تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[جلكسيه اس 3]

نبي نسالهم بخصوص وين مدارسهم شلون الدراسه يعني بنعرف

مالج الا تتصفحين الموضوع كله
اكيد ما راح يمرون على الموضوع حاليا الي انجحت اتفكر شنو تلبس بالكليه و شراح اتسوي

 

[جلكسيه اس 3]

السلآم عليييكم بنآآات


انا ماراح اعيدها الحمدلله
خريجة 2010 ونسبتي الحمدلله كانت حلوة
طبعا انا شديت حيلي من عاشر عشان جذي ارتحت ب12 واكثر شي شديت حيلي الكورس
الاول

صدقووني بنات حياة الجامعه شي ثااااااني خاصه لما تدخلين كليه زينه تحسين انج شي
شدووا حيلكم الايام ترركضض تغمضين عين وتفتحينها ولا انتي متخررجه
حاولوا تدرسون اول باول خلي عندج هدف جدامج دايما عيشيه وتخيليه
وترا لما تفكرين فييها
شنو هدفج ؟
تدشين كلية مرموقه و ووظيفه سنعه ومعاش قوي ؟؟
شنو محتاجه عشان تحققين هالهدف ؟


بس محتاجة دراسه ..
حلي الواجب وحضري حق باجر واذا رديت ادرسي اللي خذيتيه لو كل يوم تاخذين من وقتج 3 ساعات راح تطلعين بنسبه ترفع الراس
وقبل الامتحانات بفترة ادرسي الكمية المقرره بحيث يوم الامتحان تكون هذي دراستج تكون للمره الثانيه

وراح تدعووون لي
واللي تستفيد تدعيلي اد حيلي بالدراسه ان الله يرزقني بالولد الصالح ويصلح مابيني وبين زوجي

موفقين يا مثابرات وطمووحاااات
واهم شي يا بنات ادعوووو الله يوفقكم وواظبوا عالصلاة
وخلي دراستج هدفها سامي
تبين تدرسين لانها عبادة وارضاء لله ونيل الحسنات
والله يوفقكم

حبيبتي الف مبروك و مشكوره على التشجيع و النصايح
للالسف درجاتي بالثلاث سنين مو شي عالحفه ما كنت درس و ماخذتها لعب و وناسه
مادري معقوله برابعه اذا ذبحت عمري من الدراسه راح اييب السبه الي ترفع الراس و عن سالفة يكون عندي هدف اوكي خل نفرض نجحة و اني بدرس قانون بصير محاميه فرضا ما حبيت الوضع او فشلت بالكليه
لاني فعلا حاسه ابي وظيفه سنعه و معاش قوي ابي اكون في مكان الي احبه
وايد افكر بهالشيى واني ابي هالمره اييب نسبه حلوه و ابشر اهلي فيها
انزين عندي سوال مافي كتاب يخليني اعرف شنو المكان او الوظيفه الي فعلا ابيها
و ان شاء الله بس اسحل راح اطبق نصايحج

 

[جلكسيه اس 3]

ما شاء الله في بنات معانا بالجامعه عادوا الثانويه وهم متزوجات وعندهم عيال ودشوا الجامعه
عسا فالكم احسن من فالهم يا رب
ما على الله شي صعب

ما شاء الله هذا الي انا ابيه انا منفصله و عندي اعيال بس ناويه هالسنه
مالي غير هالسنه ادرس و احاول اعطي من قلب
لان ابي نسبه اتدخليني كليه سنعه
و عالبركه لكل الي انجحو

 

[جلكسيه اس 3]

بنات وينكم بغيت اسالكم السنه الي طافت سوولي سالفه و ما فهموني عدل بخصوص الشهاده
بس هالسنه قالولي بس نبي تصديق على الشهاده و ورقة لمن يهمه الامر (ترك دراسه )
المهم بنات الحين الشهاده الي عندي مكتوب عليها بطاقه درجات نهاية العام
و ماعندي غيرها و اساسا هذي شهاده من مدرستي بو حليفه مالت ٣ثانوي مدرسه خاصه
عفيه بنات يسجلوني بهالشهاده ولالا
لان السنه الي طافت ما سجلت بسبب هالموضوع اهمه ما فهموني عدل شنو المانع اما هالمره لما رحت و قالتلي الموظفه قالت بس يبون تصديق و ورقة لمن يهمه الامر
ان شاء الله ما يتكنسل تسجيلي بسبب قوانين غبيه و اتمنا اتكونون فهمتوني

 

[ضــمــاد]

بنات تكفوووون انااااا حييييل محتارة اتمتى تفيدوني

ابي أعيد رابع ثانوي في المعهد الديني و خااااايفة حييييل من الناس اللي يقولون صعب

وانا اخترت المعهد الديني لأني احب المواد الشرعية و المواد الشرعية عليها درجات كبيرة و الانجليزي حسب علمي ما عليه درجات قوية

وانا مابي نظام العامة لان انا ما افهم شي بالانجليزي و لا بالفرنسي و حييييل اتعب من هالمادتين والمشكلة انهم عليهم درجات قوية على أيامنا ايام النظام القديم و مدري عنهم الحين

ابي نصيحتكم اللي جرب معهد ديني و خاصة مركز الاندلس اتمنى اللي جربت الدراسة بالمعهد الديني ما تبخل علي بالنصيحة

اذا على كلام البنات تبين تجربين الديني !


