تجمـــــع خريـجـــات آداب لغــــــــة انجـليـــــزيـــه

[سيدة المطر]

هلا أوراق الله يعينج على الفحص يالله سهالات إن شاءالله مايمر هالشهر إلا وكلنا متوظفين بس بسألج أوراق شصار على معهد الأبحاث ؟ خبري فيج تقولين بيسوون لج تست حق الفلوينتلي ؟

 

[سيدة المطر]

انا سمعت مجلس الوزرا number one بالكويت؟؟؟
انشالله اموري تتسهل وايي مني واقولكم بنااااااااااااااااااااات اشتغلت بالمجلس :eh_s(9):
عااااااااااااااااااد اذا صارت (انشالله) اي واسطه مناك اي وحده تبي تتصور مع وزير معين
اي شي اي شي حااااااااضرين :wqedqw:
^^^
^^
^
الحين الي يقرا يقول انا واااااااااصله.. كلي مترجمه :d

ونااسة نونة ماشاءالله عالبركة إن شاءالله

 

[سيدة المطر]

وي توني سألت أخوي عنها لانه راجعهم من قبل يقولي كله هواش وصراخ وزحمة وسويت سيرج بالمنتدى البنات ذمو المكان أمبييييييه تحبطت قبل ماروح لها بس وحدة مدحت الإدارية ونظم المعلومات ... قلمور شرايج شنو أحسن قسم؟ ومن جم لي جم دوامكم؟ وبنفس الوقت مابي أرفض لأن مابقى مكان أصلا

 

[dewy twilight]

والله سيدة المطر انا اقول الاشاعات واايد ولا تسمعين كلام احد ,, استخيري وتوكلي على الله

 

[أوراق مبعثره !]

هلا والله سيده لووول عاد صج رشحوج حق كل الوزارت ..
شوفي انا من رايي يعني لا تسمعين كلام احد مافي مكان يمدحونه كل الناس الا الاشغال والبلديه لا ن نايمين ماكو دوام يعني لووول ..
المهم لا تتحبطين ولا شي روحي شوفي المكان و الاقسام يمكن ترتاحين حق قسم معين و انشالله غلمور ماتقصر معاج..
حتى لو ما اعجبج اعتبريها وظيفه موقته كسب خبره على ماتلقين مكان احسن وتنقلين اوراقج احسن من قعده البيت :/ .. اغلب الاماكن الزينه تبيي خبره فبجذي تكون لج الاولويه ..

اذا كلش حسيتي انج مو مقتنعه شوفي وزراره من اللي رشحوج لها قبل تحسين انها احسن الشيء ويبي كتاب ترشيح ..
بالتوفيق ان شالله

 

[أوراق مبعثره !]

الله يسمع منج سيده ان شالله : )
والله خبري فيهم بيتصلون واخرر شي سمعت خذوا بنت وحده المشكله ان اشكره واسطه لوول
يعني من شروطهم ان وحده تكون ما تشتغل وهالبنت تشتغل :/

عالعموم الله يوفقها ويوفقنا ان شالله

 

[Gilmore Girl]

اوراق

لا تنسين زحمة الصبح هذي ليلحين ما تعودت عليها :cxxxp:

والجامعة خلاص فقدت الامل فيهم


سيده
اهلا وسهلا فيج واخيرا طلع اسم وحده عندنا

شوفي شغلنا متعب ويبيله وحده تحب الشغل وتتحمل وفوق هذا المعاش مو وايد يعني والله قاعدين نشتغل عشان الاجر بس عندي احسن من اماكن ثانية حاطين ريل على ريل طول الدوام والله اذا مر يوم ماكو شغل وايد يصير ملل !

وهم اللي مخليني اقعد بدوامي على التعب اللي اشوفه مسئولتي الله يخليها والله ذهبه مو مقصره معانا وهم رفيجاتي والبنات اللي معاي لان اغلبنا من نفس العمر فشايلين بعض

وبالنسبة حق الادارية ما توقع ياخذونج لان موظفينهم وايد واصلا ماكو شغل ونظم المعلومات مو حق تخصصنا !
في ادارة المعادلات بس بالنسبة لي احنا وايد اهون عالاقل مراجعينا بس كويتيين وشغلنا مو روتيني وايد بس اهم ايونلهم كل الاوادم اللي بيشتغلون بالكويت عشان يعادلون شهادتهم فتخيلي الوضع وشغلهم وايد روتيني !

