تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[انثى الكويت]

جلكسية استلفي ٤٠ دينار خخخخخ

والله انا تسلفت عالمعاش اردهم خذيت من ابوي شسوي ولا يطوفني التسجيل



بروح اسجل الاحد وبعدين بروح اشتري لي جنطه عالجنب عشان لما اداوم اول يوم ماتوهق بالكتب


ومابي اليني الازرق اني ادرس

 

[بنفسجيه_Q8]

انثى؛هههههاي حتى انا مابي اليني الازرق يعرف زوجي واهلي بس بس

 

[ريـــف الجبيري]

قوه بنات ربي يوفقكم ترا آنا كنت بمكانكم العام وكنت خايفه وايد أني أعيد 12 بس سمعت بنات وايد يقولون سهالات وبسرعة تمر تشجعت وسجلت ودخلت صحيح سهله بس يبيلها دراسه اول باول وأي شيء مؤ فاهمته لازم تسألين الأبله وتركزين معاها الصراحة واجهتني صعوبته في الإحصاء والانجليزي لكن اذا فتحتي مخج معاهم بإذن الله بتنجحين بدرجات عاليه لان الامتحانات كلها تجئ من المنهج اما المواد الباقيه بس عليج الحفظ وبأذن الله بتحلين عدل وربي مرت السنه
بسرعه ولا حسيت فيها وجبت نسبة 85 والحين آنا بالجامعة بكلية التربية بكيفان وان شاء الله كلها 4 سنوات واصير ابله.
والله يوفقكم ويعطيكم ع قد نياتكم.

 

[جلكسيه اس 3]

حليوه:الله يجزاج خير ياااقلبي
والله يوفقج وتجيبين النسبه اللي تبينها يارب
وصاجه ياليت التجمع يكون من غير حورات جانبيه بس الدورس والاسئله اللي تفيدنااا




جلكسيه :
ههههههاي الحال من بعضه ننطر المعاش عشان التسجيل بس بخلي زوجي يدفع
وفكرتج حلوووه عن الاغذيه
ماعليج شهر لتسجيل








اللهم وفق بنات التجمع وبشرهم بالنسبه اللي تحقق طموحهم

ما اقدر اتسلف من امي حاليا ماعندها ولا فلس
ابوي ما احب اطلب منه حق سلف لانه كله يقولي وين اتودين افلوسج
بس عادي مو مستعيله على التسجيل

 

[جلكسيه اس 3]

جلكسية استلفي 40 دينار خخخخخ

والله انا تسلفت عالمعاش اردهم خذيت من ابوي شسوي ولا يطوفني التسجيل



بروح اسجل الاحد وبعدين بروح اشتري لي جنطه عالجنب عشان لما اداوم اول يوم ماتوهق بالكتب


ومابي اليني الازرق اني ادرس

ماقدر اتسلف مثل ما قلت قبل هالرد ان شاء الله ما يطوفني التسجيل

بس ما فهمت شنو سالفة اليني الازرق

 

[جلكسيه اس 3]

قوه بنات ربي يوفقكم ترا آنا كنت بمكانكم العام وكنت خايفه وايد أني أعيد 12 بس سمعت بنات وايد يقولون سهالات وبسرعة تمر تشجعت وسجلت ودخلت صحيح سهله بس يبيلها دراسه اول باول وأي شيء مؤ فاهمته لازم تسألين الأبله وتركزين معاها الصراحة واجهتني صعوبته في الإحصاء والانجليزي لكن اذا فتحتي مخج معاهم بإذن الله بتنجحين بدرجات عاليه لان الامتحانات كلها تجئ من المنهج اما المواد الباقيه بس عليج الحفظ وبأذن الله بتحلين عدل وربي مرت السنه
بسرعه ولا حسيت فيها وجبت نسبة 85 والحين آنا بالجامعة بكلية التربية بكيفان وان شاء الله كلها 4 سنوات واصير ابله.
والله يوفقكم ويعطيكم ع قد نياتكم.