ما أنصحج .. لانه أنتي تبين نسبه .. فـ لاتجربين شي مو عارفته


خلج بالمضمون


المعهد الديني يركزون على النحو .. واللغه العربيه


واحد من أهلي كان يدرس بالمعهد الديني .. مع انه شاطر ومتفوق


بس هم حاط له مدرسين للغه العربيه


يقول يركزون حييييييييل


على النحو والقواعد + الأنقلش مالهم عن الدين ( يعني تدرسون عن الرسول


عليه افضل الصلاة والسلام وعن امور دينيه بالانقلش )


لانه حتى الايات لها اعراب .. عشان جذي مايستهينون بالنحو


الثانويه العامه .. أسهل


أغلب المعلومات ماره علينا


اما الأنقلش والفرنسي .. مافي شي مستحيل


درسي وحفظي أول بأول + خصصي يوم بالاجازه


تدرسين فيه كل شي خذيتيه بالانقلش والفرنسي خلال الاسبوع


سهالات أنتي بذلي الاسباب وربج كريم + ألحي بالدعاء وتحري أوقات الأستجابه


وأهم شي أهم شي نظمـــــــــــي وقتج


وترى السنه هذي أحسن من تظامنا القديم


بالقديم كنا ندرس الفصلين ل آخر السنه


لكن الحين اهون بوايد


الفصل الاول ، الكورس الاول


مايدخل معانا بآخر السنه



تدرين الجغرافيا والتاريخ أسهل من النظام القديم


الفلسفه والمنطق والتربيه الاسلاميه والقرآن مثل ماهم ماتغيرو



الفرنسي طبعة الكتاب تغيرت اما المضمون ناسيته ماني قادره اذكره


الانقلش نفس القواعد و الأساليب اما لدروس و الكلمات تغيرت


أنتي أستخيري .. يمكن مدرستج ماكانت تفهم عدل


ويمكن أنتي ماكنتي حابه المواد فماكنتي تعطين من نفسج


يمكن هالمره ربي يرزقج بمدرسه شاطره وتفهم


وأنتي بعد شدي حيلج ودرسي أول بأول


وبأذن الله كلنا بهالتجمع بنفيد بعض


وأنا عن نفسي .. بس يتم تسجيلي ان شاء الله


على طول راح تشوفيني بموضوع أموله الخاص بالمراجعات والمذكرات


منها عشان افيدكم ومنها يمكن المعلومه تركز في بالي



​

 

[ضــمــاد]

انزين عندي سوال مافي كتاب يخليني اعرف شنو المكان او الوظيفه الي فعلا ابيها

أنتي بالضبط شنو ميولج ؟

هل أنتي شاطره بالحفظ ؟ أو الفهم ؟​

يعني القانون .. موادهم كلها حفظ × بحفظ​

اما اذا تبين الراتب القوي + شهادة بكالريوس​

عندج كلية التربيه - جامعة الكويت / كلية التربيه الاساسيه ​

تتخرجين مدرسه .. اذا من جامعة الكويت تصيرين اما مدرسه ثانوي او متوسط​

واذا من الأساسيه تصيرين اما مدرسة ابتدائي او متوسط​

اذا تبين راتب قوي ومجال وظيفي واسع عندج


كلية الشريعه ​

ممكن تتخرجين وتتوظفين​

مدرسة تربيه اسلامية ( لكن بس تدرسين ثنوي )​

البنوك الاسلاميه​

بيت الزكاة​

وزارة الاوقاف​

دور القرآن​

وكل الوزاراة​

كذالك عندج

المحاسبه

تخصص مرغوب بكل مكان لكن​

كلية العلوم الادارية يبيلها وحده تمشي حالها ع الاقل بالانقلش لانه اغلب دراستهم بالانقلش​

تخصص حاسب آلي .. تخصص قوي ومرغوب​

وفي تخصصات أبتعدي عنها ..​

مثل ( علم نفس - كلية العلوم الاجتماعيه ) لانه يعتبر احتكار لجهه معينه​

محد يقبلج الا مستشفى الطب النفسي وللعلم من العام عندهم اكتفاء على كلام وحده من البنات​