مثل ما قالت اوراق تعالي وشوفي المكان بس لا تنصدمين من الضيج لان مبنانا مؤقت وننتقل مبنى يديد باذن الله بس متى عاد مادري بس خلاص حاجزينه لنا بشرق


ومكانا الله يسلمج بالمنطقة الحره. خلي فيلا مودا بظهرج وكملي سيده اييلج دوار صغير اخذيه سيده بعد وتلاقين مبانينا المصونه على يسارج. احنا البعثات اول مبنى الدور الاول

موفقه

 

[Gilmore Girl]

اي نسيت دوامنا من 8 - 1.30

واستقبال المراجعين من 8.30 - 12.30

عاد تعالي بهالفتره والا ما اندخلج :eh_s(3):

 

[سيدة المطر]

ديوي وأوراق صاجين أنا ملاحظة هالشي محد راضي بمكانه ؟؟
أوراق حسافة وظلم عاد انتي مجتازة كل الشروط مالت عليهم بصراحة يلا خيرة انشالله
هلافيج قلمور تبين الصراحة أنا ودي يكون في شغل وحركة ماحب أتسمر بمكاني طول اليوم وعلى قولتج زميلاتج أوكي والمسؤولة زينة عيل هذا أهم شي وأشوا ريحتيني الله يريحج والله يوفق الجميع يارب

 

[سيدة المطر]

لووووول حلو توقيت دوامكم

 

[Gilmore Girl]

:eh_s(9):

يلا ناطرتج عاد اذا بتيين قوليلي عشان اضيفج وحياج الله

 

[سيدة المطر]

فديتج قلمور تسلمين وانشالله باجر اذا قدرت أمركم

 

[حور الجوري]

مرحبا بنات
الحمدالله ان عندنا تجمع عشان لا نضيع
انا دفعة 2005 اداب لنقويستيكس .. وتوني متخرجه اخر شهر 1
تابعت نقاشاتكم حسستوني اني مطووووله وانا واايد متأمله ان كلها شهرين او 3 واتوظف p:
انا ابي الماليه امدحولي ياها بس مادري شنو عندهم ينفعني .. يعني شنو راح اشتغل هناك اذا اقبلوني؟؟
وهم بسأل عن مجلس الوزرا؟؟؟؟
انا مقدمه بس عالديوان .. ولا الأفضل اني اقدم عالوزارة نفسها اذا نزلوا اعلان؟ شرايكم؟!

 

[Gilmore Girl]

حور الجوري

ويلكم تو تجمعنا

شوفي المالية ومجلس الوزرا ما يمشون الا بالواسطة ومو اي واسطة !

فاذا ما عندج غسلي ايدج سوري بس والله هذا الصج

والتوظيف عادي ما يطول بس يعتمد اذا ما تبين المكان اللي رشحولج اياه اكيد بطول السالفه

وحياج مره ثانية بالتجمع :bye22:

 

[نونه العنونه_H]

ونااسة نونة ماشاءالله عالبركة إن شاءالله

الله يبارك فيج حياتي.. :stars:
انشالله اول ما يصير كل شي اكيد اقولكم..
بووووووووووسه كبيره حقكم كلكم​

 

[نونه العنونه_H]

هلا غلمور شلونج ؟
يقولون اجلوا اعلان الجامعه لي اخر الشهر :/
انا حدي ضايعه مع الفحص وعفسته من الصبح كل يوم
احس بديت اكره قعده الصبح من قبل لا ادوام لوول صارلي سنه تقريبا بالبيت مو متعلمه على قعده الصبح :s

ليش حياتي؟؟ ليكون رايحه بدون ريااااااااال :eh_s(10):
الاحسن تروحين مع ريال..
وبعدين اذا انتي بمستشفى ما تعرفينه سألي الفراشين والله يعرفون كل شي
انتي بس وريه الورقه,, الله يسهل عليج انشالله​

 

[حور الجوري]

merci Gilmore 7bebty ma 8a9artay
w allah y3een enshalla w tesahal omorna

 

[أوراق مبعثره !]

حور << هلا فيج اختي معانا .. مبروك التخرج وادري لو انه متاخر .. احس اني اعرفج وانج وحده من رفيجاتي لان انا نفس دفعتج ونفس التخصص لووول .. بالنسبه حق وزاره الماليه موقفين توظيف من شهر 7 الللي طاف والتعيين مايكون الا عن طريق الوزير نفسه يعني واسطه ومو اي واسطه اما مجلس الوزرا ما ادري شسالفته :|

نونه << الحمدالله سويت كل التحاليل اليوم وخلصت كل شي طبعا حتى بامور المستشفيات ماتمشي الا بواسطه اسرع هههههههههه تقولي النتيجه تطلع الثلاثا الياي بس بييبولي اياها يوم الخميس والله كريم

 

[أوراق مبعثره !]

حور << الوزارات التقديم عن طريق الديوان مو اعلان بروحهم هذيلا الهيئات يكون التقديم عن طريق روحهم اما الوزارات عن طريق الديوان اما اذا تبين مكان معين تقدرين تيبين كتاب احتياج من الوزاره نفسها وتودينها الديوان علشان يحولون ترشيحج هناك وبالتوفيق
مجلس الوزرا على حسب اعتقادي يعني التوظيف عن طريقهم يعني عن طريق اعلان مو الديوان : )

 

[dewy twilight]

حور حياج الله حبوبه بتجمعنا وشكلنا نعرف بعض لان انا واوراق وسيده المطر كلنا دفعة 2005 وانجلش لينقويستكس اداب

سؤال باخذ رايكم فيه زميلات التخصص .. اذا حصلتلي وظيفه بالاسكان اروح ؟؟