تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[ᵀᴴᴱƘsҺɑ]

ثينكيووووووووووو

 

[ريموووووووووووو]

قاعده افكرر اذااا يبت بنت بوكييلهاا الكتب لوووووووول

 

[كويتية^_^كول]

كويتيه كول

لا ماتقدمين استقالتج اذا جامعتج داخل الكويت بس تطلبين من دوامج اجازه دراسيه يعني تفرغ دراسي


انتي وين موظفه وجم. خدمتج بالوظيفه لانه يختلف على حسب للخدمه


انا مثلج خايفه ظروفي ماتسمح اروح كل يوم مسائي بس بستخير وبتوكل على الله

انا بداخليه وماشالله صارلي 10 سنوات بسرعه الايام تركض
يعني مايصير اكمل بعثه برا متأكده ؟؟؟؟؟؟
لانه انا عندي دبلوم وتفوق وكان حلمي اكمل بس مع الضروف اللحين صارت شهادتي قديمه فمامنها فايده

 

[بنفسجيه_Q8]

فرفوره:اي عادي تقدرين تختارين




كويتيه كول:


ماشاء الله تبارك الرحمن
اذا عدتي رابعه يعطونج تفرغ دراسي بالكويت
ويعطونج برا الكويت


لانه معاشج راح يمشي كامل اذا طلبتي اجازه دراسيه خدمتج تسمح لج


ويعطونج اجازه بعد حق الامتحانات




والله يوفقج يارب

 

[كويتية^_^كول]

مشكوره اختي بنفسجيه q8
☺
الله يسمع منج أعيدها وائل معدل واكمل ياااااارب?
لا يقرج 10 سنين ترا بعدي انا صغيره ؛)
(=
انشالله انتي بتولدين بسبتمبر
الله يسهل عليج يارب انا شهر نوفمبر ومايندره وقتها فاينل او. يعطونه أجازه يساعدون؟!
شكلنا بندرس وندرس البيبي ويانا ؛)
الله يعينا يحليلنا والله أمهات مجتهدات ؛)~

 

[بنفسجيه_Q8]

الله يوفقج

تسلمين حبيبتي والله يجزاج


يعين الجميع اييه امهات مجتهدات


والواحد لازم يكون له طموح ولازم بهالتجمع نشجع بعض لانه دوام ودراسه ومولود وزوج


الله يوفقنااا وان شاء الله نجيب النسبه اللي تبرد القلب






بنات اموول وينهاا مابينت وضماد بعد عسى المانع خير

 

[^^طالبه^^]

آب

آب

 

[سندس 90]

باااااك 
بنات أنا بكتب شلون بدرس بس قولو إن شالله إني أمشي على هالبرنامج ؛
أول شي لازم نحط ببالنا :
١) عدم الغياب
٢) الإنتباه مع المعلمه : حتى لو قرآن ترى والله تتذكرين شرحها بالإمتحان
٣) المشاركه لاتستهينون فيها أبداً
٣) الدراسه أول بأول أهم خطوة حتى لو حديث لا تأجلين حفظه الحفظ يسهل حيل من الضغط والتعب بأيام الأمتحانات
٤) تنظيم الوقت والدراسه الصبح " لان سبحان الله دراسة الصبح تركز بالبال بسرعه ( عن تجربة أختي وماشالله جابت نسبة حيل عاليه "
٥) عدم الغياب " أنا والله يمكن ماضيعني غير هالغياب غياب بالهبل وأذكر بنات الله يذكرهم بالخير مايغيبون إلا بظرف وماشالله ألحين بالجامعه
٦) النووووم لازم ننام من ١٠ يعني ماتجي الساعه ١٢ إلا واحنا بسابع نومة وغرقانين بأحلامنا بعد 

خلصنا ألحين من الأساس نجي لدراسه :
القرآن الكريم : حفظ الآيات أول بأول " وفي طريقه حلوه أسمع بالهيدفون صوت أحبه { البراك ، العفاسي ، الغامدي ، العجمي ، السديس ....إلخ } جذي حييييل تسهل طريقة الحفظ + حفظ سبب النزول + معاني الكلمات + التجويد والأحكام سهللله بس لازم نحل التقويم لأن كلها من التقويم + المشاركه والتحضير = بإذن الله نجيب علامه كااااااامله بهالماده
التربيه الإسلاميه : حفظ الحديث والأحديث سهله + المشاركه والانتباه مع الأبله + دفتر كاااامل + لاااازم تحلون التقااويم بالكتاب لأن الأمتحان والله كللله منه خصوصاً الدين = بإذن الله نجيب علامه كاامله
اللغه العربيه " يبيلها تركيز وطولة بال بس سههل " : أول شي نتسلم النصوص { نحفظ الحديث أو السورة المقرره أو الشعر } لاااازم نحفظهم لان فيهم درجات + الفكره الرئيسيه والأحساسات هذول كلهم بالدفتر نحفظهم وكلمات ومعانيها + البلاغه دسم شوي بس سهل ولازم نحفظه أول بأول ولا مانقدر عليه + تاريخ الأدب " أنا كان يغثني يجي من بين الأسطر يعني لازم نحفظ أول بأول أو عالاقل ناخذ فكره عنه +النحو هذا سهل بس المشكله يجيبون شغلات تتعلق بالسنين اللي طافت " أنا زين أذكر أسمي لووول (( والعربي يبيله مذكره + مدرسه = تمشين ويمدحون مذكرة المشاعل )) + دفترررج لاااازم كااامل وبألوان تبييين لان أساس دراستج منه ولا تهملووووون الكتاب " خصوصاً احنا امتحاناتنا من المنطقه والمنطقه أسألتهم أغلبها من الكتاب والتقوييم " = بجذي عالاقل ضمنا درجات نقدرها من جيد إلى جيد جداً





