تجمـــــع خريـجـــات آداب لغــــــــة انجـليـــــزيـــه

[أوراق مبعثره !]

نونه اتوقع تقصدين سندس العجيل لان تعطي البراجماتيه و الدسكورس

والثانيه ليلى المالح << تخيلوا صارلي موقف يضحك معاها كانت تعرف رفيجتي وانا معاها اي ستيودنتس المهم انا ورفيجتي حيل مع بعض من عمر ونفس المستوى بامتحان الترجمه في جمله انا معاها جنه كوبي من بعض حتى نفس الاغلاط الاملائيه !!

طبعا اهي بما ان تعرفها وتدري انها شاطره قالت اني غاشه منها وكاتبتلي شنو توارد خواطر !! انا اهني انقهرت وبطت جبدي شوي وابجي لوووول
رحت كلمتها قتلها ترا انا اي ستيودنت تبين تشيكين من السستم جيكي او حتى سئلي الدكاتره اللي بالقسم بعدين انا معاها نفس المستوى وانا كنت قاعده بالامتحان اقصى اليمين وهي اقصى اليسار شلون بنغش حتى روحي كلمي البنات اللي قاعدين بينا بالنص .. قامت تضحك وقال لا خلاص وما ادري شنو ومن يومها تسنعت شوي

 

[dewy twilight]

مرحباااااااااااااااااااااااااا
دام تبطل معاي شكلي بقرق
اول شي شلونكم شخباركم والله اشتقت حق سوالفكم
واااااي على ايام الجامعه احلى ايام عمري
فيه واايد دكاتره حبوبين وصج كفو بس تدرون ليش في منا يمدحون احد والباجي يذم , ترا على حسب الكورس والماده لان دكاترتنا كل يوم ستايل وطريقه وانتي وحظج
عندكم دكتور فرانسوا كان صج دكتور بمعنى الكلمه صج حسسنا ان احنا جامعيين وطلبه اكادميين
دكتوره سندس تينن شرحها عجيب بس مادري شفيها تغيرت لما حذيت عندها براجماتيكس من a بمادة الدسكورس خذيت c كانت صدمة حياتي
دكتور عماد دره خوش دكتور محترم ومنيره التمار خوش وحده اللي تشرحه تمتحنا فيه ووايد هاديه احس بريلاكسيشن بمحاضرتها
دكتور خالد الجنفاوي وايد طيب يبسط الامور وما يكرف
عااااااااد الحين الللي ما حبيت الكورسات معاهم دكتوره حنان مظفر ودكتوره ايمان القلاف كلللش ما ارتحت نفسيا مادري ليش وانظلمت بالقريدات من كثر ما تطشرو بالتكديش
ادري وايد سولفت

 

[أوراق مبعثره !]

اي صح نسيت خالد الجنفاوي حبوووب حييل احبه
ديوي عاد حنان حبوبه يعني الحياة ايزي
ايمان القلاف اول يوم شفتها سحبت لوووووووووووووووول

سندس حتى انا اصدمتني بدرجه البراجماتيكس حطتلي بي ماينس !!

 

[أوراق مبعثره !]

اي وصح بالتوفيق حبيبتي غلمور غيرل بالمقابله باجر ..
بشرينا مو تنسين

 

[الورد انا]

بنات اشرايكم نتذكر ايام الجامعة

منو احسن دكاترتره خذيتوا عندهم ولحد الحين تذكرونهم بالخير ؟


وهم منو اللي كل ما تذكرونهم تكرهون الساعة اللي خذيتوا عندهم ؟


انا عن نفسي اموت بدكتورة ابتهال الخطيب :hjy5jewf: كنت احاول اسجل عندها كل مواد الادب صج اتينن
وهم دكتورة مشاعل الحملي خوش وحده حقانية بالدرجات وشرحها اينن بس جنها ما قامت تدرس الحين !
ودكتور امين المهنا وايد محترم خذيت عنده مادتين بحث صج ما قصر معانا
وهم بعد دكتور محمد هليل صج وايد يقرق ويعيد نفس السوالف خصوصا اذا ماخذه عنده كذا ماده بس امتحاناته سهله
ودكتور سعد بن طفله احبه. انسان فاهم واحسه ماخذ الدكتوراه عن جداره ما شاء الله عليه

والدكاتره اللي صج اكرهم لحد اليوم دكتوره منيره التمار ونادره الشايع

منيره التمار ماتعرف وين الله قاطها ما تعرف تشرح. اذكر اول سنة خذيت عندها مادة قواعد ماني ذاكره اسمها وكانت صج حليوه وتعرف تشرح بس اخر سنة خذيت عندها pragmatics وكانت اهي ودكتورة ثانية ماذكر شسمها (الكبر شين ) محتكرين المادة سجلت عندها. امبيه مادري شصار فيها تغيرت 180 درجة شسوت بمعدلي حسبي الله ونعم الوكيل
كل موادي اخذ فيها a و b واهي طلعت عندها ب d اللي عمري ما خذيتها بس حمدت ربي اني عديتها لاني كنت شاكه اتخرج مع انه المادة مو صعبه وحلوه !

