تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[صافية قلب]

تقبل الله طاعتكم وكل عام وأنتو بخير

يلا يلا شدو ألهمه ما بقا شي جهزو الطلبات للمشي في طريق النجاح و التوفيق واعتلاء اعلى المراتب ياخواتي العزيزات

انشاء الله التوفيق للجميع ياااااارب

 

[انثى الكويت]

عيدكم مبارك

 

[بنفسجيه_Q8]

عساكم من عواده

صافية القلب:
بديت احس بالخووف يوم قربت الدراسه الله يسهل ويوفقنا كلنا




بنات ليش التجمع نايم
خلونا نحدد وقت واحد لدخول التجمع عشان نشجع بعض
جد محتاجه تشجيع قوي
وكل يوم عشان اتحمس
لانه حييييييييييييل خايفه من الدراسه خصوصا صارلي جم سنه من تخرجت والانجليزي واي قعدتي
مااحبه ولا اعرف ادرسه ولا اقدر اركز


رمضان والعيد خلص يلا هالله هالله بالجد والجد هالله هالله فيه




والله يوفقناا

 

[سندس 90]

مرحبا بنااات
عيدكم مبارك وتقبل الله طاعتكم 
أنا ماادري شعوووور غريييب مستانسه ومتكيسله
الله يستر ويوفقني ياااارب وإياكم

 

[kanoosha]

بااااك واي حدي افكر وخايفه من هالموضوع ،، متي اروح اسجل؟

 

[انثى الكويت]

بنات شلونكم

مادري شاقولكم وايد خايفه جد حيييل افكر كل يوم بنفس الموضوع

متردده اعيد رابعه ولاء معنه معدلي مو شي بس اخاف ماييب نتيجه زينه وافشل ريلي واهلي والاهم اتحبط


حلمي هندسه

وايد متردده اخاف يقولون لي تعيدين ثالثه ورابعه ماقدر سنتين كلش ظروفي رابعه اعديها وريلي بيتحمل سنه

لان موظفه الصبح وبليل مدرسه مهما كان غير لو ماخذه اجازه دراسيه بداوم بفتره وحده وماعندي دوام الصبح



متردده ياربي ودي اعيدها واييب نسبه تبيض الويه ودي من ٩٠ وفوق عشان انقبل فوري يارب تكتبها لي ويكتبها لكم

وتتسهل علي باذن الله


احاتي حييييل

 

[حرم حبيبها]

صعب علي اداوم مسائي

بس منازل ممكن

 

[صافية قلب]

عساكم من عواده

صافية القلب:
بديت احس بالخووف يوم قربت الدراسه الله يسهل ويوفقنا كلنا




بنات ليش التجمع نايم
خلونا نحدد وقت واحد لدخول التجمع عشان نشجع بعض
جد محتاجه تشجيع قوي
وكل يوم عشان اتحمس
لانه حييييييييييييل خايفه من الدراسه خصوصا صارلي جم سنه من تخرجت والانجليزي واي قعدتي
مااحبه ولا اعرف ادرسه ولا اقدر اركز


رمضان والعيد خلص يلا هالله هالله بالجد والجد هالله هالله فيه




والله يوفقناا

هلا بنفسجه ياعمري انا مثلج والله مييييييييته من الخوف الله يستر
بالنسبه للتجمع اتوقع يتنشط وقت الدوامات اكثر لان كل وحده بتساعد الثانيه انشاءالله

حالياً ارقم السور المطلوبه للحفظ عشان تسهل علي وقت الدراسه هذي نصيحة اختي الي عادة نسبه السنه الي فاتت
وكانت نسبتها 69 وبعدها صارت 90 وحاليا اهي بالجامعه ماشاءالله عليها بعد ماكانو يقولون لها اهلي انتي حدج جيد
عشان جذي حبيباتي لحد يفقد حماسه وتشجعووو وحطو هدفكم

هدفي اكون مدرسة رسم اوتربيه اسلاميه او ديكور

 

[صافية قلب]

صعب علي اداوم مسائي

بس منازل ممكن

هلا اختي حرم شدي حيلج اذا خذيتي منازل الله هالله بالمدرسين والمعاهد الخاصه وانشاء الله ماراح نقصر معاج
بجيب لج ارقام مدرسين ممتازين ومعاهد وال محتاجه يلقاها

واعلمج كل نهاية اسبوع عن المناهج

شرط تاكدين انج متحمسه وحاطه هدف بالنسبه عاليه

موفقه حبيبتي

 

[ضحكة شفاي]

مرحبا صَبـ ŝβάʏά ـايا

بصراحه عجبني تجمعكم وعساكم ع القوه ''
"بنات حطو ببالكم اللي يبي الشي يوصل له"

أنـmęـأإ خريجة مسائي وجبت نسبه زينه ولله الحمد والحين قدمت ع الجامعه وناطره قبولي ،،

