تجمـــــع عراايــــــــــ 6 + 7 ــــــــــــس ( الصيف )**حياكمــ**

[قلب راشد]

مساائكم وررررررررررد وأعيااد بفرحة بلادي

لي عوودة للرد حبيبااتي

أحبكم :*

 

[شمس 20]

شلونكم عرايس

انا شريت من لاسنزا بجايم

ومن اوشوا الافنيوز قمصان نوم روعه لا يطوفكم

 

[أحساس مجروحهـ]

زهووور

عليج بالعافيه ومووفقه ياارب

قلب رااشد مسااء النووور
شخبارج يالغلا
ان شاءالله طيبه

,,

شيييخه
حيااج الله يالغااليه وان شاءالله تطلع نتيجة زووجج يارب

,,

نيوووفه

شنسوووي بعد مافي حل بالنسبه لي غير ليزر
لان الصراحه مااقدر اسووي شيره لهذه المنطقه لان جلدي حده حسااس مايستحمل وانا اموت من الخوف هههههههههههه

الله يعين بس
وربي حتى انا امووت من المستحى ماادري وشلون سويت موعد اول جلسه قالو لي الاثنين الجاي


شخباركم بعد بنات

 

[احلى صغيرونة]

قوه بنات
شلونكم شخباركم
احساس لا تستخدمين الصبوحه ديربالج والله انا كنت استخدمها وخربت ويهي فووووق تحت من الكورتيزون اللي فيها ديربالكم منها
انا كنت استخدمها سنتين ويوم قطعتها خربت ويهي يعني مو معقوله بعدين جدام ريلج بتحطينها وتنامين يمه
ترى نسبة الكورتيزون اللي فيها مو هينه والله انا الحين قاعده اعالج ويهي بس نو راضي يضبط وياي العلاج من هالكورتيزون الله يسامح اللي سواها كله من فايز هذا مال عطار الاندلس اهوا اللي علمنا عليها
ديربالج منها اهيه تبيض وتننعم بس لها اثار مو شويه والله خلج على مينونج لا اييج اين منه
ابتعدي عن الكريمات حطي حيلج بالخلطات الطبيعيه بس انتي عروس ماتدرين بعدين شراج يصير فبشرتج
ديربالكم عرايس


الله يوفقكم كلكم
عند منو بتسوين الليزر ؟
ودي اسوي ويهي بس ليلحين قاعده اعالجه
وانا من اول مشقرته فابيه يصير اسود عشان اشيله بس المشكله انا عرسي شهر 5 وعندي بس شهر ثلاثه واربعه وخمسه وسته وسبعه وثمانيه لان على شهر تسعه بسافر وبقعد برا الكويت 4 اشهر
فعادي يعني اقطع وبعدين اذا رديت الكويت اسويه
؟

 

[سہكہـرهـہ وذآبہــہـت]

يا هلا والله صغيرونه

تو مانور التجمع :fun:



وينج عن الماسنـ ؟؟؟




الصبوحه فيها كرتزون بس نسبة بسيطه حييييل وفيه اشياء طبيعيه مثل العسل
وانا صارلي 5 سنين استعملها ماصار فيني شي
استعملها واقطعها
واذا خليتها يرد لوني الطبيعي
وايد بنات استعملوها ويمدحونها
بس يمكن البشرات تختلف عن بعض ؟؟؟؟


احساس ترا الليزر يعور مثل الشيره بس ارحم شوي :eh_s(20):
واذا بتسوين المنطقه الحساسه
سوي عند احد معروف لاتسوين عند عياده بوطقه ديريبالج

 

[احلى صغيرونة]

هلاااااااااو حنوووون
والله انا ايميلي مخرف مادري شفيه كانو الايميلات كلهم محذوفه منه حتى ايميلات اهلي وكلهم انحذفو وقمت القط ايميل ايميل منهم
مادري شفيه والله
اشتقتلج واايد واشتقت لسوالفج
انتي حددو عرسج بشهر 6 مادري 7 وماقمتي تطلين علينا وينج يالقاطعه ://
انا زعلت عليج ماتسلمين ولا شي

 

[احلى صغيرونة]

احساس ديربالج من ليزر الصالونات والعيادات المو معروفه ترى لها اثار وكل الاثار الموزينه اللي تسمعينها عن الليزر هذيله من العيادات المومعروفه والصالونات
العيادات المعروفه تخاف على سمعتهم عشان جذي يمشون سييده وياج
في ليزر بارد احسن انج تسوينه لان يتجاوب مع كل البشرات

 

