""تجمــــع مسافراات أوربــــا 2012""

["*آآآنؤؤؤقهـ*"]

عزااااااه رفيجتي راحت نظام قروبات

تقوووووول ارخص واوفرررررر

 

["*آآآنؤؤؤقهـ*"]

بنات


سويسرااا



وابي دولتين بعد معاهم


شنوو اختاااااااار؟؟؟؟

 

["*آآآنؤؤؤقهـ*"]

وكل وحده تقولنا عن احلىىى الدوووول الاوربيييه

 

[law love]

ان شاء اذا الله سهل نص ١١ رايحين ايطاليا

لي رجعه اقولكم عن سفراتي و الفنادق اللي جربتها

 

["*آآآنؤؤؤقهـ*"]

لوا لووف

ع خييير تروحين وترديين بسلاااامه

حيااج حبيبتي

محتاجين افادتج فديتج


لاتقاطعييييييين

 

[قانونية]

انوووووقه

انا من رايي

تاخذون طيران لوفتانزا ودايركت من الكويت لي فرانكفورت
من تطبين بفرانكفورت اخذوا سياره يا تروحون منطقه بادن بادن يا رست

تقعدين 3 ايام وتروحون اليورب بارك
وبعدها تروحون حق انترلاكن تبعد تقريبا 3 ساعات
وتقعدين فيها اسبوع
وبالاسبوع هذا تروحين حق
لوزرين وهايدي لاند وقمه تتلس والبلوسي والاوشن شي وشلالات تروميل باخ وفي مناطق حلوه بس موحافظه اسمها عدل
وبعد تقدرين تروحين عاصمه سويسرا الي في بيرن فيها بيت انشتاين ومتحف عنه
وتروحين منطقه زرمات اممممم

وبعدين تروحين منطقه ديفون هذي الريفيرا الفرنسيه او الريف الفرنسي قريبه عند جنيف تروحين يوم جنيف تبعد عن جنيف ربع ساعه
وتروحين بعد حق ( ايفيان وانسي وشامونيه مونترو)

اذا ميولكم مو بالالعاب لا طبوا بزيورخ منها لي انترلاكن علي طول

وبحاول انزل صورلكم

 

[قانونية]

هذي بحيره ديفون

 

[قانونية]

انترلاكن الســاحره


















وهذا فيو فندقنا

 

[قانونية]

وهذا الجو بانترلاكن

وهذا منظر فيو من فندقنا الجو كان مغيم

 

[قانونية]

استمتعوا معاي
















والجو الممطر الرهيب

 

[عزاااه]

وناسه

 

[قانونية]

هذي البلوسي

رحت لنا مرتين من كثر ماهي واااااو











وطبعاااا انصحكم تتغدون فيها

هذي سلطه اسمها البلوسي


وهذي سمجه نهر مشويه لريلي



وهذا فليه حقي وااااااااااااااااااااااي ابيهااااااااااااااااااا

 

[قانونية]

لعوزني موقع التحميل بالمنتدي

ورحت حق موقع ثاني

نسييييت التحليه وااااو لازم تذوقون ايس كريم بسويسرا لانه خيااااااااااااااااااااااااااااااااااااااااااااال



وهذه شلالات الراين
تبعد عن انترلاكن يمكن ساعه ونص رحنالها بنفس اليوم الي رحلنا في هايدي لاند
















هدوء وطبيعه وجو بارد ونظره تامل



طبعا الجيزكيك لوتذوقونه تحسون ان صج فرش وموثقيله نفس الي عندناا






المكان حلو بس لورحت سويسرا مره ثانيه ماكرر شلالات الراين بس زرتها عن خاطري

 

[قانونية]

واي تعبت بنات واي سؤال تراني بالخدمه

ونزلت الصور هذي عشان احمسكم

 

[Samurai]

قانونيه .. الله يردنا لها مره ثانيه ان شاءالله

انووقه .. أفضل طيرن اللوفتهنزا ! توقيت وأسعار وخدمه .. خذين تذكرتي بعرض 180 دينار دايركت فرانكفورت
وفيه الطيران الهولندي بس عيبه مرات يطب البحرين ودبي ترانزيت .. فما أنصح فيييه حاليا

ونفس ما قالو ..
طبي فرانكفورت واخذي سيارتج من المطار وروحي بادن بادن حلوه ورومانسية .. قعدي 3 أيام أو 4 ومنها روحي لأوروبا بارك
وستراسبورغ الفرنسيه فيها مجمع جاليريا لافييت ..حلو وفيه أغلب الماركات وماركات مو موجوده عندنا .. خصوصا بدل الأطفال
وبعدها روحي انترلاكن .. بس نصيحه اخذي شقه برا انترلاكن بصراحه انظف وارخص وراحه
راح أعطيج رابط الشقه اللي سكنتها السنه هذي.. في قرية بونيقن تبعد كم كيلو من انترلاكن حتى مره من نشاطنا الزايد رحنا لسنتر انترلاكن مشي .. تقريبا نص ساعه
شقه قبال بحيرة برينز تبعد دقيقتين بس ! نظييييفه وصاحبتها سندي تعاملها رائع وهي عباره عن استيديو لشخصين صغيره وفيها وايرلس مجاني وباركنق سياره مجاني وقبالها محطة الباص .. تعطيج صاحبة السكن كرت المواصلات المجاني اللي تقدرين فيه تستخدمين الباصات مجانا وسعرها 100 فرنك بالليله
فكنا نركب الباص ونروح للسنتر .. ما استخدمنا سيارتنا ذاك الزود
http://chalet.myswitzerland.com/detail/?fewoid=44015
والصور بالموقع اهي نفسها بالضبط على الطبيعه ..

وعندج 3 اختيارات للدوله الثالثه يا ايطاليا أو فرنسا
او النمسا ..
والرده من ميلان أو باريس او (فيينا او ميونخ)

وسير الرحله من فرانكفورت لانترلاكن على الخريطه :

 

[جواهر روعة]

انا بعد حطيت فبالي نسافر المانيا بشهر 5 عشان قبل السيزن والزحمة ... لآن اذا بنطر عقب رمضان بيكون الجو صار بارد و معاي بنتي فاخاف تتعب و تتعبني

وهم قلت اتابع الحجوزات والعروض

بس ما فكرت بدول ثانية ودي اشوف اسبانيا وزلامسي بس ماحددنا بعد المهم الوجهة الاولى المانيا

 

["*آآآنؤؤؤقهـ*"]

قانونيه عزالله بيضتي الوجهه

صج ماقصرتي فديتج مخططج حلوو وهم مخطط سموراي حلوو









قانونيه الصور صج تشووق تعطي دافع اكثرررر


بنفكرر واقولكم مخطط رحلتي تعطووووني راااايكمةيااااهل الخبرره*

 

["*آآآنؤؤؤقهـ*"]

جواااااهر المانياا تهبل يمدحونهااا هي فرانكفورت عاصمة المانيا


بتاخذين بنتج انا بنتي كبر بنتج فأحطهااا عند امي


انتي ليش بتاخذينهاا حطها عند اهلج

هذي اوربا احس تعب ع الاقل تفرغين لنفسسج



والله يحفظ بناتنا من غير شر عند اهلناا

 

["*آآآنؤؤؤقهـ*"]

رديت الموضووع عشان اتأمل الصورررر الرووووعه

 

["*آآآنؤؤؤقهـ*"]

قانونيه حبيبتي طيران لوفتانزا اللي هو شعار بطه طييير ؟؟