تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[^^طالبه^^]

بنااات واللي يعافيكم ممكن سؤال ؟؟؟

أنا باجي لي آخر سنه بالثانوي وأنا تاركه المدرسه سنة ٢٠٠٤ يعني صار تسع سنوات

وأبي أدرس آخر سنه ليلي ظنكم بيعيدوني السنه الأخيره ولا ع طول بدش آخر سنه فيدوني الله يعافيكم

أنا علمي نسبتي ٨٦ ٪ وبالمنطقه العاشره

حبيبتي بما انج متخرجه ورا 2003

يعني تقدرين تعيدين ر ابعه ثانوي بروحها
بتوفيــق

 

[رعشة خفوق!]

موفقييين ان شاءالله

 

[ملاك الدهمشي]

مساء الخير
بنات شلووونكم
وشخباركم
انشاللع شادين حيلكم
انا كلش مالي خلقق احس اني طخيت هالكورس
اليوم بس بلشت ادرس تاريخ
وحاسه ان ماعندي وقت ابد
بنات بغيت اسال صحيح الخبر الامتحانات اول شهر 6
ياليت اللي عندها خبر تفيدنا
وبالتوفيق يارب

 

[آنثى طآغيه]

بناااات بسألكم اللي بالمسائي بالمنطقه العاشره عادي الغياب لاني ناويه ادخل السنه الجايه بسحب ع يوم الاحد والخميس يعني اداوم اثنين وثلاثاء واربعاء عششان انا ساكنه بالسعوديه ما اقدر اخلي زوجي سنه وفكرت بالمنازل بس خفت احيب مدرسات بالسعوديه ومايعرفون للمنهج الكويتي،،وتوقعون بيحاسبوني ع الغياب والناظرات تكون كويتيه ولا مصريه ،، بليز جاوبوني وضعي صعب حييل،، بين نارين مسائي ولا منازل والمنازل اتوقع صعبه كتابين بيوم واحد جننني بدور ثاني،، عطوني اقتراحاتكم باخذ الثانويه وننقل انا وزوجي للكويت،، نسيت اقولكم انا كويتيه بس زوجي سعودي ،، احس مهمومه ابي اتوظف وضعنا المادي مييييح،، ساعدوني بافكاركم واقتراحاتكم

 

[ضــمــاد]

احس مهمومه ابي اتوظف وضعنا المادي مييييح،،

عسى الله يمسح على صدرج ويفرج همج

حُــبي ,, اذا فكرتوا تسكنون الكويت , شلون عالمسكن ؟ الاجارات بالكويت غالــيــــــــه

وانتي تقولين الميزانيه ميـح


النقططه الثانيـه : شلون على شغل زوجج ؟

المقطه الثالثه : اذا المسكن متوفر والشغل متوفر لزوجج , توكلي على الله

وقدمي عالمسائي وفكري بمستقبلج ووظيفتج وحياتج القادمه

واذا لقيتوا صعوبه بالسكن و بشغل زوجج , قدمي عالمنازل ,

ومن الحين ابتدي درسي ولخصي المواد ع الاقل عطي نفسج شهرين او ثلاثه لتلخيص كل الكتب ,

ولما تلخصين , وتتأكدين من تلخيصج , خلاص درسي اللي لخصتيه وانسي الكتب

لازم تفكرين بنفسج ومستقبلج الشهاده سلااااااااااح بهالزمن , ماتدرين يمكن الله يفتحها عليج

وتخلصين الثانويه والجامعه وتكملين حتى ماستر ودكتوراه , أعرف وحده لبنانيه

سبحان الله بعد ما تزوجة وصار عندها عيال ,

قررت تكمل دراستها , وفعلا ًابتدت من الصفر وكملت دراستها خذت الدكتوراه ,

مع انه وضعها كان صعب لازوج يساعد , وعيالها تدرسهم

وتهتم فيهم , تعبت على نفسها , وضغطت نفسها حيــــــــل , بس النتيجه كانت حرف الـ ( د ) مرتز قبل اسمها

وعيالها كلهم متفوقين , وتحسينهم فخوورين حيل بأمهم


توكلي على الله , واذا انتي أدبي , عندي كتب الثاني عشر , لو تبينهم مايغلون عليج

عسى الله يوفقج

 

[نورررهـ]

