..تجمــع كشخــة البــدويات بارمضــان والعيـد وتجهيــزااتهم..

[...الجوهرهـ...]

مساء الخيرات
انا وني طالعه من الاربعين وجهزت من السعوديه يعني مو حيل يبيلي لتجهيز حق رمضان
خشيلي كم دراعه ورحت لرمادا شريت دراعتين ووحده من الكادي لونها احمر ببيج
والثانيه من ام جراح الفضلي
واابي رقم الخياط اللي قلتيلي عنه واي قطعه
وشوي بنزل موديللاااات عندي بالجهاز

 

[Awtaar]

ونس

تلبسينهم بالعافيه حبيبتي

بجم خذيتي الميني دراعه؟؟ وممكن تصوريلنا؟؟
نشوفهم؟؟

ملبوس العافيه

انا عندي مناسبه قبل رمضان اذا حلوين ورخاص بروح اتعنالهم واشتري

 

[Awtaar]

الجوهره طالعه من الشر حياااتي

بنات اللي تبي شي فخم تروح عجبه وهوازن عندهم اشيا حلوه بس احسها غاليه

 

[...الجوهرهـ...]

 

[...الجوهرهـ...]

 

[كسرت عوود]

انا من فتره كنت بأتيليه ساش شروق سالمين وكانوا منزلين دراعات وبلايز كشخه للعيد فناتق وحركات

خذيتلي جم وحده

روحي وشوفي مو خسرانه مكانهم بشارع البلاجات قبال مطعم الصنووبر

 

[om-s3oodi]

آنا عن نفسي طلبت لي بدلتين من سو ستايل .. يهبلوون .. الحمدلله

و بفتر هالجم يوم .. أبي لي بعد جم بدلة ..

العيد .. ناطرة هبة .. أتنزل كولكشن يديد .. وقالت في رمضان .. بيكون للعيد .. وبنجوف ..

بسس:eh_s(17):

 

[!الجادل الصعب!]

وآلله يآقلبي سويت نفسي سنعه وجيده وسويت ثلآث بدل من كم شهر تصميم من عندي لآني آحب آخيط شي مميز ..,
قلت آخليها للرمضآن ومنآسبآته ومآكان نآقصني الا كم درآعه ..!
الي صآر اني حملت .. والبدل مآ تصلح لي حآليآ لآن برمضآن بحيل الله بكون بـ السآبع ..!
وبخليهآ لطلآعتي بس المشكله الحين توهقت ومآلي خلق آفتر عـ الدرآريع رحت مشغلين مآسآآآآه ..!
وآبي بدله تصلح للحوآمل بالعيد ونشوف شنو يطلع معنآ ..!

 

[كويتية222]

عليكم بالعافية

لكن

الاهم تزهبون الاستعداد المضاعف من الاكثاار من الطاعات لاحقين خير على اللبس

 

[!الجادل الصعب!]

 

[!الجادل الصعب!]

 

[دار الجوهره]

الجادل حبيبتى روحى دار الصالحيه انا عارضه عندهم عبايات ووحده عارضه معاى دراريع قصات واسعه واشوالات يمكن يعجبونج

 

[بحر الذكريات]

بحــر..الحمدالله يعني خلصتي الشي المهم.. شون صايره موديلاتج دراعه ولا نظام بدله..

مالات رمضان دراريع ومالة العيد جايه على شكل بدله خليتها ستريتش من غير اكمام وفوقها شال وسديري من خام جاكار مشكل ثلاث الوان حطيت واللون الغالب الاخضر الفسفوري ويارب يضبطها الخياط

 

[أم فهووود]

متى معرض دار الصالحيه

 

[Awtaar]

عطونا تفاصيل اكثر عن معرض الصالحيه

 

[الكويت غالية]

امبيه بنات اليوم رحت مشغلين وياليتني ماتعنيت ولا رحت
الاول بعبدالله المبارك ماقول مو حلو لان يمكن اللي مايعجبني يعجب غيري
بس كللللللللللش مو ذوقي والاسعار اللهم ياكافي
اما اللي صج كليت فيه مقلب وحسافة الطريج اللي طقيته للصباحية
ويع ويع ويـــــــــــــــــــــــــــــــــــع
اول شي زززززززحمة نص الحريم واقفين بالحوش في هالغبار
ثاني شي اقسم بالله لويقولون لي البدلة على دينار ما خذيتها
لووووووووعة والخام عزكم الله زبالة واسعارهم لاتعليق
يعني هاليوم راح عالفاضي
وباجر بكمل جولتي على المشاغل اذني القى شي يبرد القلب
وان مالقيت عندي جم موديل بختار منهم واحد وبسويه للعيد ابرك
واللي تعرف مشاغل تستاهل العنوة تسدحهم هننننننني

 

[بنات احلى الناس]

اختى نجلا وين المحل اللى بالرياض بااى مجمع . والمصممه الكويتيه عذارى شنو ؟

 

[اميره الوردى]

لايوقفف يابنااااات

 

[$حبيبة عبودي$]

حبيبتي سويته عند وحده بصباح الناصر بس ماطلعته للحين بشوفه ذا طلعت زينه اقولكم
انتظروني ولا احتروني احسن هههههه اااااب لايوقف الموضوع ..

 

[Ω̶̣̣̥̇̊мδδηƕ]

حياااكم حبايبي بمعرض الهيلتون قاعة الدره بتاريخ 24/7
مشغل (Be-Glamour) شغلي مميز وراقي
وناطره ارائكم بعد المعرض