""تجمــــع مسافراات أوربــــا 2012""

[عزاااه]

اب اب وينكم

 

[عزاااه]

اب اب

 

[دانه الخليج]

مساكم الله بالخييييييييير بنات معقول ولا واحده ترد علي استفسارنا والخاص بالخطوط للموبيل .......؟

 

[_زينه_]

هلاا داننه والله ماعندي فكره بخصوص خطوطهم

 

[_زينه_]

الي يطلع هالليسن في الكويت هو نادي السيارات الكي تي عنوانه الشويخ مقابل وكاله بيجو للسيارات نفس الشارع الي فيه مركز سلطان الجمله بشويخ طبعا سعر الليسن ١٠ دنانير فقط للسنه الواحده والطلبات صوره شخصيه والليسن الكويتي الاصلي فقط لاغير

واذا انتي ليسنج الجديد .. البيانات مكتوبة بالانجليزي .. عادي يقبلون .. بس احتياطا اخذي الدولي

انا شفت مكتب بحولي يسوي ليسن دولي بعد وقالولنا سعره 10 مدة سنه

بس مو مجرب يعني طحنا عليه صدفه

بس بقول لزوجي يروح اللي قلتي عنه

 

[عزاااه]

اب اب

 

[دانه الخليج]

اب اب

 

[عزاااه]

بنات ان شالله الاحد بصرف فلوس يورو بسبعرف اذا عندكم خبره اذا نازل او مرتفع

 

[عزاااه]

اب اب

 

[fat]

الي بتصرف يورو الحين نازل

 

[photoshopia]

اانا مسافره شهر سبعه الي فات .. ^_^ بقولكم كل المعلومات الي عندي وان شاء الله تفيدكم ..


اول ششي العدد : 6 اشخاص
التذكار والسكن والمصرف كلفو 9 الاف وفوق
المده : اسبوعين ..

طيران .. : klm الهولندي
كلش ماحبيته والله
وماكو تعامل زين
وحنا مستعجلين وبنمشي
وقفونا وقالو لازم تخففون الحمل ومدري شنو
بنص المطار ؟! والطياره مابقا لها شي !!

الطريق
من الكويت لي البحرين .. ومن البحرين لي هولندا .. ومن هولندا اخذنا طياره لي المانيا .. ومن المانيا لي النمسا سياره ..
قعدنا بالنمسا تقريبا 4 ايام
مو بفندق
ببيت على تل .. مأجرينه والمكان حده واو بس ناسيه اسمه وربي .. الاكل عليهم .. لكن مايجيبون لنا الا خبز وحليب وجذي ..
فحنا نسويه بالبيت
والغدا والعشا بمطعم

عندكم الاماكن الحلوه
منجم الملح .. حدا عجيب بالنسبة لي .. هو نفس كوخ .. يدخل فيه قروب بشي نفس القطار لكن مفتوح .. ومافي كراسي متقابله مادري شلون اشرحهه لكم
كأنه اسطوانه وكل واحد قدام الثاني يقعد ..
يوديكم تحت تشوفون شلون يصنعون الملح ويعطيكم شرح .. عقب يصعدكم فوق مشي ويمينكم متاحف وجذي .. راح تركبون زحلاقيه بدون المسكله يمين ويساره
جنها اسطوانه ومفتوحه من داخل ..
اللبس تقريبا نفس كذا

ونفس كذا المكان تقريبا من ديكوؤر وكذا
عقب ماتنزلون يردكم بقطار بره الكوخ ..


..
المكان الثاني
قلعة هيلبرون .. ياربي وربي مو طبيعيه وخصوصا اذا عندكم يهال بتودونهم راح يستانسون
شووفو يا الطيبين ..
اول راح تدخلون القلعه وكلها خدعه
يعني تمشون راح يرش ماي من تحت الارض والشاطر الي يتجنبها
هي عباره عن لعبه تعكس ماضي القائد هيلبرون الي يهوى تعذيب ضيوفه بالخدع
وتجنبوها ..
عاد راح يقعدونكم بمكان نفس الكراسي
وراح يقول نبي 7اشخاص
طبعا انا واخواني اربعه رحنا علطول قعدنا على الكراسي وقال
حطو ايدكم على الطاوله ولا تشيلونها مهمها كان السبب ..! والي يشيلها بقطعها له << هذي كلمة القائد هيلبرون
هع
المهم حطينا ايدنا ويرش ماي من تحت الكرسي ..
وحنا نتحمل ونضحك وجذي ووناس رفعو ايدهم والضحك ووناسه
وكان قروبنا كله اجانب


المهم عقب تتمشون وويوريكم شلون كان يعذي ضيوفه وفجأه يرش عليكم ماي هع

هذي هي الكراسي
الي قعدنا عليها

..

عندكم الزحلاقيه الصيفيه مو طبيعيه يا ناس

الصوره تشرح هع

بس الصغير لازم يركب معاه واحد كبير
ويدوس عدل ..
اما الي فوق 10 سنين تطمنو ماعليهم شرها .. ^_^ لانها بس تخوف للي عمرهم 8 وسبع وجي

وعندكم زلمسي
الصراحه ماعجبتني تمشون وتكشون الذبان والمناظر الله لا يوريكم شاهبه حيل والله
.وعندكم القلعه التركيبيه حلوه للتصوير والكشخه هع .

