تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[^^طالبه^^]

1. -قران = 65.50
   
2. - تربية اسلامية = 72.00
   
3. - انجليزي= 50.00
   
4. - رياضيات واحصاء = 53.50
   
5. - العاب = 74.50
   
6. - حاسوب 77.50
   
7. - دستور =69.00
   
8. - تاريخ = 62.00
   
9. - جغرافيا = 69.00
   
10. - فلسفه = 54.50
    
11. - فرنسي = 58.50
    
12. - اختيار حر 87.5
    
13. اختيارالحر =95.5
    
14. اللغه العربية = 62.00

تفشل من امه فلسفه وانجليزي العقده
والعربي القواعد

لوووووووووووول انتي ناجحه جوازاً ولا شنوو ههههههههههه درجاتج حييل نازله
لا انا بالمواد الادبيه كنت اقل درجه عندي 73 اللي اهي الفلسفه
التاريخ =85
جغرافيا=76
فرنسي=57
انجليزي وفرنسي والعربي اهما اللي اقلبوني فوق تحت ولا المفروض نسبتي فوق 75
الله كريم بنات

بعيدها علشان التربيه الاساسيه بصير مدرسه زهقت :yaaaaaarb:

 

[^^طالبه^^]

هلا طالبه
لا مايروح منج لا الدبلوم ولا الشهادة الثانويه القديمه كلهم يتمون عندج وتقدرين تستخدمينهم
واذا تخرجتي مره ثانيه همن عادي يقبلونج مره ثانيه بس ماتسجلين بالنت لا تروحين تراجعينهم < متأكده من هالمعلوومه
واي سؤال لايردج الا كيبوردج :eh_s(7):

مشكوره

 

[دكتورة سارة]

عادي اكون موظفه بالحكومة الصبح و اعيد رابعه ثانوي بنفس الوقت منازل ؟؟؟

 

[wardia]

شلوووووووووونكم بناااااااااات ,, بنات انا حالتي حالة المهم ماعلينا

ااابي اعييييييييدالثانوية من ادبي ليه علمي ..بس والله خاااااااااااااايفه ما أمشي افيييييييه وانا خريجة مقررات , انا ابي علمي عشان تخصصاتهم زينة انا ودي ادرس صيدلة بس والله خاايفه اسقط

 

[زبدة ككاو]

نصيحه إللي موجايبة نسبه تعيدهـآ آنــآ توني تخرجت مسائي الحمدلله
الشفوي 24 درجه حيييييل ينفعوون ولاتخافون إن ماكو امتحانات فترة هالشي ماضرنــآ ، بالعكس تشجعوو وشدوو حيلكم صح يحسبون عــآشر و 11 بــس النسبة كلها على 12 ..
وأي سؤال أنــآ حاضرة وإللي مــآ أرد عليها تدزلي بالخاص لأن ممكن مـآ أشووف الموضوع​

 

[زبدة ككاو]

شلوووووووووونكم بناااااااااات ,, بنات انا حالتي حالة المهم ماعلينا

ااابي اعييييييييدالثانوية من ادبي ليه علمي ..بس والله خاااااااااااااايفه ما أمشي افيييييييه وانا خريجة مقررات , انا ابي علمي عشان تخصصاتهم زينة انا ودي ادرس صيدلة بس والله خاايفه اسقط

إذا إنتي مقررات مــآيحسبون عاشر و11 بس إذا تبين علمي رآح تعيدين 11
لآزم تتعبين حرام إذآ مو واثقه من نتيجتج دشي أدبي وشدي حيلج شوووي راح تجيبين نسبه بإذن الله لأن بس 12

 

[زبدة ككاو]

عادي اكون موظفه بالحكومة الصبح و اعيد رابعه ثانوي بنفس الوقت منازل ؟؟؟

عــآدي حبيبتي آنــآ موظفه ودرست بس نصيحه إذآ بتعيدين رابعه عيديها مسائي لأن المنازل نادر يجيبون نسبه ماعليه اتعبي بس 24 درجه شفوي حييييل تفيد .. وحزة الإمتحانات إخذي إجازة دراسية وترى كل الوزارات يعطوون لحد يقولج مايصير لأني خذيتها الكورس الأول ورفيجاتي بالمالية والشؤون قالو مايصير بس خذوها الكورس الثاني لأنها من حق الكل​

 

[زبدة ككاو]

بنات بغيت اسآلكم تقسم الدرجات نفس العام الي طاف

يعني 4 درجات اعمال وباقي الدرجه بشهاده للآمتحان

لان اختي خريجه هالسنه مسائي وكانو معدلين لهم الكورس الاول مثل الصباحي بس ماخلوهم نفس الصباحي الفتره الثالثه مو موجوده عندهمم فهمتو