ونادره الشايع سبحان الله اشلون صار الموقف اللي احسبتني غاشه بامتحان الفاينل وقعدت ابجي بجي يومها (كان عيد ميلادي )
وخفت تسقطني وكلمتها الف مره قلتلها انا a student ليش يعني بغش ورفيجتي كلمتها بعد جان تقولها خل تحمد ربها اني ماراح اسقطها بعطيها +c والمفروض اخذ +b

عاد الحين ساعات تيي دوامي لان عندها ولد بالبعثة عاد امر يمها ولا جني اعرفها ياربي ماقدر حارتني للحين :eh_s(14):

جني قرقت وايد ! يلا كل وحده تقول رايها :eh_s(6):

يمكن اختلف معاج بهالشي

ابتهال الخطيب خذت عندها اول مادة بالجامعه مقدمة بالادب وكرهنا الجامعه والتخصص بسبتها (بالجامعه العربية المفتوحه )سنه 2006
طول المحاضره تتكلم عن حقوق المراة السياسية وقالت المراة وعملت المراة واستغفر الله حيل نفسيتها شينه حتى رحنا للقسم سألنا عنها حتى الدكاتره يقولون مانقدر نتكلم معاها وبصراح بذاك الكورس ثلاث ارباع الصف سقطوا وهي طلعت من الجامعه يعني اول ماده بالادب ماخذيناها وكل شي نكتبة تقول هذا مو كلامكم زين بالامتحان بعد من وين نقتبس الكلام غير من عقلنا كرهنا نفسنا ذاك اليوم

 

[Gilmore Girl]

اي وصح بالتوفيق حبيبتي غلمور غيرل بالمقابله باجر ..
بشرينا مو تنسين

اخيرررررا تبطلت الصفحة :ggdw:

مشكوره حبيبتي اوراق الله يسهل


سؤال: فرانسوا شنو كان يدرس ما كان موجود ايامي ؟


امبيه الحمد لله اني ما خذيت عند ناصر القنور بس استغفر الله كان عنده ولد بالبعثة وافصلوه احس حوبة البنات اللي يننهم !


الورد انا
غريبة د.ابتهال درست بالجامعة المفتوحة بس صاجه ديوي كل واحد على حسب تجربته والمادة اللي ماخذها !

 

[Gilmore Girl]

امبيه اوراق انتي مثلي ! تجربتي مع د.جمال بورسلي مو حلوه

كنت ماخذه عنده مادة الشعر س 8 وكلش ما حبيت شرحه حده اييب النوم واخر شي صارلي ظرف واضطريت اسحب الماده

عاد بعدبن خذيتها عند حبيبتي د. ابتهال والحمد لله طلعت منها ب a

بس الحق ينقال وايد محترم هالدكتور

 

[dewy twilight]

قيلمور ,, دكتور فرانسوا يدرس مشروع بحث التخرج "سينيور ريسيرج" ويدرس فونيتيكس بعد
اوراق,, دكتوره حنان انا معاج حبووبه والحياة ايزي بس طريقه توزيع درجاتها على اشياء وايد تظيع الدرجات مني ومني ما تحسين على نفسج اخر الكورس الا ناقصه واايد من كل صوب عرفتي

امبيييييه على طاري دكتور جمال بورسلي احنا صارلنا موقف ما ينسي
انا وتقريبا عشر بنات صارت معانا سالفه ويبنا اولياء امورنا يكلمونه صجج بدعنا
تدرون شصار حاط لنا صفر من 30 بالبحث الاخير في مادة بريتيش تو , يقول ليش مقتبسين وايد هذا مو بحث يومها انا انثولت اهوا بجي انا وصديقاتي قلنا السلام على المعدل , ما صدقت الصفر اللي شفته عبالي متوهمه انهرت , شوفو وحكمو اهوا كان يبي ست صفحات بالبحث وانا كتبت 12 يعني لو نعتبر ان نص البحث افتباسات يعني انا كاتبه 6 صفحات pure وقال عيدو البحث و قال لو كان بحثكم اللي بتعيدونا بيرفيكت بتاخذون 16 من 30 عقاب مايصير حالكم حال غيركم ,, عاد قررت ما امتحن الفاينال كان آوت اوف فايف قلت ماخذه دي دي شله اتعب عمري مع ان درجاتي كلها كانت حلوه
عاد اولياء امورنا راحو كلموه ومني مناك قال "خير انشالله" جان انصدم بالفاينال حاطلي بي ماينيس يعني حاسبلي البحث 28 من 30 تدرون شسويت شلت الاقتباسات كللللها بس خليت اقتباس واحد وصارو الصفحات بدال 12 صفحه سته مثل ما يبي ,, يعني مااااله داعي السالفه واللفه هذي كلها :dddds:
وخذيت بي ماينيس من غير امتحان الفاينال بو خمس درجات وخلص الكورس الاول من سنه رابعه على خييير
مع ان دكتور جمال طيب ومحترم ونحسه مثل ابونا لما يعاملنا بس مادري ليش سوى فينا جذي!

 

[أوراق مبعثره !]

