""تجمــــع مسافراات أوربــــا 2012""

[متقهوية]

مرحبا صبايا

انا سجلت بسبب هالموضوع , مررره حبيت وقفتكم مع بعض و مساعدتكم لبعض ف اصغر التفاصيل


انا بسافر لاوروبا ف اخر جون و برجع بيوم 14 جولاي

اول مره اسافر لاوروبا و اول مره اسافر لحالي
,,

هالسفره انا اعتبرها مغامرة العمر بالنسبه لي
اني اقضي 20 يوم متنقله من فرنسا و ايطاليا و اسبانيا لحالي

استكشف فيها اوروبا و استكشف نفسي
بعيش حياة الرحاله

اشتريت تذاكر الطيران و حجزت الفنادق من الموقعين booking , agoda

ارائكم تهمني

حجز القطار لقيت فيه صعوبة لاني بستخدم القطار اربع مرات

من فرنسا ل نيس
من نيس ل ميلان
من ميلان لروما
من برشلونه لمدريد
ودي اشتري التذاكر من الحين عشان ارتاح

و لما احجز عن طريق النت يعطيني ثلاث خيارات
طباعه في المنزل
ارسالها بالبريد
طباعتها في المحطة

المشكله ان مو كل الرحلات تتوفر فيها كل هالخيارات

بعضها بس طباعه في المنزل و بعضها بس ارسال بالبريد

انا اخاف اخلي موضوع القطارات لاخر لحظه و تتخربط رحلتي لان المقاعد تكون محجوزة

و الطباعه في المنزل لازم ابدلها بتذاكر هناك بس مدري ابدلها قبل الرحله بفتره والا بنفس الوقت

 

[zain-bh]

صباح الخير

متقهويه اذا خايفه تخربطين خلي حجوزاتج من هناك بس حجزي قبل يومين من السفر للوجهه الأخرى

 

[رووح ابووها]

هلااا رووح

ياحياتي النيه موجووده


بس كل شوي طالع لزوجي شي ويتردد


ان شااءالله خييير


وانتي الله يتمم عليج وين ناااااويه ان شاااااءالله

:yaaaaaarb: خيره ان شاءالله

انا ان شاء الله بروح لميونخ وزلمسي وزيورخ احتمال وفنيسيا

 

[ام نورا1111]

بنات بليز ردوا
ابي مساعدتكم
يعني احد يعرف يسوي جدول
راح تكون الرحله فينا زلمسي مينوخ
بس ما حددت الايام لحد اللحين
وفينا تستحق الزياره ولا لأ

 

[متقهوية]

صباح الخير

متقهويه اذا خايفه تخربطين خلي حجوزاتج من هناك بس حجزي قبل يومين من السفر للوجهه الأخرى

يسعد صباحك

انا تقريبا ما راح اجلس بكل مدينه الا 3 او 2 او 4 ايام
اخاف يضيع شوي من وقتي وانا رايحه راده من محطات القطار

 

[عزاااه]

قوه شلونكم بنات

 

[BARBI]

مرحبا حبايبي ان شاء الله راح اكون معاكم بهالتجمع
تو ريلي اكدلي بالحجز ان شاء الله راح تكون رحلتنا ع طيران لوفتهانزا ع اول ايام العيد
المناطق اللي اخترتها واللي ساعدتني فيها اختي عزاااه هي بادن بادن وانترلاكن وزلمسي وميونخ
نفس الرحله بس انا ايام رحلتي اقل بقعد في بادن 4 ايام وانترلاكن6 ايام وزلمسي 6 ايام وميونخ 4

باجي احجز السياره واسوي الفيزا وتسوق لسفر


بس اللي بغيته منكم جدول سياحي واكون شاكره لكم *

 

[متقهوية]

الله يقويك عزااه بخير نحمدو كيفك انتي الله يقويك عزااه بخير نحمدو كيفك انتي

 

[عزاااه]

اب اب وينكم

 

[فنيسيااا]

جاري البحث عن فنااادق
بنات فنادق اللي عند دزني ارخاااااص

 

[BARBI]

فنيسيا متى سفرتج انتي

 

[عزاااه]

فنسيا انتي وين بتروحين بضبط بنات منو معاي طيارتي تاريخ ١٢/٥

 

[فنيسيااا]

انا ان شاء الله 28 جون على فرنسا وتالي سويسرا
اسعار فنادق الشانز حراااااااقه
في منطقه لو ديفنز يمدحونها بس بعيده
وفي منطقه برج ايفل هم ارخص
انترلاكن ناااار احنا بناخذ فيلا واسعارها بالاسبوع جريب 500 بالبيت النازل

 

[فنيسيااا]

بنات 100 يورو تساوي 38 دينار
يعني 1000 يورو جريب 500 دينار

 

[عزاااه]

اي بس ماجزتي مبجر فنسيا انا حاجز فندق ٣٣٣ اسبوع

 

[عزاااه]

اب اب

 

[عزاااه]

صباح الخير

 

[رووح ابووها]

مرحبا بنات


انا غيرت كذا منطقه بسفرتي ان شاءالله

وابي اعرف الجوو هناك ودرجات الحراره شهر 5 تاريخ 17

_ ميلان
_ فينيسيا
_ انترلاكن
_ زلمسي
_ ميونخ

 

[مريم ص]

السلام عليكم
اشلونكم حبايبي انا انشالله بروح بالصيف لمنطقة سيفيلد بالنمسا
هذي ثالث سنه نروحلها
اهي منطقة ريفية فوق الجبل قريبة من حدود المانيا بينا و بين قارمش 20 دقيقة
المنطقة حلوه و هادية و جوها بارد
انا بصراحة اروح مع ريلي و اعيالي و معانا عوائل من جماعتنا
السفرة عباره عن راحة و استجمام و جمعة وناسة
و احنا اناجر سيارات و ناخذ فره على المناطق اللي حوالينا و مرات نروح حق ايطاليا و سويسرا يعني انسوي برنامج و كل مره نروح مدينة ملاهي مثل يوروديزني و يوروب بارك و انشالله هالسنه بنروح حق فيرونا

انا مريت على مناطق وايد بالنمسا و المانيا و اذا بغيتوا اي سؤال انا حاظرة

 

[silver moon]

مريم ص
بسالج وانتي بجولتج باسواق ميونخ شنو احسن فندق بوسط السنتر اوقريب منه يكون لفت نظرج ك موقع و نظافة وخدمة
احترت بصراحة بين الميريديان وناس يقولون لا الهوليداي ان بعدين في ناس ذموا الهوليداي ان يقولون غرفه ضيقه
على فكرة احنا اربع أنــ ـƠ̴̴̴͡ـ̮Ơ̴̴͡ـآ وزوجي وولدي وبنتي (٤ و ٧ ) سنين
ومشكووووورة