تجميل الصدر (دمج عده مواضيع متشابهه)

[{ملاك}]

شوفوا حبيباتي

السلكون أأمن من الماي والملح .. الماي والملح ( فالصو) محد قام يستخدمه الا الطبيب الخرطي سووري ههه
اختي متزوجه حطت ماي وملح عند دكتور ( محمد خلف ).. صار عندها تسرب والتهاب .. والسبه دخول ميكروب بول .. داخل غرفه العمليات من احد الممرضين الموجودين! يعني تخيلوا شنو هالاستهتار.. والمسكينه راحت شالته ونظفولها صدرها بالبابطين


فنصيحه وخروا عن الماي والملح حتى شكله وملمسه مو عادي

السلكون شكله طبيعي ، حتى انتي لما تحطينه بعد جم شهر بتقولين وين السلكون! من كثر شكله طبيعي وملمسه بعد


المهم عمليه زراعه السلكون تحت العضله أأمن للي ماتزوجت (مثلي) .. و صدرها مييح صغيييير وايد جنه مشمشه ومارضعت ليلحين..او حتى للي متزوجه وتفكر انها تحمل وترضع لان السلكون بيكون بعييد عن الغدد وهالشغلات شرحها لي الطبيب نفسه وفهمني كل شي..
اما فوق العضله للي ماتبي تنجب ورضعت وخلصت. وصدرها اكبر من مقاساتنا و مترهل شوي من الرضاعه.الخ

بس هااا .. اللي تقول ان عمليه تكبير الصدر تحتاج يوم بس او يومين بالمستشفى ..ممكن..
لكن مو بالنسبه للي تحت العضله! تحت العضله عواره اعمق من فوق العضله

انا قعدت بالمستشفى حوالي 4 ايام مع مسكنات قويه عن طريق المغذي ..

ورجعت البيت واستمر العوار لمده اسبوع اسبوعين تقريبا بعدها تمارسين حياتج عادي
مع الاخذ بالاعتبار ماتسوقين او تشيلين اشياء ثقيله..الخ عالاقل لمده شهر

الحجم ممكن انتي تختارين ، بس الافضل تخلين للطبيب حريه الاختيار على حسب نظرته طبعا ..
هو شاف صدري وحدد مقاسات معينه وسألني جم مقاس الحماله اللي البسها وبالتالي
حطلي حجم 250 جرام..
وسعر العملية 1510
سويتها هالسنه

والحمدلله راضيه عن نفسي احس اني صكيت على هيفاء هههههههه

ان شاء الله افدت الجميع حتى للي ارسلولي عالخاص :ggdw:

 

[{ملاك}]

سؤال عبيط وداش عرض.. اتمنى تفيدوني فيه


حليب الصويا .. اشربه بارد..
ولا عادي اغليه عالنار واشربه مع النسكافيه مثله..مثل المراعي وغيره؟

لاني ماحبه خالي وبارد

 

[{ملاك}]

اي صج جودي غيرت اسمها باركولي << هم دشت عرض :$

 

[كلي رومانسية]

مشكووووووووووورة حبيبتي ملاك صج ما قصرتي يا الغالية ،، نفكر بالموضوع لانه مأزمتني هالسالفة خاصة اذا شفت غيري اتحسر ، بس الحمد الله على الصحة والعافية . ​

 

[الجووورى]

ملاك يعطيك الف عافيه بس بغيت اسالك السليكون شلون تحسين الوضع عادى ولا تحسين بثقل
والاحساس موجود ولا شنو فى بنات يقولون بعدها ما يحسون بشى ياليت تعطينا خبر
وباى مستشفا سويتى

 

[الحـــب خالد]

شكله موضووعناا هذا ماله حــــــل




بناات اناا رايحه باجر عند د.ماجد تقي ادعووولي




ورااح اوافيكم بالاخبار

 

[{ملاك}]

الله يعافيج
انا ذكرت مكان العملية اللي هي دار الشفاء
وبالنسبه للاحساس بالعكس .. يصير الاحساس بالحلمات اقوى
والثقل في البداية تحسين بثقل.. طبيعي لانه شغله يديده مُضافه لجسمج .. فـ شي طبيعي ومع مرور الاشهر تتعودين عالثقل البسيط

 

[الجووورى]

الحب الخالد ناطرينك ياقلبى بالخبااااااااااااااار
ملاك تسلمين والله ماقصرتى
ياقلبى
بس بغيت اسالك بعد جم سؤال ادرى بتعبك ياقلبى
بس العمليه لما خلصتى ماقالت الدكتوره تحتاجين اى شى بعد جم سنه
يعنى مايبيلها تعديل او شى مع الوقت
يعنى لما الواحد يكبر تتم الحشوه نفسها ماتتغير
سؤال صراحه فكرت فيه
وبالنسبه للملمس نفس الطبيعى
يعنى الشكل اكيد حلو لكن انا اتكلم عن الملمس نفسه نفس الصدر الطبيعى

 

[{ملاك}]

تعبكم راحة حبيبتي
انا حاسه فيكم لان هالشي كان مسببلي عقده .. والحمدلله حاليا انا مرتاحه

الملمس طبيعي جدا جدا ، حتى انج مرات تشكين .. وين راح السلكون! لانه ما يبين


وهذي مضاعفات العمليه .. عند البعض .. اللي ممكن تصير .. ( مو لازم تصير ).. مممممممممممكن ,,