واللي تبي تستفسر عن أيــّ wђįçђ ــيّ شي أنـmęـأإ حاضره��

؏͠ـسى اللـْْـْْْـَِِْْـ♡̨̐ــٍّْـٍّْـہ يوفقكم وييسر امووركم ��

 

[بنفسجيه_Q8]

مرحبااا



انثى كويتيه :
مثلج خايفه افشل زوجي لانه هو الوحيد مشجعني واذا ماجبت نسبه قمه الاحباط
بأذن الله اشد حيلي واجيب النسبه ترفع الراس واقدر انسق بين الدوام والمسائي والبيبي الجديد


حرم حبيبها:
المنازل بتدرسين كتابين ولازم مدرسين الله يعين فكري بالموضوع دشي مسائي


صافيه القلب :
شجعتيني الله يوفق اختج ويوفقج يارب


ضحكة شفاي:
الله يوفقج وتنقبلين بالجامعه






ان شاء الله باجر يداومون المنطقه التعليميه وبروح وبقولكم شصار وياي






والله يوفقناااااا

 

[سہكہـرهـہ وذآبہــہـت]

قوه انا بكمل الحادي عشر... عندي مذكرات ونماذج امتحانات --- كنت منازل السنه إلي طافت..
بسأل المتزوجات شلون تنظمون وقتكم؟

 

[kanoosha]

بنات يعني باجر اروح التعليميه اسجل؟؟؟؟ وااااي يارب يارب ايب نسبه وادخل التربيه واحقق اللي ابيه وايد خااايفه

 

[بقلبي انت]

قوه بنات وانا بعد ناويه اكمل رابعه ثانوي ادبي وان شاءالله اقدر اوفق بين دراستي ودراسة
بناتي وولدي هالسنه اولي ابتدائي يعني بيكون علي ضغط بس انا ناويه اسويلي جدول وانظم حياتي
واضغط على نفسي عشان اتوفق بدراستي واخلص

 

[بقلبي انت]

انا بالمنطقه العاشره

 

[انثى الكويت]

بنات انا علمي والكل ادبي
ليش محد معاي

العلمي اشمل لكل شي ليش ما تدشونه

حتى المحاسبه صارت ما اقبل الا الي تشغيلهم علمي بس


اخاف صعب


والمشكله ابي كتب علمي ومحد من البنات تجاوب معاي عالاقل اخذ فكره عن المنهج اتصفح وراي ادور مدرسين خصوصيين للضروره ووقت الامتحانات

 

[بنفسجيه_Q8]

سكره:ان شاء الله نقدر نسق وندرس واحنا متزوجات عادي اضغطي على نفسج كلها ثمان شهور انا دوام وزواج وواول بيبي وان شاء الله يعيني ويقدري مااقصر ويا احد منهم


بقلبي انت:
اذا مو موظفه سهل عليج تنسقين عدلي نومج وادرسي الصبح ودرسي عيالج قبل لا تروحين المدرسه وبجذي تكونين ماقصرتي


انثى كويتيه:
اييه صاجه اغلب التجمع ادبي فديتج انتي تبين كتب علمي طلبتيهم متأخر لانه اغلب البنات يقطون كتبهم بعد النتايج
والله يوفقج ويانا






بنات خلونا نشجع بعض اكثر مانبي نقرا احباطات بروحي متخوفه

 

[سہكہـرهـہ وذآبہــہـت]

بنفسجيه ليش الأحباط تدرين السنه إلي طافت نسبة نجاح المسائي مرتفعه.. أختي تدرس علمي مسائي
تقول محد ساقط وكلهم نسبهم عاليه

 

[بنفسجيه_Q8]

سكره:الله يسمع منج ويوفق الجميع ونجيب النسبه اللي نتمناهاا


انثى كويتيه:
نسيت لا اقولج ترى موقع منتدى مدرستي راح ينفعج يعطيج خلفيه للمناهج والمراجعات والامتحانات

 

[ضحكة شفاي]

مرحبااا



انثى كويتيه :
مثلج خايفه افشل زوجي لانه هو الوحيد مشجعني واذا ماجبت نسبه قمه الاحباط
بأذن الله اشد حيلي واجيب النسبه ترفع الراس واقدر انسق بين الدوام والمسائي والبيبي الجديد


حرم حبيبها:
المنازل بتدرسين كتابين ولازم مدرسين الله يعين فكري بالموضوع دشي مسائي


صافيه القلب :
شجعتيني الله يوفق اختج ويوفقج يارب


ضحكة شفاي:
الله يوفقج وتنقبلين بالجامعه






ان شاء الله باجر يداومون المنطقه التعليميه وبروح وبقولكم شصار وياي






والله يوفقناااااا

اللـْْـْْْـَِِْْـ♡̨̐ــٍّْـٍّْـہم ⌣•̸̸̮̮̃Ϡٱّمٍـۑّْـْـٍـٍْْـٍـٍْـٍـْْڼ«•ْ⌣•̸̸̮̮̃Ϡ
وياچ ي الغاليه
وعقبال ماافرح فيكم كلكم