تجميل الانف ..نصائحكم تكفون

[دكتوراة بالذوق]

قوة بنات

.........







..............
..
انا بصراحة حبيت افتح موضوع منفصل عن ملف التجميل لاني بحاجة الى تفاعلكم معاي ...

بغيت افضل دكتور تجميل للانف..

انا سمعت عن جمال الحربي وباتريك...الخ

تكفون اي وحدة جربت جمال الحربي وصارت لها مضاعفات تعلمني..
وعندي كم سؤال

1-- كم ساعة العملية ؟
2= هل للعملية ألالام ؟؟اقصد بعد العملية مباشرة ؟
3= التورم كم يبقى يوم ؟؟
4= واللزقة متى نشيلها اللي على الخشم ؟
5= اللي موظفة شلون ستوتها وهل اجازة اسبوعين كافية لاجراء العملية ..؟


انا كثرت الاسئلة بس لا تطنشون اختكم تكفون ...
واذا فيه شئ حبيتم تضيفونة اكتبوووو لي

 

[brownness]

مشاركة: تجميل الانف ..نصائحكم تكفون

والله انا ماجربت ولا راح اجرب كان في ودي اساعدج

 

[حبيبته آنا]

مشاركة: تجميل الانف ..نصائحكم تكفون

بنت الاحمدي يابعد عمري ليش مو مصدقتنا والله جمال الحربي شغله ايهبل توكلي على الله وروحيله وطبعا اكيد اهو راح يشرحلج الوضع وكل الاسئله اللي في بالج راح يجاوبها وماراح يقصر انشالله وعاد انتي عقبها صلي استخاره و عيني خير واخذي قرارج

 

[دكتوراة بالذوق]

مشاركة: تجميل الانف ..نصائحكم تكفون

حبيبتة اناا جاوبي على اسألتي تكفين بشوووف شلون العملية

 

[حبيبته آنا]

مشاركة: تجميل الانف ..نصائحكم تكفون

شوفي حبيبتي العمليه مدتها على حسب الحاله يعني مثلا انا خشمي كان يبيله شغل واااايد طولت تقريبا 3 ساعات ونص بس اختي تمت تقريبا ساعتين يعني مو مقياس عدد الساعات
بعد العمليه تحسين بعوار بس يعطونج حبوب تخفف الالم ويقزونج ابره تخفف شويه والتورم تقريبا يبيله اسبوع الى عشر ايام مع الوان زرقه وبنفسجيه وخضره اسفل العيون (مو شدو لااااا اهو جذي يصير) بس الورم يروح بشكل نهائي عقب 4 اشهور تقريبا وتطلع النتيجه الصجيه واللزقه يبيلها اسبوعين تقريبا
والاجازه اسبوعين كافيه وتقدرين تمددينها اسبوع زياده احسن

 

[Q8_ButterFly]

مشاركة: تجميل الانف ..نصائحكم تكفون

بنت الأحمدي مبرووووووووووووك أخيرا الحكومه وافقت على العمليه ؟

 

[كويتية أمورة]

مشاركة: تجميل الانف ..نصائحكم تكفون

انا سويت العملية عن اريك بلو
دكتور فرنسي يزور المواساة كل شهر كلفتني 2000 دينار شامله كل شي يعني مادفعت فلس غيرهم
وقعدت يوم العملية بس وثاني يوم رديت البيت وبجاوب على اسئلتج بالتفصيل وان اء الله تستفيدين


1-- كم ساعة العملية ؟
ساعه وربع تقريبا بس تقعدين بغرفة الافاقة ساعتين زيادة عقبها يودونج غرفتج


2= هل للعملية ألالام ؟؟اقصد بعد العملية مباشرة ؟
ولاااااااا شي اصلا الدكتور قالي بحس بصداع عشان العظم اللي قصوه وبيعطوني بندول يوخر الصداع ولا حسيت لابصداع ولا اي شي ماتحسين بألم كلش كلش كلش



