تجمـــــع خريـجـــات آداب لغــــــــة انجـليـــــزيـــه

[dewy twilight]

والله قيلمور لا شهر ثلاثه ولا غيره ,, اهمه منقين اللي يبونهم وخالصين بس انا عندي امل للحين الله كريم
اوراق وانتي شصار عليج

 

[أوراق مبعثره !]

والله ماكو على حطه ايدج الله كريم ..

 

[أوراق مبعثره !]

بنات في احد يعرف شي عن وزاره الدفاع ؟
هل لها مميزات ؟ ولا عادي
عندهم شواغر حق تخصص انجليزي ..
بالتوفيق بنات

 

[dewy twilight]

والله اوراق ما عندي اي فكره
اب اب اب

 

[سيدة المطر]

هلا بنات اليوم جيكت لقيت مرشحيني حق وزارة الدفاع شكلنا كلنا يرشحونا على نفس الاماكن لوووول بس مادري شرايكم انتو؟ اكو موظفة قالت لي ان قسم المنشآت العسكرية وقسم نظم المعلومات ومادري شنو بعد يحتاجون لان وزارة الدفاع تتعاقد مع شركات أجنبية تشتري منها الأسلحة وماشابه عشان جذي يحتاجون هالتخصص ( حسب كلامها طبعا) طبعا حلو هالكلام لكن سمعت انه اغلب الأقسام مختلطة ومن ناحية الراتب مادري لكن اذكر وحده هني تقول ان ميزة هالوزارة انهم يساوونهم بالعسكريين من حيث البدلات ...

 

[أوراق مبعثره !]

هلا سيده << انا ماعندي فكره بصراحه توني رافضه التربيه وقالولي فيه الدفاع لوول بصراحه عجبني الاسم بما ان عمي يشتغل هناك قال باجر بمرني اروح معاه اشوف المكان اللي المفروض نتوظف فيه احنا الانجلش فبروح اخذ فكره عن المكان وجذي ..
ان شالله باجر اعطيكم خبر ..
بشوف اذا عجبني المكان وارتحت كان بها رحت الديوان وقتلهم ابي الدفاع ماعجبني الله يعوضنا باللي احسن منه ..

 

[أوراق مبعثره !]

اي وسيده حتى انا سمعت معاشاتهم احسن من الوزارات الثانيه لان عندهم بدل اذا ماني غلطانه 150 دينار للجامعيين يسمونه بدل مساواة المدنين بالعسكريين

 

[dewy twilight]

موفقييييييييييييين مرشحات وزارة الدفاع اليدد

 

[أوراق مبعثره !]

اجمعين ان شالله بس انا بعدي ماصرت مرشحه لوول

 

[أوراق مبعثره !]

بنات انا رحت وزاره الدفاع اللي بالشويخ اليوم بصراحه المكان كبيييير ويضيع جنه مدينه بروحها لوول
رحت شفت القسم اللي يتوظفون فيه خريجين الانجليزي هذا اذا انتي حابه تشتغلين بتخصصج قالولي اذا ماتبين عادي يشغلونج اداريه .
اما اذا تبين تشتغلين بتخصصج يعني قسم التجهيزات الخارجيه هذا القسم مسؤول عن العقود اللي تيي من بره والمناقصات وترجمتها . طبعا هذا القسم له مبنى بروحه و هالمبنى يديد مو قديم حسيت حلو ونظيف والمكان جنه مريح اهو صج اختلاط بس ماشفت غرفه فيه بنات وشباب يعني غرفه بنات غرفه شباب وعدد البنات دبل عدد الشباب .. البنات شكلهم زينين والشغل خفيف .. بس ما ادري ..
انا قالولي شغله واستغربت توظيف الجامعيين اليدد مو يكون عالدرجه الخامسه ؟ ليش قالولي التوظيف عالدرجه الرابعه ؟ الظاهر غلطانين :/
بالتوفيق بنات

 

[سيدة المطر]

هلا أوراق ...أشوا ريحتيني يعني مو بنفس المكاتب ويا بعض .. بس ودي أعرف الترجمة ياخذونها حق الوفود وجذي؟ ( باختصار يعني يطلبون منهم ترجمة فورية ؟) اممم وشنو يعني درجة رابعة وخامسه .. مشكوورة أوراق ريحتيني الله يريحج

 

[Gilmore Girl]

اوراق

الجامعيين يتوظفون عالرابعه والدبلوم عالخامسة يعني صح اللي قالولج

بس اللي اعرفه انه بدل مساواة العسكريين بالدفاع وقفوه والحين صايره حوسه عندهم معارضين هالشي !

يعني بدون بهالبدل معاشاتهم نفس باجر الوزارات للاسف

وبالتوفيق

 

[dewy twilight]

اوراق , سيدة المطر ترا الجامعيين يتوظفون عالرابعه مو الخامسه لان الدبلوم عالدرجه الخامسه
الحسبه بالعكس كلما قلت الدرجه كلما كان احسن حق الراتب والترقيات ..

عقبااال الدرجه الاولى

 

[سيدة المطر]

مشكورين بنات بروح عقب باجر وأشوف الوضع وإن شاء اللـّـه خير ،،

 

[dewy twilight]

يعني رواتب الدفاع احسن من الوزارات
يعني يوصل 800 وشي ؟؟ ولا اقل ؟؟

 

[أوراق مبعثره !]

سيده لا مافي ترجمه فوريه حق وفود التعامل كله مع اوراق يعني ترجمه اوراق المناقصات اللي بالدفاع

 

[أوراق مبعثره !]

غلمووور انا اليوم رحت وقالولي عن الراتب مو نفس الوزارات الباجي اكثر :/

 

[أوراق مبعثره !]

up up up up

 

[dewy twilight]

اب اب اب اب

 

[سيدة المطر]

هلاا بناات ،، اليوم رحت حق الوزارة أف كبيرة حيل وتضيع :cxxxp: مادري شلون صايرة من داخل مثل ماقلتي أوراق .. كبيرة ووتضيع ظلينا ساعة نحوس على ماوصلنا المكان اللي المفروض أشتغل فيه وصح كلامج لأن قسم التجهيز الخارجي اهو اللي طالبنا والمبنى جديد وشكله حلو ونظيف،، طبعا دشيت على قسم الترجمة ( مكتب للبنات بس) وماشالله البنات اللي يترجمون حبوووبين حيل وساعدوني وجاوبوني على أسألتي وماقصرو بصراحة والله إرتحت لمن طلعت منهم لأن من دشيت وأكثر اللي أصادفهم رجال مافي بنات بس اشوا دام مكتب كله بنات هذا اهم شي.. طبعا سألتهم شلون طبيعة شغلكم؟ قالو احنا نترجم العقود و المناقصات اللي تجينا من برا أو نسوي كتب ندزها برا ( بس صيغتها ثابته مافيها تغيير يعني الا شئ بسيط) ويحضرون اجتماعات بين فترة وفترة .. سألتهم يعني مرتاحين ؟ وقالو اي مرتاحين والله ... و قالو رواتبهم زينة وان اهمه أعلى الوزارات ...بس قالو مايقدرون الشغل لو اشتغلو زيادة أو كرف أو شي جذي لا ماكو تقدير مع الأسف مافي حقانية بهالشغلة ( وهالشي بكل القطاعات الحكومية مع الأسف) وبس يعني بصراحة انطباعي الأول مرتاحة بس المكان اللي برا المبنى مو مريح أحس شكلي غلط بينهم مادري ليش
مادري شرايكم انتو بنات ؟ :bbbiu: