تجمــع اوربيـــات ( 2013) حياكـــم الله

[noor12002]

بنات انا بسوي فيزا لفرنسا والمكتب قالنا يطلع للكبار بخمسين والصغار باربعين وفي مكاتب قالولنا بسبعين للفرد وانا صراحة ما عرف طريقة الفيزا وزجي ماله خلق فرارة
شلون اسوي الفيزا بالسفرة بدون مكتب
الي تعرف تفيدني

 

[driver]

شكرا أختي هدوء العالم حجزنا تاريخ 16-8 ع الكويتيه 410 والصغار ب335
طبعا أول مره أسافر ع الكويتيه غير العمره وماكنت أبيها بس مالقينا غيره وزوجي مايبي ترانزيت.. ممل حيييييل
ع القطريه نطول بمطار الدوحه
الوصول جنيف وراح نمر ديفون وآخر شي باريس

بس الكويتية ماكو دايركت لجنيف

جنه لازم ترانزيت فرانكفورت

تأكدي من التذكرة ترا مايبينونها وقت الحجز

 

[fri2010]

سويت ليدي
اشلون اعرفوا أن تداكركم وهمية !؟

 

[q8helwa]

ياحلى اوربا


بنات ابي اسافر ورا العيد ابي دوله نفس النمسا وسويسرا

شنو

 

[أم وصايف]

المانيا فيها طبيعه حلو وهو وأماكن وايد نفس النمسا وسويسرا وعندج التشيك حلوه

 

[نـعـومـه]

بنات شلون الجو بنص 10 بأوربا ؟؟؟ هل برد برد اللي ايبس ايدج وملل وكلشي مسكر ولا وناسه ؟؟؟

رشحولي دوله بهالشهر

 

[أمانيQ8]

بنات انا بسوي فيزا لفرنسا والمكتب قالنا يطلع للكبار بخمسين والصغار باربعين وفي مكاتب قالولنا بسبعين للفرد وانا صراحة ما عرف طريقة الفيزا وزجي ماله خلق فرارة
شلون اسوي الفيزا بالسفرة بدون مكتب
الي تعرف تفيدني

ليش هالاسعار؟؟؟

احنا عن طريق مكتب يعني جهز لنا الاوراق وتالي رحنا السفاره
سوا الفيزا لنا الكبار ب22دينار ونص
واليهال اقل!!

 

[fri2010]

بنات صج الفيزا شينغن السفرة فيها حق مرة وحدة بس خاصة اذا كانت عن طريق السفارة الفرنسية

 

[sweet lady]

الحمدلله قدمت مره ثانيه و طلعت ثاني يوم طبعا عن طريق مكتب ياخذ 30 دينار و السفاره تاخذ 31 و 800 فلس بس لازم بالكي نت ما ياخذون كاش
اول مره قدمت انرفضت لان الحجوزات وهميه من المكتب طبعا يحطون تذاكر وفندق بس اسم بالسستم يعني مو اصليه و طريقة السفاره يجيكون مع الفنادق اذا الحجز موجود ولا لا وارفضونا قالوا حجوزاتكم مو اوكي طبعا حجزنا الفندق وحجزنا التذاكر احنا بنطلع من لندن ونرجع لندن مره ثانيه
و دينا كل شي حتى حجوزات لندن عشان ماعندهم عذر المكتب يسوي التامين وبعبي الابلكيشن ويحط لنا مواعيد لاااازم موعد بطون موعد ما يستقبلون

 

[fri2010]

هذا اللي صار معانا
بس بغيت اسأل صج فيز الشينغن وخاصة الفرنسية
ما يصير تسافرين فيها الا مرة وحدة بس!؟

 

[fri2010]

بنات بالنسبة لماركة ميك اب فور ايفر و ين احصلها بفرنسا!؟

وبالنسبة لفيكتوريا سيكرت مو بس عطور حتى البجايم والجواتي وانتو بكرامة وين القاها بفرنسا؟

 

[fat]

السلام عليكم بنات شلونكم مبارك عليكم الشهر

ان شاءالله ناويه اروح بروكسل بقعد فيها 6 ايام

ستراسبورغ 5 ايام

ميونيخ 6 ايام منو عندها معلومات عن هدول


ابي احسن الاماكن السياحيه

افضل المجمعات

وافضل المطاعم

 

[law love]

بروكسل 6 ايام وااااااااايد ما تسوىكافي عليها يومين او 3

 

[fri2010]

بنات ماركة la mer وين احصلها بباريس !؟

 

[frawlh]

مسائكم أوربي
رحلتي ان شاء الله ثاني العيد
25 يوم

3 ميلان
2 كومو
3 لوقانو
3 انترلاكن
2 زيورخ
3 رست
3 فرانكفورت
3 بروكسل
3 امستردام

حجزت بس فندق ميلان
brunelleschi hotel

عشان اكون حره بتغيير السكن بعدين

ممكن احد يفيدني التنقلات بينهم تنصحوني بالسياره والا القطار

وشاكره لكم مقدما

 

[سعوديهـ ذوق]

صباحكم سعادة ورضا ..

صبايا الله يرضى عليكم عندي سؤال .. بخصوص باريس ..

وش نوع الملابس اللي البسها نص شهر أبريل ١٠ او ١٥ ؟

معتدل والا بارد ؟ وهل فيه امطار في هالوقت ؟

يعني هالفترة تُعتبر شتاء والا ربيع يعني فيه خضار ..

 

[frawlh]

صباحكم سعادة ورضا ..

صبايا الله يرضى عليكم عندي سؤال .. بخصوص باريس ..

وش نوع الملابس اللي البسها نص شهر أبريل 10 او 15 ؟

معتدل والا بارد ؟ وهل فيه امطار في هالوقت ؟

يعني هالفترة تُعتبر شتاء والا ربيع يعني فيه خضار ..

مساء الحلا
تقصدين ابريل 2014 صح ؟؟

شهر اربعه الجو معتدل مايل للبروده
والمظله والجاكيت ستاند باي

 

[M&&m]

بنات بسالكم عن فنادق
انترلاكن اشرايكم بفندق
بيليفيوو منو جربه؟؟

 

[queen-amoon]

بنات بسالكم عن الفيزا
بجم يوم تخلص لان سمعت ان عليهم ضغط ابي احسن سفاره حق اوربا
واخلص مبجررر

دعواتكمم

 

[M&&m]

بنات بسالكم عن الفيزا
بجم يوم تخلص لان سمعت ان عليهم ضغط ابي احسن سفاره حق اوربا
واخلص مبجررر

دعواتكمم

انتي متى سفرتج؟؟
روحي مكتب القبس يخلصها لج