تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[هوااااويه]

السلام عليكم بنات شلونكم


بنات انا خايفه حدي اخاف اسقط والا ما اجيب نسبه واتفشل


المهم بنات ممكن سؤال انا كنت داخله من قبل دورات خاصه بس الحين ابي اعيد رابعه تتوقعون التطبيقي يقبلني على شهادتي الجديده


ادري دوختكم بقرقرتي​

 

[انثى الكويت]

بنفسجية ما قصرتي حبيبتي

سندس عدل كلامج الطموح ما يوقفه شي

ضماد انتي ١٠٠٪ مو مهم العمر المهم توصلون للي تبونه اهم شي ومرده بيفيدني اكثر من اي احد

هوااااااويه كلنا نفس تفكيرج نتفشل ومانييب نسبه بس باذن الواحد الاحد انه نقدر


الي اعرف يصير بس ما تاخذين دبلوم يعني مالج الا تربيه اساسيه شهادتج قبل دبلوم لازم تاخذين باكالريوس

 

[بنفسجيه_Q8]

نبض الخفوق:اغلبنا او كلنااا بالتجمع ادبي يعني راح نفيد ونستفيد ان شاء الله يعني اذا مالقيتي كتب بنساعدج
لاتحاتين


ضماد:
كلامج عين العقل الشهاده اهم شي والدراسه ماتعوقهااا عمر ولا وقت اهم شي الاراده
والبنت لازم تدرس شهادتها تنفعهااا


هوايه:
الكل مثلج خايف مايجيب نسبه ونتفشل
لازم تكون عندج اراده وتشدين حيلج مالج شغل بالناس وكلامهم اللي يسمع كلام الناس بينحبط ويتعب
مو لازم تعلمين الكل بتدرسين اذا كنتي مو متزوجه بس اهلج
مو لازم العايله تدري
واذا متزوجه زوجج وبس
وانا متخرجه من الدورات الخاصه وموظفه وبعيد رابعه ثانوي لانه عندي طمووح
وفوق هذا بولد يعني عندي بيبي
بس بشد حيلي وبنسق وقتي والله لا يخيب تعبي وتعب البنات


انثى كويتيه:
ولو حاضرين نعين ونعاون




والله يوفقناا بنسب ترفع الراس
حدي متشوووقه ادرس


عندي مراجعات لبعض المواد شلون انزلهااا

 

[^^طالبه^^]

حبيبتي طالبه انا بعيدها
بليز أبيج تشوفيلي نسبتي وجم يبيلي أييب ب 12 واللي يعافيج
بعاشر النسبة : 66،50 والمعدل التراكمي : 6،65
ب11 النسبة : 62،79 والمعدل التراكمي : 18،84
ب12 النسبة : 68،64 والمعدل التراكمي : 41،18

حبيبتي
اكثر نسبه تقدرين تاخذينها لمي تعيدين 12
85.49 بالضبط

لان مجموعج بـ10 و11
25.49

يعني لو طموحج انج تدشين التربيه الاساسيه يبيلج نسبه 75

لازم تجيبين نسبه بـ12
اقل نسبه اهي 83
علشان تصير نسبتج بمجموع الموحد 75.29
يعني لازم يكون طموحج فوق انج تجيبين 85

اذا جبتي 85
تصير نسبتج 76.49

اما اذا تبين الجامعه لازم نسبتج تصير 90 بالضبط
علشان تصير نسبتج اخر السنه 79.49

والله يسهل عليج وشدي حيلج حبيبتي

لا تتساهلين بشيء عادي انا نفس حالتج وطموحي التربيه الجامعه بشد حيلي ولازم اجيب اقل شيء 92

تكفين دعواااتج لي والله يوفقج ويسهل امورج يارب

و ويوفقنا جميعا :yaaaaaarb:

 

[اتعب علي]

بنات شنو يعني اطلع شهادتي ! انا رحت المنطقه التعليميه بس عطوني الطلبات وقالولي روحي الرابيه بس !!