3= التورم كم يبقى يوم ؟؟
التورم يبقى جم شهر قصدج
شوفي هو اول شهر بيكون منتفخ شوي بس مو شاذ مو يخرع بس خلال 6 شهور بيفش ويتعدل ويتغير شكله يتسنع حيل مع انه هو من الاساس اول ماتشيلين الجبس يكون شكله روعه بس يظل يتسنع لما الشكل الجديد يطلع عدل ويروح الورم تدرين شاقين ومخيطين وقاصين غضاريف
بس ترى مايخرع شكله عادي بس تحسينه منتفخ شويونه ويروح



4= واللزقة متى نشيلها اللي على الخشم ؟
عقب 5 او 6 ايام تشيلين الجبس انا حطولي جبك طبقه على خشمي ونص الجبهه والجنبين عالخد ولازقينه بلزاق طبعا خلال هالفترة تتنفسين من حلجج فخلي على طول عندج ماي وحلاو عشان يرطب بلاعيمج لاتنشف
وترى مايضايق شفتي لما تصير فيج فلونزا وخشمج يتسكر؟ نفس الاحساس بالضبط ماكو شي ولا شالوه مايعور عادي دقيقه شالوا اللزاق وشالوا الجبس ونظفوه



5= اللي موظفة شلون ستوتها وهل اجازة اسبوعين كافية لاجراء العملية ..؟
انا موموظفه سويتها بالعطله شهر 6 والحمدلله مرتاحه حييييل من النتيجة وين كنا وين صرنا لوووووووول صج فرق

واي استفسار ثاني انا حاضرة

 

[كويتية أمورة]

مشاركة: تجميل الانف ..نصائحكم تكفون

شنو اللي وافقوا عليها الحكومة بترفلاي؟

 

[دكتوراة بالذوق]

مشاركة: تجميل الانف ..نصائحكم تكفون

مشكورة حبيبتة انااا ..


بس كلامج فيه تضارب مع كويتية شوي ..

ههههههههههههههههههههههه الحكومة للحين ما كلمتناااا هههههههههههه بس لازم توافق



كويتية ماتعرفين الحكوومة خخخخخخخخخخخخخخ تقصد زوجي لووووووووووووووووول


كويتية تدرين توهقت ؟؟ راح اقولج على الخاص ...

 

[حبيبته آنا]

مشاركة: تجميل الانف ..نصائحكم تكفون

مو تضارب بس كل شخص تحصله مضاعفات على حسب طبيعة جسمه اكو ناس بسرعه يروح الورم من ويوهم واكو ناس يتم مورم شهور
انتي شوفي شنو اللي بخاطرج ومقتنعه فيه سويه والله يقدم اللي فيه الخير انشالله وموفقه

 

[كويتية أمورة]

مشاركة: تجميل الانف ..نصائحكم تكفون

لوووووووووول مسمية ريلج الحكومة هههههههههه
وانا على بالي مستفى الحكومه وافقوا يسوون تجميل للمواطنين قلت شهالخبر الحلو ههههههههههه

جدامي عالخاص رديت عليج روحي اقري

 

[دكتوراة بالذوق]

مشاركة: تجميل الانف ..نصائحكم تكفون

يابعد عمري حبيبتة انا ويارب ما اكون من اللي الورم يبقى شهور ....

وصاجة كل واحد وطبيعة جسمة


كويتيية والله لو الحكومة تسوي ببلاش ما اروحلهاااااا


خخخخخخخخخخخخخخخخخ


مشكورين

 

[كويتية أمورة]

مشاركة: تجميل الانف ..نصائحكم تكفون

بنت الاحمدي مسحي جم رساله من صندوق رسايلج ماكو مكان

 

[دكتوراة بالذوق]

مشاركة: تجميل الانف ..نصائحكم تكفون

انطرج كويتية