[احلى صغيرونة]

حنووون الصبوحه خربت بشرتي فوق تحت والله
مادري يمكن بشرتي حساسه حيييل
فاللي بشرتها حساااسه حييل مثلي خل تبتعد عنها احسن وتظل على الاشياء الطبيعيه احسنلها
بالسنفره بالتفرك تصير بشرتج اوكي
بس ديربالكم من الكريمات عشان لا تنصدمون بالنتايج اذا قطعتوهم

 

[سہكہـرهـہ وذآبہــہـت]

اوووكي ياقلبي انا بضيفج مره ثانيه

بس انا مو دايمن اشبك انشغلت بالتجهيز

وحددو عرسي 1/7

واخيرااا بعد ملجه سنه :eh_s(2):

 

[احلى صغيرونة]

اوكيك ياكيك
انا ليلحين ماجهزت التجهيز الصجي ليلحين العب
يلا مبروك ياعمري وزين تحدد الله يتمم عليج على خير ان شاء الله

 

[الاحساس]

اوووكي ياقلبي انا بضيفج مره ثانيه

بس انا مو دايمن اشبك انشغلت بالتجهيز

وحددو عرسي 1/7

واخيرااا بعد ملجه سنه :eh_s(2):

:dddds: بس سنة :dddds:


عيل أنا شقوووووووووووووووول :eh_s(16)::eh_s(16): :eh_s(11): ؟؟؟؟


بعد ؟ سنين


بس شنسوي :denya: ؟؟

 

[الاحساس]

ويييييييييييه تبيني أسوى ليزر للمنطقه الحساسه فشششششششششلة ؟؟؟ خلينا ع الشيرة أرحم

 

[كويتيه خطيره]

صباح الورد والكادي على أحلى عرايس
حبيت أنظم لتجمعكم لأن عرسي تحدد 14/7 ان شاء الله وحدي متوهقه مو عارفه شنو الخلطه اللي بستعملها لجسمي ولا اللي بستعملها لوجهي
بنات تكفون بشنو تنصحوني؟؟؟؟؟؟؟؟؟؟؟
خلطة الجسم ما عندي خلفيه عنها بالمره
بس كريم كابور7 للوجه يمدحونه..... شراااااااااااااااااااااااااايكم؟

 

[أحساس مجروحهـ]

أحلى صغيروونهـ

تسلمين والله ع النصايح

كان ودي اجربها بس انا بشرتي حيل حسااااسهـ ,,يعني حتى مرات كريم طبي يقب يصير احمممممر ويحكني ف اخاف ماتناسبني كلش وتلعب بويهي قبل العرس

على قوولتج راح اعتني فيها بخلطات طبيعيه بالبيت اسويها اضمن


والليزر

انا حاليا مو بالكويت ,,فراح اسويه بعيادهـ انكليزيهـ بس 3 جلسات ,,يعني حدي لقبل العرس بعشرين يوم جذي علشان اجي الكويت

والله سوي ويهج ليزر وافتكي احسنلج والله ,,انا مليييت من الشعر ومو حلووه تونا عرايس والشعر يطلع بسرعه احسه حده فشششلهـ



حنووونهـ

ايييه ادري يلسع حييل ,,انا مجربته قبل
بس شنسووي ع الاقل ننلسع كل شهر مره حد الجلسات وان شاءالله يخف
مو لازم يختفي ابيه بس يخف ويصير الشاعر ناعم مثل شعر البيبي تطلع حدها ناعمهـ
والعيادهـ اللي رايحهـ لها قريت عنها بالنت هي انكليزيهـ
والله ماادري ان شاءالله تطلع زينهـ



الاحساس

اذا تستحملين الشيره خليج عليها هم نتايجها حلووه بس بسألج اذا الحين قبل عرسج شلتي شييره أنزين لم يطلع اشلوون ؟
قصدي لازم تخلينه يطول شوي وتشيلينه مره ثانيه بالشيره صح ؟
لان اذا ناعم حيل ماتشيله الشيره ؟؟؟
انا احااتي من هذه النقطه ؟
اكون توني عرووس ولازم اخلي شعري شوي يطلع علشان الشيره تشيله ,,احسه فشششله مو ؟؟؟؟

اشراايج انتي وقت عرسج بعد مايطلع مره ثانيه بشنو راح تشيلينه ؟ قصدي حتى شعر جسمج كله ؟؟


