تجمـــــع خريـجـــات آداب لغــــــــة انجـليـــــزيـــه

[dewy twilight]

حبييييييييييييبتي والله برازيليه هذا من ذوقج
انا ما احب ظيقة الخلق , فتلقيني كله مبتسمه ومستانسه واحب الناس الونيسه نفسج ما احب اللي كله متكابين وظايق خلقهم
احسهم ينقلولي الكابه ههههههه

 

[shadaw girl]

برازيلية وديوي موفقين انشالله, انتي ويا جيلمور بأي وزارة ؟ آنا عن نفسي أحب التخصص الثاني وايد, استانست عليه بالجامعة , واحس دراسته راح تكون ممتعة. حبيبة أعمامها , حياج الله معانا, و تري دراسة الانجليش وايد حلوة و اذا انتي زينة بالانجليش و القواعد , لا تحاتين , و الله يوفقج .

 

[برازيليه22]

ديوي لوووووووووول اتذكرج كله مبتسمه حتى وانتي معصبه الحيت تقولين اللي بقلبج ومبتسمه
اتذكر مره كنت واقفه شوي بعيد عند كلاس فرانسوا وانتي واقفه مع البنات تسولفين انا قاعده اسمع الكل يشكي من التلخيص اللي عطانه فرانسوا وانتي يحليلج وتقولين وايد ومادري ومبتسمه وابتسامه عريضه
حتى يومها قلت حق مادري منو كان يمي
قلت يحليلها (فلانه)= انتي لووول
قلت مادري اهي الحين زعلانه ولا مستانسه هههههههههههه
بس مشالله عليج حبوبه صج يعني بسرعه تكسرين الحاجز مع الناس


تسلمييييييييييييييييييييييييين شادوووو

 

[Gilmore Girl]

shadow girl

انا بوزارة التعليم الواطي اقصد العالي :eh_s(3):
قسم البعثات الاجنبية

 

[shadaw girl]

جيلمور صج الله يعينج , آنا طلع اسمي عندكم بالتعليم عند ادارة طلبة الديوان , بس رحت و جفت المكان , فيه مراجعين جان أرفض, عشان جذي قاعدة أحاتي التطبيقي انشالله مو نفس النظام ! يعني باجي البنات بطالية مثلي؟ :eh_s(6):
برازيلية آنا احس اني أعرفج بالجامعة:gr4uu: ,انتي كنتي ماخذة فرنسي2 عند خلود؟ أيامها كانت تودينا كوستا اللي بجمعية كيفان؟

 

[Gilmore Girl]

شنو قصدج طلبة الديوان ؟

اي مبنى رحتي ؟

شوفي انا رحت التطبيقي ووقت اللي رحت ما كان عندهم مراجعين بس على كلامهم وقت الصيف يصير عندهم زحمه !
بس اكيد مو كثرنا لان ماكو مقارنة بالعدد بين بعثات التطبيفي وبعثات الوزارة

 

[برازيليه22]

شادوووووووووو انا انجليزي مو فرنسي
دفعه 2005؟


؟
!

 

[shadaw girl]

في ادارة خاصة حق الطلبة اللي يدزونهم الديوان الاميري و حتى المديرة قابلتني كانت حبوبة واهي بعد كانت ادبي انجليزي (ما اذكر اسمها ) بس مثل ما قلتي وايد ضغط عليكم من المراجعين.

 

[shadaw girl]

برازيلة احنا دفعة 2004 كنا ناخذ ترجمة مع فرنسي (تخصص مساند) , عيل مو انتي اللي في بالي,شاللسافة كلكم تعرفون بعض الا آنا أحس اني ضايعة بينكم

 

[برازيليه22]

لول شادو لا عادي انتي وحده منا
بس فرنسي مره وحده اففففففففف قويه اشوه اني 2005

 

[نونه العنونه_H]

مبرووووووووووووووووك برازيليه انشالله تمر المقابله بسرعه وعلى خير..
وتغمضين عين وتفتحين عين تلاقين نفسج بالمجلس مداومه..
تعالي تحبين قعدة الصبح والا تسويلج ازمه؟؟

 

[نونه العنونه_H]

شادووووووو جيرل احم احم انا كنت معاكم بكلاس خلود فرنسي 2..
قوليلي انتي منو ع الخاااااااااص..
الله يستر واطلع ما اعرفج بعد نفس برازيليه يننتهااااااااااااااا مسكينه..
حاسه صاير فيني الزهايمر والله ما اذكر شي عن الجامعه جني متخرجه من 20 سنه.. :ssssso:
الله يعين بس ترا النسيان نعمه << ترقع حق عمرهاااااااا

 

[shadaw girl]

برازيلية عاد علمينا اشصار عليج باجر, و انشالله سهالات . أي و الله تصدقين كنا ناخذ فرنسي 4 أجزاء و الله لا يوريج دكاترتهم ! . جيلمور وييينج؟ عرفتي أي ادارة أتكلم عنها؟

 

[shadaw girl]

نونة وينج؟ عرفتي منو آنا ؟ و جيلمور ويييينكم؟ الحين يوم عودتوني على السهر جان تختفون؟:eh_s(6):

 

[dewy twilight]

ايييييييي برازيليه اذكر يومها كان د فرانسوا يبي تلخيص اميه كلمه عن ال15 صفحه, بس والله ايام هالكلاس حدها وناسه وكلاسنا كان ممتع بس ماله داعي ههههههههه

لا shadaw girl لاتقولين جذي دامج انجلش انتي وحده منا وفينا شدعوا
عاد قريت اسماء اللي انقبلو بالتطبيقي يمكن كنتو ثمانيه او تسعه وما عرفت ولا اسم منهم قلت بتكونين وحده من هالاسامي
بس يجوز اعرف ويهج من غير لا اعرف اسمج

 

[نونه العنونه_H]

شااااااااااادو دزيتلج ع الخااااااااااااص
ويالااااااااا جوووووود نايت لازم انام باجر يوم حااااااااافل
ديوي ماراح انساااااااااااااج حبيبتي xx

 

[dewy twilight]

تروحين وتردين بالسلامه ,, ما تقصرين نونه هذا من طيبج

 

[shadaw girl]

::نونة تصبحين على خير, ديوي الاسماء اللي بالجريدة كلها غلط ( الوطن كانوا عاكسينها مع وزارة ثانية) عفسوني يوم قريتها! عبالي التطبيقي رفضني !بيس يوم جيكت علىالسايت مال الديوان و على جريدة غيرها لقيت اسمي. يالله آنا دايخة بروح أنام .:bye22:

 

[Gilmore Girl]

shadow girl
والله امس نمت مبجر بالنسبة حق مقاييسي حايشتني فلو والدوا نومني والمنتدى صاير وايد يعلق لوع جبدي

ديوي
تروحين وتردين بالسلامة انشالله

 

[shadaw girl]

جيلمور ما تشوفين شر انشالله اي صج المنتدى وايد يعلق بالليل, برازيلية بشري اشسويتي بالمقابلة ؟