تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[~mmm~]

بناااات
انا امي من يوم الاثنين مسجلتني لووول وتوني ادري
تقول دام كملت الاوراق شحقه انطر حضرتج متى تقعدين
وطبعا انا بزينب بالجهرا
والاخت اللي تقول تبي الرابطه
اللي عرفته انج بالواحه فا من الحين اقولج الموظف اللي بالمنطقه راح يقولج روحي زينب !
بعدين شفيها زينب !
لهدرجه تخرع
اتوقع اي مكان فيه الشين والزين
وبناات بليز عندي سوال
الحين شنو اشتري حق المدرسه !< طالبه صباحي توها متخرجه عبالها جنطه ع الظهر ومريول لوول
لالا اتغشمر قصدي شنو يبون دفاتر
والكتب متى نستلمهم انا عندي اهم شي الكتب لان ماعندي من كتب العام الا انجليزي وفرنسي
تمنيت مخليه كتب التاريخ والفلسفه والجغرافيا كلهم اساله
يالله سهالات وان شاءاللله الاقي كتب رفيجاتي
والسموحه على الهذره الزايده بس تحمست لوول

 

[جلكسيه اس 3]

جلكسية اتتي مو كنتي في فارعه ؟؟؟؟؟؟؟

لول شكوو فارعه حتا مادري هالمدرسه وين وباي منطقه
الظاهر متخربطه بيني و بين وحده ثانيه
اساسا ما سجلت هههه

 

[جلكسيه اس 3]

mmmmm
انتي بالمسائي اا اقول لاتشنرين الحين
اشتريلج نوته و قلم واحد و بعدين لما اتداومين شوفي شنو يطلبون
لول سوالج يي بوقته لاني ما شريت نوته و كنت ناسيه الموضوع عاد ما ابي اتسلف اورقه و قلم من اول يوم

 

[جلكسيه اس 3]

و كلامج عدل الشين و الزين بكل مكان

 

[~mmm~]

عيل دام نوته وقلم
عندي شكثر
انا كل سنه اشتري واايد
بس بروح اشتري جناط كبار عشان يكفون اغراضي < حدي حوسه

 

[جلكسيه اس 3]

حبيبتي حتا علا الجنطه لا تستعيلين خليهم كلهم مع بعض

انزين بنات بسالكم انا كتبت موضوع بالمنتدا بخصوص مشكلتي مع طليقي
منو اتعرف متا يحطونه حيل مقهوره من طليقي حسبي الله و نعم الوكيل
عساه يتعب نفسيا مثل ما يسوي فيني
و اذا شفتو الموضوع اتمنا اشوف اردودكم

 

[M!ssq89]

مادري منو الي قالت اهيا بلعدان وقاطينها فارعه وكانت تبي طليطله لانه يم بيتهم


فارعه في صباح السالم


سوري عيل مخربطة

 

[M!ssq89]

جلكسيه تحسبي الله بس وفوضي امرج لله انتي جم عمرج وعندج عيال منه



المهم الموضوع يطول علا مايحطونه علا ما تدش وحده من مشرفات القسم او بنت لكويت

 

[جلكسيه اس 3]

ميس حبيبتي اي متخربطه و الحين ماكو طليطه يودونا بس الشرقيه
حبيبتي والله دايم اتحسب بس ادري ربي قاعد ياجرني
تعبت المشكله عندي حضانه ماني مستفيده منها امفكره اذا يي بيتنا يوم اليمعه
ادق عالشرطه اتغدا فيه قبل ما يتعشا فيني و خصوصا ان الحق معاي مو معاه تخيلي علا كيفه طلع قانون اهو و امه ان اعيالي ينامون عندهم المشكله ماعندهم اثبات رسمي بس عندهم حقاره مو طبيعيه و انا مالي خلق ابوي ما يبي مشاكل و لا يبي اشتكي عليه بالمخفر بس احتمال اسويها و لا هالعذاب

 

[جلكسيه اس 3]

المشكله عندي اعيال ساعات اتمنا لو ماعندي اعيال منه لانهم حسبي الله ونعم الوكيل دخلونا في حرب ما كنت ابيها

 

[جلكسيه اس 3]

ينني لي درجة اني انهرت عند المديره بروضة ولدي صج ما يستحون الهيلق

 

[M!ssq89]

مو علا كيفه الحضانه للام الا اذا عقد زواجج جعفري بجذي لعيال حضانتهم عنده عند الابووو




واي قطيعه ترا يسون جذي بس عشان يحرونج خليج قويه ولا اهوا وين يقدر يتحمل مسؤوليه لعيال هذا ويهي اذا مو قاطينهم عند الخدم


لا روحي اشتكي هذا حقج ولا تتنازلين عنه

نفس وحده من اهلنا طلقها زوجها تالي بعد شهر رجعها من غير ماتدري وطلبها بيت الطاعه اهوا مايبيها ولا اهله يبونها بس يبون يغثونها عرفتي للنه عندهم ضنا منها ومايبون انها تاخذ حقوقها نظام اطلق بس تنازلي عن حقوقج يعني مالج شي لا سايق ولا سيارة ولا خدامه عرفتي لج بس ٥٠ البيبي بس اهلها ما سكتوا