 

[بنفسجيه_Q8]

اتعب علي:لا لازم الشهاده عشان يعرفون انتي اي مرحله اخذي طلبات ووديهاا للمدرسه لما يدامون ويرسلونها للمنطقه
انتي الرابيه
انا رحت المنطقه التعليميه قالوا انتي بحواء اللي بالاندلس
بس طلبو مني شهادة ١١ و١٢
وقالوا باجي الطلبات وديهاا للمدرسه
انتي معاي بمنطقة الفروانيه التعليميه شلون ماطلبو منح الموظفات اطلعين شهادتج

 

[اتعب علي]

بنفسجيه والله قالولي بس هاج الطلبات وروحي لاسجلوني ولا شي سمعت بعد يصدقون الشهاده لوول مادري شستفدت من روحتي دشيت الموظفات طايحيله سوالف مالهم خلق اصلا مادري باجر اروح ولا اخليها بعدين

 

[هوااااويه]

أنثى الكويت

مشكوووره يا قلبي عاد أنا اتمنى من كل قلبي ادخل تربيه أساسيه


بنفسجيه مشكووووووره. يا قلبي. الله يخلي لج ولدج أنا مومتزوجه

بنات صراحه كلامكم حيل رفع معنوياتي

​

 

[سہكہـرهـہ وذآبہــہـت]

بنفسجيه ترا الموظفات عليمياات مايعرفون شي .... انطري المدارس تبطل واخذي الطلبات منهم احسن

 

[سہكہـرهـہ وذآبہــہـت]

قصدي اتعب علي.. سوري عبالي بنفسجيه

 

[سہكہـرهـہ وذآبہــہـت]

بنات انا بكمل من الحادي عشر.. منو معاي؟

 

[مهاوي44]

متحمسه وبنفس الوقت اخاف اتعب من الصبح الدوام و العصر المدرسه

 

[انا شاطره]

شلووووونكم بنات
اناتوظفت العام اخر السنه سكرتيره بروضه صراحه ماعجبتني الوظفيه ابي اصير افضل انا متزوجه ماعندي اعيال قلت فرصه خليني اعيده بهلوقت قبل لا اجيب اعيال انا زوجي امحمسني حيل وانا طموحه ابي ادش تربيه الاساسيه انا اقول دوامي 9/9 شلون بنسق بين دوامي والمسائي وحياتي بس انشالله بتوكل علا الله اليوم بصلي صلاه الاستخاره وانشالله بسجل هالاسبوع


علا فكره انا دفعه2005مقررات ظلممممممممممني حيل المقرارت



انا بطاقتي عالعدان وين يحطوني



وانا شاطره:ggdw:

 

[^^طالبه^^]

يحطونج بفارعه بنت ابي صلت بضاحيه

 

[انثى الكويت]

انا شاطره بالعكس المقررات زين وايد

يحد الطالب يجتهد بكل مراحله وهذا الصح

بس احنا كنا نلعب بالثانويه اخخخخخخخ ورفيجتنا. يسوون روحهم كسلاه واهم هات بلعه بالكتاب
نحيسااات


اتعب علي روحي واخذي كتاب تعديل نسبه وشهادتج مصدقه لازم من المتطقه

والطلبات كلها بملف وتودينهم المدرسه وقت التسجيل


سسسسكره اغلبيتنا موظفات بنداوم الصبح وبليل مدرسه اهو تعب

بس كلها جم شهر نضغط على نفسنا ونييب النتيجه


شدووو حيلكم نبي شهايد واحسن الوظايف


الله يوفقنا



اموله نسيتيني صحححححح <<<<<< بلشت تحن خخخخخخخخخخخخ

 

[انثى الكويت]

بنات اخذو اوراقكم قبل لا تبلش المدارس الاسبوع الياي مدرسات واولى ابتدائي وزحمة شوارع

 

[kanoosha]

شلووووونكم بنات
اناتوظفت العام اخر السنه سكرتيره بروضه صراحه ماعجبتني الوظفيه ابي اصير افضل انا متزوجه ماعندي اعيال قلت فرصه خليني اعيده بهلوقت قبل لا اجيب اعيال انا زوجي امحمسني حيل وانا طموحه ابي ادش تربيه الاساسيه انا اقول دوامي 9/9 شلون بنسق بين دوامي والمسائي وحياتي بس انشالله بتوكل علا الله اليوم بصلي صلاه الاستخاره وانشالله بسجل هالاسبوع


علا فكره انا دفعه2005مقررات ظلممممممممممني حيل المقرارت



انا بطاقتي عالعدان وين يحطوني



وانا شاطره:ggdw:

يحطونج بفارع بصباح السالم يمكن يعني انتي معاااي يلا زين

 

[نبض آلخفوق]

مومعقوله بنات ولا وحده عندها گتب رابعه ادبي شدعوه عليگم &#55357;&#56869;

 

[ضــمــاد]

اتعب علي



أنتي تبع اي منطقة تعليميه ؟

 

[سندس 90]

اليوووم راح أخوي للمنطقه التعليميه وسألهم أسئلة أنا عااارفتها
قالوله عااادي ماتسقط شهاادتج القديمه
وقالوله يبطل التسجيل بشهر ١٠ ،، من صجهاا
عااد ماادري
بس بروح مره ثانيه وااخذ شهاادتي وأسألهم عن الدفعه