""تجمــــع مسافراات أوربــــا 2012""

[عزاااه]

هلا هلا

 

[عزاااه]

ماحجزتي دانه

 

[عزاااه]

هذه المعلومات اللي جمعتها
ألمــــــــانيـــــــا :
التســــوق:
اهم الساحات والشوارع المشهوره بميونخ .... وأشهرها هي Marienplatz المارينا بلاتز وهي سنتر المدينه التي يقصدها جميع السياح موقعها بقلب ميونخ وتبعد عن محطة القطارات الرئيسيه كيلو نصف ... ويوجد بها أهم اندرقراوند بميونخ .. ويسمى بالانجليزيه Marienplatz undergroundstation او الالمانيه U-Bahnhof Marienplatz:
والشارع الاخر والمجاور هو كالرز بلاتز Karlsplatz وهو شارع التسوق الرئيسي


والشارع الثالث هو ماكسيميليان ستراشا للماركات العالميه Maximilian str ويتفرع من هذا الشارع اودنيزبلاتزodeons platza


والشارع الرابع ايضا للتسوق هو Kaufinger Strasse


جميع الشوارع هي متصله ببعض ومترابطه وجميعا فيها المقاهي والمطاعم والخدمات المتنوعه
نبذه عن اهم المحلات والمجمعات بهذي الشوارع ...
( Kaufhof – Karstadt ) يقعون بمنتصف شارع كارلز بلاتز ومارينا بلاتز .. ومحلات مثل H&M و C&A
متاجر شهيره ( theresa )( lodenfrie) و مجمع ريم اركادا RIEM ARCADEN Shopping.
اما الماركات مثل غوتشي .. مونت بلانك .. فالنتينو وغيرها .. فهي بشارع الماركات.




- Outlet
الآوت ليت ingolstadt villge شمال ميونخ ساعة الا ربع بالسيارة تقريبا وهو مفتوح طول السنة ، لكن هناك ماهو أجود منه وهو ميتزينقن Metzingen وهو جنوب شتوتغارت بمسافة 40 كيلو .. يعني بالسيارة أكثر من ساعتين عن ميونخ (تقريبا) وهو في الأصل مصنع هوقو بوس ثم خصصوه للآوت ليت لعدد كبير من الماركات وبعضها متخصصة للأطفال .. الاوت ليت الذي يستحق الزياره فعلا اوت لت ميتزنقن بجانب شتوتقارت


اما اوت لت انقول شتات فهو مواسم احيانا يكون مميز واحيانا يكون جدا سيء.


اوت لت اسكادا الموجود في ميونخ .الاوت لت نوعا ما صغير ويحتوي على مبنيين مفصولات عن بعض يحتوي على عدد من الماركات لكن اغلبها لاسكادا يوجد بعض الملابس من ميسوني وجست كافالي وربرتو كافالي ورالف لورين ولاكوست وخلافه .
قبل الدخول الى اي مبنى لازم يكون معك الجواز وتعبا استمارة دخول وراح يعطونك كرت بناء عليها.. والكرت يسمح لك بدخول المبنيين فقط خلال يوم واحد او راح تضطر انك تطلب التقديم على بطاقة زبون لديهم يوجد لوكرز خاصه للي معهم حقايب او مظلات للمطر
المبنى الاول: ويسمى سكند سيزون Second Season ويوجد فيه ملابس واحذيه وشنط لكن اغلبها قديمه من سنه او سنتين او اكثر والتخفيض عليها كبير جدا .
المبنى الثاني : فاشن ديزان Fashion Design ويوجد فيها عدد كبير من التشكيلات الجديده من شنط وحقايب وجزم اغلب الملابس فيها جديده التخفيض بسيط لكنه يفرق عن اسعار السوق ويوجد فيها اشياء كثره تستحق الشراء في نفس المبنى هذا يوجد محل خاص بالعطور والماكياج واسعارهم تفرق عن السوق واسعار العطورات مشجعه .
الموقع :
الاولت لت موجود في ضواحي ميونخ بالضبط في أشايم Aschheim
وعنوانه : Margaretha-Ley-Ring 23, 85609 Aschheim, Germany‏

 

[^ دانة الزين^]

هلا حبيبتي عزاه

حجزت التذاكر و السكن بس بميونخ سوولي سالفه وكنسلت الحجز ولي الحين ماني عارفه وين اسكن دزيت ايميل حق اكثر من فندق وناطره الرد منهم

وباقي حجز السياره

 

[عزاااه]

اي فندق بميونخ حجزتي

 

[عزاااه]

اي خطوط دانه حجزتي

 

[عزاااه]

اب اب

 

[عزاااه]

وينج

 

[عزاااه]

اب اب

 

[^ دانة الزين^]

كنت حاجزه شقه ب citadines حق اربع اشخاص وسوولي سالفه لان احنا عددنا 5 والزياده ولدي عمره 3 سنين ما رضوا قالولي الا تاخذين شقه ومعاها ستوديو ومو كونكتد تخيلي !!!! عيالي صغار شلون يقعدون بغرفه بروحهم ما رضوا عاد خليتهم يولون وكنسلت الحجز و الحين متوهقه ماني عارفه وين احجز

 

[^ دانة الزين^]

طيران الخليج

الله يستر اول مره اجربه بس انشاءالله خير

 

[^ دانة الزين^]

عزاه اذا عندج سكن زين بميونخ عفيه قوليلي حدي متوهقه

 

[^ دانة الزين^]

King's Hotel Center Superior

سامعه بهذا الفندق؟؟؟ في 3 نجوم و اربع نجوم موقعه حلووو بس ما سمعت احد جربه وخايفه احجز فيه

 

[عزاااه]

انا حجز فندق دشي رابطه شوفيه اذا عجبج حجزي تروين للسنتر مشي ٥ دقايق
http://www.booking.com/hotel/de/metropol.html?aid=309654&label=postbooking_confemai

 

[^ دانة الزين^]

عندج خبر اذا في كونكتد رومز

 

[عزاااه]

والله مالج ماسمعت عنه

 

[عزاااه]

عندج خبر اذا في كونكتد رومز

مافهمت شنو يعني رومز

 

[عزاااه]

الفندق مالي قريب يم محطه القطار تطلعين مشي

 

[كنوز78]

توني اشوف الحجوزات عالنت.. كويت فيينا شهر ثلاثه الاماراتيه تذكرتين 383 و القطريه 399 و الترانزيت مالها متعب,... و اللوفتهانزا 431.. يعني انسب شي الاماراتيه و طيرانها مريح

 

[^ دانة الزين^]

قصدي غرف متصله ببعضها