تجمـــــع خريـجـــات آداب لغــــــــة انجـليـــــزيـــه

[نونه العنونه_H]

موفقه اوراق

 

[أوراق مبعثره !]

غلمور غيرل و نونه اجمعين ياقلبي

نونه <<صج بشريني شصار على ديوان الخدمه المدنيه ؟

 

[نونه العنونه_H]

^^^
^^
^
للحين لاااا حس ولااا خبر والله مليت

 

[سيدة المطر]

أوراق الله يوفقج يارب

نونة اعتقد الديوان لازم واسطة موفقة يارب

 

[dewy twilight]

سلاااام بنات زميلات التخصص
سيدة المطر,, شصار عليج ؟؟ اخر مره سمعت اخبارج من كاندل ويسبر, ها عسى رسيتي على مكان؟؟
اوراق موفقه انشالله تسوين عدل بالنظري
نونه العنونه ما اقول الا الصبر مفتاح الفرج ومن صبر ظفر

 

[سيدة المطر]

عليكم السلام هلا ديوي شلونج ، أنا ناطرة الديوان رفضت أول شي العدل بعدين الداخلية بعدين البلدية بعدين الجمارك وبعدين التربية ، والحين ناطرة يعني تقريبا أسوا الأماكن افتكيت منها ماكو شي ببالي بس أنا قدمت هالاسكان قبل عيد الاضحى والحين قالو مانحتاج تخصصج ، امم وبالمعرض الوظيفي اللي فات قدمت على بيت التمويل وقالتلي احنا نطول على مانرد خبر بس طبعا مو معتمده عليهم يعني اعتمادي على الديوان بس والله كريم ، انتي شخبارج شمسويه ؟

 

[نونه العنونه_H]

أوراق الله يوفقج يارب

نونة اعتقد الديوان لازم واسطة موفقة يارب

هاي حبيبتي.. انا عندي واسطه بس ما ادري اذا رح تقدر تسوي شي..

 

[dewy twilight]

سيدة المطر,, على قولتج اسوا الاماكن افتكيتي منها , الظاهر الديوان حاب يعرفج على الوزارات كلها
انا بنطر الجامعه لين شهر شهرين جذي واذا الله ما كتب على قولة اوراق المواصلات تنادي ومفكره اذا صارت لي فرصه بخلي كلشي يولي واكمل وافك عمري لان حدي مليت

 

[نونه العنونه_H]

ديوي>>> ايه صح حبيبتي الصبر مفتاح الفرج..
موفقه يا رب

 

[سيدة المطر]

نونة الله يوفقج يارب ، ديوي الظاهر جذي تدرين ليش ؟ لان اليوم مرشحيني لوزارة الاعلام خخخخخخخخ

 

[dewy twilight]

سيدة المطر ,, ماقول الا الله يعينج
جود على هالفراره توصلين وزارة الماليه

 

[نونه العنونه_H]

كلنااا موفقين انشاااالله

 

[سيدة المطر]

المالية سألت الديوان قالو موقفين التوظيف وغير جذي يقولون صعب التوظيف فيها ؟؟؟ افكر اطلع منهم كتاب احتياج واوديه للديوان :bbbiu:

 

[dewy twilight]

والله فكره سيدة المطر بس ترا معروفه الماليه فيتامين واو
اذا الاسكان مادقو للحين هالدور الماليه ! :eh_s(3):

 

[سيدة المطر]

ديوي من صجج الاسكان وحدة تقول حطيت واسطات الدنيا يااللله انقبلت عيل المالية شنوو احط رئيس مجلس الوزارة خخخخخخ

 

[أوراق مبعثره !]

هاي بنات
انا اليوم امتحنت بمعهد الابحاث طبعا كرهت الوظيفه والمكان من الطواله اول شي مقابله بعدين امتحان نظري اليوم طبعا غرامار وفوكابلري وريدنغ اول ساعه وثاني ساعه التعبير ويقولون في امتحان شفوي حق الافلوينتلي حسيت مقدمه وظيفه عالسفاره ولا البنتاغون !
شنو هذا جني اقدم توفل مره ثانيه :/

 

[سيدة المطر]

هلا أوراق ، اوولا شدعوا كل هالامتحانات!! الله يعينج يارب يالله هانت انشالله نهاية التعب يارب وأهم شي ترتاحين بالمكان والوظيفة وكل شي يهون. :eh_s(6):

 

[dewy twilight]

سيدة المطر تدرين انا مستغربه ان الاسكان واسطات ليش؟ شنو المميزات اللي بهالوزاره مو بغيرها !!!
اوراق يقول شحادك يالمسمار قال المطرقه , بعد ما عندج خيار ثاني
صج شصارعلى قبول لندن؟
وبغيت اسالج اوراق شلون اعرف شنو تخصصات الماستر اللي مو معترف فيها برا الكويت ؟؟

 

[سيدة المطر]

:eh_s(17):والله مادري بس يمكن لأنه مكان هااادي جدا ومافي مراجعين ومايصير زحمة إلا بوقت توزيع بيوت ومكان أصلا راقي وجديد فيمكن عشان جذي

 

[sun_light]

السلام عليكم
كم راتب خريج آداب انجليزي