انا جد من البدايه ماحبيته ولاعجبني اسلوبه بتقسيم الدرجات شنو 50 على بحث ولا كل شي عليه 2ك بيرسنت حق الابداع ليش اهو في وقت نحل الامتحان ونخلصه علشان نبدع ! بعدين بصراحه شرح ماكو كله سوالف ونوم مافهمت منه ولاشي بالادب بصراحه واخر الكورس تقريبا صار موقف وتلانست معاه شوي شسوي لما اعصب افصل ما تدري شنو اسوي يعني يحاسبني على غلطه اهوا سواها قبلي ! فحقد علي وحطلي دي واصلا ماهمني لاني كنت راح اعيدها عند دكتور ثاني وصج الجنفاوي عسسل بررد قلبي من كثر ماجمال عقدني بالادب كنت امشي واقول حق دكتور خالد الجنفاوي اكره الادب وهو يضحك يقولي ليش انتي شاطره

 

[Gilmore Girl]

اليوم كانت مقابلتي بالجامعة وصراحه مو وايد متفائلة

اول شي المقابلة كانت في ادارة الهيئة الاكاديمية مو ادارة العلاقات العامة مثل ما كنت احسب والوظيفة نفسها شكلها ادارية وما لها علاقة بالترجمة مثل ما كانوا طالبين بالاعلان !

طبعا كنت ميته من الخوف مع انه مو اول مقابلة ادخلها ولما دخلت خفت اكثر لان كانوا ريالين و4 حريم (اشدعوه) بس تقريبا واحد فيهم اللي اكثر شي سألني. المهم لما سألني ليش بتغيرين شغلج قلتله لان وايد ضغط ومراجعين والمعاش ولا شي جان يقولي ترا حتى احنا شغلنا فيه ضغط ولا نرتاح ومادري شنو ! جنه ما اعجبه ردي بس انا صريحة يعني شيبيني اقوله حتى اهلي قالولي غلطانه قلتي هالكلام بس ياربي ماعرف الف وادور قلت اللي حاسه فيه ! ولما سألته يعني اي قسم ممكن اتوظف فيه قالي على حسب الاحتياج يعني شكلها للاسف السالفة مطوله :0bee2e8d89:

بس بنات اذا طلبوكم للمقابلة وحددولكم وقت معين روحوا قبله لان المقابلات على حسب اللي ياي قبل بس اهم شي تيون باليوم اللي محددينه لكم

اي صج دقوا على احد فيكم ؟

 

[أوراق مبعثره !]

بالتوفيق ياقلبي ..

ما علي ما تدرين يمكن اعجبته صراحتج وان شالله الله يكتبلج اللي فيه الخير يارب ..

انا ليلحين محد لوول

 

[dewy twilight]

اوراق انا مو اكره الادب , اذا فيه كلمه ثانيه تعبر عن الكره قوليلي , ما اواطن شي اسمه ادب متعقده من الادب العربي فمابالج الانجليزي
وانا اساسا لينقويستك, اوراق والله كاني اعرفج انا دفعة 2005 ومتخرجه الكورس اللي طاف وانتي حبوبه؟؟

قيلمور صاجه والله ما نعرف نلف وندور بس بالمقابلات لازم نكون حذرين لما نرد
لا محد دق

 

[أوراق مبعثره !]

ديوي اكيد اعرفج لووول انا دفعه 2005 لاتغويستكس تخرجت صيفي

 

[أوراق مبعثره !]

خبر فريش طلع اسمي بالديوان تربيه للاسف رفض اشكره :d لوووووول
ما ادري شالفايده يقطون على كيفهم حتى بدون رغبات والاوادم ترفض
مو اسهل لهم لو يحاولون يوفرون حق كل واحد من رغباته يخفون الشغل عليهم ويرضطنا ؟

 

[Gilmore Girl]

وي اوراق ما حطوج الا بالتربية !

والله صاجه مادري شفايدة الرغبات اذا اهم بالاخير ينقونلج المكان

هذي المره الثانية اللي رفضتي فيها ترشيح الديوان ؟

 

[أوراق مبعثره !]

اي ثاني مره

 

[Gilmore Girl]

انزين اذا رفضتي اول مره على طول تقدرين تسجلين مره ثانية بالديوان ؟

 

[dewy twilight]

وي الله يعينج اوراق هارد لاك
انشالله الجامعه تدق علينا ونرتااااح

 

[أوراق مبعثره !]

غلمور << اذا انتي اساسا رفضتي الترشيح اسمج يكون موجود عندهم بلسته الويتينغ بروحهم مع ترشيحات يديده يرشحونج : )

ديوي << الله كريم لوول غسلت ايدي من كل شي انا .. احس بديت اقول لندن تنادي :$ هههههههههههههههههه

 

[Gilmore Girl]

اها فهمت !

والله شوفي اوراق مدام عندج استعداد للدراسة روحي لا تفوتين هالفرصة عليج مدام الظروف الحين مناسبتج
وانتي شايفه حالتنا مع الوظيفة ماكو مكان زين يبينا بس انشالله مع الماجستير وظيفتج بتكون مضمونه

مابي اضيق خلقج بس ترا نظام الاوفست موقفينه الحين وما يندرى متى بردونه !