تجمـــــع خريـجـــات آداب لغــــــــة انجـليـــــزيـــه

[سيدة المطر]

صح أنا معاكم بس الناس مع الأسف يحكمون على الظاهر وأعطيكم مثال صارلي لمن رشحوني للدفاع وكنت متأكدة إني انقبلت ، سألوني وين بتشتغلين ؟ قلت لهم الدفاع ، انصدمت الكل عفس وجهه وقالوا : الدفااااااااااع عاد ؟ ( أنا من داخل انقهرت وتحبطت ) بس قلت لهم بكل ثقة إيييه الدفاع أترجم مناقصات وعقود ومكان راقي شفيها ؟ وسكتو وجنه طخووا عاد جذي الناس مايدرون شسالفة بس عليهم بالظاهر ، والشر يعم مع الأسف.

قلمور ماقول إلا الله يعينكم ( ويعينا بحكم أني بصير منكم بعد ) بس بعرف انتو ماعندكم نقابة تدافع عنكم وتطالب بحقوقكم ؟؟

 

[Gilmore Girl]

امبلى عندنا نقابة بس وجودهم نفس عدمهم للاسف

والله انا قلتلج عن الوضع المزري بس انتي وراحتج

انزين بنات لو يخيرونكم بين الخارجية وا[COLOR="red"]لهيئة العامة للصناعة [/COLOR]وين تروحون ؟

الخارجية ما شفت مكانهم بس الهيئة رحتلهم مره ومكانهم يفتح النفس نظيف وهادي وعندهم كادر ومكانهم قريب واهم شي ماكو مراجعين !

برازيلية عندج فكره عن الهيئة بما انج ماشالله خبره باماكن التوظيف :eh_s(3):

 

[Gilmore Girl]

لوول سيده
والله التعليم العالي مكانهم راقي
ويكفي تصبحين بوي اوادم سنعه ومكان يشرح الصدر
مو الاعلام بوي هالزلمات والله انا رحت وشفت بعيني اتكلم عن الوزارة
كوودة بنات قاطينهم بغرفه 4 في 4 وادشين الغرفه ريحة الزقاير تبط راسج
هذي واهي غرفه بنات
الله يستر عليهم وعلينا

برازيلية شكلج ما تدرين شنو الاشكال اللي تمر علينا بالبعثات والله هوايل !
راحت ايام الاشكال السنعة من نزلوا نسب القبول وزادوا البعثات قامت تمر علينا اشكال حرام فيهم البعثة والله !
وادارتنا من ضيجها ما تقدرين تمشين سيده جنج بلعبة الحيه قاعدين فوق بعض لا يغرج الشكل من بره كلش

وادارة المعادلات الله لا يوريج كل الجنسيات اللي بتشتغل بالكويت يراجعونهم مو بس الكويتيين !

طبعا قاعده اتكلم عن هالادارتين لان اهم اللي يحتاجون خريجين انجلش

 

[أوراق مبعثره !]

سيده انا مثلج وايد ناس انصدموا :\ بس بصراحه انا مايهمني راي احد المهم راحتي النفسيه واللي كانوا يقولي الدفاع عاد ومو مكان بنات كنت اقولهم قبل لا تحكمون رحتوا شفتوا المكان اللي بداوم فيه اقصد المبنى ؟ يقولون لا اقولهم لا تحكمون من الاسم روحوا وشوفوا كلهم بنات وحتى المسؤوله مره مو ريال فيسكتون

غلمور الله يعينكم والله .. بس شكلج وايد متفاءله بالمكانين طبعا راح اروح المكان اللي يقبلوني فيه اول في حال انقبلت يعني لوول

 

[سيدة المطر]

نقابة المدرسين مادري جمعية المعلمين المهم نقابتهم على طوول يتحركون ... رئيسهم حفظت شكله من كثر ماشوفه يطلع بالتلفزيون ويطالب بحقوقهم !

المهم وأنا أنبش بقوقل أبي أطلع أخبار عن نقابة التعليم شفت هالخبر بالصدفة طبعا قبل سنة هالخبر انشر بالقبس:
"نقابة التطبيقي:
سنقاضي الخدمة المدنية لعدم إقرار كادر الإداريين

كتبت وضحة سعد:
أعلنت نقابة العاملين في الهيئة العامة للتعليم التطبيقي والتدريب أنها سترفع دعوى قضائية ضد مجلس الخدمة المدنية للمطالبة بكادر الإداريين أسوة بموظفي الجامعة والموزعة حسب الدرجات الوظيفية لتصبح بواقع 70 دينارا للدرجة الثامنة و400 للدرجة الأولى.
وقال رئيس النقابة عبدالرحمن السميط أن النقابة سوف تتخذ هذه الخطوة حتى لا يتم تطفيش الموظفين، لا سيما بعد تزايد الاستقالات، مشيرا الى «أن وزيرة التربية ووزيرة التعليم العالي نورية الصبيح لم تكف عن مساندة النقابة إلى أن النقابة بحاجة إلى هذا القرار لأنه في حال حكم المحكمة لمصلحة النقابة سوف يتم صرف الكادر بأثر رجعي، ولكن في حالة إقراره من مجلس الخدمة المدنية سوف ينفذ من تاريخ الصدور فقط، مؤكدا نجاح القضية بنسبة 90%.
وحول رأيه في تعاون الهيئة قال السميط ان الهيئة سلبية في تعاونها مع النقابة، وليس لها أي دور يذكر مع النقابة، مؤكدا أن دور النقابة مكمل لدور الهيئة في مساعي تحقيق الأمن الوظيفي الذي يزيد من انتاجية الموظف، مما يحقق المصلحة العامة للموظفين متمنيا أن تتفهم إدارة الهيئة هذا الأمر."

