تجمـــــع خريـجـــات آداب لغــــــــة انجـليـــــزيـــه

[dewy twilight]

اي صاجه برازيليه اهيه بالمطبوعات بشويخ قسم المراقبه
والله ماشالله عليج تفهمين بهالسوالف , ثقفيني معاج :eh_s(3):

 

[أوراق مبعثره !]

ماعلي غلمور ادري ضاق خلقج بس شتسوين كل شي قسمه ونصيب .. الله كريم ان شالله

 

[أوراق مبعثره !]

اوكي برازيليه

 

[سيدة المطر]

لوووول حتى لوهم مليون مابيهم يكفي انهم "اعلام" مايصلح لي كلش

بس بسألج قلمور ماكو نقابة لكم ؟ ما أذكر سمعت إن أكو نقابة العاملين بالتعليم العالي؟

 

[أوراق مبعثره !]

سيده الظلم صاير على اغلب الاداريين :\ يعني انزين الله يرضى دبلوم لان فني عنده كادر معاشه يصير بحدود 750 اكثر الاداري اللي كارف بالجامعه 4 سنين ومعاشه 650 يعني شي مايدخل العقل !

 

[سيدة المطر]

صحيح أنا ملاحظة الفني بكل الجهات راتبه حلو عموما الله يهنيهم عالعموم إذا الراتب فيه بركة بيصير جنه مليون ولو كان مليون ومافيه بركة بيطيييير بغمضة عين وماتدرين وين راح وقلمور لا تزعليين وبالعكس يمكن بالمستقبل يقرونه تفائلو بالخير تجدوه

بس عجبني تعليق واحد بالجريدة على خبر الكوادر : "شكرا ديوان الخدمة صدق فيكم المثل اللي يقول تمخض الجمل فولد فأرا "

هههه

 

[برازيليه22]

لول ديوي
اي قاعده اقولج من كثر مافرفرت عالوزارت
انا قبلوني اعلام بس شيسوى علي (اصير من الوسط الفني) ههههههههههه
وسالت قالولي اقل معاش اللي بالمطبوعات بس الوزارة نفسها معاشهم 730 غير البونص
قلت بقلبي ماسوت علي المعاش
وابوي مارضى

 

[برازيليه22]

لوول سيده
والله التعليم العالي مكانهم راقي
ويكفي تصبحين بوي اوادم سنعه ومكان يشرح الصدر
مو الاعلام بوي هالزلمات والله انا رحت وشفت بعيني اتكلم عن الوزارة
كوودة بنات قاطينهم بغرفه 4 في 4 وادشين الغرفه ريحة الزقاير تبط راسج
هذي واهي غرفه بنات
الله يستر عليهم وعلينا

 

[سيدة المطر]

من صجج

 

[برازيليه22]

وللعلم انا ماجمع كل اللي بالوزارة
بس معظمها جذي
وكل مكان في الشين والزين بس اماكن الكلام عنها زايد
واحنا عقب الوظيفه نبي الريل عاد
خل ندور مكان سنع لووووووووول

 

[برازيليه22]

اي والله سيده شوفة عيني
ريحة زقاير بالغرفه والله تبط الراس
والحممات ماتنبغى
وطبعا مناك ميانه انا شفت البنات عادي يسولفون ويضحكون مع الشباب عادي جنه مياااانه

 

[سيدة المطر]

صح كلامج ماكو مكان بيرفكت مستحيل لكن لو خليت خربت لكن مسألة ان مطيحين الميانة أنا شفت هالشي بأغلب الأماكن الحكومية مادري يمكن كثرة الشغل ويا بعض تفج اللحام لووول ( بوزارة الدفاع استغربت من ضحك موظفة بصوت عالي ! ومادري ضحك على صراخ استغفر الله هههههههه عاد مكتبها بعيد شوي بس صوتها واصل لي عندنا وجدامي غرفة شباب انا استحيييت والله ! ) وبمستشفى حكومي هم الكاتبة ولازق فيها موظف سوري ( استغربت سوري ويشتغل بريسبشن ؟) ولازق فيها وضحك بصوت عالي ! هالكلام العصر ، مادري الظاهر العصر عشان ماكو مراجعين قليل فماخذين راحتهم قططع

 

[برازيليه22]

والله سيده صح اغلب الاماكن جذي
بس في وزارات معروفة باحترامها
مثلا التعليم العالي انا بصراحه شايفه كل بنات وترى رحت وشفتها
مكان حلو ويشرح الصدر بس انا بصراحه ناطره مجلس الامه واذا ماصار نصيب اشتغل بالمجلس بقدم اوراقي يا اما بالتعليم العالي او بنطر قطاع خاص

 

[سيدة المطر]

صح كلامج أنا لمن رحت والله المكان حلو ومو مثل باجي الأماكن الحكومية تجيب القامت حتى اللي بالإدارية حبووووبة وبشوشه وتضحك وياي بعد

 

[أوراق مبعثره !]

