تجمـــــع خريـجـــات آداب لغــــــــة انجـليـــــزيـــه

[Gilmore Girl]

اوراق مابي احبطج بس التطوير الاداري عباره عن اداره بروحها موجوده بالوزارات

ولا تشوفينهم عندنا والله حاطين ريل على ريل وجرايد واكل بس شغلهم يضبطون الدروات بالوزارة

والله شغله صعبه الله يعينهم

 

[dewy twilight]

قيلمور لاتحاتين اوراق صارت واقعيه واقنعتني بهالشي ماراح تتحبط هههههههه

 

[أوراق مبعثره !]

هههههههههههههههههههههه غلمور ماعلي شنسوي بعد

 

[أوراق مبعثره !]

ديوي << القناعه كنز لا يفنى قاعدتي اليديده

 

[برازيليه22]

لول انا بس سمعت ان الزياده حق الاداريين صج
واختي قالتلي بيزيدونها
اختي ادارية بوزارة التربية
وقالت ان بيزيدون الادارين
يعني ماتوقع ان بس حق التطوير الاداري
حق كل الادارييين!!!

 

[نونه العنونه_H]

الحمدلله عالسلامة نونة والله يباركلج بالوظيفة الجديدة يارب

الله يبارك بحياتج حبوبه :eh_s(17):
​

 

[dewy twilight]

بنااااات اليوم مقابلتي الحين بروح
ادعولي

 

[سيدة المطر]

الله يوفقج يارب ويسهلها عليج

يعني وافقو الديوان ؟وماكان في دور جدامج؟

 

[أوراق مبعثره !]

بالتوفيق ان شالله ..
بس مقابله شنو :/

 

[سيدة المطر]

أوراق إهي قصدها وزارة المواصلات

 

[dewy twilight]

اوراق سيده كانت مقابلة كلية الدراسات العليا
وطبعا القروب اللي مرشحينهم للقبول يونسون يحليلهم اجتماعيين ويهونون على بعض ان محد يرتبك وجذي
يوم دشيت غرفة الاجتماعات كانو الدكاتره قاعدين اللي يبون يقابلونا ومن بينهم دكتوري فعرفني وقام يقول ان انتي كنتي طالبتي ومعدلج عالي ومتى تخرجتي, اشتغلتي ولا للحين ومن هالحجي واللي يمه ما سالو ولاااا سؤال علساس الدكتور يعرفي
ما طولت يمكن خمس دقايق ولا ثقل عليي بالاسئله
عاد انشالله اكون من المقبولين لان المتقدمين 52 واهما يبون شي وعشرين فانشالله خير انا متفاءلة

 

[سيدة المطر]

أها زين عيل إن شاء الله من المقبولين يارب

وأنا طاح حظي عبالي مواصلات

 

[dewy twilight]

الله يسمع منج سيده
حبيبتي لا تحاتين اذا صار شي عالمواصلات اكيد بقولكم مو سكاتي لا تحاتين

 

[Gilmore Girl]

ديوي
الله يوفقج يارب ويقبلونج بسرررررررررعه

برازيلبه
انا قريت انه وافقوا على اقتراح وزيرة التربية بزيادة المزايا المالية والبدلات حق كل اللي مرتبط شغلهم بالتعليم بس مادري منو قصدهم ! واذا بزيدون اداريين التربية اكيد احنا معاهم بس بدوامنا كله كلام !

سيده
ما قالولج متى مقابلتج اليايه ؟

 

[أوراق مبعثره !]

ديوي بالتوفيق يارب
اتصلوا علي الدفاع باجر مباشره عمل .. حدي مستانسه و متوتره احس ما اعرف هناك بروحي غير اني ما اعرف شنو اسوي :\

 

[سيدة المطر]

قلمور لا والله مادقو لا امس ولا اليوم ، بقالي مقابلة ثانية بعد مع مسؤولة ادارة المعادلات والله يستر عاد خايفة تردني لمن اقولها بروح ادارة البعثات

أوراق مبروووك عادي عادي التوتر شي طبيعي يحوشنا كلنا بأول يوم دوام ، وأكيد راح تعلمج الموظفة هناك الشغل خطوة بخطوة وراح يروح الخوف تدريجي يلا أهم شي راح تودعين البطالة بس غريبة ماسوولج مقابلة بس أحسن افتكيتي منها

 

[أوراق مبعثره !]

الله يبارك فيج ياقلبي .. اي الله كريم بس اهو اكيد اول جم اسبوع راح يصيرون شوي كريهين :\ بعدين يصير الوضع عادي
اي والله صاجه اهم شي اودع البطاله مليت هههههههههههههههه

 

[Gilmore Girl]

يلا مبروك اوراق

اي صج اول يوم وناسه على خوف بس حلو الشعور انج بتصيرين عضو فعال بالمجتمع :eh_s(3):

سيده
عاد الشئون الادارية عندنا يومهم عن سنة ميتيييييييييييين !

 

[برازيليه22]

مبروك ديوي وانشالله القبول
نونه << انا سمعت الزياده راح تشمل اللي ماياخذون كوادر بتربية
ومبروك سيده ممقدما على الكادر اللي بتاخذينه لوووول
واوراق يلا الفال لنا
اخاف تصيرين موظفه وتنسينا هههههههههه
يلا موفقه

 

[سيدة المطر]

متأكدة برازيلية ؟ لأن اهمه قالو بالتعليم اعتقد قصدهم التدريس

بس صج شنو العلاقة بين التربية والتعليم ؟ اهمه منفصلين تماما ؟ ولا في شي يربطهم غير إن وزيرتهم وحدة ؟