قبل سنة هالحجي وأمس أقروه ، اللي بوصله إن النقابة لمن تتحرك وتتكلم يكون فعلا في استجابة لمطالباتها بس نقابة التعليم مادري مالقيت لها حسس ! ليش؟ اهمه مو نفسهم عاملين بالوزارة والفايدة وحدة ولا شنو ؟ ماني فاهمة ليش مايتحركون مثل باقي النقابات؟

 

[أوراق مبعثره !]

غلمور ادري مو وقته وان ضايق خلقج بس ممكن خدمه سريعه :$
بغيت اسئلج صج يقولون موقفين الاعتراف بالماستر اللي بلندن لان سنه مضغوطه مو سنتين ؟ سمعت هالحجي اهني ومن اكثر من شخص
بس الجامعه مندرجه من اسامي الجامعات المعترف فيها بالمكتب الثقافي الكويتي ببريطانيا شلون ؟

 

[سيدة المطر]

.........

 

[برازيليه22]

لوووووووووووول قيلمور
شسوي من كثر مافرفرت عشان اتوظف
بس بصراحه الهيئه انا مارحتها لان انا اول شي اخلي ابوي يسال وابوي راح وسالهم قالو مايبون تخصصنا (ترجمه) مكدشه الوالد طبعا
مادري انت منو قالج يبون تخصصنا !!
اما الخارجية والله رحت اهو مبنى على دوار مسجد الكبير عالبحر والمكان حده حلو من داخل لايغرج من برا شكله مقبول بس من داخل حده مكشخينه وريحة البخور تفووووح من عند المصافط
بصراحه وايد حلو
وانا لو يحاصلي وخيروني بين الهيئة والخارجية اكيد اختار الخارجية
لان نفس ماقلت الخارجية اعلى معاش بالدولة

 

[برازيليه22]

لوووووووووووول قيلمور
شسوي من كثر مافرفرت عشان اتوظف
بس بصراحه الهيئه انا مارحتها لان انا اول شي اخلي ابوي يسال وابوي راح وسالهم قالو مايبون تخصصنا (ترجمه) مكدشه الوالد طبعا
مادري انت منو قالج يبون تخصصنا !!
اما الخارجية والله رحت اهو مبنى على دوار مسجد الكبير عالبحر والمكان حده حلو من داخل لان من برا شكله حلو بس من داخل حده مكشخينه وريحة البخور تفووووح من عند المصافط
بصراحه وايد حلو
وانا لو يحاصلي وخيروني بين الهيئة والخارجية اكيد اختار الخارجية
لان نفس ماقلت الخارجية اعلى معاش بالدولة

 

[dewy twilight]

حبيبتي والله قيلمور حدج متازمه ومقهوره ,, صراحه ظلم اللي قاعد يصير بس الله كريم ربج يفرجها .

وبالنسبه حق المكانين لو انا منج اروح الخارجيه صراحه عقب ما عرفت رواتبهم ماشالله شكثر عاليه وبريستيج ,, كافي ريحه البخور بالمسافط :eh_s(3):

سيده ماشالله صايره متحدثه هذي فايدة قعدة البيت ولا جان ما قعدتي تدورين الحقائق ,, على هالحجي والله شكلج انتي بترئسين النقابه هههههه

 

[برازيليه22]

لوووووووول ديوي
<<<<<<<< بخرتلج المنتدى
هي هي هي هي

 

[Gilmore Girl]

اووووف لوع جبدي المنتدى ليلحين يعلق :eh_s(14):

المهم.....

سيده
خليني ساكته عن نقابتنا يعني لاحظي ما اقروا الكوادر الا حق الناس اللي اضربوا واللي نقاباتهم ما اسكتت !

اوراق
انا اكيد قاعده اتكلم عن المكانين مع الواسطة ادري بدونها مالي امل
حبيبتي بالنسبة حق الماستر ببريطانيا ما عندي اي فكره بس اسألج انشالله باجر

برازيلية
الله يخليلج الوالد
والله انا بحاول وانشالله ربي يفرجها

ديويحبيبتي والله صج حدي مقهوره الله يصبرنا

 

[dewy twilight]

يالله قيلمور قدمي عالجامعه اخر الشهر او اول خمسه بينزل الاعلان .. راح يصير اون لاين التقديم بالنت يعني مو حسافه تقدمين وانشالله هالمره تصيب وتفتكين من التعليم العالي ونصير زملاء مهنه :eh_s(3):

الموقع من امس واهوا يعلق لوع جبدي

 

[Gilmore Girl]

اي انشالله بقدم عالجامعة بعد شسوي
عاد انشالله يقبلونا احنا الثنتين :eh_s(3):

 

[dewy twilight]

اميييييييين الله يسمع منج يارب

 

[سيدة المطر]

ههههههههههه ديوي أنا أطالب بالكادر وأنا للحين ماتوظفت عندهم
بس يقهرون بجد يعني عشان شوية موظفات عادي ينهضم حقهم !

 

[أوراق مبعثره !]

غلمور << مشكوره ياقلبي ماتقصرين

 

[أوراق مبعثره !]

Up up up

 

[dewy twilight]

ندااااااااااااااااء
نونه العنونه وينها مو مبينه عسى المانع خير !!

 

[برازيليه22]

بنات شلونكم
اليوم امتحنت بالمجلس
وشفت وايد بنات من دفعتنا
يحلينا