تجمـــــع خريـجـــات آداب لغــــــــة انجـليـــــزيـــه

[مريوومه12]

هااااااااااااااي
انشاءالله ما يجي رمضان او بعد العيد الا احناااا بوزاؤة سنعه انا وجليمور ! بس جليمور شنو ببالج مكان في وزارة حلوة غير التربيه
هههه
غير الماليه الماليه اختي فيهاا عندي بالبيت بالدوااام ههههههههه مع ان في مميزات حلوة الا تهبل اقترحوااا علي
البنت اذا كثرواااا خطابه باااارت شكلي بتم بالتربيه وبتقاااعد منهاااا ههههههههههههه
الله المستعااااان

 

[مريوومه12]

بوزاره

 

[نونه العنونه_H]

جيلموووور>> اتوقع كل الوزارات والهيئات والجهات الحكوميه توظيفهم عن طريق الديوااااان
يعني تييبين كتاب من المكان الي تبينه ولازم الديوان يوافق ويمشيج..
واغلب الاوقات الديوان ينطرج فتره على ما يمشيج..
يعني تخيلي عندج كتاب من مكان احلامج الي كل يوم تحلمين انج تشتغلين فيه وحاطته جدامج وقاعده بالبيت..
برازيليه >> شلون خلصتي اوراقج بالديوان؟ عندج واسطه؟

 

[برازيليه22]

انا من زمان مقدمه عالديوان وكانوا يرشحوني حق الجمارك والتربيه والبلديه وجذي هالاماكن البايخه
وكنت اكنسل ناطره المجلس
ولما المجلس ماقبلوني رحت الديوان سالتهم شنو الوزارات اللي يبوني قالولي اذا تبين وزارة ييبي كتاب احتياج من الوزاره يعطون
وابوي شافلس ناس بالماليه وويبت كتاب الاحتياج
ولما رحت الديوان بكتاب الاحتياج قالتلي اذا على تخصصج مسوين ربط عالماليه راح تنطرين اما اذا مافي احد مسوي ربط عالماليه عادي باجي البنات اللي قبلج يترشحون حق اي وزارة ثانيه ونرشحج الماليه
وبس ونفس اليوم اللي يبت في كتاب احتياج رشحوني الديوان ورحت في عالماليه
بيني وبينكم انا الوزاره مو عاجبتني 100% لان وزارة خدمات وزحمه وايد وشغل بس مافي مكان اروح وين اروووووووووح؟
بنسبه للميزات عندهم كادر انا قالولي اجمالي الراتب 867 بضبط بعد الاستقطاع مال التامينات

وسلامتكم
لووووووووول

 

[نونه العنونه_H]

الماليه احسن من غيرهااااااا الحمدلله
حظج حلوووووو انا يننوني الديوان شوي مع ان عندي واسطه مناك
كان في قبلي بنتين وانا رقم 3
رقم 2 كانت رابطه بمكان ورقم 1 مافي مكان بالكويت ما رشحوهااااا له
انا ينيت وبققت عيوني جذي@@ هذه شلون صامده لي الحين
رفضت كل الاماكن لانها تبي ديوان الخدمه
واخر شي الديوان ما قبلهاااا

 

[Gilmore Girl]

ماشالله برازيليه صج الله كاتبلج هالمكان تسهلت امورج

بس ترا مو شرط احطونج بادارة فيها مراجعين مدام عندج واسطه اكيد عندج اختيار اي ادارة

وبعدين المالية من احسن الوزارات بس عيبها مكانها

 

[Gilmore Girl]

اي صج نونه علي طاري الديوان انتي قدمتي دايركت عندهم والا شلون طريقتهم ؟

 

[أم محمد..]

