تجمـــــع خريـجـــات آداب لغــــــــة انجـليـــــزيـــه

[Gilmore Girl]

الحمد لله عالسلامة ديوي :hjy5jewf:

 

[dewy twilight]

الحمد لله عالسلامة ديوي :hjy5jewf:

حبيبتي الله يسلمج قيلمور من كل شر

 

[نونه العنونه_H]

حمدلله ع السلامه ديوي

 

[dewy twilight]

حمدلله ع السلامه ديوي

الله يسللللمج نونه
ها شصار معاج عالديوان ؟

 

[نونه العنونه_H]

^^^
^^
^
ما صار شي.. للحين ما دقوااااااا

 

[dewy twilight]

واي الله يعينج ويعينا معاج
ملينا

 

[أوراق مبعثره !]

الله يسلمكم ويخليكم يارب
لحد الحين ماكو غير اخبار تييب الكابه لوول
التامينات نزلوا اعلانهم بس مايبون تخصصنا الفاشل

 

[Gilmore Girl]

قلتلكم تعالوا عندنا بس انتوا دلوعين

بنات والله لا تنطرون مكان معبن ترا ما في شغل كامل

يعني انا صج مو عاجبني دوامي بس احس احسن من القعده بالبيت واهون من انه امي وابوي يصرفون علي حتى لما توصل فيني اني افكر استقيل اتراجع ماتخيل اطلب من امي وابوي مصروفي !

صج صج فرق لما تصرفين وتشترين من فلوسج اللي تعبتي عشان تحصلينها تحسين انج مستقله

والله يوفقكم بالمكان الزين

 

[مريوومه12]

مرحباااااااااااا
انتم نفس تخصصي المحظوظ بس انا دفعه 2000 كنت مدرسه والحين اداريه بوزاره التربيه اللي بالها طويل وتتحمل تروح للتدريس والا ما تر ضى تشوف الغلط جدامها وتسكت بتتعب والصراحه انا الحمدلله ارتحت بس للحين بخاطري اكمل الماجستير وما يصير بسبب المعدل لان ظلم الواحد يشتغل بمكان يتساوى مع خريجين المتوسط والدبلوم وانا مو قاعد احقتقرهم بس اللي عندها فكره عن الشغل بالسفارات توضح لنا ومشكورين

 

[مريوومه12]

Gilmore بليز اشلون طبيعه عملكم واشلون الشغل والدوام وساعات العمل من متى لمتى واشلون الرواتب ودي انقل عندكم تنصحيني

 

[نونه العنونه_H]

^^^
^^
^
اذا مكان مو مرتاحه فيه شنو ناطره.. يلاااااا بسرعه قدمي على جم مكان.... والله يكتب الي فيه الخير

 

[dewy twilight]

هلا فيج مريومه 12 بتجمعنا اللي مافي منه
قيلمور ,, صاجه والله تفشلنا واحنا ناخذ مصروف ,, مافي احلى من الاستقلاليه
كلامج عين العقل , لو بندور مكان بيرفكت ما نحصل !! انا ابي نص بيرفكت راضيه

 

[Gilmore Girl]

gilmore بليز اشلون طبيعه عملكم واشلون الشغل والدوام وساعات العمل من متى لمتى واشلون الرواتب ودي انقل عندكم تنصحيني

ويلكم مريومه بتجمعنا

شغلنا بالبعثات الاجنبية الله يسلمج اهو متابعة طلبتنا اللي يدرسون بالدول اللي فيها مكاتب ثقافية يعني امريكا كندا بريطانيا ايرلندا فرنسا استراليا وجم دوله بعد. شغلنا يعتمد بالاساس على المراسلات مع هالمكاتب بس هم نسوي كتب داخل الكويت.
شغلنا فيه مراجعين ومتعب خصوصا بالصيف ووقت تسجيل الطلبة اليدد لان وايد زادوا اعداد البعثات على غير معنى !
يعني صج محللين معاشنا نحط راسنا عالمخده واحنا مرتاحين

بس المعاش حده شويه بالنسبة حق شهادتنا وشغلنا (اقل من 700 ) بس واعدينا بكادر قوي هالسنة وهم بغيرون مكانا يعني سنة خير علينا انشالله ودوامنا من 8- 1.30.

شوفي انا وحده مو عاجبني شغلي وحاولت اقدم اماكن ثانية بس ماكو مكان زين يبي تخصصنا التعيس وصراحه فكرت استقيل بس قلت يمكن خيره اظل بشغلي وخصوصا انه مسؤوليني مقدرين شغلي ومرتاحه من البنات اللي معاي وهم في كادر يعني في تحسن انشالله بس لو يزيدون الموظفات يصير الوضع وايد احسن لان صج محتاجين

تعالي مبنانا وشوفي بنفسج الشغل

 

[أوراق مبعثره !]

غلمور شكلي بقدم عندكم اخر شي بس مايبون عندكم اكتفاء لووووووول

 

[أوراق مبعثره !]

غلمور شكلي بقدم عندكم اخر شي بس على حظي اكيد مايبون عندكم اكتفاء لووووووول

 

[مريوومه12]

انا بعد حظي ملكم لي نقلت عندكم بيقولون مكتفين اطلع من كراف وادش بكراف المهم انا السبت اللي طاف رحت لوزارتكم مكانها يشرح الصدر بس زحمه مراجعين حيل والله لو الزمن يرد ورا جان ادخل تجاري ماشاءالله عليهم باي مكان ينحطون ما نفعني الانجليزي بشي التخصص صعب والدكاتره اشكال والوان صج تذكرت اسم الدكتورة اللي تعطي مقدمه ادب الهام البسام تذكتها

 

[مريوومه12]

اعذروني على البدليه ترى من الحرة محد عنده فكره اقدر ارفع المعدل وانا متخرجه في طريقه اخذ مواد لانا معدلي هو اللي موقف الماجستير حتى بجامعه البحرين اللي بالكويت طالبه معدل 2.50 ياليت احد يفيدني ودي اخذ الماستر حتى لو ادفع فلوس للدراسه بس ادرس حتى بالخليج ما فيه ماستر بس بالدول العربيه اللي عندها فكره الله يجزاها الجنه لا تبخل

 

[Phantom]

السلام عليكم ,,
الله يعينكم وإنشالله موفقين وتشتغلون في مكان يريحكم يا رب
بس ممكن اسألكم استفسار آنا خريجة تربية جامعة الكويت إنجليزي وحابه أكمل ماستر أتمنى تقولي شنو شروطهم ؟

 

[dewy twilight]

يا هلا فيج فانتوم
الشروط ان يكون المعدل العام ما يقل عن 2.67
ومعدل التخصص ما يقل عن 3 نقاط
وتييبين بالتوفل 550 نقطه اذا بتكملين ترجمه
و525 اذا بتكملين ادب
واذا عندج اي سؤال انا حاضره

 

[مريوومه12]

الله يعينا يعني الواحد شيسوي اذا معدله نازل ما كو حل شي يحرالظاهر راح ادرس بجامعه خاصه من اول وجديد شرايكم ادرس اعلام او ادارة شسوي بالمعدل وباي جامعه تنصحوني جامعه الخليج او جامعه الشرق الاوسط