يعني مادري عدلو النظام او لا عفيه البنت الي تقدر تسآل تعطينا خبر
لان هذا شيء يريحنا لو 12 درجه نفس النظام القديم علي الاعمال يعني الضغط علينا مايزيد اما اذا كل الدرجه مالت الشهاده علي الامتحان صدقوني بيصير ضغط

البنت الي تقدر تسال او عندها معلومات تفيدنا تكفون بنات

إختي إخذيها مني 12 الشهر الأول و 12 الشهر الثــآني يعني 24 درجه الشفوي بالعربي والانجليزي والتاريخ والجغرافيا وفرنسي
و9 درجات الشهر الأول و9 درجات الشهر الثاني يعني الكورس 18 درجه هذا بالنسبة للفلسفه والإسلامية
وباقي دستور وحاسوب وقرآن هذيلة درجتهم بالشهاده من 20 بس مــآ أدري بجم الشفوي بس سهالات إن شــآءلله

طبعا هذا للأدبي والعلمي نفس الشي ..

لآ ضغط ولا شي لاتحاتين بس شدي حيلج مافيه شي سهل​

 

[زبدة ككاو]

حق السنة الياية ؟

انا اعرف واحد يصير لنا قدم السنة اللي طافت بشهر ٩

الله كريم

يا ريت وحده تجاوبني متى اخر يوم تقديم

المنازل أعتقد لي شهر 2 مومتــأكده بس يطول تسجيلهم لآتحاتين

 

[زبدة ككاو]

ادري اذيتكم بالاسئلة بس بغيت اسأل اذا كنت خريجه ٢٠٠٥ اعيد كل سنوات الثانوي ولا بس رابعه ؟؟

و شلون حساب المعدل ؟ السنة الأخيرة بس من ١٠٠ ولا يحسبون درجاتي القديمة ؟؟

لآ حبيبتي بس تعيدين رابعه وإنتي 2005 معناته بس يحسبون رابعه ثنوي

 

[زبدة ككاو]

وناسه جان زين الله يبشرج بالشهاده لانه انا سمعت تسقطين شهادتج وابوج اهو اللي يسقطها لج ويخلون لج الاقل


انتي وين تدرسين بتعيدين رابعه والالا؟

زين ماتدرين جم يحق لنا نعيد رابعه ؟ مره وحده والا اكثر

حبيبتي مـآتسقط شهادتج ولاشي بالعكس عادي شهادتج موجوده مالهم شغل فيها هذا بس كلام يخوفونج فيه​

 

[زبدة ككاو]

باااك لعيون اموووول
حبيبتي يحق لج تعيدينها 3 مرات بس بشرط كل ماتعيدينها مثلا كانت نسبتج قبل الاعاده 60 وعدتيها اول مره وجبتي 62 لازم قبل لا تقولين بعيد السنه تقولين ردوني علي شهادتي القديمه لان اذا 62 اخترتيها راح يثبتون لج اياها واهي بس مره تعيدين الثانويه بمعني انج تعتمدين شهاده بس تحاولين 3 مرات

لأ إختي معلومتج غلط لج حق مرة وحده تبيعينها إذا سجلتي وسحبتي عادي تسجلين مرة ثانية بس إذا تخرجتي مالج حق ​

 

[زبدة ككاو]

انا معاكم خريجه ٢٠٠٨
نسبتي ٨٥ علمي

اللحين انا كنت مو نظام موحد


يعني يحسبون لي ١٢ من ميه



بعيد هالسنه


طبعا انا من العاشره

إذا ماكنتي نظام موحد يحسبون 12 بس إذا خذيتي 90 بـ 12 تتخرجين نسبتج 90 جذي الطريقة ​

 

[زبدة ككاو]

السلام عليكم

انا ان شاءالله مفكره اعيد الثانويه بس اخر سنه لاني متخرجه من موحد آدبي

وتوني ماصارلي سنه من طلعت من التجاري وماخذه دبلوم جيد جدا مرتفع ادري بتقولون اخذي تفرق دراسي بعد سنتين من تشتغلين بس وقتها عمري بيطوف 25 وانا قاعده بس انطر حبيت استثمر قعدتي بالبيت ومابي انطر الديوان متي يوظفني ومتي اقدم اجازه دراسيه لا خلاص زهقت من الاحلام الي يمكن انها ماتتحقق
وحبيت اكمل انا بنفسي واعيد الثانويه
والي سمعته مايآثر علي شهادتي بديوان لاني انا خلاص قدمت قريب بيطلع ان شاءالله اسمي

سؤالي الحين ؟؟
انا لمي اخلص من الثانويه وعدتها و يبت مجموع فوق 75 هل راح تقبلني التطبيقي بكلية التربيه الاساسيه لاني عايده شهادتي بس علشانها بتكون وقتها شهادتي مثل الي توها متخرجه هل راح يقبلوني او لا عفيه بنات جابوني :eh_s(2)::eh_s(2)::eh_s(2):

