تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[بنفسجيه_Q8]

صباااح الخير حبايبي



امس داومت وصورت اللي طافني وبعدين بنقله بالدفتر مااحب تصوير


وابله الدستور تقول راح اعطيكم الدرجات كامله بس نظمي دفترج وشاركي بالحصه وقبلالامتحان اخطط لكم المهم لانه امتحانه نمتحنه بالمدرسه مو مع الصباحي مثل باجي المواد


وابله الدستور نفسها ابله الفلسفه


الطااااااااااااامه الكبرى اللي درسني فرنسي كانت ابلتي بثالثه ثانوي قبل ٦ سنين ماتفهم وسريع بشرح
انا اخذت دور ثاني وسبب هي ضاق خلقي جاني احباااط
وماشاء الله علييها اذكرتني هههههههههاي تقول كبرتي وصرتي عروووسه


والله يوفقنا ونجيب النسبه اللي ترفع الراس انا ماراح استقر واركز الا لمااا اضبط والنقل اللي طاافني


بنات ماردوا الامتحانااات الشهريه بس اغلب الابلااات قالوا درجاتكم بنقسمها على مشاركه ودفتر وحضور وامتحان
الانجليزي عندنااا امتحان الاسبوع الجاي بالكلمات وست بوووك

 

[كـــــآترينـــآ]

،’



آحس تعب دوآم آلصبح ودرآسه فـ الليل
آلموظفآت شلون تنسقون بين آلدرآسه وآلدوآم الصبح !!!
< ترآودني فكره آعيد رآبعه بس متردده !!​

 

[ملاك الدهمشي]

صباح النور
الحمدلله تمام انتي اشلونج
و الدراسه الحمدلله احسها سهله بس المواد الي فيها نحو و قوانين و قواعد و الازمنه حدي مبتلشه فيهم شكلي بييبلي مدرسات او اروح معهد
ملاك شاطره زين انج سمعتي بغيت اسالج من متا بديتو دراسه احنا علينا حفظ العربي بس ما قالت لنا متا بتسمع و القران بعد
كل يوم اراجعهم عشان احفظهم و اول ما احفظهم راح اسمعهم
الفرنسي صح الكلمات وايد عطتنا من رقم الواحد لي الاميه كتابه بس انا ما لحقت اكتبهم عفيه الي عندها ياهم اتصور و اتحطهم اهني بليييز
و الغياب الحمدلله ماغبت الا يوم الخميس الي طاف هالخميس ماودي اغيب و بناخذ درس اعتقد اسمه تدوين الشعر او شي جذي ودي احضر له بشوف المذكرات اذا موجود احنا مشددين وايد على الملابس لدرجة حتا الاداره يقولون حتا احنا نبي نلبس مانقدر لابسين عبي انا عن نفسي بعتمد على روحي بالدراسه و بدرس اول باول بس خايفه ما اييب نسبه حلووه

هلا جلكسيه
اسفه توني اشوف ردج
تبين الصج بادين من اول اسبوع وبصراحه ماغبت ولا يوم
قاعده اطوف دوام الصبح
اما العصر استحاله
وانتو بالفرنسي عطوكم ارقام
احنا لا عطتنا كل الازمنه والقواعد اللي طافت
والفرنسي انا اشوف يبيله مدرسه خصوصيه
حتى العربي
اما الباقي مجهودج الشخصي
يلا بنات اجتهدوا نبي درررراسه بضمير ولا ننسى
الدعاء والتوكل على الله ودنا نهاية السنه نفرح بعض
بالنسب الحلوه :ggdw:

 

[بنفسجيه_Q8]

ملاك صاجه الفرنسي والعربي يبيله مدرسين
ويمكن الاحصاء بعد


اما الباقي مجهود شخصي


والله يوفقناا


كاترينا
خلص التسجيييل حبيبتي عادي انا موظفه

 

[جلكسيه اس 3]

انا ليلحين ما دقيت على مدرسات و لا مدرسين
لان معاشي مانزل بس ضروري ادق

القران صار علينا حفظ الدرس الاول و الثاني
و الابله لشرحت لنا عالسريح سبب النزول و قالت اخر شي اللهم اني بلغت فاشهد
و راحت الحمام تكمون مبين حسرانه
بس انا مافهمت عدل شنو سبب النزول
انا قاعده احاتي الحفظ ليلحين ما حفظت لازم احفظ عدل

 

[((!ورد جوري!))]

