تجميل الأنف في ايران ..ساعدوني طلبتكم لاتردوني خايبه

[الحلو مابيكملش]

السلام عليكم
انا طبعا اول مره اشارك في منتدى وتعبت على ماعرفت وشلون اسجل واشارك واكتب موضوع بس كنت ابي استفسر عن عمليات تجميل الانف في ايران لاني باسافر خلال هالشهر وخشمي في انعواج واضح وابي اسم دكتور شاطر هناك ياريت الي تعرف دكتور لاتقصر علي بالنصييحه والله يوفق الجميع الي بتساعدني والي لا

المنطقه مشهد وابي رقم الدكتور واسمه ؟؟

ومابتقصرون معي ان شاء الله

 

[شخبوطة]

هلا حبيبتي ... انا اعرف دكتور زين اسمه بور صادق في مشهد ... فنااااااااااااااااااااااااااااااااان شويه عليه ... راسليني على الخاص خل ادورلج رقمه حبيبتي

 

[الحلو مابيكملش]

انا فرحانه فرحانه فرحانه ماتتصورين شكثر من ردك
ماتقصرين يالغاليه ربي يوفقك دنيا واخره ويرزقك الي نفسك فيه
بس الدكتور بور صادق انت شايفه له عمليات لان اخاف مايقدر يسويه وعندي خشم كبير عريض ومايل وملامحي الباقي مره صغيره
ياريت تفيديني بكل الي تعرفيه عنه وبكون لك دااعيه مين الحين لباقي عمري انت والدكتور ان شاء الله


حاولت اراسلك عالخاص بس ماعرفت....

 

[على العهد باقون]

ماانصحج حرام شفت وحده مسويه بايران لاعبين فيها لعب

 

[iCeCreama]

انا امسويه بايران بس ابشيراز مو مشهد وماشاالله علييه فناان هالدكتور واذا تبين اي مساعده انا حاضره

 

[الحلو مابيكملش]

الدكتور بور صادق هل في وحده من البنات غير شخبوطه شافت عمليات للدكتور هذا لاني بصراحه اهوجس وااجد وخايفه
يعني مافي وحده شوه لها خشمها او سوت عنه وماعجبها او تعرف او شايفه عمليات له على بنات
بليز الي عندها شي تقول

 

[أم حوور]

انا حبيبتي مسوية عنده




واختي من قبلي مسوية



ورفيجتي سوت


ووايد بنااات سوواا عنده

 

[الحلو مابيكملش]

طيب يابعد جبدي
سويتو عنده والنتيجه وشلوون
يعني تنصحيني اروح له ولا انطق في البيت وخلهم يسموني ام خشم

 

[الكــــــــايدهـ]

ياقلبي انا ما انصحج


حرام عمليات التجميل اذا انتي مو محتاجه



شوفي هذي ولا تنسين نصيحتي واتمنى تتقبلينها بصدر رحب


***









عملية تجميل فاشلة دمرت مستقبل فنانة كورية مهم للنساء اخذ العبره
في الصورة الاولى المطربة الكورية الشهيرة "هان مي اوك"

قبل اجراء عملية التجميل الفاشلة التى ادت الى تغير شكلها..



وقد تفاقمت مشكلة هذه المطربة شيئا وشيئا بسبب القيام بـ 15 عملية تجميل

متلاحقة لانقاذ فشل العملية الاولى.


وفي كوريا اصبحت هذه المطربة محط احترام وتقدير

بسبب موافقتها على الظهور في عدة برامج للتحذير

من خطر التهور في اجراء عمليات التجميل

دون الاخذ بالحسبان النتائج السلبية

التي قد يتسبب بها الحقن والشفط ..






v
v
v
v

vv
v
v
vv
v
v
v
v
v
v
v














الحمد لله على نعمة العقل والعافيه
،
،
قال تعالى : ( ولقد خلقنا الإنسان في أحسن تقويم )
فلماذا التغيير وخلقة الله اجمل خلقه !!
،
.
يابنات مايصير صآر الحرام عادي ؟ واذا في انعواج شوي بخشمج شصار بالدنيا ؟! عادي مافي انسان كامل

شوفي هذي مو مسلمه شوفي ربج شسوى فيها اجل انتي لا سمح الله الي مسلمه وتدرين بالحلال والحرام ومع هذا بتسوين العمليه ؟!!!

الله يستر عليج ياقلبي


وتقبلي نصيحتي بصدر رحب


اختج

الكـــــــــــايده

 

[الحلو مابيكملش]

انا ماسألت عن حكم العمليه
احكامها ان اعرفها زين وسألت وبحثت وكلمت شيووخ
وتقولين شفيها لو خشمك معووج شصار بالدنيا ..؟؟ لو الانعواج هذا كان في خشمك انتي مااعتقد بيكون هذا كلامك
بعدين انتي ماتعرفيين احتياجات الناس عشان تهاجميني ووتردين الرد الي انا كنت في غنا عنه
والله يهنيك بشكلك وبالثقه الي ربي اعطاكي وياهم