موفقين حبووباتي

 

[مريوومه12]

ما شاءالله عليج برازيليه الله يوفقج

 

[مريوومه12]

والله يوفق الجميع

 

[Queen of Roses]

الحمدالله عالسلامة ديوي احنا الحمدالله تمام نسال عنج ؟
كوين << هلا فيج اختي معانا اول شي عندي سؤال
هل انتي خريجه اداب ولا تربيه ؟ لان اذا تربيه عندهم نقص وصعب يعطونج استقاله من التربيه والاصعب ان يعطونج تنازل :\
ثاني شغله ترا معاش المدرسه اقوى من معاش الوزارات يعني ما اتوقع بعد ماجربتي ماشالله معاش850 بترضين بمعاش 600والي اهي اغلب الوزارات
اما الهيئات المستقله فيبلهم واسطات علشان تشتغلين فيهم :\
بالتوفيق ياقلبي

شهادتي تربية متوسط وثانوي

بس صدمتيني معاش المترجمة في الوزارات 600 بس

هو الشغل حلو ووناسة بس مرات نتعب خصوصاً بالتصحيح نقعد لي 4 العصر

 

[Gilmore Girl]

Queen of Roses

والله انتي من الناس النادره اللي تحب التدريس وقلتيها بنفسج مرات يصير الشغل ضغط يعني مو كل مره

انا اشوف التدريس فيه مميزات وايد خصوصا حق المتزوجة واللي عندها عيال بس اهم شي تكونين حابه الشغله

الله يوفقج

 

[برازيليه22]

مشكورين حبايبي ماتقصرون والله يعطيكم على قد نيتكم
بس انا بالماليه بيحطوني مكان في مراجعين لول
لان على تخصصي هذا المكان المطلوب لول بعد واسطتي ما ادخلت بهالشي يامعودين كافي انقبلت )))
بس الحمدالله على قوه نونه احسن من غيرها
وانشالله اذا لقيت مكان احسن اغير
بس الحمدالله البنات اللي معاي حبوبين انا رحت شفت المكان
عيب الوزارة انها بمجمع الوزارات
وان عليها ضغط وشغل ومراجعين
والحمدالله على كل حال

 

[مريوومه12]

الا التدريس لو يعطوووووني 2000 ما ارد له ما صدقت طلعت
صج مهنه شاااااااااااقه

 

[shadaw girl]

هاي بنات . اشلونكم ؟ اعذروني هاليومين انشغلت شوي . ولهت على سوالفكم.

برازيلية مبروووك! المالية وايد احسن من المجلس . جفتي اشلون انها خيرة لج.

 

[Gilmore Girl]

بنات عندي لكم خبر وطبعا سيده اول وحده عرفته

انا













استقلت :d

اليوم كان اخر يوم لي بالدوام والله يعوضني بدوام زين غيره

 

[أوراق مبعثره !]

برازيليه << عالبركه ياقلبي

غلمور << الله يعوضج بالدوام اللي احسن منه شرايج تيين عندنا

 

[Gilmore Girl]

اوراق
امييييييييييين الله يسمع منج

والله اشوف عاد الحين لازم اختار المكان اللي صج مقتنعه فيه 100%

 

[برازيليه22]

تسلمييييييييييين شدو حبيبتي


اوراق ثانكيووووووووو

جلمور >>>>>>>> لا لا هذي جذبه ابريل المشكله احنا مو بابريل
جك بم استقتلي !!!! ليش؟
ولاقيه مكان غيره؟؟؟
واشلون يوظفونج على طول الحين

جان نقلتي او ندب !!!!

 

[برازيليه22]

اوراق تعالي شصار على رفيجتنا

تقول ليلحين ماباشرت قصوا عليها وطوفوا المقابله لووووووووول
معصبه ترى وماده البرطم شطوله لول عاد تتدلع هههههههههههههههههههههههههههههههاااااااااي
ضحكتني يوم كلمتها معصبه وزعلانه وكل الاحوال في بعض
تقول ملت تبي داوام اقولها لاحقه عالحر تقول بس انا تزهبت على اساس هالاسبوع دوام لووووول ضحكتني