مرحبا بنات شخبار الدراسه معاكم حبيت أشاركم واستفيد منكم أتمني انكم تقبلوني معاكم

 

[انثى الكويت]

جلكسيه ترا العلمي يعتمد عالفهم ماحفظ وايد الحمدالله

انا عنديً حفظ من سورهً ال عمران والحشر كلها هذول الاسلامية

والعربي سوره الرومً


بنات انا ريلي بيسافر بيقعد مده طويله مع امه علاج بالخارج وضايق خلقي

بس لازم ادرس عشان يستانس مني هذا اهم كورس


يارب يردون امتحانات الشهر ونيييب نسبه

 

[ملاك الدهمشي]

هلا فيج ورد جوري
وحياج الله معانا

اتمنى التوفيق للجميع

 

[جلكسيه اس 3]

منو مستعده للدراسه
يالله دوام تايم

 

[بقلبي انت]

امس اول دوام لي استلمت الكتب بس باجي ناقصين ابي الفرنسي والتاريخ والاحصاء والدستور
احس طايفني وايد بس بحاول اكون معاهم اول باول احس العربي دسم وابلة الدين مالها خلق تشرح بس تخطط بالكتاب
وابلة الدستور عسل والله يالله من زمان مو دارسه احس بخوف بس يالله بتوكل علي الله وبكمل

يالله بنات عالدوام استأذن

 

[kanoosha]

بنات ودي اسحب اوراقي مابي اكمل وايد خايفه ومحتاره ذبجني التفكير الانجليزي والعربي مواد صعبه وماعرف شي فيها ووحاسه بضغط من كلام اعلي ولويى اعيال ياربي مادري شسوي

 

[kanoosha]

كلام اهلي ولوبة اعيالي::وماكو. امتحان فترات اخاف مااجيب نسبه واتفشل كان فيني حماس والحين خقيت

 

[بقلبي انت]

كنوشه ليش هالاحباط اكيد اول الايام بتحسين انج موفاهمه شي بس مع الاستمرار بتفهمين مع شرح الابله والمذكرات
والنماذج اكيد بتسهل عليج ولا تسمعين كلام احد خلج واثقه من نفسج وانتي قدها ان شا ءالله


انا وحده صارلي 10 سنين تاركه الدراسه ومثلج اول ما دخلت حسيت مو فاهمه شي وحدي غلط بس بستمر
وان عيالي كبار اكبرهم بسادس واصغرهم سنتين وماعندي خدامه وحبيت اكمل دراستي يعني انا مضغوطه حييل
لكني تحديت نفسي اني اكمل حتي لو بدور ثاني راضيه

كملي ولا تحاتين اذا هالسنه ماكملتي اكيد كل سنه بتقولين نفس الكلام

 

[kanoosha]

ياربي مادري محتاره

 

[سہكہـرهـہ وذآبہــہـت]

كنوشه الله يسلم المدرسين الخصوصيين إذا مو فاهمه شي ..
وحاولي تضبطين مع الابلات يعني شاركي وتفاعلي معاهم
وبتضمنين الدرجات ان اشاء الله
والامتحانات سهالات بيساعدونكم
شوفي تجمع بنات المسائي السنه الي طافت
ماشاء الله اكثرهم جابو نسب حلوه تدخلهم الجامعه
كملي الحين احسن لانه بعدين ماتدرين شلون نظامهم بيكون؟
ترا كل سنه اصعب من الي قبلها
فرصه لج هالسنه حيل سهله
وموفقه ان اشاء الله

 

[بنفسجيه_Q8]

مرحباا

كنووشه:
انتي مو محبطه انتي عشان نزل اسمج بشئون وغيرت رايج استخيري
ليش الاحباط كلنا بالبدايه نحس متشتتين انا لحد الان احس مو مستقره بس بضغط على نفسي
وان شاء الله افهم اللي صعب عليييه وبداوم ماني خسرانه شي




بقلبي انت:
انا دوامت صارلي ثلاث ايام واليوم غبت صار عندي ضيوف لاني نفاس صارلي اسبوعين والده
وموظفه وتعب عليه وبجريه
بس بضغط على نفسي وبداوم وبشد حيلي طايفني واجد نص اللي طافني بصوره ونص بنقله
وبسمع اللي الايات عشان ارتاح وامشي مع البنات

والله يوفقناا

 

[بنفسجيه_Q8]

الابلات كلهم زينات الحمدالله بس ابله الفرنسي درستني بثالثه ثانوي ايام الصباحي ماكنت افهم عليه وان شاء الله المره غير
وابلة الفلسفه هي ابله الدستور


والتاريخ للحين ماشفتهاا


واذا مافهمت على الابلات الله يسلم المدرسين الخصوصين

 

[سہكہـرهـہ وذآبہــہـت]

وعلى طاري كلام الناس
شوفيني انا شيقولون عني الناس زوجي واهله
يوم صار عندها عيال بتكمل
ولا تعالي شوفي النقزات كل يوم..
ومع هذا امشي على مبدأ (طنش تعش)
لوووول
طاف قوي

 

[سہكہـرهـہ وذآبہــہـت]

بنفسجيه انتي بأي صف 12 كم؟

 

[جلكسيه اس 3]

بنات ابلاتكم ما قالو لكم في امتحانات قصيره و لالا
احنا ابلتنا قالت لنا بتعطينا امتحان قصير بعد العيد على طول
كنوش ليش الاحباط من اولها جذي همن انا مو فاهمه بس ناطره المعاش
ينزل و بدق على مدرسات لان ضروري اسوي هالشي عربي و انقليزي و احصاء و فرنسي
باجي المواد يبيلي طول الوقت حفظ حفظ