خلصنا من النمسا ورحنا لسويسرا بسياره .. كان الجو مطر وعجيب
رحنا لانتر لاكن
الي بيروح لها طبيعه فقط لا اكثر
الطببيعه = البوسنه
عندهم قليل مطاعم عيوش ..
الزحلاقيه الصيفيه ماانصحكم فيها خطره وسخيفه وتخرع
مالت النمسا احلى وربي
مالت سويسرا لازم تنقزون منها لما توصل للنهايه لان الزحلاقيه تدخل داخل صندوق يشق الراس ديروبالكم منها والله
عندكم هايدي ..
لكن مو حلوه هايدي السويسريه
اذا بتروحون روحو هايدي النمساويه
صج مافيها عرب لكن وربي جنها صصج واحلى
وهايدي السويسريه ولا شي عند النمساويه ..
فأذا بتروحون روحو لهايدي النمساويه

عندكم البحيره الزرقاء
وربي تصك على زلمسي
بس مو تطلبون بمطعهم اكل وايد حرااام
لو تطلبون سمج طبق واحد يكفي 6 والله
حنا طلبنا 6 اطباق وربي حرام
90 دينار على الفاضي راحو
الي انوكل طبق واحد لا ومو كله يمكن ثلاث لقمات

.. هذي الاماكن الحلوه بسويسرا

واخر دولة الي هي فرنسا
من سويسرا لي فرنسا
بسياره
والطريج حلو
شوفو فرنسا كطبيعه مو حلوه جنها طبيعه الوفره
والنفسيه هناك زفت .. عموما كل اوربا جذي نفسيتهم زفت ..
المهم رحنا لديزني لاند فرنسا
حلو وفيه عروض
لكن اللعبه عندكم دور نص ساعه
الاكل والاغراض غاليه
كملابس وجناط انصحكم بماليزا
اوربا مو مالت جناط وملابس
دخلنا سوق بفرنسا لقنا كله كويتيات
الله لا يوريكم
الملابس مفس ملابس الافنيوز بالضبط بس على اغلى

مانصحكم بالملابس هناك والله كلها موجوده بالكويت

ورحنا تمشينا بشارع الشانزليزي .. ورحنا بعد لاسواق بس مو ششي دور على الفاضي ..
رحنا متحف الشمع حلو بس مو احلى ممن مال لندن ..

رحنا برج ايفيل بس نصور ونشوفه ونشتري من عنده ذكرى ..

وبس اي سؤال من عيوؤني ^_^

 

[photoshopia]

اخر شي بذكر لكم السلبيات والاجابيات

..
الايجابيات
الطبيعه حلوه والاماكن حلوه ومريحه وريلاكس ..

السلبيات
انتو عليكم التنظيف بالفندق .. مافي خدمة الغرف
حمامات عليكم الغسيل .. وتلوع الجبد مافيها ماي حماماتهم ..
نفسيتهم زفت ..

 

[Om_Ksha]

^
^

بعد قلبي ماقصرتي عالمعلومات الطيبه ،، حسافه اولت العام رحنا النمسا بس ماسوينا كل هذا بس رحنل الزحلاقيه

وهالسنه اذا الله كتب علا سويسرا بس حسافه ماعلمتينا معلومات حلوه نفس النمسا مافيها نفس هالقلعه وجذي !

 

[photoshopia]

اوؤم كشه ..

اي والله
سويسرا مو نفس النمسا فرق
الي يبي يروحها حق طبيعه فقققط مانصحه بزحلاقيه ولا غيرها ..
كلش كلش تلقون بالجبال وجذي تحت العاب عاديه نفس الحديقه مالت البيوت العاديه ..
ماتوقع فيها نفس القلعة بس ببحث لج .. وبشوف الاماكن الحلوه الي فيها الي تصلح للكبار والي تصلح للصغار

 

[photoshopia]

نسيت اكتب لكم الشلالات الموجوده
من الروعه نسيتها هع ..
الي يبي يروح لها
يجيب جاكيت ولا تاخذون جهال تحت العشر سنيين
برد عليهم حيل
انا شكبري بردت وثلجت .. بس مو شرط الكل .. انا جسمي جذي براد وبسرعه يتاثر من الهوا

هذي الشلالات الحلوه الي بسويسرا
شلالات Giessbach
وتروميل باخ

الي جربتهم

اما الي بحثت عنهم :
Reichenbach falls
وستوباخ

 

[Om_Ksha]

بس الطريج للشلالات خطر او صعب !!!

ومكانهم في مرتفعات وجذي !

 

[فنيسيااا]

نسيت اكتب لكم الشلالات الموجوده
من الروعه نسيتها هع ..
الي يبي يروح لها
يجيب جاكيت ولا تاخذون جهال تحت العشر سنيين
برد عليهم حيل
انا شكبري بردت وثلجت .. بس مو شرط الكل .. انا جسمي جذي براد وبسرعه يتاثر من الهوا

هذي الشلالات الحلوه الي بسويسرا
شلالات Giessbach
وتروميل باخ

الي جربتهم

اما الي بحثت عنهم :
Reichenbach falls
وستوباخ

ابسال عن الثلج بانترلاكن يسوا والا لا

ودي اغير من سويسرا اروج هولندا:eh_s(4)::eh_s(4):

 

[زقرتية]

بنات وين بتروحون اب بازل وزلمسي وميونخ وميلانو ابي اماكن سياحيه وألعاب وسوقه المتكون الماركات نص السعراحس الفنادق الي حجزها مع السفريات مؤشي ودي اروح اخذ الفلوس ونغير الوجهه والا شايكم احس متوهقه مؤ عارفه شي اهناك

 

[زقرتية]

واحنا حازين قرب وقلت اذا ما عجبتني الرحلات ماني رائحه ويا اتهم.

 

[زقرتية]

أنتل اكن وبادن. بادن. أشوف وايد يمحوها وين ثائرين هذيله ونقدر نروحلها من المناطق الي حازين فيها. ادري يننتكم