رد : تجمــــــــــع لموظفـــات القطاع الخـــــــــــــاص فقط
شلونكم يا بنااااات ؟؟؟
انا موظفه بالقطاع الخاص و حبيت اشارك معاكم .. طبعا ً كله اشوف المواضيع و ماكنت اقدر ارد لني ما كنت عضوه
القطاع الخاص واااااااااااااااااااايد حلو لكن اكيد مثل كل شي له عيوبه
انا اشتغل بشركة تابعة للصناعات البترول و المشاريع .. طبعا ً قبل لا اكمل لازم تعرفون ان القطاع الخاص حق الناس الطموحه اللي مستعده تشتغل يعني مو مكان تحطين فيه ريل على ريل ..شوفوا الفرق بين الخاص و العام:
ابدي بالمميزات :
1- الخاص اول ماتبلشين فيه ( طبعاً غير البنوك ) اقصد الشركات بس .. العاده تبلشين براتب اكثر من رواتب الحكومه.
2- الحكومه راتبج بالسنه يزيد 10 دنانير .. بالخاص راتبج مايزيد كل سنه يزيد كل سنتين إلا تقريباً لكن شنو ؟ الزياده بين 50 لي 100 دينار يعني فرق خمس لي عشر سنين عن الحكومه.
3- بالقطاع الخاص في مدير لكن بالغالب انتي مديرة نفسج, هذا شغلج لازم تعرفين تنظمينه و تشوفين شنو الاحسن له..باختصار لي فكرتي اديرين بزنز انتي الربحانه.
3- الخاص تتعلمين فيه اشياء وايد بالحكومه ماتتعلمينها الا لما توصلين لي منصب معين! يعني اذا انتي الحين عمرج 23 تتعلمين شغل اللي عمره 38 بالوزارات و الهيئات الحكومية.
4- الخاص عبارة عن اخذ و عطا , تعطين اكثر و تثبتين نفسج الترقيات تييج مثل الورد لأن سهل اتطالبين فيها بكتاب حق مديرج..بالوزارة لأ في سنين و درجات و مادري شنو و واسطات.
5- بالخاص تثبتين نفسج لأن الموظفين شوي .. بالحكومه محد يدري عنج لأن في وايد نفس تخصصج لا و بزياده! الخاص عادي بعد فتره قصيره تصيرين مديرة و تمسكين منصب.. عادي تتعلمين الشغل و بكل سهوله تبلشين بنفس المجال براس مال صغير لأنج عرفتي اسرار اللعبه و الاهم الاداره!
6- الخاص ماراح يطرد من غير سبب..انتي لو تملكين شركة و فيها موظف مايشتغل تستخسرين فيه الراتب! و هذا كلام منطقي .. اذا انتي قدها ليش خايفه؟؟؟ الشركات حتى لو بتطرد تعطين فترة تادبرن فيها نفسج و بالغالب اهي 4 شهور يمشيلج فيها راتب و اداومين و هذي تكون مذكوره بالعقد+ اذا كملتي فوق الثلاث سنين يطلعلج مبلغ من الشركة اسمه نهاية خدمة.. ليش الخوف؟؟
اذا خايفه شيلي من راتبج مال كل شهر بحال انج انطردتي بالمستقبل الله لايقوله,تعلمي ماتخليج عليج ديون, واقساطج مثلا اذا عليج قسط قرض اول ماتشتغلين دفعي جم قسط مقدماً عشان تشترين راحة بالج.
العيوب :
1- وايد ناس وانا منهم نشوف الشغل وايد متعب بس مثل ماقالوا البنات مو كل يوم في شغل وايد, وانتي اصلن لو منظمة ماراح يتكود عليج شي.
2- ساعات العمل وايد بس تستاهل لأن بصراحه اللي يقدمونه لج مو شوي فتستاهل التعب .و الكل راح يحس انج شخصية مهمه ( طبعاً اذا اشتغلتي بقسم سنع فيه شغل تقوم عليه الشركه )
3- اذا انتي عزوبيه عادي واصلن هذي فرصه لج بس اذا متزوجه بعدي حييييييييييييييييييييل عنه لأن اذا كنتي مسؤوله عن شي اساسي ماتقدرين تغيبين وايد .. بس العزوبيات انصكم بالخاص شعندكم بالبيت بس نوم و طلعات ؟ اشتغلي و طلعي بالليل! و بالويك اند عنج النهار تتغدين فيه اذا متحسفه انه راح عليج
اسفه اذا طولت عليكم بس حبيت انصحكم لأن شفت وايد ناس خايفين من الخاص
و الله يوفق الكل و هي نصيب و ارزاق و الحمدالله على كل حال .. تبين وضع احسن اشتغلوا .. ربنا قال اسعى ياعبدي و انا اسعى معاك ..
