تجمـــــع خريـجـــات آداب لغــــــــة انجـليـــــزيـــه

[أوراق مبعثره !]

هلا نونه ياقلبي ماشر بس خالتي مريضه بعيد الشر عنج وانا كل يوم عندها :\
مشلكتي انا مايعجبني العجب لووول .. ارض المعارض نونه رحت ماشفت شي وبسرعه طلعت :\
اما على سالفه قص الشعر نونه ممنوع من السلطات العليا << امي لووول

برازيليه في اكثر من محل بالصالحيه فوق ماركاتهم امريكيه انا شايفتهم بالنت على 150 و 200 اهني ينباعونوالله على 300 وفوق علشان جذي اكره اشتري منهم لووول


اي انا كنت رايحه الجابريه وتهاوشت معاهم لوول .. اقولج شي اصدمج حتى ميك ابهم ماعجبني وايد لان احسه ثقيل@@ ادري بتحقدين علي حالج حال اهلي بس انا احب السمبل حيل بكل شي ..

ادري راح تتعبون معاي نفس اهلي اللي شالوا ايدهم من كل شي لوول :\

 

[Gilmore Girl]

HaPpy BiRtHDaY 2 Me


:stars::stars:

 

[dewy twilight]

:nbvppw:كل سنه وانتي بالف خييييييييييييييير قيلمور :nbvppw:
العمر كله ويوم ما نسمع فيج تصيرين يده انشالله

واي نونه يا حلات كلامج , ثانكس كلللج ذوق حبوبه :hjy5jewf:
وعلى الماسك انا استخدم الروب مع ماي الورد وقفشه من خميرة البيره تلاقينها عند الحواي

 

[أوراق مبعثره !]

كل عام وانتي بخير !!
هابي بيرث اي در

ليش ماعطيتينا خبر ؟ ولا خايفه نسسئلج جم عمرج ؟
خالتي الصغيره الحين تقولنا ياويلها اللي تتصل علي تقولي كل عام وانتي بخير او تقولي قبال احد علشان لحد يسالني جم عمرج لوول

ان شالله تكون سنه حلوه عليج يارب : )

 

[Gilmore Girl]

وانتو بخير وصحة وسلامة حبايبي :*

امييين الله يسمع منج اوراق وعادي اقولج عمري

الله يسلمج كملت 21 لول :wqedqw:

المشكلة اهلي كلهم يدرون جم عمري حاسبيلي ماكو مجال اجذب

 

[برازيليه22]

كل عام وانت بخير قيلمور
عقبال 100

:jbdwjbd:

 

[dewy twilight]

هههههههههههه قيلمور والله عبالي صج 21

 

[shadaw girl]

:nbvppw:
كل سنة و انتي طيبة جيلمور. اي بعد الحين خلاص لازم نخش عمرنا مو مثل أول.!

 

[Gilmore Girl]

برازيليه وشادو وانتو بخير وصحة وسلامة حبيباتي :*

اي شادو خلاص مو مال نقول لول !

 

[سيدة المطر]

هلاا أوراق شلونج ، اي قلمور اليوم جبتلها مراجعين خو صرت بروحي اليوم وبالواجهة بقسمي ومرتزة وكل من يجي يسالني :eh_s(20): بس على الطل وحده دزيتها حق رئيستي واثنينه دزيتهم لقلمور:friends: اهو صج شغل مايخلص بس الحلو ان بسرعة تصير 1.30 يعني ماحس بالوقت كلللش ... وقلمور كل عام وانتي بخير وعقبال مليون سنة يارب وأنا صج متنحة عبالي صج 21 ماعرفت الا لمن قريت رد ديوي :bbbiu:
ايييي أنا جربت مس فرساي الجابرية حلو وناعم بس مادري عن المواعيد لأني جربته بالصيف وماكان في أحد بس مكياجهم حلو وأكيد كلشي عالطلب بس للحين مافي صالون عجبني مكياجه 100% وبعد عندج بريجيت ( بس أنا أروح مال المنقف ) حيييل ناعم وأنا مثلج بعد ماحب التخبيص وعشان ترتاحين أكثر اخذي فاونديشنج وياج أحسن.

 

[dewy twilight]

ههههههههههه والله حسستوني اعماركم بالخمسينات
عاد انا عمري 22 >> يعني مشجعتكم تقولون اعماركم لوووول

 

[سيدة المطر]

لا بالعكس والله عادي مادري ليش سالفة العمر تخوف أكيد الإنساان كل ماله ويكبر مايصغر وهذة سنة الحياااة بعد شنسوي

العمر كلللله ديوي وأنا 23

 

[Gilmore Girl]

وانتي بخير وصحه وسلامة سيده :*

كيفكم انا ماراح اقول لول p;

 

[dewy twilight]

تسلمين سيدة المطر ولج حبيبتي طولة العمر

قيلمور ترا توووج صغيره بنوته اسم الله عليج 25 او 26 واحساسي ما يخيب واللي تييب العمر صح قيلمور بتعطيها جائزه هههههههههه >> غشمره ترا

 

[نونه العنونه_H]

HaPPy BiRthDay to YOU HaPPy BiRthDay to YOU :nbvppw:
HAPPY BIRTHDAY TO GiLMORE :nbvppw:
HAPPY BIRTHDAY TO YOU :nbvppw:
oOOoOoOoOOoFFFFFFFF (يعني في كيكه) D:
كل عام وانتي بخير وانشاللله تكون سنه احلى من الي قبلهاااااا وتتحقق امنياتج كلهاااااا

 

[أوراق مبعثره !]

لوووول غلمور حتى انا حاشبتلج :\
سيده انا نفس الشي ..
انا قاعده افكر ببريجيت المارينا

 

[Gilmore Girl]

تسلمين نونه وانتي بخير وصحه وسلامة :*

الله يسمع منج انشالله ومشكوره عالاغنية :sfg:

ووي جني انكشفت :eh_s(1):

 

[$ فراولة $]

سيدة المطر قريت لج مشاركة انج كنتي مقدمة على بيت التمويل. تذكرين متى قدمتي بأي تاريخ ؟ أو أي وحده عندها معلومه عن التقديم ، أنا رحت سألت الموظفه وقالتلي للحين ماعندي علم ،،، للعلم أنا شهادتي تربية

 

[dewy twilight]

فراوله جننننه التمويل مافي وكت معين حق التقديم اذا ماني غلطانه
تروحين الرئيسي مالهم وتقدمين اوراقج هناك

 

[سيدة المطر]

اي فراولة قدمت عليهم بالمعرض الوظيفي اللي شاركوا فيه مادقو ، طبعا اكتشفت بعدين انه مجرد دعايات واعلانات لهم فقط لا غير بالعربي خرابيط ! يعني صرفت بنزين وطقيت طريق عالفاضي مالت عليهم ، روحي انتي بنفسج قدمي أحسن...