انا ما شريت كتاب كلش ملش كنت بس ادرس من النوت مالها و احضر المعيدة و بس
و امتحاناتها سهلة و ما تطلع برا الي اهيا تشرحه و كله من النوت مالها
يعطيها العافية عطتني B+ تعطي كل واحد حقه
- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: مايكرو التاريخ: 2007-04-21
الطالب: nm رقم التقييم: 9357
واللله هالدكتوره حدها طيبه و محترمه يبين على ويهها الطيبه وايد طيبه و شرحهااا عجيييب بس صوتها مو عالى يعني لازم تنتبهون معاها و لا تسرحون و اذا ما فهمتووو سألوهااا لانها اتفهمكممم عدللللللل والله عجيبه و نوتها وايد حلو عاد انا اهم شي عندي بالدكتور او الدكتوره تعامله مع الطلبه و اهيا تعاملها وايد زييين والله يوفقها انشالله و يوفقنا اجمعين ...
- النجوم:
- المستوى: صعب
- الشرح: شرح ضعيف
- حصلت على: B
لا ننصح به
المـادة: اقتصاد كلي 111 التاريخ: 2007-01-27
الطالب: 3bo0od رقم التقييم: 8636
الدكتورة شرحها كلش سيء وينوم وما تشدك حق المحاضرة كلش .. تبي تنجح اشتر النوت مالها من التصوير وداوم عند المعيد .. الغياب تاخذه اول اسبوعين بس لي درجة ان كورس اول كامل داومت عندها يمكن 10 محاضرات وبس اللي يكون فيها كويز .. وعلى فكرة كل اسبوع تعطي كويز يعني كلش ما ترحم وتاخذ ال average .. وبالفاينل عطتنا كيرف بس مو قوي وايد بس ينفع وايد بس الدكتورة طيبة وايد وحبوبة وقلبها طيب وتقبل الأعذار
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اقتصاد جزئ التاريخ: 2007-01-17
الطالب: العلوم رقم التقييم: 8468
السلام عليكووم
دكتوره سلافه .. ماعليها كلام
شرحها ممتاااااااااااااز ..واذا مو فاهم تعيد لك ..مومشكله
تاقريبا بعد كل جابتر كوز ..وكوزاااتهااا من النوع السهل بس يبيلك تقرا السؤال اكثر من مررره لانه شوي تحس فيها ترك
والفاينل كان اسهل من المدتيرم
ما تعطي كيرف بس قالت اذا ناقصج شيء قليل عن A اعطيج
يعني نصيحه مني اللي حاب يفههم ويجيب قريد حلوو ياخذ عندهاا
والله يوفقناا ويوووفقهاا
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اقتصاد جزئي التاريخ: 2006-11-01
الطالب: mimo رقم التقييم: 7962
تهبل يعطيها ألف عااااااااافية و يكثر من أمثالها
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: Microeconomics 1030110 التاريخ: 2006-08-25
الطالب: إدارية رقم التقييم: 6722
الدكتورة بقمة الاحترام والأدب والأخلاق والتميز و تهتم بطلبتها وايد و تعيد الشرح أكثر من مرة إذا أي أحد طلب منها وملتزمة بساعاتها المكتبية ومستعدة حق الشرح بأي وقت, وامتحاناتها سهلة وايد وكله من المحاضرة يعني مافي أي سؤال من برة المحاضرة،،،،،،،،،شرحها ممتاز جدا،،،،، وتعطي كويزات عقب كل جابتر وبصراحة هذا الشي نفعنا وايد حق الفاينل،،،،،،،بصراحة حبيت مادة الاقتصاد من الدكتورة سلافة ،،،،،،،،،باختصار انا انصح انكم تاخذون عندها
- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: microeconomics التاريخ: 2006-03-23
الطالب: sophmore رقم التقييم: 2922
الدكتوره شرحها واايد زين ووايد حببتني بالماده
تعطي lecture notes
واذا احد مو فاهم تعيد الشرح ليمن يفهم
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: اقتصاد جزئي التاريخ: 2005-12-14
الطالب: Acc CluB رقم التقييم: 1572
خوش دكتورة .. تشرح من قلب و تفهم عدل .. اذا فيه اي شي مو فاهمه الدكتورة مستعدة انها تعيد و تعيد و تعيد بس مشكلتها صوتها يدوخ :> .. تحس تبي المحاضرة تخلص بس عشان ترد الروح فيك من بعد التخدير اللي حاشك :/ .. كوزاتها متوسطة الصعوبة يعني ال Average اييبون 8/10 .. مدتيرمها زوين و تحط سؤال Bonus بكل مدتيرم .. يقولون حقانية و ما تعطي كيرف .. بس عطتنا بالفاينل .. يمكن لأن خذيت المادة صيفي ؟! .. أنصح فيها من بعد عماد ( :
- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: مبادئ اقتصاد جزئي التاريخ: 2005-09-11
الطالب: MuShaKes رقم التقييم: 800
من أحسن الدكاترة اللي درسوني، شرحها جيد و تعطي notes ملخص لمواضيع الكتاب و امتحاناتها سهلة بس الفايل شوي فيه tricks و تحط سؤالين bonus في الـmidterms
تعطي واجبات تقول إن عليهم درجات بس في الواقع ما عليهم درجات
مو دايما تعطي كيرف!!! أنا ما زادتني شي
