تجمــع المتأخـرات بالحمـل بسبب الــزوج حيــاكم

[شاي ونعناع]

الله يرزق كل محروم قولو امينننننن

 

[شاي ونعناع]

كلمه مافي امل شيلللوها من بالكم كل شي بيد رب العالمين الدكاتره مو كل شي بيدهم احيانا مايعرفون العله والشفا بيد رب العباد ذكرتيني بقصه بقولها لج بإختصار في وااحد تزوج سنه تقريبا ٤٠ قالوله مافي امل تجيب عيال سواا المستحييل عشان يجيب عيال بعدين خلاص ترك االامر حق ربه تدرين بعدها زوجته حملت وجابت ٦ صبيان وراح حق الدكتور اللي قاله مافي امل قاله دكتور انا فلان تذكرني لللي قلتي مافي امل بالذريه الحين عندي ٦ وحبطتني وقلت لي مافي امل عيل هذول شلون جبتهم وتقول مافيك عيال نصدم بالنهايه نقول مافي شي بعيد علي رب العالمين كن فيكون مو علي بشر يحكم علينا مافي امل الله يرزق كل محروووم*

 

[الاهله]

شاي ونعناع قصتج حلوة تعطي امل

بس كيف جاب ال6 انابيب

طيب هم يقولون مافي امل لاواحد ولا اثنين كلهم يقولون مافي امل

 

[الاهله]

بنات سؤال اذا زوجك قال خلاص انا بتركك شوفي حياتك انتى منظلمه وياي وش تسويييييييييين وش تقولون

 

[سمسومه الحبوبه]

بعد عمري الأهله ضيقتي صدري
شوفي اذا حالته صعبه شاوري احد من العايله كبير وفاهم وعاقل ابوك امك اخوك
هذا الموضوع صعب مو بسهوله انتي تقررين او بسرعه
الله يعينك ويعينه شي موسهل والله
الله يرزقكم ولايفرق بينكم

 

[الاهله]

سمسومه ياعمري انتى

المشكله انا مو صغيره عمري 33 الان

ابوي ماعنده الا كلمه الصبر زين

 

[سمسومه الحبوبه]

اكيد ياعيوني الصبر زين
بس قوليله العمر يركض والمراه كلما كبرت كلما قلة نسبه الحمل والعلاج
والرجال مكن بأي عمر ينجب بأذن رب العالمين
بسألك وشحالة زوجك

 

[ضحاوي الحلوه]

يا حياتي الاهله الله يريحج ويرزقج ويرزقني وكل خووواتي يااارب ويفرحنا قرررررريب ان شاءالله

 

[ضحاوي الحلوه]

اختي رمز الموده اشصار معاكم ؟؟
وشلون الدكتور اللي جا زيااره ؟؟؟

 

[رهووومه]

بنسبه للي عند ازواجهم الحيوانات المنويه صفر انه مره شفت بال ام بي سي برنامج عند دكتور بالاردن مكتشف حل عن طريق زرع خلايا بالخصيه وبعدها يصير الوضع طبيعي وانه حل المشكله حق كذا شخص عندهم المشكله ..

بحثو بالانترنت وشوفو اشلون الطريقه

 

[رهووومه]

بنات سؤال اذا زوجك قال خلاص انا بتركك شوفي حياتك انتى منظلمه وياي وش تسويييييييييين وش تقولون

عني انا ما اتركه لانه ماتخيل اني اعيش من غيره ولا مع غيره بعد..
و اشضمنج انه بعد ماراح تتركينه ببتزوجين و اذا تزوجتي اشضمنج شنو يطلع ثاني شي هالشي موبيده ..

 

[خــلــود]

بنات الكويت انا حابه اطلب ادويه من مواقع النت مثل البروكسيد بلس والاستيل ال كارنتين بالنت رخيصه مقارنه بالسوق
فالسعوديه الطلب ممنوع فياليت الي تعرف تطلب لي وانا احولها المبلغ

 

[حلمي الأمومة]

بنات لاتفقدون الامل وخلكم قويات

والحمدلله والشكر على ماقدرة ربي لنا

انصحكم ونفسي بقيام الليل لاتستهينون فيه ترااااه شفاء للامراض والدعوه بالثلث الاخير من الليل مستجابه بس المهم الاخلاص

والاستمرار بالطاعه وان اكلنا وشربنا وفلوسنا حلال شرط مهم لاجابه الدعوه



انا بصراحة عندي ظروف غير العقم عند زوجي بس ما ادري احس بيجي يوم بتنفتح لي ابواب الخير واملي بربي كبير سبحانه بتنحل كل المشاكل بس لاااااااااااازم استمر بالطاعه مشكلتي تجيني حالات فتووور بالطاعه

 

[حلمي الأمومة]