كويتيييه

حيااااج الله يالغلا معااانااا والف مبرووووك التحديد
وان شاءالله تستفيدين من تجارب البنات يارب
صراحه انا لجسمي ماقاعده اسووي اي خلطه غير اني كل يوم افركهـ بليمون وشويه سكر اسويه مثل السكرب لمدة 10 دقايق واغسله وادهن سمي مرات بزيت اللوز ومرات بالجلسرين ,,وهالايام متكااسله قطعت وماقاعده اسووي شي

وويهي احطله خلطات طبيعيه ,,يعني قناع روب وعسل ,, مرات قناع النشا ,, وقناع حليب

احس الاقنعه الطبيعيه افضل

اخاف احط اي كريمات ويخرب وجهي
لان وجهي حساس حيل

والله يوفقج يارب

 

[qswa]

لاتغرك انا شريت كريم اساس استيلودر مع لوس باودر من بيضون
روووووووعه هالكريم شوفيه وجربيه
وشريت تاتو ميك فور ايفر هم من بيضون
وماسكرة لانكوم الهزازه
والحمر بشتريها من الهنود عندهم حمر تهبل وماتروح بسرعه
جربت حمرة ريميل حلوه بس بسرعه تروح

هلا بنت عمي فديتج اخيرا احد عطاني فيس :eh_s(9):
ان شاءالله راح اشتري كل اللي قلتي عنه بس عن الحمر مادري يمدحون حمر ماك ؟

بنات انا بهالتجمع احس قاعده اكلم روحي جد والله اغلبكم ترد وتسولف مع اللي تعرفها بس انزين انا قاعده احاول ادش معاكم واشارك واقولكم عن تجهيزي بس ماشوف اي تفاعل معاي اذا وجودي مضايقكم ولا يهمكم اطلع من التجمع واسوي تجمع عرايس شهر 7 بروحي :eh_s(6)::eh_s(6):

 

[قلب راشد]

مساائكم ورررررررد وياسمين

واايد ولهت عليكم

وعندي لكم سواالف

بس مشغووله شوي ولي بااك

 

[ساره ستايل]

قلب راشد : الله يوفقج ويهنيج ويسعدج يااااااااااااااااااااااارب :tek:

 

[أحساس مجروحهـ]

بنات انا بهالتجمع احس قاعده اكلم روحي جد والله اغلبكم ترد وتسولف مع اللي تعرفها بس انزين انا قاعده احاول ادش معاكم واشارك واقولكم عن تجهيزي بس ماشوف اي تفاعل معاي اذا وجودي مضايقكم ولا يهمكم اطلع من التجمع واسوي تجمع عرايس شهر 7 بروحي :eh_s(6)::eh_s(6):

لا تغركـ :23_asmilies-com: >>> معصبه عليج ههههههههههههههههههههـ

يؤيؤيؤ

شنو هالكلام شتقووولين انتي

احنا كلناا خوااات

واكيييد نبي نعرف اخبارج وتجهيزاتج علشاان ندعيلج ونستفيد منج بعد

صرااحه انا يديده بعد على تجمعكم لان عرسي تأجل وصار ب شهر 6 فشوفيني دخلت ع طوووول معاكم ماحسيت روحي غريبهـ كأني وحده منكم من غير مااحد يعطيني فيس :fun:

شنو تفتحين تجمع بروحك لشهر 7 !! يؤيؤ :j013:

انتي لو تلاحظين اغلب بنات التجمع من عرايس شهر 7 :eh_s(20):


بالعكس يااقلبي مو مضاايقتنا ويلا يلا حطي لنا قائمتج ههههههه

من الالف الى الياااء

والله اصلا انا استانس على سووالفكم واحسكم كلكم خوااتي وتراني اقرقر وايد بس مادري عن البنات الثانيه ههههههههههههه


يلا اي وحده عندها اخبار علوم اي شي يديد عنها عن تجهيزاتها خلطاتها ليزرها وكل شي تحطه اهني >>كلّـي آذان صــاغــــيهـ :27d66a9c24b146327bf

 

[أحساس مجروحهـ]

مساائكم ورررررررد وياسمين

واايد ولهت عليكم

وعندي لكم سواالف

بس مشغووله شوي ولي بااك

مسااااااء النووور والسروووور عليجـ :eh_s(17):

من صرتي من عرايس شهر 4 وانتي ناااسيتنا

يلا ننتظر باااكج وسوالفج بأسرع وقــت :eh_s(9): >>> تبي تقرقر هههههههـ

 

[شمس 20]

شلونكم بنااات

انا شريت شدوات من ماك الافنيوز

الوان حلوةة

وشريت فرش بعد

ومن اوشوو شريت قمصاان نووم