ريف مشكوره و ان شاء الله انشوفج ابله و ندرس عندج عاد ما اوصيج علي
انا بصراحه احب الابلات الي يساعدون و ما يبخلون على الطالبه بشي

 

[حليوه]

لاحظت اكثر من وحده ماتبي احد يدري إنها بتعيد رابعه

ليش؟؟؟
عن نفسي مابي احد كلش ملش يدري
بس تدرون .... والله مادري ليش هالسريه
يمكن احاتي النتيجة ؟؟؟



أنتو ليش ماتبون؟؟

 

[حليوه]

منو بحواء

 

[~mmm~]

انتي بالجهرا حبيبتي ؟

وشنو الاوراق والطلبات اللي طلبوها المنطقه والمدرسه منج ؟
وانتي تختارين المدرسه والا لا؟

على حسب منطقتج
لان في اكثر من مدرسه بالجهرا
انا رحت المنطقه التعليميه وقالي روحي زينب اللي اهي بالعيون مع انه بيتنا مو بالعيون بس منطقتنا مافيها مسائي
ع العموم روحي المنطقه التعليميه واهو يقولج او قوليلي اي منطقه ساكنه بالجهرا واقولج وين تروحين
والطلبات

بما اني انا بعيد بس 12
طلبو علي
شهاده عاشر و11 و12
صوره عن الجواز وصوره عن البطاقه المدنيه
ملف شفاف
4 صور شخصيه
40 دينار

وبالتوفيج يارب

عاد ان شاءالله تكونين عندي بزينب ابي احد معاي :krkrkr:

 

[M!ssq89]

حتن انا محد يدري الا اهلي

اهلنا نحاسه مايبون احد احسن من احد وكل البنات الي بعمري عندهم دبلوووم لو بكمل بيرقعوني عين انا ناقصه بالله مافلحت بالدراسه حق الشمااته زاهبين


اقعد جذي وايد احسن ومحد بيدري ادرس لانه مو وايد نشوفهم حزة المناسبات بس لووووول

واذا كلش كلش حسوا اني وايد اطلع العصاري اقول داشه معهد انقلش


وعسى الله يسهل علينه ونييب نسب ترفع الراس يارب

 

[انثى الكويت]

جلكسيه مالج الا معاشج شتسوين بعد

بنفسجيه انا حتى اهلي مايدرون خخخخخخخخخ


ريف الله يوفقج يارب وشجعتينا والفال لنا يارب


حليوه مانبي اخاف يصكونا عين

والعين حق

ولا سمح الله ما يبت معدل حلو مالي خلق معاير ولويه محد يدري لاهلي ولا رفيجاتي

بس ريلي وامي ولا حتى اهل ريلي مالي خلق كلش





بعرف التجمع مال السنه الي طافت نحيسات ما يجاوبون ولا يساعدون بشي

ماحب جذي ملاحظه طناش

 

[جلكسيه اس 3]

هههه انثى زين اتسوين اي والله

انا للامانه مو خاشه الموضوع و الحافظ الله
و خو محد راح يشوف درجاتي
باخر السنه ان شاء الله بسويلهم سبرايز مفاجاه اتمنا من كل قلبي اييب نسبه مرتفعه استانس منها و اونس اهلي فيني امانه ادعوا لي
و ثاني شي شنو تبين تسالينهم ?

 

[بنفسجيه_Q8]

انا مابي احد يدري عشان العين واخاف من الشماته
خصوصاً في وايد من اهلنااا يدرسون من غير لا ندري ونتفاجأ بنسب حلوه وجامعه
يعني اعاملهم بالمثل
واغلب الناس مايحبون الخير لاحد وعيونهم ضيقه


انثى :
انا ردت عليه ام مشعل وباجي طنشوني

 

[kanoosha]

بنات عفيه منو الاحسن الشرقيه ولا فارعه بصباح السالم،،، قارعه فيها كل العايله واخاف من الشماااات ومايب نسبه حلوووه ،،،عفيه لاتبخلون بالرد علي!!

