تجمـــــع خريـجـــات آداب لغــــــــة انجـليـــــزيـــه

[أوراق مبعثره !]

سيده انا بصراحه بعد التفكير وبعد اللي شفته حسيت المكان مريح والبنات زينين .. اذا على بره المنبى قالولي في مكان مصافط قريبه يم التجهيز الخارجي .. انا شكلي يوم الاحد بروح الديوان وبرفض التربيه وبطلب وزاره الدفاع .. بعد الواحد شنو يبي غير مكان مرتب و مريح نظيف وعلى قولتج رواتبهم احسن من وايد اماكن وفوق كل هذا راح تشتغلين بتخصصج مو شي ثاني ماله علاقه يعني تنحسبلج خبره لو فكرتي مثلا بعدين تنتقلين تروحين وزاره او هيئه ثانيه صدقيني عالاقل خبره تفيدج بعدين احسن من قعده البيت لان دايما الاولويه للي عندهم خبره فكسبي وقت وانتي تدورين مكان ثاني علشان الخبره وماكنهم مو سيء اللي الواحد مايقدر يتحمل يداوم فيه
بالتوفيق سيده

 

[dewy twilight]

سيدة المطر , اوراق من كلامكم هذا احسن مكان مقارنة بالاماكن الثانيه واقل مكان ذميتو , وحسناته ومميزاته وايد اكثر من عيوبه
توكلو على الله والفال لي اتخذ قرار

 

[سيدة المطر]

شوركم وهداية الله وهم بصلي استخارة وأشوف إذا مرتاحة ولالا... بس حسافة راح عن بالي أسألهم عن التفرغ الدراسي شلون طريقته وجذي..

الفال لج ديوي وموفقين يارب.

 

[Gilmore Girl]

سيدة تو الناس عالتفرغ الدراسي !

تقدرين تاخذين عقب جنه سنتين بنص راتب او اربع سنين براتب كامل

انا قاعده افكر اخذ تفرغ السنة اليايه ودي اكمل ادارة اعمال بس بعدي وايد متردده

الله يوفقكم بنات ويفكم من البطاله

 

[سيدة المطر]

مـشكوورة قيلمور ،، والله يوفق الجميع يارب

 

[المكسيكيه]

فوووووووووووق

 

[أوراق مبعثره !]

ثاانكس مكسيكيه عالاب :>
نونه وينها ماتبين :/

 

[نونه العنونه_H]

كااااااني حياتي..
انا نفسكم رشحوني تربيه من اسبوع ورفضت وامس رشحوني دفاااااااااع..
قولولي وين صايره وزارة الدفااااااااع؟؟ كشخه والااااااااا عادي والا تحت العادي؟؟؟
الصراحه اهم شي المكان عندي..
في مصافط حق الموظفين؟؟ حلو المكان؟؟ بأي منطقه؟؟

اااااااااااااااااااااااااااااااه يا بنات لو تدرون الضيقه الي فيني
ديوان الخدمه ما اقبلوني انا الحين بحاله صدمه مو مستوعبه شي
كارهه كل شي جدامي بس ابي ابجي
قهر قهر قهر هذا وعندي واسطه وتخيلوااااااااا بعد المقابله ب 30 دقيقه ياني خبر اني مقبوله..
واستانست وما قلت حق احد ولا حنيت ولا تفاخرت قلت ابي كل شي يصير رسمي بعدين اقول حق الناس..

تخيلواااااااااااا قدمت اوراقي شهر 8 والمقابله شهر 12 وتوااااااااا قبل جم يوم طلعت النتايج!!!!!!!
مو حراااااااااااام هالوقت كله ضااااااااااااااااااااااع
والله كل ما امر من ديوان الخدمه اقووول تف عليكم,, والله مو تربيتي
بسسسسسسسسسسسسسس قهر قهر قهر مو راضي يرووووووووووووووح
خليني ساكته مابي اكمل..

 

[نونه العنونه_H]

تخيلوااااااااااا من شهر 8
يعني
8
9
10
11
12
1
2
3

يعني 8 اشهر وانا على امل
ومن اول ما تخرجت وانا ارفض اماكن عشان عيون الديوان
No comment

 

[شمعة تذوب]

السلام عليكم شلونكم ان شاء الله تمام انا طالبة اداب انجليزي فى الجامعة العربية المفتوحة وان شاء الله اتخرج مثلكم بس عندي سؤال انا اول كورس بالجامعة هل كنتوا تاخذون تقوية انجليزي بر الجامعة فى بداية دراستكم واذا فيه معاهد زينة تعرفونها او مواقع مفيدة لتقوية اللغة او كتب بليز لا تبخلون على والف شكر للجميع

 

[أوراق مبعثره !]

