تجمـــــع خريـجـــات آداب لغــــــــة انجـليـــــزيـــه

[سيدة المطر]

شسالفة المنتدى معلق وسنة على ماتفتح الصفحة

 

[Gilmore Girl]

عيل انا عكسج حيل ماعجبني معرض مشرف لوول ماقدمت على شي كلش !
ودي اشوف طريقه الشغل بالجامعات الخاصه في احد منكم تعرف شي عنها
تمدح ؟ ما تايد ؟

هاي بنات جنه من زمان ما دخلت :eh_s(8):

رفيجتي كانت تشتغل بال ACK وكلش ما كانت مرتاحه فطلعت ودوامهم لين ال4.30 بس جنه سووه ل3.30 الحين !

انا سويت ابلكيشن حق ال AUM بس وحده اعرفها تشتغل هناك قالتلي الدوام من 8 لين 5 فعلطول شلتها من راسي وهم وحده اعرفها كانت تشتغل هناك تخيلي اجبروها تستقيل لانها مسكينه اعترضت على شي والبنات اللي معاها على طول قالوا حق مسؤولهم فقالها استقيلي احسن !

بس في شي مشترك بين كل الجامعات الخاصة انه اكثر اللي يشتغلون فيها زلمات فعادي يكون مسؤولج زلمه وانا صراحه ماحب احس صج يستقوون اذا صارلوا بمركز فوق الكويتي

 

[نونه العنونه_H]

والله عذاب متواصل مع المنتدى..

 

[نونه العنونه_H]

اوراق ليش ضايق خلقج ان معهد الابحاث دقوااااااااا عليج؟؟؟
سويتي المقابله؟؟؟

 

[أوراق مبعثره !]

نونه لا والله المقابله الخميس
اول مقابله لي ما اعرف شالسالفه احس ضايعه ما احب جذي لووووول
حتى نوعيه الاسئله ما اعرفها .. بعدين كل هذا اجراءات شكليه حسب ماسمعت مضيعة وقت

 

[أوراق مبعثره !]

هلا والله غلمور ياقلبي اي من زمان عنج
نفس الشي انا مثلج افضل المكان اللي اشتغل غيه اغلب زملائي يكون من نفس جنسيتي اريح
بعدين جنه دوامهم وايد طويل مايسوى !

 

[نونه العنونه_H]

نونه لا والله المقابله الخميس
اول مقابله لي ما اعرف شالسالفه احس ضايعه ما احب جذي لووووول
حتى نوعيه الاسئله ما اعرفها .. بعدين كل هذا اجراءات شكليه حسب ماسمعت مضيعة وقت

الخميس باجر والا الاسبوع الياي؟؟
انتي سوي الي عليج حضري كلام حلو رتبي افكارج..
سوي فرااااا سريعه بهالقسم يمكن احد كاتب الاسئله او سألي البنات
يمكن احد سواااااا المقابله..:eh_s(21):

 

[أوراق مبعثره !]

باجر مقابلتي الساعه عشر
انا ورفيجاتي باجر شكله باجر مقابلات الانجلش :/

 

[Gilmore Girl]

الله يوفقج اوراق

 

[سيدة المطر]

أوراق ،، سهالات إن شاء الله وموفقة يارب. أما أنا توني رديت من المعرض الوظيفي ، رحت بيت التمويل وطلبت مني السي في وعطيتها ، بنك بوبيان والبنك المركزي و ايكويت كلششش مايبون تخصصنا بس باقي البنوك مارحت لها قلت خليني عالاسلامية أفضل و أأمن، وقدمت على شركة الملا عالنت، امم وبعد شنو وبس يعني بشكل عام تخصصنا ماكان له فرص كثيرة يعني مردنا لديوان الخدمة الظاهر:d

 

[سيدة المطر]

اي ونسيت أقولكم عن شغلة يا بنات ،، بالقطاع النفطي لقيت ايكويت مثل ماقلت لكم بس مايبون تخصصنا ، ولقيت مؤسسة البترول الكويتية ، ولقيت شركة نفط الكويت <<هذيله الاثنين قالو احنا ماندري لكن انطري اعلاناتنا راح ننزلها بشهر 3 الجاي وشوفي الجرايد واذا لقيتي تخصصج وياهم روحي للويبسايت مالنا وقدمي... وبس:icon30:

 

[نونه العنونه_H]

اوراق اول ما تخلصين المقابله قوليلنا شلون كانت..
الله يوفقج وتسوين عدل

 

[أوراق مبعثره !]