ومممكن تصيرين أخصائية نفسيه باحد المدارس .. وطبعا ً لاشغل ولا مشغله .. لانه اغلب الشغل​

ع الاخصائيه الاجتماعيه .. اذا خذيتي التخصص ووقفتي عالبكالريوس


التخصص ماراح يخدمج .. لكن اذا لج نيه تكملين ماستر ودكتوراه


التخصص جدا جدا جدا راح يخدمج​

فأنتبهي من تخصصات الأحتكار مثل


( علم النفس العلوم الاجتماعيه / البنوك - بالمعهد التجاري )​

لانه مالها مستقبل اذا وقفتي على الشهاده الجامعيه​

فأنتي حددي بالاول شنو الوظيفه اللي تتمنينها ؟​

وسألي عن ايجابيات وسلبيات هالوظيفه​

وسألي عن طريقة العمل وعن الراتب​

لما تقتنعين فيها .. شوفي عاد شنو التخصص اللي يوصلج لـ هالوظيفه​

موفقه يارب​

​

 

[ضــمــاد]

بنات وينكم بغيت اسالكم السنه الي طافت سوولي سالفه و ما فهموني عدل بخصوص الشهاده

بس هالسنه قالولي بس نبي تصديق على الشهاده و المهم بنات الحين الشهاده الي عندي مكتوب عليها بطاقه درجات نهاية العام

و ماعندي غيرها و اساسا هذي شهاده من مدرستي بو حليفه مالت ٣ثانوي مدرسه خاصه
عفيه بنات يسجلوني بهالشهاده ولالا
لان السنه الي طافت ما سجلت بسبب هالموضوع اهمه ما فهموني عدل شنو المانع اما هالمره لما رحت و قالتلي الموظفه قالت بس يبون تصديق و ورقة لمن يهمه الامر

ان شاء الله ما يتكنسل تسجيلي بسبب قوانين غبيه و اتمنا اتكونون فهمتوني

​

بس نبي تصديق على الشهاده

تروحين المنطقة التعليميه ..

عند قسم تعليم الكبار ..

قولي لهم وين أطلع لمن يهمه الامر

ووين أطلع أخر شهاده لي

( أخر شهاده تطلعينها من قسم استخراج الشهادات بس هم سألي تأكدي )

آخر شهاده لما تطلعينها رايح ياخذون منج دينار للطابع

وبعدين يختمون عليها ويوقعون .. وبجذي تعتبر شهادة مصدقه

​

 

[ضــمــاد]

السلام عليكم شلووووونكم


انا من زمااان ودي اعيد رابعه ثانوي بس مالله قسم

و ان شاالله هالسنه نااااااااااااااااااااااااويه باذن الواحد الاحد اني اعيدها

انا خريجه ادبي سنه٢٠٠٥ وبنسبه ٦٨ دخلت التجاري تخرجت وتوظفت ولله الحمد بس ودي اكون مدرسه




بنات يمدي اسجل الحين انا من سكان العاصمه ودي اسجل بمدارس الجهرا هل يصير

وين اسجل بالمدرسه او للمنطقه التعليميه

والمسائي يصير اداوم يومين فقط
لان ودي بمنارل بحكم بيتي وعيالي بس مانصحوني قالولي داومي لو يومين وتسهل لج

وربج كرررريم


ومووفقين ان شاالله

العاصمه بمدرسة جمانه

مايصير الا اذا عندج احد ساكن بالجهرا تقدرين تحولين بطاقة عليه

وتصير بطاقتج عالجهرا .. بس لاتطولين

انا لما رحت المنطقة التعليميه قالت لي الموظفه مدة التسجيل أسبوعين

يعني باجر الاحد يبتدي ثاني اسبوع للتسجيل

والاحد اللي بعده دوامات :d

لاتطولين سجلي بسرعه اذا لج نيه​

 

[جلكسيه اس 3]

حبيبتي ضماد مشكووره على الشرح انا افضل حفظ و اكيد ابي دوام معاشه قوي احس مدرسه مو لايق علي بس مادري
احس مدرسة روضه وناسه و مو تعب مثل ابتدائي و ابي اشتغل بضمير ان شاء الله
و حبيبتي انا صدقت الشهاده و طلعت اورقه لمن يهمه الامر يعني خلصت اموري والحمدلله ناطره بس ينزل معاشي واسجل
بس اخاف يسوونلي سالفه مثل السنه الي طافة و ما يسجلوني
و مره ثانيه مشكوره حبيبتي

 

[انثى الكويت]

بالعكس مدرسة الروضه متعبه وانا اعرف وحده تعترف بهالشي

مو سهله ابد اتقول يهاب وازعاج ولويه وبس اقعد وقعدي ازعاج فعلا


والمحاسبه صارت تحتكر للقسم العلمي وبنفسي سالت فيها التعليم العالي
الادبي فلسو منها


انا ابي هندسه عن نفسي مابي مدرسة ادري راتب قوي مابي كل سنه ارد واعيد بنفس الحجي روتين



حاولي تدورين وظيفه وتخصص ترتقين فيه تتوسعين فيه في له علاقات عامة

معاج دشي شريعه تصيرين باحث قاونوني معاشج معاش المتخرجين من الحقوق
وله كذا مجال عكس التربيه هذا انتي ماشوف فيه تحرك ولا توسع ملل احسه

معاكم بسالفه الاجازات والراتب بس ليه متى

حتى المهندسة تصير ادرس تصدقون !!!