بالتوفــــــــيق للجميع انصحكم تعيدون ولاترددون انا عدت رابعه ثانوي مسائي والحمد لله جبت نسبه ودخلت الجامعة شدوا حليكم والموضوع سهالات وادرسوا عدل توكلوا على الله وخلي دائما عندج يقين بالنجاح والثقة برب العالمين .. نصيحتي لكم لاتسمعون حق الناس السلبيه الي تحب كسر المجاديف

 

[Pink-19]

بنات ضروري متى الفاينل بالضبط ؟؟؟؟
و متى امتحان الدستور و القران و الحاسوب ؟؟؟

 

[آنثى طآغيه]

انا ابي ادخل مسائي وابي اداوم كل عشر ايام مره او كل اسبوعين تتوقعون يتساهلون معاي ومايقولون ليه الغياب ودي ادرس مسائي لان امتحان الفصل الاول لحال وامتحان الفصل الثاني لحال بس فكرت قلت شلون الامتحانات القصيره شلون ادري عنها وقلت بصير منازل بس منو يشرح لي وانا بالسعوديه وخصوصا قالو لي ناس واجد ان المنهج الكويتي مايعرفونه مدرسات السعوديه الخصوصيات،، بين نارين وربي

 

[ضــمــاد]

حبي ,, التقديم عالمنازل يكون شهر 1 سنة 2014 م هذا التسجيل المبكر ,

والتسجيل المتأخر يكون شهر *

أول شي يكون التسجيل للمسائي , وبعد 3 شهور يبلش تسجيل المنازل


الأفضـل المسائي , وبالنسبه لظروفج , على حسب المدرسه , البعض يراعي ويقدر


والبعض متشددين ,,


الحيــن بالنسبه للكتب , عندج تجمع بنات 12 ع , موجود بهالقسم


بعد التخرج طلبي الكتب , يمكن اللي يسخر لج اللي تعطيج الكتب


فتحي الكتب شوفي هل تحتاجين لمدرسه ؟

عندج موقع مدرستي الكويتيه , موقع ممتاز كل شي فيه

عندج النت واليوتيوب , أي شي تحسين بصعوبه في فهمه , سوي بحث عنه بالنت واليوتيوب

لاتستسلمين , ممكن لما تسجلين بالمسائي تتفقين مع مدرسات الخصوصي , انهم يدرسوج بفترة وجودج بالكويت

 

[queen-amoon]

بنات انا نسبتي ب 12 كانت 65

وااذا بعيدهااا مسائي جم لازم اجيب لان انا ناويه اعيدها واجيب80

ونسبتي بعاشر 5 و 11 جبت 19
دعواتكممم الله يهدي اهلييي ويوافقون اعيد 12 مسائي ....



منو تعرف تحسب لي ؟!

 

[^^طالبه^^]

حبيبتي لازم تجيبين
94 بس علشان نسبتج توصل لـ 80

واذا تبين نسبة التربيه الاساسيه
لازم تجيبين فوق 86 علشان
تطلع نسبتج
75.6

 

[queen-amoon]

مشكورره

 

[سندس 90]

شلوونكم بنات

يالله هانت مابقى الا القليل
ربي يسسهل علينا ويوفقنا يالله


دعوااااتكمم <<<

 

[^^طالبه^^]

الله يوفقنآآ

 

[ضــمــاد]

بالتوفيـــــــــــق بنات ,, عسى الله يسهل عليكم وتحققون طموحكم ,,

 

[كويتيه كول q-8]

موفقيين يااا رب و إن شاء الله ارد لكم بعد ما تخلصون
اختباراتكم لانه ببالي اسئلة و شغالات ابي اناقشها معاكم ​

 

[jourii]

حبيباتي انا لاحظت ان في بنات عايدين 12 بمسائي و على بالهم ان راح يحسبون لهم التراكمي فا احب اقولكم ان بعد التخرج من الصباحي لم تعيدين 12 بمسائي ما ينحسب التراكمي .. يعني لو كانت نسبتج 88 ب12 راح تكون هذي نسبتج النهائيه و بالتوفيق للجميع

 

[^^طالبه^^]

جور صح كلامج
بس خريجين الموحد الي نفسي تنحسب لهم النسبــــه عاشر والحادي عشر

 

[سندس 90]

تخيلي عاد طالبه وااااااي جان زين

بس احنا تراااكمي يممشي معانا

 

[queen-amoon]

بنات سمعتوو عن النظام اليديد الي ١٢
يكون من ٧٥ والحادي عشر١٥ والعاشر١٠


بيقروونه ولالا والي راح تعيد مسائي يأثر ولا يزيد