,, تجمـــــع ,, بنات اللي سوت عملية الليزك او احدى اقاربها ,, تتفضل .....

[شذى المودة]

السلام عليكم ورحمة الله وبركاته
:eh_s(7): :eh_s(7): :eh_s(7):

بنات ابي اعرف اللي سوت الليزك...

عطيني كل المعلومات عنها:eh_s(21):


انا نظري ضعيف جدا

ودي اسويها

بس خايفة :eh_s(2):


شنو تنصحوني؟؟



...​

 

[ام ريماس]

هلا حبيبتي

سلامات
ما تشوفين شر

انا سويت عمليه ليزك لان نظري حيل حيل كان ضعيف وبدون العدسات والنظارات ما اشوف كف ايدي

مت بالغبار ما اقدر البس العدسات والنظارات اشكبرهم كأنه بطل بيبسي

استخرت ورحت لسامي ربيعه سنه 2001 والله يجزاه خير بخمس دقايق بس انحلت مشكلتي والله وقالي راح تقعدين من النوم وتشوفين 6 على 6 وتدعين لي وانا من هذاك اليوم وانا ادعيه وللحين ما شاء الله مرتاحه

 

[الشيهانة]

ماشاء الله الله يتم عليج اختى ام ريماس ... ان شاء الله اسويها

 

[يالبا قلبي]

انا اختي سوتها عند عبدالمطلب بهبهاني ( اتوقع اسمه جذي)
صارلها سنتين تقريبا والحمدلله عال العال
ودعت النظارة من زماااااااان

ماتخوف يا حبي سويها وانتي مأمنة

 

[شذى المودة]

الله يبشركم الجنة

أنا مثلج ام ريماس

ما اشوف



يالبا قلبي

ربي ييسرها الاسبوع الجاي احجز


جزاكم الله خيرا

 

[مذهلة كويتيه]

وانا ناويه اسوي بس عيني مو اي حد اسلمه عيوووووني الغاليه ابي افضل دكتوووووووور

 

[الجويرية]

بس سمعت ان سامي مو 6 على 6 صج؟؟
انا وحدة اعرفها سوتها بدار الشفا .ممتاز

 

[أحب ترابها]

سويت العمليه عند سامي الربيعه من سبع سنين والحمدالله نظري 6علي6وماتغير ماشاء الله

 

[mona78]

والله يبيله نفتك من هالعدسااات ماشالله تهنون اللي سوها عليكم بألف عافية

 

[emynice]

سوووووووووووووووووووويها ولاتترددين

انا سويتها عند ساااامي ربيعة والحمدلله ارتحنا من النظارات والعدسااات

توكلي على الله

وبالشفا ان شاء الله

 

[همسات ليالي]

حبيبتي نا سويتها عند عبدالله المنصور يهبل


مع ان كان فيه دكتور يالسلام وطلع اسمه ايمان الدريني قال ما تنفع العملية فيج استجماتزم<<<اعتقد شذي اسمه ومعناته انحراف بالنظر>>

والحمدالله سويتها من 8سنين بعد ما كنت بالعدم

 

[رند]

مرحبا حبيبتي
انا سويتها عند دكتور أمل الدريني
في بوشهري كلينيك
بصراحه عجيب والحمدلله افتكيت من العدسات والنظاره
واي تحسين انج عايشه من جديد صج راحه وحياه ثااانيه

 

[توته احلى بنوته]

انا بعد ودي اسويها بس خايفة

 

[رهووفة]

.

سويهــــا ولا تترددين ..

أخ ــتى سوتها وصارلها أكثر من شهـر ..

وحيل مرتاحه ؟؟

سوتها عن / د: محسن أبل /

..

 

[حلوة ومزيونة]

انا سويتها عند سامي الربيعه من سنين كل شى زين للحين

 

[AwradAli]

انا سويتها عند دكتور حسين العباد ولله الحمد الحين مرتاحه .. ما اخفي عليج انا كان عندي طول نظر عقب العمليه خذيت وقت طويل شويه على ما تحسنت عيني بهالفتره نفسيتي تعبت حيل .. ويتني فتره حاشني جفاف شديد بعيوني لدرجه انها ما كانت تدمع بالمره .. دقيت على دكتوري ولا متقاعد وقاعد يجهز للسفر حق علاج ولده بالخارج اهني اضطريت ادور دكتور ثاني وحجزت عند دكتور سامي الربيعه ورحت له .. عطاني علاج والحين ألف حمد وشكر لرب العالمين على الصحه والعافيه .. الله يعطيه العافيه بصراحه صج ارتحت .. ألحين كل ما اشوف نظارتي الطبيه ( سابقا ) شلون كانت قويه اقول الحمدلله وين كنت وشلون صرت توكلي على الله ترى دكتور سامي شاطر ودكتوري حسين العباد ممتاز .. يوم عمليتي وايد رد ناس قال لهم ما تصلح لكم العمليه .. وحده من الخوات كاتبه موضوع عن الليزك اقريه انشالله يفيدج

 

[ماريه القبطيه]

انا سويتها بالشتاء عند محمد وجيه دار الشفاء وايد زين والحمد لله صارلي 6 شهور اشوف 6على 6

 

[عروس وضايعة]

انا ما ادري اسويها عن سامي الربيعة ولا محسن ابل

 

[مذهلة كويتيه]

شكلي بسويها عند المنصور يمدحونه وااااااااااااايد هالدكتور