حبيبتي يقبلونج التربية بس ماتقدرين تقدمين إذا إسمج بالديوان يعني الموظفه تقدر تاخذ إجــآزة دراسية بس إنتي لأ لأن بيطلع إسمج مقيد بالديوان لآزم تستقيلين أو تسحبين أوراقج مــآ أدري شنو الطريقة بس إنتي درسي ونطري لاتسحبين أوراقج ولاشي خلي إسمج بالديوان وإدرسي مسائي ولكل حادث حديث والله يوفقج حبيبتي بس فكري بهالخطوة لأني شفتج مومفكرة فيها​

 

[^^طالبه^^]

زبدة ككاو

حبيبتي اذا عدتها يآثر علي بديوان لاني توني ماتوظفت ؟ ناطره اسمي
وهل يروح الدبلوم ؟؟
وهل اقدر اقدم علي التطبيقي لاني انا خريجة تجاري مايصير ارجع الا بعد التوظيف بسنتين بتفرغ دراسي تكفين جاوبيني حبوببه

 

[wardia]

إذا إنتي مقررات مــآيحسبون عاشر و11 بس إذا تبين علمي رآح تعيدين 11
لآزم تتعبين حرام إذآ مو واثقه من نتيجتج دشي أدبي وشدي حيلج شوووي راح تجيبين نسبه بإذن الله لأن بس
12

حبيبتي انا كنت أدبي ومعدلي كان 3.74 أول ماتخرجت ودشيت الجامعة والحين بتخرج ، انا متحسفة قد شعر راسي اني دشيت أدبي وانا مصرة اني اعيدها علمي لكن التردد و الخوف ذابحني

ابي احد نفسي كان ادبي وحولت علمي والله ببجي من الحسرة استغفرالله

زين اذا انا كنت ساكنة في عبدالله مبارك (الفروانية ) وين يقطوني

 

[زبدة ككاو]

انا بس تصير لي فرصة بروح أكلم المنطقة التعليمية عن كل شي قبل لا أسقط شهادتي و اسجل


وانتوا بنات سالوا منقطتكم التعليمية قبل لاتلغون شهادتكم


لانه سمعت اذا مايبتي نسبة يخلون لج النسبة الاوليه بليز سالوا لنا بهالنقطه اذا صج ماراح تاثر علينا وخصوصاً اذا بنتوظف

حبيبتي ماله شغل لا إسقاط شهادة ولاشي أنــآ أشتغل بالمنطقة التعليمية
خليني أقولج ياها بطريقة ثانية .. آنــآ موظفة وعدت رابعه أوكي إلحين مــآنــآدوني ولاشي
أوكي آنــآ متوظفه على شهادتي الثنوي يعني لو أسقطووهــآ جــآن عطوني خبر أو طلعوني من وظيفتي عرفتي قصدي بس إذا تبين تتــأكيد وترتاحين رووحي ســألي بنفسج​

 

[دكتورة سارة]

زبدة ككاو مشكوووورة عالمعلومات الحلوة. يعطيج الف عافيه

 

[زبدة ككاو]

حبيبتي انا كنت أدبي ومعدلي كان 3.74 أول ماتخرجت ودشيت الجامعة والحين بتخرج ، انا متحسفة قد شعر راسي اني دشيت أدبي وانا مصرة اني اعيدها علمي لكن التردد و الخوف ذابحني

ابي احد نفسي كان ادبي وحولت علمي والله ببجي من الحسرة استغفرالله

زين اذا انا كنت ساكنة في عبدالله مبارك (الفروانية ) وين يقطوني

حبيبتي أول شغله الجــآمعه لا تطلعين منها خليج عليهــآ وإذآ بتسجلين مالهم شغل لاتقولين إنج تدرسين بالجامعه هذي شغله
ثاني شغله راح تعيدين 11 علمي جربي إدخلي منتي خسرانة شي صدقيني بس شوفي إذا سهله الحمدلله وكملي وإذآ عندج طمووحه راح تمشين صدقيني .. الكورس الأول كانت نسبتي مونفس إللي أبيها .. أغلب البنات سحبو بس عقب زادنا الوزير 6% الحمدلله وكل إللي سحبو تحسفوو
يعني نصيحه كملي ولاتسحبين من أولتها وتهونين صدقيني سهالات
بخصوص المدرسة مــآعندي علم والله حبيبتي بس سألي شنو أحسن مدرسةعندكم​

 

[زبدة ككاو]

حيــىكم بنات لابتوبي بيطفي أي سؤال آنــآ موجوده
رآح أرد عليكم إن شــآءلله​