بنات برنامج ديني استمري عليه وبتلقين كل خير

الصلاه بوقتها والاهتمام بالسنن الرواتب بعد كل صلاه

الاستغفار اقل شي 100 مرة باليوم

سبحان الله الحمدلله لا اله الا الله الله اكبر لاحول ولا قوة الا بالله حسبي الله ونعم الوكيل
اللهم صلي وسلم وبارك على محمد

هالذكر دايما ردديه بالعدد الي تقدرين عليه حتى وانتي قاعده على النت ترا ماياخذ منج شي


الرقيه الشرعيه وتنفثين بايدينج وتمسحين على جسمج كله وتنفثين بماااي وتشربيه وترشين بيتج وغرفه نومج وهم زوجج يشرب من القرايه

وايضا اقري بزيت زيتون ومسحي اسفل البطن والظهر وايضا زوجج


الي تقدر تقرا البقرة مرة كل ثلاث ايام او يوميا او تقسمينها على ثلاث ايام


قيام الليل والدعاء مع الخشوع لله عزوجل



الصدقه اليوميه حطي حصاااله او صندوق صغير وتصدقي كل يوووم باي مبلغ لو ربع دينار او ميه فلس وبنهايه الاسبوع يوم الجمعه تصدقي فيها على اي محتاج قدامجج الهنود ترس الشوارع مسااااكين



ترا سهل هالبرنامج الديني ولا تضغطين على نفسج وتحسين انه شي وبتخلصينه بعدين تمليين بالعكس خليه روتين حيااااتج وان شاء الله بتوصلين لرضا الله واذا ربي رضا عنج ابشرررررررررررري بالخير كله

 

[سمسومه الحبوبه]

مشكوره حلمي
فعلا الطاعه تشرح الصدر زلام نلجأ لرب العالمين لأن الرزق بيده سبحانه وهو المطي الشافي المعافي

 

[bint_looda]

الله المستعان

 

[تعبت ياذالصباح]

بنات الله يرزقكم بالذريه الصالحه يارب
شوفوا هالرابط ان شاءالله ينفعكم
قولوا ماشاءالله
http://www.*********.com/vb/t172565.html

 

[فيونكا 2010]

قوه بنات

حبيت اشاركم انا زوجي عنده العدد قليل ومافي تحسن والحمدلله

ومحتارين بين اكثر من دكتور حبيت تعطوني رايكم ونصيحتكم منصور العرف والا خالد حموده

للعلم متزوجه من ٣ سنين

الله يرزقنا الذريه الصالحه انا واخواتي جميعا ي رب

امين

 

[أمل الحب]

السلام عليكم ورحمة الله وبركاته
اخواتي حبيت اشارككم تجمعكم بعد ماقريت معاناتكم واحسست فيها لاني مثلكم
انا لي عشر سنوات زواج والحمدالله على كل حال زوجي الحيوانات المنويه صفر عمل عمليه تفتيش عند مدحت عامر وكانت النتيجه للاسف الشديد خلايا سيروتلي سيلز يارب رحمتك ولم افقد الامل الى الآن حابه اتعرف عليكم واعرف اذا فيه علاج او احد منكم زوجها نفس حالة زوجي وتعالج ورزقهم ربي والامل بالله سبحانه وتعالى ..
ومارأيكم بالدكتور فاطمي ؟هل يصف علاجات قبل عملية التفتيش او على حسب الهرمونات يصف العلاج ..
اسفه طولت عليكم وعسى ربي مايحرمكم اجر صبركم ويعوضكم بكل مافيه خير
استغفر الله الذي لا اله الا هو الحي القيوم واتوب اليه

 

[سمسومه الحبوبه]

هلا والله حيالله فيونكا وامل الحب
ان شاءالله تستفيدون من التجمع ونستفيد من تجاربكم
ويرزقنا وإياكم عاجلا غير اجل

معلومه حبايبي اليوم كان عندي موعد وقالتلي الدكتوره
اذا حابه تشاركين في بحث بيسوبه المستشفى
فكرة البحث ان فيه دراسه تقول اغلب الأزواج اللي عندهم نقص في فيتامين دال يتأخرون في الإنجاب
وانا عندي نقص فنصحتني أتعرض للشمس اقل شي مرتين بالأسبوع واكثر من الأسماك والبقول وزيت كبد الحوت
والحبوب

معلومه ثانيه يوم الأحد كنت أطالع برنامج للدكتور جابر القحطاني طبعا برفسور في طب الأعشاب والعقاقير
المهم كان يتكلم عن العسل
يقول عندما يمزج العسل بأي شي ويحفظ يفسد العسل وتذهب فوائده
الطريقه الصحيحه العسل يحفظ لوحده اي ماده اخرى نرغب بخلطها معه نأخذ الكميه المطلوبه من العسل ونخلطها وتأكل فورا وباقي العسل يحفظ

الله يجعلها سبب مبارك لنا