نونه حبيبتي خيره ما تدرين .. لا يضيق خلقج ولا شي : ) عاد عمرج طويل والله على بالي اليوم اقول ما ادري وينها وشنو اخبارها
بصراحه مثل ماقلت قبل اسمها رزه لما تقولين انا موظفه بوزاره الدفاع هههههههههه .. انا رحت شفت المكان بالشويخ اهو المكان كبيير حيييل ومباني وايد
وبتشوفين الشئون الاداريه راح تكتابين مو حلو المكان ومثل ماقلت قبل اذا تبين تتوظفين بتخصصج يعني التجهيز لخارجي المكان وايد حلو والمنبى يديد ومرتب ومريح ومعاشات الدفاع حلوه وانتي بتشتغلين بتخصصج حبيبتي اذا متردده روحي شوفي المكان شوفي التجهيز الخارجي مو الشئون الاداريه وتهونين .. اما اذا تبين تكونين اداريه بصراحه ما اعرف المكان .. الله يوفقج ياقلبي انا شكلي بروح الدفاع
انا اقول وافقي وتعالي معاي علشان لا اروح بروحي >> مصلحه هههههههههههههههههههههه :eh_s(9):

 

[أوراق مبعثره !]

المكان بالنسبه لي فوق العادي .. الوزاره بالشويخ فيه اكثر من مصافط حق الموطفين وبكون لج كرت عسكري علشان تقدرين تدخلين .. لمبنى اللي بتشتغلين فيه حلو ونظيف ومرتب اما المكان بشكل عام وااايد كبير كبر جامعه الشويخ او اكبر ونفس الطريقه كله مباني اتمنى اكون جاوبت على اسئلتج

 

[أوراق مبعثره !]

هلا اختي شمعه تذوب حياج الله معانا .. انا عن روحي اجتزت امتحان القدرات فماخذيت دروس تقويه سيدا مواد التخصص وجذي اما معهد لغه زين عندج ايميدست بالسالميه وايد يمدحونه وعندج المكتب الثقافي البريطاني هم يقدم دورات حلوه .. اتمنى اني فدتج واي استفسار ثاني مايردج الا لسانج ..

 

[Gilmore Girl]

نونه الله يعينا ويعينج عالاحباط

بس شتسوين هذا رزق وكل شي نصيب وما تدرين وين الخيره

انا بعد كنت متأمله بالجامعة وكلمت واحد مركزه كبير في ناس اشتغلوا من تحت ايده وكاني على حطة ايدج :eh_s(16):

الله كريم بس شنقول

 

[أوراق مبعثره !]

بنات تفاءلوا بالخير تجدوه .. بعدين حطوا بالكم كل شي خيره .. لا تزعلون روحكم على شي راح وماراح يرد

 

[سيدة المطر]

مثل كلام أوراق وقيلمور بالضبط ، نونة لا تزعلين عمرج ماتدرين وين الخيرة

 

[المكسيكيه]

آب
آب

 

[dewy twilight]

تسلمين سيده المطر الله يوفقنا كلنا وينولنا اللي ببالنا
نونه حياج الله عقب هالغيبه الطويله فقدناج , انا اقول لا تظيقين خلقج حبوبه والله ماكو شي يسوى واحنا لو ما عندنا شي يظيق خلقنا عليه بندور على سالفه مني مني نحاتيها ,, هونيها تهون وشيلي المحاتاة من بالج,, وترا الكل يشكي من سالفة الوظيفه ,, ومو كل شي نتمناه نحصله كله بايد الله احنا عليه متوكلين والله لا يخيبنا يااارب اجمعين .

 

[تركوازية]

انا مشكلتي تربيه انجليزي و انقبلت مددرسه و مو قادره اتحمل الوضع ابي اروح اي مكان بس ما ابي ادرس تعبت

 

[أوراق مبعثره !]

تركوازيه الله يعينج والله .. شوفيلج اي مكان ثاني غير التربيه مهنه طارده مو جاذبه ..