تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[جلكسيه اس 3]

و نسيت اقولكم علا طاري الامتحان القصير قالت لنا الابله اذا حليتو عدل درجاتكم راح اتكون كأنه درجات الفتره الاولى

 

[جلكسيه اس 3]

و على فكره انا سمعت انه ليلحين في بنات قاعدين يسجلون مسائي
على كلام وحده بصفنا

 

[سہكہـرهـہ وذآبہــہـت]

جلكسيه التسجيل سكر الخميس الي طاف 4/10
وجدامي اكثر من وحده ردوهم
الحين النقل شغال
يعني الي بتنقل من مدرسه لي مدرسه

 

[kanoosha]

بنات ليش ماتروحون وزارة التربيه قولو لهم نبي امتحان فترات. والله ان شافو كذا وحده يوافقووون

 

[بنفسجيه_Q8]

صباااح الخير

انا وراي العيد بجيب مدرسين للمواد اللي ماافهمهم


سكره ذايبه:
انا ١٢ ادبي ٤




انا اهلي قمت الاحباط يقولون لي يوم تزوجتي فكرتي تعيدينهاا تحسين نسبه بس للحين ماتأثرت بطنش

 

[بقلبي انت]

احنا قالولنا في امتحانات قصيره وعليها درجات وبنص الكورس نمتحن الفتره الاولي

انا للحين نص الكتب مااستلمتها مافي كتب بالمدرسه وماعندنا ابلة فلسفه واليوم علينا اول حصتين

والله سالفة التحبيط بكل مكان المصيبه مايشجعونج كله احباط لكن الذكيه إلي تعرف وين مصلحتها ومالها شغل
بكلام الناس

وللحين فكرة المدرسين الخصوصيين ماطرت علي بالي مع اني احتاج للاحصاء والفرنسي والانجليزي ويمكن العربي القواعد

 

[بقلبي انت]

سكره ذايبه تصدقين انا سجلت بتاريخ 7/10 كان في اوراق ناقصه اخر يوم وكملت الاوراق ورحت الاحد
وسجلتني بالدس وحطت التاريخ 4/10يعني اخر يوم تسجيل ليش ماحاولتي معاهم

 

[جلكسيه اس 3]

كنوش للاسف ماكو احد يروح
و اكيد ابوي ما راح يرضا اعتصم
بعدين صدقيني البنات ما يروحون
حجي عالطل مع احترامي لهم

بنات اليوم انا غايبه
و يبتلي معاي دفاتر على اساس ادرس اشوي
شكلي بقزرها ايام الخميس كل خميس غياب

 

[بنفسجيه_Q8]

بقلبي انت:اي مدرسه انتي


جلكسيه:
انا امس واليوم غايبه ان شاء الله ماااعيدهاا
امس كان عندي ضيووف واليوم جاني وجع ظهري مو طبيعي

 

[أميـ الورد ـرة]

السلام عليكم ورحمة الله وبركاته

شششلونكم يالطالبات المجتهدات الشطورات

بغيت اسالكم اكو امتحانات لنا الفصل الاول او لا ؟
ومتى بتكون امتحانات اخر السنه اي تاريخ ؟

بصراحه الانجليزي احس اني مثل الاطرش بالزفه مو فاهمه ولاااا شي جنه اول مره ادرسه
مع اني لما كنت بالصباحي افهم القواعد شوي بس الحين تشرح ومادري شالطبخه :'(

وهم الفرنسي نفس الشي كنت بالصباحي اجيب درجات عاليه بالامتحان وكنت شاطره فيه بس الحين مدرستنا
تشرح وفاهيه ماتعرف شي وكل البنات يشتكون موفاهمين منها شي تجيب النعاس خخخ

الله يسهل علينا يا رب

 

[بقلبي انت]

هلا بنفسجيه انا بمدرسة ثانوية الرقه ق7

اميرة الورد ايه لنا امتحانات نص السنه واخر السنه لكن ماعرف التاريخ بالضبط

والفهم بصراحه يعتمد عالمدرسه اذا شرحها حلو وبسيط يدخل العقل بسرعه اما اذا كانت مالها خلق وتشرح عالسريع
اكيد مابتدخل المعلومه عدل

انا بالفرنسي للحين موفاهمه شي والانجليزي بعد بس شوي افهم والاحصاء شكلي ببدع فيه بصراحه لاني
مومال فهم بس حفظ والله يستر

لكن الواحده فينا تبذل الاسباب والتوفيق من رب العالمين

 

[جلكسيه اس 3]

و عليكم السلام هلا والله اميرة الورد
بخصوص امتحانات الفترات ماعندنا الي عرفته ان عندنا امتحانات قصيره
درجاتها راح تنفعنا
اميرة الورد انا نفس الشي اربع مواد النحو ما افهم فيه شي و الفرنسي و الانجليزي هما نفس الشي مشكلتي مع هالمواد الافعال و تعريب و غيره و حتا الازمنه ما افهم و الرياضيات ماني فاهمه شي ابداا و اكيد بييبلي مدرسات طبعا يوم اليمعه و السبت انسب شي عشان فاضيه و ماعندي دوام
بنات اشلونكم شخبار
الدراسه معاكم
شدوو حيلكم
ترا ليلحين احس ما اخذنا ادروس وايد

 

[جلكسيه اس 3]

و حبيت اسالكم منو فيكم دقت على مدرس
اخاف ينهبوني باسعارهم

 

[Ather ُ]

مررحبا بنات
الدراسه مبدئيا حلوه

بس النحوووو مو راضي يدخل مخي
بجيب مدرسين
عربي وانجليزي وفرنسي




وبنات تدرون انها فرررررررصه لنا
لنا نمتحن اخر السنه نص الكتاب
وماياخذون نسبه عاشر والحادي عشر
لان احنا النظام القديم فشدووووو حيلكم

 

[جلكسيه اس 3]

اثير النظام القديم متاكده ما ياخذون نسبة عاشر و اهدعش انا الي اعرفه العكس !

 

[Ather ُ]

اي انا سألت الاداره وهم قالو لي النظام القديم ١٠٠٪

 

[سہكہـرهـہ وذآبہــہـت]

بنات انا بالحادي عشر.. ادري داشه عرض
بس حبيت تشجيعكم لبعض تعطوني امل اني اكمل
يلا شدو حيلكم.. وبتابعكم اول بأول عشان استفيد منكم حق السنه الجايه
موفقين

 

[جلكسيه اس 3]

سكره مشكووره
و اجمعين يارب
بنات انا ماني قادره ادرس و افتح اي دفتر و السبب احاشة اعيوني حساسيه
رحت الطبيب و عطوني قطره و مرهم بس ليلحين اعاني و ماقدر افتح عيوني اذا في ليت
قاعده بالضلمه و هما مو مرتاحه

 

[بقلبي انت]

سكره وذابت حياج حياج معانا نورتي وشدي حيلج وماعليج من كلام احد لا يحبطونج
وان شاءالله السنه الجايه تكونين مكانا بهالتجمع

جلكسيه ماتشوفين شر غيبي اليوم ريحي عيونج واخذي مرضيه الحساسيه لاعبه بالناس من هالجو

 

[^^طالبه^^]

المشــآركـه
2000 بآآسمــي

الله يوفقنآآ بناات