 

[نبض آلخفوق]

جهراويات مارديتوا علي انا بالواحه مابي مدرسة زينب ابي انقل للرابطه اللي بجنوب الجهرا .... لأن زينب عليهم ذم موطبيعي وادراتهم زفت وناظرتهم اسمها حجيه لاعبه بالبنات لعب

 

[انثى الكويت]

نبي نسالهم بخصوص وين مدارسهم شلون الدراسه يعني بنعرف

 

[نوفآ]

السلآم عليييكم بنآآات


انا ماراح اعيدها الحمدلله
خريجة 2010 ونسبتي الحمدلله كانت حلوة
طبعا انا شديت حيلي من عاشر عشان جذي ارتحت ب12 واكثر شي شديت حيلي الكورس
الاول

صدقووني بنات حياة الجامعه شي ثااااااني خاصه لما تدخلين كليه زينه تحسين انج شي
شدووا حيلكم الايام ترركضض تغمضين عين وتفتحينها ولا انتي متخررجه
حاولوا تدرسون اول باول خلي عندج هدف جدامج دايما عيشيه وتخيليه
وترا لما تفكرين فييها
شنو هدفج ؟
تدشين كلية مرموقه و ووظيفه سنعه ومعاش قوي ؟؟
شنو محتاجه عشان تحققين هالهدف ؟


بس محتاجة دراسه ..
حلي الواجب وحضري حق باجر واذا رديت ادرسي اللي خذيتيه لو كل يوم تاخذين من وقتج 3 ساعات راح تطلعين بنسبه ترفع الراس
وقبل الامتحانات بفترة ادرسي الكمية المقرره بحيث يوم الامتحان تكون هذي دراستج تكون للمره الثانيه

وراح تدعووون لي
واللي تستفيد تدعيلي اد حيلي بالدراسه ان الله يرزقني بالولد الصالح ويصلح مابيني وبين زوجي

موفقين يا مثابرات وطمووحاااات
واهم شي يا بنات ادعوووو الله يوفقكم وواظبوا عالصلاة
وخلي دراستج هدفها سامي
تبين تدرسين لانها عبادة وارضاء لله ونيل الحسنات
والله يوفقكم

 

[نوفآ]

ما شاء الله في بنات معانا بالجامعه عادوا الثانويه وهم متزوجات وعندهم عيال ودشوا الجامعه
عسا فالكم احسن من فالهم يا رب
ما على الله شي صعب

 

[ام صمونة]

بنات تكفوووون انااااا حييييل محتارة اتمتى تفيدوني

ابي أعيد رابع ثانوي في المعهد الديني و خااااايفة حييييل من الناس اللي يقولون صعب

وانا اخترت المعهد الديني لأني احب المواد الشرعية و المواد الشرعية عليها درجات كبيرة و الانجليزي حسب علمي ما عليه درجات قوية

وانا مابي نظام العامة لان انا ما افهم شي بالانجليزي و لا بالفرنسي و حييييل اتعب من هالمادتين والمشكلة انهم عليهم درجات قوية على أيامنا ايام النظام القديم و مدري عنهم الحين

ابي نصيحتكم اللي جرب معهد ديني و خاصة مركز الاندلس اتمنى اللي جربت الدراسة بالمعهد الديني ما تبخل علي بالنصيحة

 

[جلكسيه اس 3]

بنات عفيه منو الاحسن الشرقيه ولا فارعه بصباح السالم،،، قارعه فيها كل العايله واخاف من الشماااات ومايب نسبه حلوووه ،،،عفيه لاتبخلون بالرد علي!!

صباح السالم اعرف بنات السنه الي طافت و الي قبلها في هالمدرسه و انجحو
بس اهم شي ما تغيبين وايد