مضاعفات او مشاكل الثدي الصناعي-complications of breast implants


1- تورم الثدي بعد اجراء الزراعة اي ان حجم الثدي اكبر من المتوقع-لعدة ايام بعد العملية.
2- التهاب الجلد او جرح العملية- يعالج بالتداوي والضماد اليومي واستخدام المضادات الحيوية وحسب ارشادات الطبيب المختص.
3- ازرقاق او نزف بسيط تحت الجلد-يختفي ذاتيا بعد عدة ايام
4- تفقد الحلمة الاحساس في بعض الاحيان لعدة اشهر وتعود للحالة الطبيعية بعدها
5- الام في منطقة الزرع او حولها- تنتهي بعدة ايام او باستخدام بعض المسكنات البسيطة
6- تكون الكبسول او التليف حول الثدي ويعتمد من شخص الى اخر capsular contraction
7-رفض الجسم او التحسس الشديد للثدي وهذه الحالة قليلة الحدوث وتحدث نادرا extrusion
ولسوء الحظ فإنه لا يمكن لأي جراح تجميل أن يتنبأ بحدوث هذه المضاعفات لأي امرأة قبل إجراء العملية حيث يعتمد ذلك على مدى تفاعل أنسجة الجسم على مادة السيليكون المغروسة.
8-حدوث ثقب في الزرعة نتيجة شدة خارجية كبيرة او حادثة معينة-في هذه الحالة اذا كانت الزرعة مائية فالجسم يمتص الماء الخارج من كيس الزرعة ويصغر حجم الثدي , ام في حالة السليكون ممكن يؤدي الى تحسس شديد يحتاج الى ازالته .
9- تغير مكان الزرعة نتيجة لشدة خارجية ايضا
-ممكن اعادة الزرعة لمكانها ثانية من قبل الجراح الى مكانها الاصلي غالبا
10- مع الوقت والعمر ممكن للزرعة تحتاج الى تغير لزرعة اكبر لترهل الجلد الشديد نتيجة الشيخوخة
11- تندبات الجرح تختفي مع مرور الزمن وقد تتاخر حسب الشخص وقابلية التئام جسمه للجروح, وممكن تقليل اثارها بالليزر او بعض الكريمات الموضعية




يعني هني كاتبين تفقد الحلمة احساسها جم شهر .. بس انا الحمدلله ماصارلي هالشي يعتمد على شطاره الطبيب

وسؤالج سألته دكتوري.. قالي ممكن احياانا مع تقدم العمر او بعد 10 سنوات او 15 سنه ..الخ مع المتن والضعف .. ممكن تترهل منطقه الصدر .. وقتها تحتاج لرفع او اعاده زراعه سيلكون جديد .. وهالعمليات صارت مثل الماي هالايام ..

 

[الجووورى]

يعطيك الف الف الف الف عااااااااااااااااااااااااافيه ويسعدك ربى ويعطيك كل ماتتمنى ويخليك بعيون ريلك احلا البنات
لانى حدى متشوقه اسويها بس كنت وايد خايفه وانشالله بنطر جم شهر وبروح اشوف دكتور شاااااااااطر بس شنو دكاتره هنى بالكويت ثقه لان البنات حيرونا والله والواحد صار يخاف

 

[{ملاك}]

اميييييييين كثري من هالدعوات خخخ:ggdw:
وان شاء الله ان تزوجت اكون ملكه جمال بعينه _03BA:

شوفي مابي امدحلج احد لمجرد اني سمعت هو زين..
انا اقولج عن اللي رحت عنده ومرتاحه من عمليتي اللي هو ( احمد عادل نور الدين) بدار الشفاء
هو طبيب زائر

واليوم وصل الكويت اعتقد بيقعد لمده شهر

براحتج ان حبيتي تروحينله
بـ 1510

بس عاد مع زياده الاسعار مادري عنهم:0bee2e8d89:

 

[الجووورى]

هههههههههه افا عليك بدعيلك وايد منها يرزقك الريل الصالح ويخليك بعيونه احلا البنات واجملهم ويخليه لك نفس ماتبين
بروح عنده الايام الجايه عالاقل الواحد يستفسر على راحته

 

[الجووورى]

انتى سويتيها صارلك شكثر نسبت اسالك

 

[{ملاك}]

سويتها شهر 7 هالسنه

 

[الجووورى]

حمد الله عسلامتك لو انها متاخره والفال لى انشالله
بس شى شى العمليه من كلامك

 

[{ملاك}]

ههه ان شاء الله تكونلج اشيااء حلوة مو بس شي وحده


الله يسلمج حبيبتي وموفقه

 

[طير الحب]

شلونكم كويتيات
انا ماودي اكبر بس ابي اشدهم واشد بطني وزوجي مايرضى

واى نفس ماساتى_03ba:

 

[روحـي تـحـبـك]

عملية تكبير الــ ...... تعالوا بليز *.^

السلام عليكم


شلونكم بنات ان شاء الله بخير

حبيباتي حبية استفسر عن عملية تكبير الصدر

منو اتعرف وحده مسويه هالعمليه ولها اثار جانبيه ؟؟

وعند اي دكتور .. امم بليز اللي اتعرف اي شي عن

هالشغله اتمنى اتفيدني ...

 

[زري منثور]

رد: عملية تكبير الــ ...... تعالوا بليز *.^

مااعندي خلفيه عن الموضوع

بس ماحبيت ادخل وماارد

 

[روحـي تـحـبـك]

رد: عملية تكبير الــ ...... تعالوا بليز *.^

يسلمو زيزي

وبليز اللي عندها خلفيه عن الموضوع لاتبخل علينا