بتكلم إن شالله عن الباقي خصوووصاً حبيب الششعب الإنجليزي 


لان شررحه يطول وانا مققفله واعذروني إذا متلخبط كلاامي لأني أكتب من الايفون

 

[بنفسجيه_Q8]

مشكوره حبيبتي سندس

على طريقة الدراسه.

 

[انثى الكويت]

كويتيه كول انا دفعه ٩٩ بس اهم مالهم شغل باي دفه يبون شهادتي القديمه اي سنه تخرجت

انا تخرجت ٢٠٠٣ الحين

 

[كويتية^_^كول]

اختي أنثي الكويت
انا رحتلهم قتلهم انا خريجه ٩٩ من مقرارات فشلون اعيد ثالثه ورابعه ولا بس رابعه؟؟
قالولي نشوف انتي اي دفعه مو سنه الدفعه فانا دفعه ٩٥ فراح اعيد ٣ و ٤

فمادري اختي مابي اللخبط معلوماتج يمكن كل وحده غير حسب الدفعه ؟!
تأكدي منهم احسن

 

[شواقه2009]

بنات انا في لتجاري وودي اعيد 12 بس خايفه لانه اخاف اعيدها والمدرسه الي انا فيها تكون شديده

منو في حولي ومكمله ليلي

 

[فرفوره الظفيري]

بنفسجيه ,, واايد مشكوره ريحتيني
يعني راح تكونين رفيجتي وهياااا :eh_s(9):

سندس ,, يعطيج العااافيه :eh_s(17):​

 

[إلشآمخة]

معاكم باذن الله
بس ابي وحده فاهمه بنظام الجامعه ودراسة الموظفات ان شاإاءالله تدخل علي بليز

 

[بنفسجيه_Q8]

صباح الخير

شواقه ٢٠٠٩:
استخيري وتوكلي على الله ان شاء الله سهالات


فرفوره:
فديتج ان شاء الله نشجع بعض اذا صرنااا بحواء


الشامخه:
الموظفه بعد ماتخرج من ثانويه تطلب تفرغ دراسي يعطونها وتكمل بجامعه الكويت
انا موظفه بالمدرسه وتقدم طلب الاجازه الدراسيه شهر ٣ يعني قبل امتحانات الفاينل وان شاء الله بقدم طلب
بس حبيبتي حسب الخدمه اللي خدمتهاا سنتين واقل بدون راتب اللي ثلاث سنين ربع راتب واللي اربع سنين نص راتب اما اللي خمس سنين وفوق الراتب كامل
انا خدمتي سنتين بدش بثالثه


والله يوفقنااااا ونجيب نسبه اللي نتمناها


اموله -ضماد-طالبه


وينكم عسى المانع خير شكلكم لاهين بحوسة العيد هههههههههاي

 

[كويتية^_^كول]

شواقه انا بمحافظه حولي بس مادري وين راح يحطونه
جنه بالسالميه مو متأكده بعد العيد اروح واعطيج الأكيد
بنات كل عام وانتو بخير قبل الزحمه ؛) وعيدكم مبارك وعساكم من عواده

 

[*الهنوف*]

عدت من جديد

تقبل الله طاعتكم اليوم خلاص اهر يوم برمضان ربي يستجيب دعواتكم


بسال انا خريجة سنة 1999
اعيد بس رابعه مو؟؟؟

شي ثاني المسائي في دوام يوم الهميس ولا off

والسؤال الاهم
شسالفت تقسيمة المعدلات مو فاهمه شي انا مثل ماقلت سنة 99 فتمشي علي سالفت التراكمي نت العاشر والحادي عشر؟؟

 

[ضــمــاد]

شواقه انا بمحافظه حولي بس مادري وين راح يحطونه
جنه بالسالميه مو متأكده بعد العيد اروح واعطيج الأكيد
بنات كل عام وانتو بخير قبل الزحمه ؛) وعيدكم مبارك وعساكم من عواده

وحده من البنات لما سألتها


قالت لي ... اللي تبع محافظة حولي .. يروحون بثنويه برميثيه


جنه اسمها ام سلمه .. وتقول متشددين من ناحية الحضور والغياب


بس اللي تلتزم بالحضور والغياب تضمن ال 25 درجه

 

[ضــمــاد]

اموله -ضماد-طالبه


وينكم عسى المانع خير شكلكم لاهين بحوسة العيد هههههههههاي

لووووووووول أنا موجوده مثل ماقلتي لاهيه هاليومين

 

[بنفسجيه_Q8]

كل عام وانتم بخير وعيدكم مبارك
وتقبل الله طاعتكم