<< تدش خط عرض بنات اهو صح مكان عن مكان يفرق بس نقول ابنت بمكان سمعته زينه وهي تطيح الميانه يعني نفس الشي
كله على حسب شخصيه الواحد اهو يعرف شلون يفرض احترامه عالناس حوالينه والعكس صحيح

 

[dewy twilight]

هههههههههههههه برازيليه والله ضحتيني ,,بس كلامج واقعي صاجه لازم نشتغل بمكان سمعته حلوه واهم شي صراحه يكون مكان محترم شالفايده راتب وكادر والناس تطالعنا بنص عين جنه مسوين شي غلط

سيده انا اقول روحي التعليم العالي كافي ان يقولون احلى الوزارات ومرتبه ونظيفه ,, وبالمنطقه الحره يم الموفنبيك :eh_s(3):

 

[dewy twilight]

وبنات احنا المفروض ما نعم وبكللللل مكان في الزين وفي الشين على حسب شخصية الشخص نفسه وانا مع اوراق بهالكلام
وهم بالنهايه ما يصير نروح مكان شبهه مثلا لان في النهايه احنا عايشين مع هالناس وعقلياتهم

 

[برازيليه22]

اي انا وياكم شخصية الواحد تفرض نفسة
بس لو مثلا احد سالج انتي باي وزارة مثلا بقول الاعلام
والله عاد الرد انا متاكده بيكون وييييييي ليش؟
وبعدين خلي كلام الناس
انا شخصية ما استحمل اشوف كل يوم هالمناظر واقعد بمكان اصلا مو جوي

 

[أوراق مبعثره !]

اي اكيد وايد ناس مايحبون ولا يفضلون .. بس فكره تصنيف كل الناس على حسب مكان تعيينهم بصراحه فكره غبيه ..
يعني كل مكان في الزين والشين : )

 

[Gilmore Girl]

والله مت من القهر وما قدرت امسك بجبتي بروحه نفسيتي صايره زفت وصارلي يومين مو مداومه وبعدها اسمع هالخبر

المشكلة انه سمعة التعليم العالي (وانا ما اسميه الا الواطي) بره حلوه بس الواقع غيييييييير

يعني خل اقولكم جم شي من اللي نعانيه

عندنا مكافأة حق اللي تشارك بخطة تسجيل البعثات. انا شاركت سنة 2008 والفلوس بعدها ما انزلت ! وطبعا بالقانون اذا طافت سنة وبدت سنة مالية يديده تروح كل مبالغ السنة اللي قبلها ! وحتى اللي شاركوا السنة اللي طافت ليلحين ما نزلت لهم الفلوس !

وزارتنا المصونة تعتبر من اعلى المبالغ بالاعمال الممتازة (750 د.ك) انا ما نزلي ولا فلس منها لاني ماخذه مرضية وحده زيادة وهالشي كان جهل مني لاني ما كنت عارفه السيستيم ! طبعا باجي الوزارات اذا الموظف مو محقق كل الشروط يعطونه عالاقل نسبة بس احنا ولا شي.. تبون ظلم اكثر من جذيه

والله لو تشوفون شلون يراكظون حق الطلبة والفلوس اللي تنقط يمين وشمال ويويلنا اذا تاخرنا بصرف اي مبلغ او مكافأة حق طالب تقوم الدنيا ما تقوم واحنا اللي المفروض يراعونا بالطقاق

وازيدكم من السنة اللي طافت لليحين اطلعوا بس من ادارتنا 5 موظفات !

يعني كل مكان اسمع فيه ميزه لو وحده بس احنا ماكو شي يشجع لا من معاش ولا من كراف ولا من مكافآت ولا من مكان

وفي وااايد اشياء تحر القلب وتقصر العمر بس ماقدر اتكلم عنها