سنه بالمحاكم وخذت حقها وزياده يابت خدامه علا حسابهااا شاف القاضي جم دفعت جنه دافعه ٨٠٠ مادري ٦٠٠ للخدامه لمن قدمت خلا طليقها يدفع لفلوس لها غصبن علييييه ياخذه البيبي بس مرة وحده جنه يوم الجمعه


شوفي الي فيج ابتلاء بس لا تقنطين من رحمه الله صبري حطي هالايه بين عيونج


وبشر الصابرييييين """ والله يفرج همج يارب

 

[جلكسيه اس 3]

اهوا حقير انا ادري مو هامينه اليهال لو هامينه ما يسوي كل هالحرب معاي
و نفس القصه صارتلي ما اخذ منه غير اميه حق اعيالي الحقير عباله ميته علا فلوسه
اصلا معاشي الي يمشونه لي الشوون نصه لي وةالنص الثاني حق اعيالي
انتي متخيله خمسميه و شي اقسمها بيني و بين اعيالي و هو مستانس علا الاميه مالته
و انا ادري هذا ابتلاء والله اني من صار الموضوع احلم و اشوف رؤا يعني مو احلام عاديه و الحمدلله اخر مره شفت رؤيه ان ربي راضي عني
سيئات قاعده تتحول الى حسنات بس الي مضيق علي قاده بغرفه وحده ابوي ماعنده امكانيات و مع هذا ساكته و صابره ما اقول الا حسبي الله و نعم الوكيل
انا خايفه اروح المخفر اشتكي و يوصل حجي حق ابوي من ام طليقي عادي عندهم يمرضون ابوي لانه اقلوبهم سوده مادري شسوي

 

[نبض آلخفوق]

مشكوووورين حبيباتي اللي ردوا علي ....

اهئ اهئ بناااات مابي زينب ابي الرابطه تگفى
زينب عليها ذم موطبيعي بنت خالتي فيها مسائي كللش مايساعدون والاداره زفت وناظرتهم اسمها حجيه مجننه آلبـنـ ߪƝªṪ ـآﺂ̷ﺂ̷ﺂ̷ﺂ̷⌣̈.
عكس الرابطه الكل يمدح فيها وبأبلاتها ويساعدوون حيييل

 

[جلكسيه اس 3]

نبض حبيبتي اعتمدي علا روحج
بعد شتسوين مالج الا تتحملين المدرسه
اذا عندج واسطه يخلونج اداومين بالمكان الي تبينه غير جذي مستحيل

 

[M!ssq89]

واي والله صج لا تسكين الحين اهوا طلقج رسمي تقدرين تاخذين فلوس منه غصب خدامه وسايق وسيارة بعد خيولي ~~ اهما شايفينج ساكته


انزين ماعندج خواااان انتي يساعدونج عمام خوال ؟؟؟؟؟؟ هالسالفه لازم رياييل ماينفع حريم فيها صدقيني ؟؟؟


حتا السكن اذا بغيتي تاجرين لو بيت يم بيت اهلج اعوا الي يدفع الديرة فيها قانون مو لعب


وعسى الله يفرح همج يارب

 

[جلكسيه اس 3]

للاسف اضطررت اسكت بسبب ابوي ما يبي مشاكل

شسوي ساكته ماقدر اقول غير حسبي الله و نعم الوكيل
قبل كنت اعصب لمن اعيالي يصارخون و يسوون ازعاج بالبيت و غرفنا لازقه في بعضها البعض
الحين قمت اخليهم علا كيفهم ابيه يحس و ينزعج منهم

توني دقيت عالمخفر قال الاحسن اتراجعينا مخفر مبارك الكبير يا ربي ما ادري اروح و لالا ابوي عنده كل شي حرام و عيب و حقوقي عادي اتروح

 

[M!ssq89]

انزين اخوانج ؟؟؟ عمامج خوالج ؟؟؟ وامج شنو ردها ~~ وااااي عيب وحرام ها والي يسووونه اهما مو حراااام ابووج لازم يتحرك ~~ مايصير جذي والله

 

[جلكسيه اس 3]

اخواني عادي عندهم ارفع قضيه
بس ما يقدرون يسوون شي مدام ابوي مو راضي

مشكلته ما يبي فضايح

 

[بنفسجيه_Q8]

جلكسيه :هونيهاا وتهون والله يكون بعونج يارب ويصبرج وينصرج




نبض الخفوق:
خيره ياقلبي يمكن الاداره تكون زينه معاج ماعليج كل شي من مجهودج ودرجات


بنات!!!!!
اولا:
مبروك للي سجلوو والفال للباجي
ثانياً:
الحين خلاص بلش الجد نبتدي نقول يومياتنا من نداوم يوم الاحد ان شاء الله
والمراجعات والاسئله اول بأول نكتبهااا






الله يوووفقنااا