سيده االمطر > اي الله كريم طلع تخصصنا فاشل لوول
نونه > توني طالعه من المقابله احس عفست الدنيا شوي من التوتر لوووول اخترعت 4 رياييل ومره وايد شدعوه! بس حراام كلهم حبوبين ونفسهم حلوه يتغشمرون ويضحكون.
سألوني اسئله عامه شنو اخر كتاب قريتيه وشلونج بالبحوث وجذي ..
وقالولي احنا ديمقراطيين اذا عنددج اي سؤال سئلينا كلموني عن الوظيفه.. الله كريم ان شالله خير

 

[أوراق مبعثره !]

مشكوره غلمور ياقلبي ..
دعواتكم

 

[نونه العنونه_H]

انشالله انا متفائله حقج

 

[أوراق مبعثره !]

نونه مشكوره ياقلبي

بنات دعواتكم معاي مو تنسوني ادعولي

 

[سيدة المطر]

الله يوفقج يارب وتصير من نصيبج هالوظيفة:yaaaaaarb:

 

[نونه العنونه_H]

اااااااااااااااااب يا احلى بنات

 

[(ضحاوي)]

واي بنات ليش جذي أنا بالصف الثاني عشر أدبي (داشه عرض)
وناويه أدخل أداب و أتخصص إنقلش لأني أحب هالتخصص و أعشقه
بس شكلي راح أتردد بس أبي أسألكم كم سؤال و أتمنى تردون على بكل صراحه


أولا:تخصص الإنقلش صعب سواء قسم الأدب أو اللغويات؟

ثانيا :صج هالتخصص مو مطلوب يعني صعبه أحصل وظيفه ؟

ثالثا :يصير أصير مدرسه إذا أنا مو تربيه؟

رابعا :إذا تعرفون تخصص الإنقلش بالتربيه نفس صعوبه التخصص بالأداب ؟

و جزاكم الله ألف خير .

 

[سيدة المطر]

واي بنات ليش جذي أنا بالصف الثاني عشر أدبي (داشه عرض)
وناويه أدخل أداب و أتخصص إنقلش لأني أحب هالتخصص و أعشقه
بس شكلي راح أتردد بس أبي أسألكم كم سؤال و أتمنى تردون على بكل صراحه


أولا:تخصص الإنقلش صعب سواء قسم الأدب أو اللغويات؟
بصراحة .. كلهم سهلين وحلوين ويهبلون والله ... بس هاااا ... لازم انتي من داخل تحبين الانجلش ولغتج عالاقل متوسطة .. اذا عندج هالشغلتين راح تمشين فيه وبتفوق بعد بس بالنسبة لي حبي للغة خلاني أحسن لغتي مع إني مو خريجة انجلش سكول ولا هم يحزنون ...
ثانيا :صج هالتخصص مو مطلوب يعني صعبه أحصل وظيفه ؟
تخصصنا مطلوب .. ماقولج مو مطلوب .. لــــــــكن ... الأماكن اللي تبي تخصصنا مو ذاك الزود من ناحية إما الشغل المتعب أو الراتب القليل ... هني المشكلة والأماكن الحلوة تبي انجلش ومحتاجة بس غالبا تتطلب واسطة .. عرفتي الحين شنو مشكلتنا ؟؟
ثالثا :يصير أصير مدرسه إذا أنا مو تربيه؟
إي حبيبتي يصير تصيرين مدرسة حتى لو دخلتي كلية الآداب مو بس الانجلش حتى باقي التخصصات
رابعا :إذا تعرفون تخصص الإنقلش بالتربيه نفس صعوبه التخصص بالأداب ؟
لا طبعاا التربية أسهل من الآداب من حيث المواد المطلوبة بس في كثير مواد مشتركة بينا ، التربية يعطونهم على قد المناهج اللي راح يدرسونها ، أما الآداب بشكل موسع نوعا ما بس لا تحاتين ،، ترا مو ذاك التعمق اللي ببالج مع الأسف يعني تدريس عالماشي ...
و جزاكم الله ألف خير .

وبس :d