يعني بتاع كلووو هالتخصص

خخخخخخخخ

انتو نفس الشي للادبي دوروا الاشمل طق ببالج مابي تربية عللاقل شهادتي تدخلني مكان ثاني



هاذي وجهة نظري اتمنى تتقبلونها

 

[kanoosha]

واي بنات مره اتشحع ومره اييلي احباااااط اخاف ماايب نسبه اهو ادري بيب نسبه احسن من نسبتي القديمه ابوايد بس. ايلي تفكير من كلام ااناس وريلي واعيالي احباط موطبيعي يارب يارب سهلهااا علي ياربوعليكم يارب

 

[جلكسيه اس 3]

انثى انا كلش ماحب الرياضيات
شسوي يعني بتحمل التعب
و بتعب مثل ماغيري يتعب كلش ماحب هندسه و هالسوالف كلش مو ميولي

 

[جلكسيه اس 3]

و شريعه اتهقين مو صعب
اكيد مناهجهم صعبه
مو سهله مثل الي بتعلمهم لو تخصصت ابلة روضه ��

 

[جلكسيه اس 3]

كنوشه تعودي من بليس و عطي كلامهم طااف
انا دايما اختي اتقولي انتي بس حجي بسجل بسجل و ماكو تسجيل ساعات اتغثني اختي
هالسنه بوريهم الويه الاخر لي ههههه
والله جد حابه اييب نسبه حلوه اخلي اهلي يفتخرون فيني حابه يكون لي دور حلو بالمجتمع

 

[بنفسجيه_Q8]

الله يوووفقناااا

ان شاء الله كل اللي بالتجمع يسجلون بالمدرسه
ويجيبون النسبه اللي تبرد القلب ويدخلون التخصص اللي يتمنونه


بنات مانبي احباطات نبي تشجيع


كل وحده ولهاا ظروفهاا وان شاء الله نقدر نتخطى هالظروف ونسق بين مسؤولياتنا






بنات الدراسه يبيلهاا اراده ودراسه اول بأول احس كبرناا عن ايام المراهقه
يعني صرنااا نعرف هدفناا مو مثل ايام الثانويه نبي ننجح والسلام


شدوا الهمه




والله المستعان

 

[kanoosha]

الله يوفقنااا؛؛ بنات العربي اشلون يدرسونه لوول ماعرفله

 

[* ليــــدي *]

بنات رحت العصر لفارعه قالولي لا تعالي يوم الاحد يلعبون المنطقه تقولي باجر والمدرسه يقولون الاحد

اللي بالعدان وصباح السالم تكون مدرستهم فارعهة

حبيبتي التسجيل الرسمي يبدأ 11 / 9 بالمركز
واصلنا القرار من الوزاره التسجيل 11 / 9
لكن المدرسه متهاونه بالتسجيل وتاجله

والمنطقه التعليميه تتكلم حسب النشره اللي توصل


ثانويه طليطله نقلت الى الشرقيه
وثانوية صباح السالم نقلت الى فارعه


فارعه تابعه لمنطقة مبارك الكبير التعليميه


:eh_s(17):


الطلبات اللي وصلت للمناطق التعليميه غير عن اللي تطلبهم المدرسه

المدارس زادت الطلبات الى الجنسيه و الميلاديه و الجواز و المدنيه !!


ماعطونا علم :eh_s(17):

 

[زوغـهـ]

لاحظت اكثر من وحده ماتبي احد يدري إنها بتعيد رابعه

ليش؟؟؟
عن نفسي مابي احد كلش ملش يدري
بس تدرون .... والله مادري ليش هالسريه
يمكن احاتي النتيجة ؟؟؟



أنتو ليش ماتبون؟؟

انا يمكن اكون بحواء

وافضل محد يدري لان عيون الناس وحجيهم مايخلون حد بحاله

 

[* ليــــدي *]

.








قال رسول الله صلى الله عليه وسلم

" استعينوا على قضاء حواجئكم بالكتمان فإن كل ذي نعمة محسود "




.

 

[زوغـهـ]

صاجه ليدي

بس شتسووين بالصدف اذا لقيتي احد تعرفينه بالمدرسه